Yuhaana 15
15
Yeesu nun woni innabohi gooŋahi
1«Min woni innabohi gooŋahi, Baaba am woni joom gesa innabooje. 2Liccal takkiiŋal e am fu, to rimataa, o feƴƴan ŋal, liccal dimoowal fu, o saɓanto ŋal gam ŋal ɓeyda rimugo. 3Onon, jooni on laaɓuɓe gam waaju ŋu baajiimi on. 4Tabitee e am, min bo mi tabitoo e mooɗon! Hande no liccal peƴƴaaŋal waawirtaa ko rimi e hoore mum, sey to eŋal tiggii e innabohi, hande nun onon bo on baawataa ko rimi to on tiggaaki e am.
5Min woni innabohi, onon woni licce. Tiggiiɗo e am go mii tiggii e mum, o rimaan faa ɗuuɗa. Gam on baawataa ko waɗi goɗɗum to ɗum ƴiway e am. 6To goɗɗo tiggaaki e am, o woppete nun yaasi hande liccal peƴƴaaŋal, o yoora. Licce jorɗe ɗen hawritinte, faɗɗee der yiite, ɗe jaɓa. 7To on piɓontirii e am, go waaju am bo e fiɓontiri e mon, ko eeluɗon fu, on keɓan. 8To on dimii faa ɗuuɗi, den kan on laatake aahiiɓe am. Non nun tedduŋal Baaba am hollitortoo. 9Hande no Baaba yiɗirimmi, non non jiɗirmi on. Tabitee der yidde am. 10To on tokkii ooda am, on tabitinto der yidde am, hande no tokkirmi oodaaji Baaba am go mii tabitii der yidde makko.»
11«Mi batu on nun kaa ɗon gam belɗum ɓerne am wona der mooɗon. Den belɗum ɓerne mooɗon bo hebba. 12Ooda am nani: jiɗontiree hande no jiɗirmi on. 13Neɗɗo hokkitira yonki mum gam weldiiɓe mum, yidde ɓurataa iri nee ɗon. 14To oon gaɗa ko desanmi on on laati nun weldiiɓe am. 15Mi noddataa on kade maccuɓe, gam maccuɗo annaa ko joomiraawo gollata. Mi noddan on weldiiɓe, gam ko nanumi diga Baaba am fu, mi anninii on ɗum. 16Onon bane suɓimmi, min suɓi on gam jahon, dimoon ɓiɓɓe, ɓiɓɓe mooɗon taboo, den Baaba hokkan on huune fu ko eelirton e inne am. 17Ko desanmi on woni, jiɗontiree.»
Duuniyaaru wanyii Yeesu e himɓe mum
18«To duuniyaaru wanyii on, annee, min nun nu arti nu wanyi. 19To oon laatinoo ɓe duuniyaaru, duuniyaaru yiɗanno on hande no nu yiɗiri ɓe mayru. Amma onon ɓe duuniyaaru bane. Min seenni on e duuniyaaru, no cuɓumi on. Gam majjum nu wanyi on. 20Ciwtoree ko bi'unoomi on: "Maccuɗo ɓurataa joomiraawo mum." To ɓe toorii am, ɓe tooran on onon bo. To ɓe gollirii haala am, ɓe golliran haala mooɗon. 21Amma ɓe gaɗanan on ɗum ɗum fu gam am, gam ɓe annaa liloyɗo am. 22To mi warayno, baajiimi ɓe, ɓe goodataano hakke, amma jooni, ɓe galaa accitaneego hakkeeji maɓɓe. 23Banyuɗo am fu, wanyii Baaba am bo. 24To mi waɗayno caka maɓɓe golleeji ɗi goɗɗo meeɗay waɗugo, ɓe goodataano hakke. Amma jooni ɓe ji'ii ɗi, go ɓe banyimmi, min e Baaba am. 25Ɗum waɗu nun gam ɗum goonɗina ko winnaa der Dewtere tawreeta maɓɓe: "Ɓe banyii am gam baanji".
26To balloowo mo lildanmi on warii, kanko woni Ruuhu gooŋa ƴiwoowo to Baaba, kanko e hoore makko nun seedantoo am. 27Onon bo, on ceedanto am gam oon gondi e am diga fuɗɗoode.»
Iliyochaguliwa sasa
Yuhaana 15: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Yuhaana 15
15
Yeesu nun woni innabohi gooŋahi
1«Min woni innabohi gooŋahi, Baaba am woni joom gesa innabooje. 2Liccal takkiiŋal e am fu, to rimataa, o feƴƴan ŋal, liccal dimoowal fu, o saɓanto ŋal gam ŋal ɓeyda rimugo. 3Onon, jooni on laaɓuɓe gam waaju ŋu baajiimi on. 4Tabitee e am, min bo mi tabitoo e mooɗon! Hande no liccal peƴƴaaŋal waawirtaa ko rimi e hoore mum, sey to eŋal tiggii e innabohi, hande nun onon bo on baawataa ko rimi to on tiggaaki e am.
5Min woni innabohi, onon woni licce. Tiggiiɗo e am go mii tiggii e mum, o rimaan faa ɗuuɗa. Gam on baawataa ko waɗi goɗɗum to ɗum ƴiway e am. 6To goɗɗo tiggaaki e am, o woppete nun yaasi hande liccal peƴƴaaŋal, o yoora. Licce jorɗe ɗen hawritinte, faɗɗee der yiite, ɗe jaɓa. 7To on piɓontirii e am, go waaju am bo e fiɓontiri e mon, ko eeluɗon fu, on keɓan. 8To on dimii faa ɗuuɗi, den kan on laatake aahiiɓe am. Non nun tedduŋal Baaba am hollitortoo. 9Hande no Baaba yiɗirimmi, non non jiɗirmi on. Tabitee der yidde am. 10To on tokkii ooda am, on tabitinto der yidde am, hande no tokkirmi oodaaji Baaba am go mii tabitii der yidde makko.»
11«Mi batu on nun kaa ɗon gam belɗum ɓerne am wona der mooɗon. Den belɗum ɓerne mooɗon bo hebba. 12Ooda am nani: jiɗontiree hande no jiɗirmi on. 13Neɗɗo hokkitira yonki mum gam weldiiɓe mum, yidde ɓurataa iri nee ɗon. 14To oon gaɗa ko desanmi on on laati nun weldiiɓe am. 15Mi noddataa on kade maccuɓe, gam maccuɗo annaa ko joomiraawo gollata. Mi noddan on weldiiɓe, gam ko nanumi diga Baaba am fu, mi anninii on ɗum. 16Onon bane suɓimmi, min suɓi on gam jahon, dimoon ɓiɓɓe, ɓiɓɓe mooɗon taboo, den Baaba hokkan on huune fu ko eelirton e inne am. 17Ko desanmi on woni, jiɗontiree.»
Duuniyaaru wanyii Yeesu e himɓe mum
18«To duuniyaaru wanyii on, annee, min nun nu arti nu wanyi. 19To oon laatinoo ɓe duuniyaaru, duuniyaaru yiɗanno on hande no nu yiɗiri ɓe mayru. Amma onon ɓe duuniyaaru bane. Min seenni on e duuniyaaru, no cuɓumi on. Gam majjum nu wanyi on. 20Ciwtoree ko bi'unoomi on: "Maccuɗo ɓurataa joomiraawo mum." To ɓe toorii am, ɓe tooran on onon bo. To ɓe gollirii haala am, ɓe golliran haala mooɗon. 21Amma ɓe gaɗanan on ɗum ɗum fu gam am, gam ɓe annaa liloyɗo am. 22To mi warayno, baajiimi ɓe, ɓe goodataano hakke, amma jooni, ɓe galaa accitaneego hakkeeji maɓɓe. 23Banyuɗo am fu, wanyii Baaba am bo. 24To mi waɗayno caka maɓɓe golleeji ɗi goɗɗo meeɗay waɗugo, ɓe goodataano hakke. Amma jooni ɓe ji'ii ɗi, go ɓe banyimmi, min e Baaba am. 25Ɗum waɗu nun gam ɗum goonɗina ko winnaa der Dewtere tawreeta maɓɓe: "Ɓe banyii am gam baanji".
26To balloowo mo lildanmi on warii, kanko woni Ruuhu gooŋa ƴiwoowo to Baaba, kanko e hoore makko nun seedantoo am. 27Onon bo, on ceedanto am gam oon gondi e am diga fuɗɗoode.»
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.