Luka 15
15
Ballool baala majjuŋa
(Matiye 18:10-14)
1Jaɓooɓe ceede faada fu, e hakkeeɓe, ɓattii Yeesu e hettinanii mo, 2go *Farisaaɓe, e moodiɓɓe Tawreeta kan e dumbitoo, e wi'a: «Gorko oo e jaɓɓoo hakkeeɓe, oo nyaamda bo e maɓɓe!»
3Go Yeesu waɗani ɓe ballool ŋol ɗo, wi'i: 4«Moy caka mooɗon, to e woodi baali hewre (100), go goota mum majji, o accataa lasooji naay e sappo e jeenay (99) koriiɗi der ladde, o yaha daartoygo majjuŋa ŋan, faa o yiita ŋa? 5To o yiitii ŋa, o yowan ŋa dow balbe makko e seyo, 6o hoora wuro makko, den o noddina igooɓe makko e wondaaɓe makko, o wi'a ɓe: "Ceyodee e am, gam mi yiitii baala am majjunooŋa." 7Mii bata on, hande non non bo seyo laatorto dow kammu to hakkeejo gooto tuubii, ɓura himɓe lasooji nayo e sappo e jeenayo foonnitiiɓe (99), ɓe bukaaka tuubu.»
Ceede majjuɗe go yiitaa
8«Naa bo, debbo moy nun to e woodi ceede mum, kanje sappo, go goote mum majji, o jannataa fitilla, o wuuwa suudu, o daarta ɗe e hakkillo faa o yiita ɗe? 9To o yiitii ɗe, o noddan igooɓe makko, e wondaaɓe makko, o wi'a: "Ceyodee e am, gam mi yiitii ceede am majjunooɗe!" 10Mii bata on, non non nun bo malaykaaɓe Alla seyorto to hakkeejo gooto tuubii.»
Suka majjuɗo go yiitaa
11Yeesu wi'i kade: «Gorko gom nun woodi sukaaɓe mum ɗiɗo. 12Petto on bati baaba mum wi'i: "Baaba, hokkam jawdi am laatantooni am!" Go baaba on seennani ɓe jawdi mum. 13Ɓaawo balɗe seɗɗa, suka petto on hawriti jawdi mum fu yawtidi faa genni boɗɗuni. Ton o halki jawdi nin dow baanji baanji. 14No o halkidi ni, go rafo manŋo naati der genni nin, den o fuɗɗi dullugo huune fu. 15O yahi o takkoy himɓe genni nin, gooto mum, oo ɗon lildi mo deme muuɗum gam o dura afaaji mum. 16O wanyay baa o heɓa ɓiɓɓe leɗɗe ɗe afaaji ɗin nyaamata, amma goɗɗo hokkay mo. 17Den, o fuɗɗi miijaago o wi'i: "Gollotooɓe baaba am fu, e woodi nyaamdu ɗuunŋol, go min kan, mi nani ɗo, rafo e warammi! 18Mi ummoto, mi witta to baaba am, den mi wi'a mo: Baaba, mi waɗii hakke yeeso Alla, e yeeso maa. 19Mi fotay kade noddeego suka maa. Daaram hande gollotooɓe maa gooto mum." 20O ummii o witti to baabiiko.
Diga oo woɗɗi, baabiiko holliri mo, go ɗum yuruminii mo, doggi gattii mo, mammilii mo. 21Go suka on wi'i mo: "Baaba, mi waɗii hakke yeeso Alla, e yeeso maa, mi fotay kade daaraa am hande suka maa." 22Amma baabiiko bati maccuɓe mum wi'i: "Gaddee toggoore ɓurune wooɗugo law, ɓorninon mo, gattanon mo hootande e honnu, paɗinon mo paɗe. 23Gaddee gaari payuni, kiison ni, nyaamen, ceyoɗen, 24gam suka am oo ɗo nandu nun hande maayunooɗo, go finti. O majjiino, amma o yiitaama. Go ɓe puɗɗi seyaago."
25Wakkati mum suka makko afo e tawanoo deme. No o wartata o faanii wuro, go o nani rimmo jimi e fijo. 26Go o noddi maccuɓe ɓen gooto mum, o ƴami mo ume nun waɗi. 27Maccuɗo on toontii mo wi'i: "Miiraawo maa nun warti, go baaba maa acci gaari ni nebbam hiisaa gam o yiitii suka makko e jamu." 28Go afo on mone waɗi mo, o salii ko naati der wuro. Baabiiko wurtii eyti mo, o naata wuro. 29Amma ɓiɗɗo on toontii baaba mum wi'i: "Daaru, ɗum ɓooyii diga ko jagganto maa mi, mi salaaki ɗowtanaago haala maa baa de woore. Amma a meeɗay ko hokkimmi baa ginniyel, mi seyoro min e igooɓe am. 30Amma no suka maa oo ɗo, biisoyɗo jawdi maa e jeenu wartii, a hiisanii mo gaari payuni!" 31Baaba on wi'i mo: "Suka am, aa wondi baadey e am, ko goodumi fu, an nun woodi ɗum. 32Gam majjum e haani gaɗen juulɗe, ceyoɗen, gam miiraawo maa oo ɗo nandu nun hande maayunooɗo go finti, o majjiino, amma o yiitaama."»
Iliyochaguliwa sasa
Luka 15: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 15
15
Ballool baala majjuŋa
(Matiye 18:10-14)
1Jaɓooɓe ceede faada fu, e hakkeeɓe, ɓattii Yeesu e hettinanii mo, 2go *Farisaaɓe, e moodiɓɓe Tawreeta kan e dumbitoo, e wi'a: «Gorko oo e jaɓɓoo hakkeeɓe, oo nyaamda bo e maɓɓe!»
3Go Yeesu waɗani ɓe ballool ŋol ɗo, wi'i: 4«Moy caka mooɗon, to e woodi baali hewre (100), go goota mum majji, o accataa lasooji naay e sappo e jeenay (99) koriiɗi der ladde, o yaha daartoygo majjuŋa ŋan, faa o yiita ŋa? 5To o yiitii ŋa, o yowan ŋa dow balbe makko e seyo, 6o hoora wuro makko, den o noddina igooɓe makko e wondaaɓe makko, o wi'a ɓe: "Ceyodee e am, gam mi yiitii baala am majjunooŋa." 7Mii bata on, hande non non bo seyo laatorto dow kammu to hakkeejo gooto tuubii, ɓura himɓe lasooji nayo e sappo e jeenayo foonnitiiɓe (99), ɓe bukaaka tuubu.»
Ceede majjuɗe go yiitaa
8«Naa bo, debbo moy nun to e woodi ceede mum, kanje sappo, go goote mum majji, o jannataa fitilla, o wuuwa suudu, o daarta ɗe e hakkillo faa o yiita ɗe? 9To o yiitii ɗe, o noddan igooɓe makko, e wondaaɓe makko, o wi'a: "Ceyodee e am, gam mi yiitii ceede am majjunooɗe!" 10Mii bata on, non non nun bo malaykaaɓe Alla seyorto to hakkeejo gooto tuubii.»
Suka majjuɗo go yiitaa
11Yeesu wi'i kade: «Gorko gom nun woodi sukaaɓe mum ɗiɗo. 12Petto on bati baaba mum wi'i: "Baaba, hokkam jawdi am laatantooni am!" Go baaba on seennani ɓe jawdi mum. 13Ɓaawo balɗe seɗɗa, suka petto on hawriti jawdi mum fu yawtidi faa genni boɗɗuni. Ton o halki jawdi nin dow baanji baanji. 14No o halkidi ni, go rafo manŋo naati der genni nin, den o fuɗɗi dullugo huune fu. 15O yahi o takkoy himɓe genni nin, gooto mum, oo ɗon lildi mo deme muuɗum gam o dura afaaji mum. 16O wanyay baa o heɓa ɓiɓɓe leɗɗe ɗe afaaji ɗin nyaamata, amma goɗɗo hokkay mo. 17Den, o fuɗɗi miijaago o wi'i: "Gollotooɓe baaba am fu, e woodi nyaamdu ɗuunŋol, go min kan, mi nani ɗo, rafo e warammi! 18Mi ummoto, mi witta to baaba am, den mi wi'a mo: Baaba, mi waɗii hakke yeeso Alla, e yeeso maa. 19Mi fotay kade noddeego suka maa. Daaram hande gollotooɓe maa gooto mum." 20O ummii o witti to baabiiko.
Diga oo woɗɗi, baabiiko holliri mo, go ɗum yuruminii mo, doggi gattii mo, mammilii mo. 21Go suka on wi'i mo: "Baaba, mi waɗii hakke yeeso Alla, e yeeso maa, mi fotay kade daaraa am hande suka maa." 22Amma baabiiko bati maccuɓe mum wi'i: "Gaddee toggoore ɓurune wooɗugo law, ɓorninon mo, gattanon mo hootande e honnu, paɗinon mo paɗe. 23Gaddee gaari payuni, kiison ni, nyaamen, ceyoɗen, 24gam suka am oo ɗo nandu nun hande maayunooɗo, go finti. O majjiino, amma o yiitaama. Go ɓe puɗɗi seyaago."
25Wakkati mum suka makko afo e tawanoo deme. No o wartata o faanii wuro, go o nani rimmo jimi e fijo. 26Go o noddi maccuɓe ɓen gooto mum, o ƴami mo ume nun waɗi. 27Maccuɗo on toontii mo wi'i: "Miiraawo maa nun warti, go baaba maa acci gaari ni nebbam hiisaa gam o yiitii suka makko e jamu." 28Go afo on mone waɗi mo, o salii ko naati der wuro. Baabiiko wurtii eyti mo, o naata wuro. 29Amma ɓiɗɗo on toontii baaba mum wi'i: "Daaru, ɗum ɓooyii diga ko jagganto maa mi, mi salaaki ɗowtanaago haala maa baa de woore. Amma a meeɗay ko hokkimmi baa ginniyel, mi seyoro min e igooɓe am. 30Amma no suka maa oo ɗo, biisoyɗo jawdi maa e jeenu wartii, a hiisanii mo gaari payuni!" 31Baaba on wi'i mo: "Suka am, aa wondi baadey e am, ko goodumi fu, an nun woodi ɗum. 32Gam majjum e haani gaɗen juulɗe, ceyoɗen, gam miiraawo maa oo ɗo nandu nun hande maayunooɗo go finti, o majjiino, amma o yiitaama."»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.