Luka 2
2
Dingol Yeesu
(Matiye 1:18-25)
1Der wakkati mum, Agusutu laamiiɗo wi'i himɓe jeyde leydi mum fu limee. 2Limgal artirgal ŋal waɗay maa der wakkati Kiriniyusu laamanii leydi Siriya. 3Himɓe yahi gam limee, moy fu der genni to jeyaa.
4Yusufu bo ummii diga Nasaratu der leydi Galili, yahi Baytilaama der leydi Yahudiya, der genni Dawda laamiiɗo, gam der wuro Dawda e lenyol muuɗum nun o jeyaa. 5O yaadi e Mariyama mo o ɗaɓɓi gam ɓe limee ton. Mariyama on e woodi reedu. 6No ɓe jottii ton, wakkati dingol Mariyama yottii. 7O rimi suka gorko, afo makko. O hoomi mo wudere, o fukkini dow fuɗo ko baali nyaamata, gam ɓe keɓay jayri der werdude hoɓɓe.
Malaykaajo hollitanake durooɓe der ladde
8Foti der leydi nin, durooɓe gom na'onno ɗon, e reeni baali mum jemma der ladde. 9Malaykaajo Joomiraawo hollitanii ɓe, tedduŋal Joomiraawo yayni filfitini ɓe, go kulol manŋol nanŋi ɓe. 10Malaykaajo on wi'i ɓe: «To on kulee, gam mi waddanii on habaru belɗo, kokkoowo himɓe fu seyo manŋo. 11Hanne on dimanaama Kisinoowo der genni Dawda. Kanko woni *Almasiihu Joomiraawo. 12Maane ne annitirton mo woni: On tawan sukayel keccel e hooma wudere, e fukkinaa dow fuɗo ko baali nyaamata.» 13Ɗon maa ɗon, malaykaaɓe konunkeeɓe dow kammu ɗuuɓɓe suppitoy, wari hawti e malaykaajo on, ɓee jetta Alla ɓee bi'a:
14«Tedduŋal wonanii Alla mo dow,
jam wonanoo himɓe ɓe o yiɗi dow leydi.»
Durooɓe yahii Baytilaama
15No malaykaaɓe acci ɓe, witti dow, go durooɓe ɓen batontiri hakkune mum wi'i: «En jahu Baytilaama daaren ko waɗi, ko Joomiraawo annini en.» 16Ɓe jawɗii ɓe jahi ton, no ɓe jottii, ɓe tawi ton Mariyama e Yusufu, suka on bo e fukkinaa dow fuɗo ko baali nyaamata. 17No ɓe ji'i suka on, ɓe bati ka malaykaajo batunoo ɓe dow makko. 18Haaynaare nanŋi nanuɓe haala ka durooɓe ɓen bati fu. 19Mariyama e jogoo ka nani fu der ɓerne mum, e miijoo ka. 20Go durooɓe ɓen hogitii witti. Ɓee teddina Alla, ɓee maanta mo gam ko ɓe nani e ko ɓe ji'i deydey hande no malaykaajo batirnoo ɓe.
Yeesu hokkaama inne
21No balɗe jeetati waɗi, suka on juulnaa, hokkaa inne Yeesu. Inne nen nun malaykaajo wi'uno o hokkee diga reedu makko heɓaakano.
Yeesu yaaraama der suudu Alla
22No nyalaane laaɓineego maɓɓe yottii, hande no winniraa der *tawreeta Muusa, saareeji makko etti mo yaari *Urusaliima gam ɓe kollaa mo Joomiraawo, 23gam non Joomiraawo wi'i der tawreeta: «Suka gorko afo fu, laatanto nun Joomiraawo#2:23 Wurtaago 13:2, 12, 15..» 24Ɓe jahii bo sakkanoygo Alla pooli ɗiɗi, e tantabaraaji petti ɗiɗi, hande no *tawreeta Joomiraawo batiri.#2:24 Sariyaaji juulde 12:8.
25Gorko gom e tawano *Urusaliima, inne makko nun Simeyon. O laati nun gorko poonnitiiɗo, kulɗo Alla. Oo hettiniino garoowo moyta gonɗi Isira'iilaaɓe. Ruuhu Ceniiɗo e wondi e makko. 26Ruuhu Ceniiɗo holli mo o maayataa to o yi'ay *Almasiihu mo Joomiraawo suɓi. 27Ruuhu yaari mo suudu Alla. Foti den saareeji Yeesu yaarii mo ton gam ɓe gaɗanaa mo ko tawreeta wi'i waɗee. 28Go Simeyon jaɓi mo e juuɗe mum, maanti Alla wi'i:
29«Joomiraawo, jooni, accu maccuɗo maaɗa maaya e jam hande no batirɗaa.
30Gam mi yi'ii kisidam maa e gite am,
31ɗam ciriyaniɗaa himɓe duuniyaaru fu.
32Kanjam laatii jayŋol jaynanoowol himɓe ɓe lenyi janani. Ɗam teddinan bo himɓe maa Isira'iilaaɓe.»
Annabaaku Simeyon
33Haaynaare waɗii baaba e inna Yeesu gam bateteeka dow makko. 34Go Simeyon barkiɗini ɓe, bati Mariyama inna suka on wi'i: «Suka oo suɓa nun gam doƴƴa Isira'iilaaɓe ɗuuɓɓe, o ummina bo ɗuuɓɓe, o laatoto maane ne himɓe jaɓataa. 35O sumpitan miilooji himɓe cuuɗiiɗi. An bo biisere ɓerne yuwete hande kaafahi.»
Haana *annabiijo debbo
36*Annabiijo debbo gom bi'eteeɗo Haana e tawaa ɗon, o laati nun ɓii Fanuyel, mo lenyol Aser. O naywii sanne. Der gataanaaku makko o ɓaŋaanomaa o jooɗodii e gorko makko duuɓi jeeɗiɗi. 37Go goriiko maayi, o jooɗi o hoowaaka faa o waɗi duuɓi lasooji naay e naay (84). O wurtataako diga e suudu Alla. Ɗon o woni oo sujidana Alla jemma e nyalooma, oo suumoo, oo du'oo. 38Wakkati mum, o wurtoy o wari oo maanta Alla, o bata heɗiiɓe Alla faaboo *Urusaliima haala suka on.
Wittugo faa Nasaratu
39No Yusufu e Mariyama waɗi ko tawreeta Joomiraawo wi'i fu, ɓe bitti siire maɓɓe Nasaratu, der leydi Galili. 40Go suka on e mawna e semmiɗa, oo hebbi hakkillo. Moƴƴere Alla bo e woni dow makko.
Yeesu yahii suudu Alla wakkati o woodi duuɓi sappo e ɗiɗi
41Der duuɓol fu, saareeji Yeesu e yaha *Urusaliima gam nyaamoygo juulɗe *Paska. 42No Yeesu waɗi duuɓi sappo e ɗiɗi, saareeji makko yaari mo *Urusaliima hande no ɓe boowi waɗugo der tawaaŋal juulɗe ɗen. 43No ɓe keennyi juulɗe ɓee koota, Yeesu jooɗii *Urusaliima, saareeji makko annaa. 44Ɓee miili o tawa nun der ukkere yaadiiɓe maɓɓe, den ɓe jahi jahaaŋal nyalaane woore, go ɓe jahi to himɓe maɓɓe e banniraaɓe maɓɓe, ɓee daarta mo. 45Amma ɓe ji'ay mo, go ɓe bitti *Urusaliima ɓee daarta mo. 46Ɓaawo balɗe tati, ɓe tawi mo der suudu Alla oo jooɗii hakkune moodiɓɓe tawreeta. Oo hettinii ka ɓe batata, oo ƴama ɓe ƴanɗe. 47Hettinaniiɓe mo fu haaynaare nanŋi ɓe, gam annal makko, e toonti makko. 48No ɓe ji'i mo, ɗum haaynii ɓe, go inniiko wi'i mo: «Ɓiyam, gam ume gaɗanɗaa men non non? A yi'ay no min e baaba maa fu emen daartee, faa ɓerɗe amen biisii na?» 49O toontii ɓe o wi'i: «Ume daartirton am? On annaa no haanu nun mi hiinnoo golle baaba am na?» 50Amma ɓe paamay haala ka o bati ɓe. 51O hootidi e maɓɓe faa Nasaratu, oo ɗowtanii ɓe. Inniiko e jogoo kujje ɗen fu der ɓerne mum. 52Go Yeesu e mawna, faamu makko e ɓeydoo, oo fottani Alla e himɓe.
Iliyochaguliwa sasa
Luka 2: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 2
2
Dingol Yeesu
(Matiye 1:18-25)
1Der wakkati mum, Agusutu laamiiɗo wi'i himɓe jeyde leydi mum fu limee. 2Limgal artirgal ŋal waɗay maa der wakkati Kiriniyusu laamanii leydi Siriya. 3Himɓe yahi gam limee, moy fu der genni to jeyaa.
4Yusufu bo ummii diga Nasaratu der leydi Galili, yahi Baytilaama der leydi Yahudiya, der genni Dawda laamiiɗo, gam der wuro Dawda e lenyol muuɗum nun o jeyaa. 5O yaadi e Mariyama mo o ɗaɓɓi gam ɓe limee ton. Mariyama on e woodi reedu. 6No ɓe jottii ton, wakkati dingol Mariyama yottii. 7O rimi suka gorko, afo makko. O hoomi mo wudere, o fukkini dow fuɗo ko baali nyaamata, gam ɓe keɓay jayri der werdude hoɓɓe.
Malaykaajo hollitanake durooɓe der ladde
8Foti der leydi nin, durooɓe gom na'onno ɗon, e reeni baali mum jemma der ladde. 9Malaykaajo Joomiraawo hollitanii ɓe, tedduŋal Joomiraawo yayni filfitini ɓe, go kulol manŋol nanŋi ɓe. 10Malaykaajo on wi'i ɓe: «To on kulee, gam mi waddanii on habaru belɗo, kokkoowo himɓe fu seyo manŋo. 11Hanne on dimanaama Kisinoowo der genni Dawda. Kanko woni *Almasiihu Joomiraawo. 12Maane ne annitirton mo woni: On tawan sukayel keccel e hooma wudere, e fukkinaa dow fuɗo ko baali nyaamata.» 13Ɗon maa ɗon, malaykaaɓe konunkeeɓe dow kammu ɗuuɓɓe suppitoy, wari hawti e malaykaajo on, ɓee jetta Alla ɓee bi'a:
14«Tedduŋal wonanii Alla mo dow,
jam wonanoo himɓe ɓe o yiɗi dow leydi.»
Durooɓe yahii Baytilaama
15No malaykaaɓe acci ɓe, witti dow, go durooɓe ɓen batontiri hakkune mum wi'i: «En jahu Baytilaama daaren ko waɗi, ko Joomiraawo annini en.» 16Ɓe jawɗii ɓe jahi ton, no ɓe jottii, ɓe tawi ton Mariyama e Yusufu, suka on bo e fukkinaa dow fuɗo ko baali nyaamata. 17No ɓe ji'i suka on, ɓe bati ka malaykaajo batunoo ɓe dow makko. 18Haaynaare nanŋi nanuɓe haala ka durooɓe ɓen bati fu. 19Mariyama e jogoo ka nani fu der ɓerne mum, e miijoo ka. 20Go durooɓe ɓen hogitii witti. Ɓee teddina Alla, ɓee maanta mo gam ko ɓe nani e ko ɓe ji'i deydey hande no malaykaajo batirnoo ɓe.
Yeesu hokkaama inne
21No balɗe jeetati waɗi, suka on juulnaa, hokkaa inne Yeesu. Inne nen nun malaykaajo wi'uno o hokkee diga reedu makko heɓaakano.
Yeesu yaaraama der suudu Alla
22No nyalaane laaɓineego maɓɓe yottii, hande no winniraa der *tawreeta Muusa, saareeji makko etti mo yaari *Urusaliima gam ɓe kollaa mo Joomiraawo, 23gam non Joomiraawo wi'i der tawreeta: «Suka gorko afo fu, laatanto nun Joomiraawo#2:23 Wurtaago 13:2, 12, 15..» 24Ɓe jahii bo sakkanoygo Alla pooli ɗiɗi, e tantabaraaji petti ɗiɗi, hande no *tawreeta Joomiraawo batiri.#2:24 Sariyaaji juulde 12:8.
25Gorko gom e tawano *Urusaliima, inne makko nun Simeyon. O laati nun gorko poonnitiiɗo, kulɗo Alla. Oo hettiniino garoowo moyta gonɗi Isira'iilaaɓe. Ruuhu Ceniiɗo e wondi e makko. 26Ruuhu Ceniiɗo holli mo o maayataa to o yi'ay *Almasiihu mo Joomiraawo suɓi. 27Ruuhu yaari mo suudu Alla. Foti den saareeji Yeesu yaarii mo ton gam ɓe gaɗanaa mo ko tawreeta wi'i waɗee. 28Go Simeyon jaɓi mo e juuɗe mum, maanti Alla wi'i:
29«Joomiraawo, jooni, accu maccuɗo maaɗa maaya e jam hande no batirɗaa.
30Gam mi yi'ii kisidam maa e gite am,
31ɗam ciriyaniɗaa himɓe duuniyaaru fu.
32Kanjam laatii jayŋol jaynanoowol himɓe ɓe lenyi janani. Ɗam teddinan bo himɓe maa Isira'iilaaɓe.»
Annabaaku Simeyon
33Haaynaare waɗii baaba e inna Yeesu gam bateteeka dow makko. 34Go Simeyon barkiɗini ɓe, bati Mariyama inna suka on wi'i: «Suka oo suɓa nun gam doƴƴa Isira'iilaaɓe ɗuuɓɓe, o ummina bo ɗuuɓɓe, o laatoto maane ne himɓe jaɓataa. 35O sumpitan miilooji himɓe cuuɗiiɗi. An bo biisere ɓerne yuwete hande kaafahi.»
Haana *annabiijo debbo
36*Annabiijo debbo gom bi'eteeɗo Haana e tawaa ɗon, o laati nun ɓii Fanuyel, mo lenyol Aser. O naywii sanne. Der gataanaaku makko o ɓaŋaanomaa o jooɗodii e gorko makko duuɓi jeeɗiɗi. 37Go goriiko maayi, o jooɗi o hoowaaka faa o waɗi duuɓi lasooji naay e naay (84). O wurtataako diga e suudu Alla. Ɗon o woni oo sujidana Alla jemma e nyalooma, oo suumoo, oo du'oo. 38Wakkati mum, o wurtoy o wari oo maanta Alla, o bata heɗiiɓe Alla faaboo *Urusaliima haala suka on.
Wittugo faa Nasaratu
39No Yusufu e Mariyama waɗi ko tawreeta Joomiraawo wi'i fu, ɓe bitti siire maɓɓe Nasaratu, der leydi Galili. 40Go suka on e mawna e semmiɗa, oo hebbi hakkillo. Moƴƴere Alla bo e woni dow makko.
Yeesu yahii suudu Alla wakkati o woodi duuɓi sappo e ɗiɗi
41Der duuɓol fu, saareeji Yeesu e yaha *Urusaliima gam nyaamoygo juulɗe *Paska. 42No Yeesu waɗi duuɓi sappo e ɗiɗi, saareeji makko yaari mo *Urusaliima hande no ɓe boowi waɗugo der tawaaŋal juulɗe ɗen. 43No ɓe keennyi juulɗe ɓee koota, Yeesu jooɗii *Urusaliima, saareeji makko annaa. 44Ɓee miili o tawa nun der ukkere yaadiiɓe maɓɓe, den ɓe jahi jahaaŋal nyalaane woore, go ɓe jahi to himɓe maɓɓe e banniraaɓe maɓɓe, ɓee daarta mo. 45Amma ɓe ji'ay mo, go ɓe bitti *Urusaliima ɓee daarta mo. 46Ɓaawo balɗe tati, ɓe tawi mo der suudu Alla oo jooɗii hakkune moodiɓɓe tawreeta. Oo hettinii ka ɓe batata, oo ƴama ɓe ƴanɗe. 47Hettinaniiɓe mo fu haaynaare nanŋi ɓe, gam annal makko, e toonti makko. 48No ɓe ji'i mo, ɗum haaynii ɓe, go inniiko wi'i mo: «Ɓiyam, gam ume gaɗanɗaa men non non? A yi'ay no min e baaba maa fu emen daartee, faa ɓerɗe amen biisii na?» 49O toontii ɓe o wi'i: «Ume daartirton am? On annaa no haanu nun mi hiinnoo golle baaba am na?» 50Amma ɓe paamay haala ka o bati ɓe. 51O hootidi e maɓɓe faa Nasaratu, oo ɗowtanii ɓe. Inniiko e jogoo kujje ɗen fu der ɓerne mum. 52Go Yeesu e mawna, faamu makko e ɓeydoo, oo fottani Alla e himɓe.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.