Yuhaana 16
16
1«Mi batii on ɗum gam to on majjee. 2Ɓe burtinan on diga baajorɗe. Wakkati waran, baruɗo on fu miijan Alla nun gollantoo. 3Ɓe gaɗan ɗum nun gam ɓe annaa Baaba, ɓe annaa am, min bo. 4Mi batii on ɗum, gam to wakkati on waroy, ciwtoron, mi batiino on ɗum.
Gollal Ruuhu Ceniiɗo
Mi batay on ɗum diga arande gam mii wondunoo e mooɗon. 5Jooni mi na'on hoota to liloyɗo am, amma baa gooto mooɗon ƴamay am: "Toy jahataa?" 6Ɓerɗe mooɗon biisake gam mi batii on ka. 7Mii bata on e gooŋa, yaadu am ɓuran nafugo on. To mi yahay, balloowo on warataa to mooɗon. Amma, to mi yahii, mi lildan on mo. 8To o warii, o anninan himɓe duuniyaaru ko laatii hakke, e foonnitaare e kiita. 9O faaminan ɓe no hakke maɓɓe woni, salaago goonɗingo am. 10O hollan ɓe no mii laatii poonitiiɗo, gam mii hoota to Baaba am, ɓe ji'ataa am kade. 11O hollan ɓe ko laatii kiita, gam laamiiɗo duuniyaaru hiitaama koo.
12Mii woodi kade kujje ɗuuɗɗe ɗe batanmi on, amma on baawataa ko faami ɗe jooni. 13To Ruuhu gooŋa warii, o anninan on gooŋa lalley, gam o batantaa hoore makko, amma o batan on ko o nani, o batan on bo ko warata. 14O teddinan am gam o jaɓan ko woni e am, o yottina on ɗum. 15Ko Baaba am jey fu, min jey, gam majjum bi'umi o yottinan on ko o heɓi e am.»
Biisere ɓerne laatoyto seyo
16«To ɓooyii seɗɗa, on ji'ataa am, to ɓooyoy seɗɗa kade, ji'on am.» 17Aahiiɓe makko woɓɓe mum ƴamontiri, wi'i: «Ume woni maana haala makko ka o wi'i: "To ɓooyii seɗɗa, on ji'ataa am e to ɓooyoy seɗɗa, ji'on am kade?", O wi'i kade: Gam mii yaha to Baaba.» Ume nun kaa ɗon bo fillitii? 18Ɓe bi'i: «To ɓooyii seɗɗa, ume ɗum hollata? En paamay ko o wi'i.»
19No Yeesu annunoo ɓe jiɗi ƴamugo mo, o wi'i ɓe: «Oon ƴamontira maana haala am kaa ɗo: "To ɓooyii seɗɗa on ji'ataa am, to ɓooyoy seɗɗa kade, ji'on am." 20Mii bata on e gooŋa: on bullan bullitoɗon, amma himɓe duuniyaaru welweltan. Ɓerɗe mon biisoto, amma biisere ɓerne mon waylitinto welwelo. 21To debbo ɓattake rimugo, o tooroto gam ŋatawre ɓillan mo. Amma to o rimii, o yeggitanan naawella, ɓerne makko e weli gam o rimii neɗɗo e duuniyaaru. 22Onon bo hande nun ɓerɗe mon e biisii jooni, amma en jiidaan kade. Ɓerɗe mon welan, goɗɗo waawataa ko sutti belɗum ɓerɗe mooɗon.
23Nyalaane nee ɗon, on ƴamataa am gokka dow goɗɗum. Mii bata on e gooŋa, ko eeluɗon Baaba fu, e inne am o hokkan on ɗum. 24Faa jooni, walaa fu ko eeluɗon e inne am. Eelee, on keɓan gam belɗum ɓerne mon hebba.»
Yeesu woni jaaliiɗo duuniyaaru
25«Ko batumi on jooni mi batirii ɗum e ballaaji. Wakkati waran de mi batirtaa on e ballaaji, amma mi batan on haala batanoowa Baaba faa laaɓa. 26Nyalaane nee ɗon on eelan Baaba e inne am. Mi wi'ay mi eelanan on Baaba, 27gam Baaba e hoore muuɗum e yiɗi on. Oo yiɗi on gam oon jiɗimmi, on goonɗinii bo to Alla ƴiwumi. 28Mi ƴiwii to Baaba, mi warii e duuniyaaru. Jooni mi accan duuniyaaru, mi hoota to Baaba.»
29Aahiiɓe makko wi'i mo: «Jooni kan, a batii faa laaɓi, a accii haalango men e ballaaji. 30Jooni kan, emen anni aa anni huune fu, a walaa bo haaju goɗɗo ƴame gokka, go annitaa ko o yiɗi ƴamugo maa, gam majjum men goonɗini a ƴiwuɗo to Alla.»
31Yeesu toontii ɓe: «Jooni kan, on goonɗinii na? 32Wakkati e wara, wakkati on yottike du, on fu on cankitinto, moy fu yaha feere mum, accon am min tan. Amma min tan bane, gam Baaba e wondi e am. 33Mi batii on ɗum, gam keɓon jam der kawtal mooɗon e am. Oon gonii e ɓillaare der duuniyaaru. Amma tinnee, gam mi jaalike duuniyaaru.»
Iliyochaguliwa sasa
Yuhaana 16: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 16
16
1«Mi batii on ɗum gam to on majjee. 2Ɓe burtinan on diga baajorɗe. Wakkati waran, baruɗo on fu miijan Alla nun gollantoo. 3Ɓe gaɗan ɗum nun gam ɓe annaa Baaba, ɓe annaa am, min bo. 4Mi batii on ɗum, gam to wakkati on waroy, ciwtoron, mi batiino on ɗum.
Gollal Ruuhu Ceniiɗo
Mi batay on ɗum diga arande gam mii wondunoo e mooɗon. 5Jooni mi na'on hoota to liloyɗo am, amma baa gooto mooɗon ƴamay am: "Toy jahataa?" 6Ɓerɗe mooɗon biisake gam mi batii on ka. 7Mii bata on e gooŋa, yaadu am ɓuran nafugo on. To mi yahay, balloowo on warataa to mooɗon. Amma, to mi yahii, mi lildan on mo. 8To o warii, o anninan himɓe duuniyaaru ko laatii hakke, e foonnitaare e kiita. 9O faaminan ɓe no hakke maɓɓe woni, salaago goonɗingo am. 10O hollan ɓe no mii laatii poonitiiɗo, gam mii hoota to Baaba am, ɓe ji'ataa am kade. 11O hollan ɓe ko laatii kiita, gam laamiiɗo duuniyaaru hiitaama koo.
12Mii woodi kade kujje ɗuuɗɗe ɗe batanmi on, amma on baawataa ko faami ɗe jooni. 13To Ruuhu gooŋa warii, o anninan on gooŋa lalley, gam o batantaa hoore makko, amma o batan on ko o nani, o batan on bo ko warata. 14O teddinan am gam o jaɓan ko woni e am, o yottina on ɗum. 15Ko Baaba am jey fu, min jey, gam majjum bi'umi o yottinan on ko o heɓi e am.»
Biisere ɓerne laatoyto seyo
16«To ɓooyii seɗɗa, on ji'ataa am, to ɓooyoy seɗɗa kade, ji'on am.» 17Aahiiɓe makko woɓɓe mum ƴamontiri, wi'i: «Ume woni maana haala makko ka o wi'i: "To ɓooyii seɗɗa, on ji'ataa am e to ɓooyoy seɗɗa, ji'on am kade?", O wi'i kade: Gam mii yaha to Baaba.» Ume nun kaa ɗon bo fillitii? 18Ɓe bi'i: «To ɓooyii seɗɗa, ume ɗum hollata? En paamay ko o wi'i.»
19No Yeesu annunoo ɓe jiɗi ƴamugo mo, o wi'i ɓe: «Oon ƴamontira maana haala am kaa ɗo: "To ɓooyii seɗɗa on ji'ataa am, to ɓooyoy seɗɗa kade, ji'on am." 20Mii bata on e gooŋa: on bullan bullitoɗon, amma himɓe duuniyaaru welweltan. Ɓerɗe mon biisoto, amma biisere ɓerne mon waylitinto welwelo. 21To debbo ɓattake rimugo, o tooroto gam ŋatawre ɓillan mo. Amma to o rimii, o yeggitanan naawella, ɓerne makko e weli gam o rimii neɗɗo e duuniyaaru. 22Onon bo hande nun ɓerɗe mon e biisii jooni, amma en jiidaan kade. Ɓerɗe mon welan, goɗɗo waawataa ko sutti belɗum ɓerɗe mooɗon.
23Nyalaane nee ɗon, on ƴamataa am gokka dow goɗɗum. Mii bata on e gooŋa, ko eeluɗon Baaba fu, e inne am o hokkan on ɗum. 24Faa jooni, walaa fu ko eeluɗon e inne am. Eelee, on keɓan gam belɗum ɓerne mon hebba.»
Yeesu woni jaaliiɗo duuniyaaru
25«Ko batumi on jooni mi batirii ɗum e ballaaji. Wakkati waran de mi batirtaa on e ballaaji, amma mi batan on haala batanoowa Baaba faa laaɓa. 26Nyalaane nee ɗon on eelan Baaba e inne am. Mi wi'ay mi eelanan on Baaba, 27gam Baaba e hoore muuɗum e yiɗi on. Oo yiɗi on gam oon jiɗimmi, on goonɗinii bo to Alla ƴiwumi. 28Mi ƴiwii to Baaba, mi warii e duuniyaaru. Jooni mi accan duuniyaaru, mi hoota to Baaba.»
29Aahiiɓe makko wi'i mo: «Jooni kan, a batii faa laaɓi, a accii haalango men e ballaaji. 30Jooni kan, emen anni aa anni huune fu, a walaa bo haaju goɗɗo ƴame gokka, go annitaa ko o yiɗi ƴamugo maa, gam majjum men goonɗini a ƴiwuɗo to Alla.»
31Yeesu toontii ɓe: «Jooni kan, on goonɗinii na? 32Wakkati e wara, wakkati on yottike du, on fu on cankitinto, moy fu yaha feere mum, accon am min tan. Amma min tan bane, gam Baaba e wondi e am. 33Mi batii on ɗum, gam keɓon jam der kawtal mooɗon e am. Oon gonii e ɓillaare der duuniyaaru. Amma tinnee, gam mi jaalike duuniyaaru.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.