Luka 14
14
Yeesu e nyawtii uppuɗo gom
1Nyalaane siwteteene gom, Yeesu e tawaa wuro mawɓe *Farisaaɓe gooto mum gom, gam o nyaama. Tawaaɓe ɗon e hakkilani mo. 2Ɗon nun goɗɗo uppuɗo wari e woni yeeso makko. 3Yeesu etti haala, ƴami moodiɓɓe tawreeta e *Farisaaɓe wi'i: «Nyawtugo goɗɗo e nyalaane siwteteene e dagii, naa ɗum dagaaki?»
4Amma ɓee jeeɗii, go Yeesu etti nyawɗo on, nyawti mo wi'i: «Hootu wuro maa.» 5Go o wi'i ɓe: «To goɗɗo mon suka muuɗum, naa bo nagge mum yantii ɓunnu, o suttataa ŋe ɗon maa ɗon baa to nyalaane siwteteene nun na?» 6Ɓe baaway ko toontii mo dow haala kan.
Suɓugo joonɗe
7Yeesu waɗani noddinaaɓe nyaamɗe ballool gam o yi'ii no ɓe cuɓirta joonɗe arandeeje, o wi'i ɓe: 8«To goɗɗo noddinii maa ɓangal mum, to a yahii, taa jooɗaa joonne arandeere, gam waɗoto ɓuruɗo maa tedduŋal gom bo noddinaanomaa, 9den noddinɗo on on fu wara wi'e: "Umma accanaa oya jonne nee ɗo!" A tawan senteene jooɗaago joonne ɓaawoore waɗete. 10Amma to a noddinaama, to a yahii, jooɗa to joonne ɓaawoore, gam to noddinɗo maa warii, o wi'e: "Igo am, umma yahu jooɗoɗaa yeeso." Den mum, ɗum laatante tedduŋal yeeso jooɗodiiɓe e maa fu. 11Gam mawninɗo hoore mum fu leesinte, leesinɗo hoore mum bo, mawninte.»
12Den Yeesu bati noddinɗo mo wi'i: «To a waɗii nyaloomaari maa, naa bo hiraane, taa noddin igooɓe maa, maa bo banniraaɓe maa, naa bo himɓe maa, naa bo wondaaɓe maa joom jawdiiɓe, gam kamɓe bo to ɓe noddine, ɓe joɓe. 13Amma to a waɗii nyaamdu juulɗe, noddin talkaaɓe, e moofiɗinɓe, e laƴooɓe, e wumuɓe. 14Barke laatante, gam ɓe baawataa ko yoɓu maa ɗum. A yoɓoyte ɗum wakkati foonnitiiɓe fintinoytee.»
Ballool dow noddinaaɓe nyaamɗe
15No nyaamdooɓe e Yeesu gooto mum nani haalaaji ɗin, wi'i: «Barke laatanii nyaamoowo nyaamdu mum der Laamaare Alla!» 16Yeesu toontii mo wi'i: «Goɗɗo nun waɗii nyaamdu ɗuunŋol, go noddini himɓe ɗuuɓɓe. 17No wakkati nyaamɗe foti, o lili maccuɗo makko yaha bataa noddinaaɓe ɓen wi'a: "Garee, gam huune fu gasii." 18Amma ɓe fu, gooto gooto maɓɓe yanti eelugo accaneego hakku. Arano wi'i: "Mi soodii gesa gom, e haani mi yaha mi yi'aa ŋa, gam majjum mi eelii maa accanaa am hakku." 19Gooto bo wi'i: "Mi soodii ga'i demooji ɗiɗi ɗiɗi ukke joy, sey mi yaha taw mi gollinaa ɗi mi daara no ɗi gollirta, mi eelii maa accanaa am hakku." 20Gooto kade wi'i: "Jooni nun ɓaŋumi, gam majjum mi waawataa ko yahi."
21Maccuɗo on witti, batoy joomiraawo mum huune ɗum fu. Joom wuro on, mone mum ummii, go o wi'i maccuɗo makko on: "Yahu law der jayri genni, e der laabi mum, gaddanaa am ɗo talkaaɓe, e moofiɗinɓe, e wumuɓe, e laƴooɓe." 22Maccuɗo on wittoy wi'i joomiraawo mum: "Mi waɗii ko bi'uɗaa, amma jayri e horii kade." 23Joomiraawo on bati maccuɗo mum wi'i: "Yahu der laabi, e dammuɗe wurooji, doola himɓe wara, heɓa wuro am hebba. 24Gam majjum mii bata on, noddinanooɓe arande ɓen, baa gooto mum mettataa nyaamdu am."»
No neɗɗo laatorto aahiijo Yeesu
(Matiye 10:37-38)
25Jama'aare ɗuunne e tokkontiri e Yeesu, go o yeeƴitii, o wi'i ɓe: 26«Garuɗo to am, go wanyay baaba mum, e inna mum, e debbo mum, e sukaaɓe mum, e miiraaɓe mum, e mawniraaɓe mum, e sakikiraaɓe mum, e kanun e hoore mum, o waawataa laataago aahiijo am. 27Mo roonaaki palaaŋal mum tokkimmi, waawataa laataago aahiijo am. 28Naa moy e mooɗon to e yiɗi mahugo suudu deenirgol jooɗataako taw liisoo noy ɗum nyaamata mo gam o yi'a, naa oo woodi ko heƴata o mahidira ŋol. 29To hinaa non, to o daɗɗii suudu ŋol, go o tampi ko heennyi ŋol, yi'unooɓe no o fuɗɗiri ŋol jalan mo, 30wi'a: "Gorko oo fuɗɗii maadi, amma o tampii ko heennyi ni!" 31Naa laamiiɗo moy nun to e yiɗi haɓidingo e laamiiɗo goɗɗo, o jooɗataako taw o daara, naa e himɓe ujune sappo (10 000) ɓe o woodi, o waawan o yaha haɓoygo e laamiiɗo gooduɗo himɓe ujune laso (20 000)? 32To o tawii o waawataa fu, o lildana laamiiɗo oo ton lilaaɓe diga oo woɗɗi, o eela mo ɓe nannantira.» 33Hande nun bo, goɗɗo mon waawataa ko laatii aahiijo am, to joomum wanyay ko woodi fu.
Lamɗam baatuɗam
(Matiye 5:23, Marku 9:50)
34«Lamɗam laati nun huune geetum, amma to dakam majjam heennyii, ume ɗam welinirtee kade? 35Ɗam nafataa leydi, ɗam nafataa gam jiddereya, sey ɗam woppee yaasi. Gooduɗo noppi gam nanugo fu nana!»
Iliyochaguliwa sasa
Luka 14: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Luka 14
14
Yeesu e nyawtii uppuɗo gom
1Nyalaane siwteteene gom, Yeesu e tawaa wuro mawɓe *Farisaaɓe gooto mum gom, gam o nyaama. Tawaaɓe ɗon e hakkilani mo. 2Ɗon nun goɗɗo uppuɗo wari e woni yeeso makko. 3Yeesu etti haala, ƴami moodiɓɓe tawreeta e *Farisaaɓe wi'i: «Nyawtugo goɗɗo e nyalaane siwteteene e dagii, naa ɗum dagaaki?»
4Amma ɓee jeeɗii, go Yeesu etti nyawɗo on, nyawti mo wi'i: «Hootu wuro maa.» 5Go o wi'i ɓe: «To goɗɗo mon suka muuɗum, naa bo nagge mum yantii ɓunnu, o suttataa ŋe ɗon maa ɗon baa to nyalaane siwteteene nun na?» 6Ɓe baaway ko toontii mo dow haala kan.
Suɓugo joonɗe
7Yeesu waɗani noddinaaɓe nyaamɗe ballool gam o yi'ii no ɓe cuɓirta joonɗe arandeeje, o wi'i ɓe: 8«To goɗɗo noddinii maa ɓangal mum, to a yahii, taa jooɗaa joonne arandeere, gam waɗoto ɓuruɗo maa tedduŋal gom bo noddinaanomaa, 9den noddinɗo on on fu wara wi'e: "Umma accanaa oya jonne nee ɗo!" A tawan senteene jooɗaago joonne ɓaawoore waɗete. 10Amma to a noddinaama, to a yahii, jooɗa to joonne ɓaawoore, gam to noddinɗo maa warii, o wi'e: "Igo am, umma yahu jooɗoɗaa yeeso." Den mum, ɗum laatante tedduŋal yeeso jooɗodiiɓe e maa fu. 11Gam mawninɗo hoore mum fu leesinte, leesinɗo hoore mum bo, mawninte.»
12Den Yeesu bati noddinɗo mo wi'i: «To a waɗii nyaloomaari maa, naa bo hiraane, taa noddin igooɓe maa, maa bo banniraaɓe maa, naa bo himɓe maa, naa bo wondaaɓe maa joom jawdiiɓe, gam kamɓe bo to ɓe noddine, ɓe joɓe. 13Amma to a waɗii nyaamdu juulɗe, noddin talkaaɓe, e moofiɗinɓe, e laƴooɓe, e wumuɓe. 14Barke laatante, gam ɓe baawataa ko yoɓu maa ɗum. A yoɓoyte ɗum wakkati foonnitiiɓe fintinoytee.»
Ballool dow noddinaaɓe nyaamɗe
15No nyaamdooɓe e Yeesu gooto mum nani haalaaji ɗin, wi'i: «Barke laatanii nyaamoowo nyaamdu mum der Laamaare Alla!» 16Yeesu toontii mo wi'i: «Goɗɗo nun waɗii nyaamdu ɗuunŋol, go noddini himɓe ɗuuɓɓe. 17No wakkati nyaamɗe foti, o lili maccuɗo makko yaha bataa noddinaaɓe ɓen wi'a: "Garee, gam huune fu gasii." 18Amma ɓe fu, gooto gooto maɓɓe yanti eelugo accaneego hakku. Arano wi'i: "Mi soodii gesa gom, e haani mi yaha mi yi'aa ŋa, gam majjum mi eelii maa accanaa am hakku." 19Gooto bo wi'i: "Mi soodii ga'i demooji ɗiɗi ɗiɗi ukke joy, sey mi yaha taw mi gollinaa ɗi mi daara no ɗi gollirta, mi eelii maa accanaa am hakku." 20Gooto kade wi'i: "Jooni nun ɓaŋumi, gam majjum mi waawataa ko yahi."
21Maccuɗo on witti, batoy joomiraawo mum huune ɗum fu. Joom wuro on, mone mum ummii, go o wi'i maccuɗo makko on: "Yahu law der jayri genni, e der laabi mum, gaddanaa am ɗo talkaaɓe, e moofiɗinɓe, e wumuɓe, e laƴooɓe." 22Maccuɗo on wittoy wi'i joomiraawo mum: "Mi waɗii ko bi'uɗaa, amma jayri e horii kade." 23Joomiraawo on bati maccuɗo mum wi'i: "Yahu der laabi, e dammuɗe wurooji, doola himɓe wara, heɓa wuro am hebba. 24Gam majjum mii bata on, noddinanooɓe arande ɓen, baa gooto mum mettataa nyaamdu am."»
No neɗɗo laatorto aahiijo Yeesu
(Matiye 10:37-38)
25Jama'aare ɗuunne e tokkontiri e Yeesu, go o yeeƴitii, o wi'i ɓe: 26«Garuɗo to am, go wanyay baaba mum, e inna mum, e debbo mum, e sukaaɓe mum, e miiraaɓe mum, e mawniraaɓe mum, e sakikiraaɓe mum, e kanun e hoore mum, o waawataa laataago aahiijo am. 27Mo roonaaki palaaŋal mum tokkimmi, waawataa laataago aahiijo am. 28Naa moy e mooɗon to e yiɗi mahugo suudu deenirgol jooɗataako taw liisoo noy ɗum nyaamata mo gam o yi'a, naa oo woodi ko heƴata o mahidira ŋol. 29To hinaa non, to o daɗɗii suudu ŋol, go o tampi ko heennyi ŋol, yi'unooɓe no o fuɗɗiri ŋol jalan mo, 30wi'a: "Gorko oo fuɗɗii maadi, amma o tampii ko heennyi ni!" 31Naa laamiiɗo moy nun to e yiɗi haɓidingo e laamiiɗo goɗɗo, o jooɗataako taw o daara, naa e himɓe ujune sappo (10 000) ɓe o woodi, o waawan o yaha haɓoygo e laamiiɗo gooduɗo himɓe ujune laso (20 000)? 32To o tawii o waawataa fu, o lildana laamiiɗo oo ton lilaaɓe diga oo woɗɗi, o eela mo ɓe nannantira.» 33Hande nun bo, goɗɗo mon waawataa ko laatii aahiijo am, to joomum wanyay ko woodi fu.
Lamɗam baatuɗam
(Matiye 5:23, Marku 9:50)
34«Lamɗam laati nun huune geetum, amma to dakam majjam heennyii, ume ɗam welinirtee kade? 35Ɗam nafataa leydi, ɗam nafataa gam jiddereya, sey ɗam woppee yaasi. Gooduɗo noppi gam nanugo fu nana!»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.