Yuhaana Haala puɗɗirka
Haala puɗɗirka
Der ɗerewol Yuhaana ŋol ɗoo, oo yiɗi himɓe annita no Yeesu laati nun Ɓiɗɗo Alla, den goonɗinɗo mo fu tawee e woodi yonki tabitiiki.
Wecco ɗerewol ŋol arano e holla kaayeefiiji feere feere, kollitooji no Yeesu nun woni paabotooɗo, mo ɗum batani der dewte. Yuhaana ettii haalaaji goɗɗi nanditinirɗi, hande jon: diyam, nyaamdu buurinoowol, innabohi gooŋahi, o hollitira ko Yeesu laatii.
Yuhaana tan batani ɓangal der siire Kana, e haala Nikodemu, e debbo samariyaajo, e moofo mo Baytisayda, e gorko dimdaaɗo e bumdam.
O batanii kaayeefiiji jeego'o ɗi Yeesu waɗi ɗi Matiye, e Marku, e Luka batanay. Amma Yuhaana winnay haala golle Yeesu goɗɗe. O batanay dingol Yeesu e golle mum der Galili, e jarbeeki mum, e haala kirtaari cakitiineeri gam himɓe wakkati makko e annunoo ɗum.
Tokkontirki haalaaji
1. Haala puɗɗirka (1:1-18).
2. Yuhaana gaɗoowo *batisi (1:19-51).
3. Golle Yeesu e waaji mum (2:1–12:50).
4. Balɗe Yeesu sakitiineeje faa Urusaliima (13:1–19:42).
5. Pintol Yeesu Joomiraawo e kollitaaki mum (20:1-31).
6. Heennyitirde (21:1-25).
Iliyochaguliwa sasa
Yuhaana Haala puɗɗirka: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.