Luka 1
1
Haala Puɗɗirka
1Teyofil tedduɗo, himɓe ɗuuɓɓe tinnake winni ko waɗi caka men, 2hande no yi'uɓe ɗum e gite mum diga fuɗɗoode batiri, kamɓe laatii yowanaaɓe haala kan. 3Go min bo, daartumi deydey ko waɗi diga fuɗɗoode, tawumi e haani mi winnane habaruuji ɗin e tokkontirki, 4gam heɓa annaa gooŋa janŋinol ŋol janŋinaɗaa.
Malaykaajo batanii dingol Yuhaana gaɗoowo batisi
5Wakkati Eroodu laatinoo laamiiɗo Yahudiya, *liimaamiijo gom bi'eteeɗo Jekariya e tawaa der waalde Abiya. Debbo makko e laatii mo lenyol Haruuna, inne makko Elisabeti. 6Ɓe fu ɗiɗo, ɓee laatii foonnitiiɓe yeeso Alla, ɓee tokki bo sariyaaji e umurooje Joomiraawo hande no haani. 7Amma ɓe keɓay ɓeyŋu, gam Elisabeti laati nun dimaro, ɓe fu ɗiɗo bo ɓe naywii.
8Nyalaane gom, Jekariya e waɗa gollal liimaamaaku mum yeeso Alla, gam nyanne mum, waalde makko nun haani waɗa ɗum. 9Dow laawol tawaaŋal *Liimaamiiɓe, kanko nun suɓaa e tete, gam o naata der suudu Alla Joomiraawo, o wuuɗa wardi. 10Jama'aare fu e du'oo yaasi wakkati o wuuɗata wardi ɗum. 11Go malaykaajo Joomiraawo suppitanii mo, darii wecco nyaamo wuuɗirde wardi. 12Kulol nanŋi Jekariya no yi'i mo, hakkillo mum jiɓii. 13Amma malaykaajo on bati mo wi'i: «Taa hulu Jekariya, du'aare maa jaɓaama, debbo maaɗa Elisabeti rimante suka gorko, kokkaa mo inne Yuhaana. 14A seyoto sanne, ɗuuɓɓe seyoto gam dingol makko. 15Gam o laatoto mawɗo yeeso Joomiraawo. O yarataa innabojam, o yarataa bo jaram jiiloojam. O hebban Ruuhu Ceniiɗo diga e reedu inniiko. 16O wittinaan ɓiɓɓe Isira'iila ɗuuɓɓe to Alla Joomiraawo maɓɓe. 17O yahan yeeso makko e ruuhu Eliya e baawɗe mum, gam o weldina baabiraaɓe e ɓiɓɓe mum, o wittinaan bo nanaruuɓe ɓe keɓa faamu foonnitiiɓe. O siriyanto Joomiraawo himɓe wonotooɓe gam mum.»
18Go Jekariya bati malaykaajo on wi'i: «Noy annitiranmi ɗum, gam mi naywii, debbo am bo duuɓi mum ɗuuɗi?» 19Malaykaajo on toontii mo wi'i: «Min woni Jibiriila, dariiɗo yeeso Alla. Mi lilaama gam mi bate habaru belɗo oo ɗo. 20Nani a laatoto muumo, a batataa faa wakkati majjum yotto, gam a hoolaaki haala ka bataami mi bate, kebbooha, to wakkati mum waɗi.» 21Wakkati mum himɓe e hettinii Jekariya, go haaynaare nanŋi ɓe gam oo ɓooya der suudu Alla. 22No o wurtoy, o tampi ko baddi ɓe, ɓe paami o yi'ii ko haaynii der suudu Alla. O ɓanti juunŋo o baddiri ɓe, o laatii muumo. 23No wakkati golle makko heennyi, o witti wuro makko. 24Ɓaawo balɗe ɗen, debbo makko Elisabeti heɓi reedu, o suuɗii lebbi joy, go oo wi'a: 25«Daaree ko Joomiraawo waɗanimmi, wakkati ɗum fotani mo o wurtinammi senteene yeeso himɓe.»
Malaykaajo waddanii Mariyama habaru dingol Yeesu
26No Elisabeti saawi, lewru mum jeegowaɓol, Alla lili Jibiriila der leydi Galili, der genni bi'eteeni Nasaratu. 27O lili mo to gatol gom ŋol annaa gorko, ɗaɓɓanaaŋol gorko bi'eteeɗo Yusufu, mo lenyol Dawda. Inne gatol ŋol nun Mariyama. 28Malaykaajo on naati, bati mo wi'i: «Mi sannii maa an gaɗanaaɗo moƴƴere, Joomiraawo e wondi e maa.» 29Mariyama nani sannoore nen, hakkillo mum jiɓii, go e ƴama hoore mum, ume nun maana sannoore nee ɗo? 30Malaykaajo on wi'i mo: «Taa hulu Mariyama, gam a heɓii moƴƴere yeeso Alla. 31A heɓan reedu, dimaa suka gorko, kokkaa mo inne Yeesu. 32O laatoto mawɗo, o noddete Ɓiɗɗo Alla Towuɗo. Alla Joomiraawo hokkan mo laamaare maama makko Dawda. 33O laamanto wuro Yaakuubu faa abada, laamaare makko heennyataa.» 34Mariyama toontii malaykaajo on wi'i: «Noy ɗum waɗortoo, gam mi annaa gorko?» 35Malaykaajo on toontii mo wi'i: «Ruuhu Ceniiɗo waran dow maa, baawɗe Alla Towuɗo suddete hande ɗoogi. Gam majjum ɓiɗɗo ceniiɗo mo dimoytaa noddete Ɓiɗɗo Alla. 36Nani Elisabeti banniraawo maa e woodi reedu der nayeraaku mum, lebbi makko jeego'o nun ɗo hanne. Wi'aanoma bo o dimaro nun, 37gam walaa ko Alla tampi.» 38Mariyama wi'i: «Nani, mi laati nun korɗo Joomiraawo, ɗum laatanoo am hande no bi'uɗaa.» Go malaykaajo on yawti acci mo.
Mariyama yahii sannoygo Elisabeti
39Der balɗe ɗen, Mariyama ummii yanti laawol e yawɗella, o yahi der genni ni baalle gom, der leydi Yahudiya. 40O naati der wuro Jekariya, o sanni Elisabeti. 41No Elisabeti nani sannoore Mariyama, suka gonuɗo der reedu mum dimmii, o hebbinaa Ruuhu Ceniiɗo. 42Go o bati e daane towne o wi'i: «A laati nun barkiɗinaaɗo caka rewɓe fu, suka tawaaɗo der reedu maa bo e laatii barkiɗinaaɗo. 43Moy laatiimi faa inna Joomiraawo am wari to am? 44Gam ɗon maa ɗon, no nanumi sannoore maa, suka tawaaɗo der reedu am dimmake gam sabbu seyo. 45A laatake barkiɗinaaɗo, gam a goonɗinii ka Joomiraawo wi'i bateɗaa waɗoto.»
Mariyama e maanta Alla
46Mariyama wi'i: «Ɓerne am e maanta Alla. 47Ɓerne am e seyorii Alla, Kisinoowo am. 48O daarii leesere korɗo makko, gam diga jooni himɓe jaamanuuji fu wi'an mii barkiɗinaaɗo, 49gam Alla mo baawɗe waɗanii am kujje mawɗe, inne makko e laatii Ceniine. 50Baadey fu, oo enɗoo hulooɓe mo. 51O hollitii baawɗe makko diga e juunŋo makko cemmiɗinŋo, o sankitii wooduɓe miilooji manŋu hoore der ɓerɗe muuɗum.
52O wurtiinii laamiiɓe diga e laamaare mum. O mawninii leesuɓe.
53O haarinii rafaaɓe e kujje booɗɗe, o riiwi joom jawdiiɓe ɓe jawti juuɗe baanji.
54O faabake ɓiɓɓe Isira'iila jaggiiɓe makko, gam o siwtorii enɗam makko.
55Hande no o bati baabiraaɓe meeɗen Iburaahiima e lenyol mum fu faa baadey.»
56Mariyama jooɗii to Elisabeti jaka lebbi tati, go o hooti wuro makko.
Dingol Yuhaana gaɗoowo batisi
57No nyalaane dingol Elisabeti yottii, o rimi suka gorko. 58Wondaaɓe makko, e banniraaɓe makko fu nani no Joomiraawo enɗake mo, ɓe ceyodii e makko. 59Nyalaane jeetatawre, ɓe gari juulnugo suka on, ɓee jiɗi hokkugo mo inne Jekariya hande inne baaba makko. 60Amma inna makko wi'i: «Aawo, o noddete nun Yuhaana.» 61Ɓe toontii mo ɓe bi'i: «Goɗɗo walaa noddeteeɗo iri inne nee ɗon der lenyol maa.» 62Go baabiiko ƴamaa e juuɗe, gam ɓe anna inne ne o yiɗi ɓiyiiko hokkee. 63O wi'i, o waddanee alluwal, no o waddanaa ŋal, o winni boliiɗe ɗee ɗo: «Yuhaana nun laatii inne makko.» Go ɓe fu, haaynaare nanŋi ɓe. 64Ɗon maa ɗon, hunnuko makko maɓɓitii, ɗenŋal makko tonŋitii, o yanti oo bata, oo yetta Alla. 65Kulol nanŋi himɓe weccoore nen fu. Go der leydi baalle Yahudiya fu, himɓe e batana haala majjum. 66Nanuɓe ka fu, watti ka der ɓerne mum e wi'a: «Ume nun suka oo laatoyto?» Gam juunŋo Joomiraawo e tawaa dow makko.
Jekariya e maanta Alla
67Go Jekariya baaba suka on hebbinaa Ruuhu Ceniiɗo, waɗi annabaaku wi'i:
68«Barke laatanii Alla Joomiraawo Isira'iila, gam o hiinnake himɓe makko, o hisinii ɓe.
69O waddanii en paabotooɗo mo semme diga der lenyol Dawda, jaggiiɗo makko.
70Hande no o batiri diga e kunnuɗe *annabiiɓe makko seniiɓe ɓe denno.
71O wi'i: "Paabotooɗo on hisinan en diga e juuɗe halluɓe, e wayɓe meeɗen."
72O hollii baabiraaɓe meeɗen enɗam makko, o siwtorii alkawal makko ceniiŋal,
73hande no o hunanii baaba meeɗen Iburaahiima,
74o wi'i: "O hisinan en diga e juuɗe wayɓe meeɗen, cujidanen mo kulol walaa.
75Gam laatoɗen seniiɓe e foonnitiiɓe yeeso makko, der wakkati guurnam men fu."»
76«An bo suka am, a noddete *annabiijo Alla mo dow, gam a ardoto, aa moƴƴinana Joomiraawo laabi.
77Bataa himɓe makko no o hisinan ɓe, to o yaafake hakkeeji maɓɓe.
78Gam daliila enɗam Alla meeɗen mawɗam, o lildanaan en jayŋol makko manŋol diga dow.
79Ŋol yaynana jooɗiiɓe der niwre e der ɗoogi maayde, ŋol yaara koyɗe meeɗen der laawol jam.»
80Go suka on e mawna hakkillo mum e ɓeydoo, go o yahi oo wonii der ladde yorne faa nyanne o holliti hoore makko himɓe Isira'iila.
Iliyochaguliwa sasa
Luka 1: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 1
1
Haala Puɗɗirka
1Teyofil tedduɗo, himɓe ɗuuɓɓe tinnake winni ko waɗi caka men, 2hande no yi'uɓe ɗum e gite mum diga fuɗɗoode batiri, kamɓe laatii yowanaaɓe haala kan. 3Go min bo, daartumi deydey ko waɗi diga fuɗɗoode, tawumi e haani mi winnane habaruuji ɗin e tokkontirki, 4gam heɓa annaa gooŋa janŋinol ŋol janŋinaɗaa.
Malaykaajo batanii dingol Yuhaana gaɗoowo batisi
5Wakkati Eroodu laatinoo laamiiɗo Yahudiya, *liimaamiijo gom bi'eteeɗo Jekariya e tawaa der waalde Abiya. Debbo makko e laatii mo lenyol Haruuna, inne makko Elisabeti. 6Ɓe fu ɗiɗo, ɓee laatii foonnitiiɓe yeeso Alla, ɓee tokki bo sariyaaji e umurooje Joomiraawo hande no haani. 7Amma ɓe keɓay ɓeyŋu, gam Elisabeti laati nun dimaro, ɓe fu ɗiɗo bo ɓe naywii.
8Nyalaane gom, Jekariya e waɗa gollal liimaamaaku mum yeeso Alla, gam nyanne mum, waalde makko nun haani waɗa ɗum. 9Dow laawol tawaaŋal *Liimaamiiɓe, kanko nun suɓaa e tete, gam o naata der suudu Alla Joomiraawo, o wuuɗa wardi. 10Jama'aare fu e du'oo yaasi wakkati o wuuɗata wardi ɗum. 11Go malaykaajo Joomiraawo suppitanii mo, darii wecco nyaamo wuuɗirde wardi. 12Kulol nanŋi Jekariya no yi'i mo, hakkillo mum jiɓii. 13Amma malaykaajo on bati mo wi'i: «Taa hulu Jekariya, du'aare maa jaɓaama, debbo maaɗa Elisabeti rimante suka gorko, kokkaa mo inne Yuhaana. 14A seyoto sanne, ɗuuɓɓe seyoto gam dingol makko. 15Gam o laatoto mawɗo yeeso Joomiraawo. O yarataa innabojam, o yarataa bo jaram jiiloojam. O hebban Ruuhu Ceniiɗo diga e reedu inniiko. 16O wittinaan ɓiɓɓe Isira'iila ɗuuɓɓe to Alla Joomiraawo maɓɓe. 17O yahan yeeso makko e ruuhu Eliya e baawɗe mum, gam o weldina baabiraaɓe e ɓiɓɓe mum, o wittinaan bo nanaruuɓe ɓe keɓa faamu foonnitiiɓe. O siriyanto Joomiraawo himɓe wonotooɓe gam mum.»
18Go Jekariya bati malaykaajo on wi'i: «Noy annitiranmi ɗum, gam mi naywii, debbo am bo duuɓi mum ɗuuɗi?» 19Malaykaajo on toontii mo wi'i: «Min woni Jibiriila, dariiɗo yeeso Alla. Mi lilaama gam mi bate habaru belɗo oo ɗo. 20Nani a laatoto muumo, a batataa faa wakkati majjum yotto, gam a hoolaaki haala ka bataami mi bate, kebbooha, to wakkati mum waɗi.» 21Wakkati mum himɓe e hettinii Jekariya, go haaynaare nanŋi ɓe gam oo ɓooya der suudu Alla. 22No o wurtoy, o tampi ko baddi ɓe, ɓe paami o yi'ii ko haaynii der suudu Alla. O ɓanti juunŋo o baddiri ɓe, o laatii muumo. 23No wakkati golle makko heennyi, o witti wuro makko. 24Ɓaawo balɗe ɗen, debbo makko Elisabeti heɓi reedu, o suuɗii lebbi joy, go oo wi'a: 25«Daaree ko Joomiraawo waɗanimmi, wakkati ɗum fotani mo o wurtinammi senteene yeeso himɓe.»
Malaykaajo waddanii Mariyama habaru dingol Yeesu
26No Elisabeti saawi, lewru mum jeegowaɓol, Alla lili Jibiriila der leydi Galili, der genni bi'eteeni Nasaratu. 27O lili mo to gatol gom ŋol annaa gorko, ɗaɓɓanaaŋol gorko bi'eteeɗo Yusufu, mo lenyol Dawda. Inne gatol ŋol nun Mariyama. 28Malaykaajo on naati, bati mo wi'i: «Mi sannii maa an gaɗanaaɗo moƴƴere, Joomiraawo e wondi e maa.» 29Mariyama nani sannoore nen, hakkillo mum jiɓii, go e ƴama hoore mum, ume nun maana sannoore nee ɗo? 30Malaykaajo on wi'i mo: «Taa hulu Mariyama, gam a heɓii moƴƴere yeeso Alla. 31A heɓan reedu, dimaa suka gorko, kokkaa mo inne Yeesu. 32O laatoto mawɗo, o noddete Ɓiɗɗo Alla Towuɗo. Alla Joomiraawo hokkan mo laamaare maama makko Dawda. 33O laamanto wuro Yaakuubu faa abada, laamaare makko heennyataa.» 34Mariyama toontii malaykaajo on wi'i: «Noy ɗum waɗortoo, gam mi annaa gorko?» 35Malaykaajo on toontii mo wi'i: «Ruuhu Ceniiɗo waran dow maa, baawɗe Alla Towuɗo suddete hande ɗoogi. Gam majjum ɓiɗɗo ceniiɗo mo dimoytaa noddete Ɓiɗɗo Alla. 36Nani Elisabeti banniraawo maa e woodi reedu der nayeraaku mum, lebbi makko jeego'o nun ɗo hanne. Wi'aanoma bo o dimaro nun, 37gam walaa ko Alla tampi.» 38Mariyama wi'i: «Nani, mi laati nun korɗo Joomiraawo, ɗum laatanoo am hande no bi'uɗaa.» Go malaykaajo on yawti acci mo.
Mariyama yahii sannoygo Elisabeti
39Der balɗe ɗen, Mariyama ummii yanti laawol e yawɗella, o yahi der genni ni baalle gom, der leydi Yahudiya. 40O naati der wuro Jekariya, o sanni Elisabeti. 41No Elisabeti nani sannoore Mariyama, suka gonuɗo der reedu mum dimmii, o hebbinaa Ruuhu Ceniiɗo. 42Go o bati e daane towne o wi'i: «A laati nun barkiɗinaaɗo caka rewɓe fu, suka tawaaɗo der reedu maa bo e laatii barkiɗinaaɗo. 43Moy laatiimi faa inna Joomiraawo am wari to am? 44Gam ɗon maa ɗon, no nanumi sannoore maa, suka tawaaɗo der reedu am dimmake gam sabbu seyo. 45A laatake barkiɗinaaɗo, gam a goonɗinii ka Joomiraawo wi'i bateɗaa waɗoto.»
Mariyama e maanta Alla
46Mariyama wi'i: «Ɓerne am e maanta Alla. 47Ɓerne am e seyorii Alla, Kisinoowo am. 48O daarii leesere korɗo makko, gam diga jooni himɓe jaamanuuji fu wi'an mii barkiɗinaaɗo, 49gam Alla mo baawɗe waɗanii am kujje mawɗe, inne makko e laatii Ceniine. 50Baadey fu, oo enɗoo hulooɓe mo. 51O hollitii baawɗe makko diga e juunŋo makko cemmiɗinŋo, o sankitii wooduɓe miilooji manŋu hoore der ɓerɗe muuɗum.
52O wurtiinii laamiiɓe diga e laamaare mum. O mawninii leesuɓe.
53O haarinii rafaaɓe e kujje booɗɗe, o riiwi joom jawdiiɓe ɓe jawti juuɗe baanji.
54O faabake ɓiɓɓe Isira'iila jaggiiɓe makko, gam o siwtorii enɗam makko.
55Hande no o bati baabiraaɓe meeɗen Iburaahiima e lenyol mum fu faa baadey.»
56Mariyama jooɗii to Elisabeti jaka lebbi tati, go o hooti wuro makko.
Dingol Yuhaana gaɗoowo batisi
57No nyalaane dingol Elisabeti yottii, o rimi suka gorko. 58Wondaaɓe makko, e banniraaɓe makko fu nani no Joomiraawo enɗake mo, ɓe ceyodii e makko. 59Nyalaane jeetatawre, ɓe gari juulnugo suka on, ɓee jiɗi hokkugo mo inne Jekariya hande inne baaba makko. 60Amma inna makko wi'i: «Aawo, o noddete nun Yuhaana.» 61Ɓe toontii mo ɓe bi'i: «Goɗɗo walaa noddeteeɗo iri inne nee ɗon der lenyol maa.» 62Go baabiiko ƴamaa e juuɗe, gam ɓe anna inne ne o yiɗi ɓiyiiko hokkee. 63O wi'i, o waddanee alluwal, no o waddanaa ŋal, o winni boliiɗe ɗee ɗo: «Yuhaana nun laatii inne makko.» Go ɓe fu, haaynaare nanŋi ɓe. 64Ɗon maa ɗon, hunnuko makko maɓɓitii, ɗenŋal makko tonŋitii, o yanti oo bata, oo yetta Alla. 65Kulol nanŋi himɓe weccoore nen fu. Go der leydi baalle Yahudiya fu, himɓe e batana haala majjum. 66Nanuɓe ka fu, watti ka der ɓerne mum e wi'a: «Ume nun suka oo laatoyto?» Gam juunŋo Joomiraawo e tawaa dow makko.
Jekariya e maanta Alla
67Go Jekariya baaba suka on hebbinaa Ruuhu Ceniiɗo, waɗi annabaaku wi'i:
68«Barke laatanii Alla Joomiraawo Isira'iila, gam o hiinnake himɓe makko, o hisinii ɓe.
69O waddanii en paabotooɗo mo semme diga der lenyol Dawda, jaggiiɗo makko.
70Hande no o batiri diga e kunnuɗe *annabiiɓe makko seniiɓe ɓe denno.
71O wi'i: "Paabotooɗo on hisinan en diga e juuɗe halluɓe, e wayɓe meeɗen."
72O hollii baabiraaɓe meeɗen enɗam makko, o siwtorii alkawal makko ceniiŋal,
73hande no o hunanii baaba meeɗen Iburaahiima,
74o wi'i: "O hisinan en diga e juuɗe wayɓe meeɗen, cujidanen mo kulol walaa.
75Gam laatoɗen seniiɓe e foonnitiiɓe yeeso makko, der wakkati guurnam men fu."»
76«An bo suka am, a noddete *annabiijo Alla mo dow, gam a ardoto, aa moƴƴinana Joomiraawo laabi.
77Bataa himɓe makko no o hisinan ɓe, to o yaafake hakkeeji maɓɓe.
78Gam daliila enɗam Alla meeɗen mawɗam, o lildanaan en jayŋol makko manŋol diga dow.
79Ŋol yaynana jooɗiiɓe der niwre e der ɗoogi maayde, ŋol yaara koyɗe meeɗen der laawol jam.»
80Go suka on e mawna hakkillo mum e ɓeydoo, go o yahi oo wonii der ladde yorne faa nyanne o holliti hoore makko himɓe Isira'iila.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.