Fuɗɗoode 21
21
Dingol Isiyaaku
1Joomiraawo e siwtori ka o batunoo Saratu. Joomiraawo hebbinii alkawal ŋal o waɗannoo Saratu. 2Saratu saawi, rimani Iburaahiima suka gorko der dottinnaaku mum, der wakkati ki Alla taƴannoo mo. 3Iburaahiima noddi suka mo Saratu rimani mo Isiyaaku. 4No Isiyaaku waɗi balɗe jeetati, Iburaahiima juulni mo hande sariya ka Alla hokkunoo mo. 5Iburaahiima e woodi duuɓi hewre, wakkati Isiyaaku ɓiyiiko rimaa. 6Ɗon nun Saratu wi'i: Alla jalinii am, nanuɗo ka fu jalidan e am. 7O wi'i: Moy waawannoo wi'ugo Iburaahiima, Saratu musinan sukaaɓe? Amma mi rimanii mo suka gorko der dottinnaaku makko.
8Suka on mawnii, o entaa. Nyanne Isiyaaku entaa, Iburaahiima waɗii juulɗe mawɗe.
Iburaahiima riiwii Hagaa e Isuma'iilu
9Saratu yi'ii Isuma'iilu, suka mo Hagaa Misirankeejo rimani Iburaahiima e jala Isiyaaku. 10Ɗon nun o wi'i Iburaahiima: Riiwu korɗo#21:10 maccuɗo debbo on e ɓiyiiko, gam ɓiyiiko ronidintaa donŋu e ɓiyam Isiyaaku. 11Haala kan naawii Iburaahiima sanne, gam sabbu Isuma'iilu, ɓiyiiko. 12Amma Alla wi'i Iburaahiima: Taa accu haala kan naawee gam sabbu korɗo maa e ɓiyiiko. Waɗan Saratu ko o ƴamu maa fu. Gam diga e Isiyaaku nun lenyol ŋol gaɗan maa mi alkawal ƴiwata. 13Mi waɗan bo lenyol wurtoo diga suka korɗo maa, gam kanko bo o laati nun suka maa.
14No weeti, Iburaahiima dawi diga fajiri, o etti nafa e jollooru diyam, o hokki Hagaa. O lukitii e walbo makko. O hokki mo bo suka on, o wi'i ɓe dilla. O yawti oo yiiloo der ladde Beriseba yorne. 15No diyam jollooru ŋol heennyi, o woppi suka on e ɗoogi leggel pettel gom. 16O yahi o jooɗoy woɗɗi, jaka fiɗande kural, gam o wi'i: Mi waawataa yi'ugo to suka am maayata. O jooɗii woɗɗi o yanti oo wulla. 17Alla nani bojji suka on. Ɗon nun malaykaajo Alla noddi Hagaa diga dow kammu, o wi'i: Ume nun woodi maa Hagaa? Taa hulu, gam Alla nanii bojji suka on to o woni ɗon. 18Umma, jahaa ettaa suka on eytaa mo, gam mi waɗan lenyol manŋol ƴiwa diga e makko. 19Ɗon nun Alla maɓɓiti gite makko, o yi'i lokooru diyam, o yahi o ƴoogi o hebbini jollooru makko ŋol, o hokki suka on o yari. 20Alla e wondi e suka on, o mawni, o jooɗii der ladde Parani yorne. O laatii baawuɗo piɗol kure sanne. 21Inniiko ɓaŋani mo debbo diga leydi Misira.
Iburaahiima haɓɓidii alkawal e Abimeleki
22Wakkati majjum, Abimeleki e Pikoli, mawɗo konu mum wari to Iburaahiima, ɓe bi'i mo: Men ji'ii no Alla e wondi e maa der ko gaɗataa fu. 23Gam majjum, hunanan, no a jammataako am min e sukaaɓe am, e taaniraaɓe am. Non bo, min e himɓe leydi am fu ni der mum koɗuɗaa a waɗanan men moƴƴere hande no gaɗan maa mi. 24Iburaahiima wi'i: Mi hunoto. 25Amma Iburaahiima gaccii Abimeleki gam sabbu ɓunnu ŋol maccuɓe Abimeleki teetunoo to mum. 26Abimeleki wi'i: Mi annaa gaɗuɗo ɗum, an bo a batay am ka. To hinaa hanne, mi nanayno ka. 27Ɗon nun Iburaahiima hocci baali e na'i, o hokki ɗum Abimeleki, go ɓe fu ɗiɗo, ɓe kaɓɓidontiri alkawal. 28Ɗon nun Iburaahiima sutti borti baali jeeɗiɗi, yesi ɗi feere. 29Abimeleki ƴami Iburaahiima wi'i: Ume nun gaɗirtaa borti baali jeeɗiɗi ɗi desuɗaa feere ɗin? 30Iburaahiima toontii mo: Ettu borti baali jeeɗiɗi ɗin, gam ɗi laatanoo am seedaaku no min nun wasi ɓunnu ŋol. 31Gam majjum nun nokkuure nen noddaa Beriseba, gam ɗon nun ɓe kaɓɓidontiri alkawal. Ko inne nen filliti nun, nokkuure to alkawal haɓɓaa. 32No ɓe kaɓɓidontiri alkawal, Abimeleki e Pikoli mawɗo konu mum, ummii hooti faa genni mum der leydi Filisitinkeeɓe. 33Iburaahiima tiggi leggal noddeteeŋal tamarisi faa Beriseba. O juulani ton Joomiraawo, Alla Duumiiɗo. 34Iburaahiima jooɗii der leydi Filisitinkeeɓe ɗon faa ɓooyi.
Iliyochaguliwa sasa
Fuɗɗoode 21: BFB
Kuonyesha
Shirikisha
Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 21
21
Dingol Isiyaaku
1Joomiraawo e siwtori ka o batunoo Saratu. Joomiraawo hebbinii alkawal ŋal o waɗannoo Saratu. 2Saratu saawi, rimani Iburaahiima suka gorko der dottinnaaku mum, der wakkati ki Alla taƴannoo mo. 3Iburaahiima noddi suka mo Saratu rimani mo Isiyaaku. 4No Isiyaaku waɗi balɗe jeetati, Iburaahiima juulni mo hande sariya ka Alla hokkunoo mo. 5Iburaahiima e woodi duuɓi hewre, wakkati Isiyaaku ɓiyiiko rimaa. 6Ɗon nun Saratu wi'i: Alla jalinii am, nanuɗo ka fu jalidan e am. 7O wi'i: Moy waawannoo wi'ugo Iburaahiima, Saratu musinan sukaaɓe? Amma mi rimanii mo suka gorko der dottinnaaku makko.
8Suka on mawnii, o entaa. Nyanne Isiyaaku entaa, Iburaahiima waɗii juulɗe mawɗe.
Iburaahiima riiwii Hagaa e Isuma'iilu
9Saratu yi'ii Isuma'iilu, suka mo Hagaa Misirankeejo rimani Iburaahiima e jala Isiyaaku. 10Ɗon nun o wi'i Iburaahiima: Riiwu korɗo#21:10 maccuɗo debbo on e ɓiyiiko, gam ɓiyiiko ronidintaa donŋu e ɓiyam Isiyaaku. 11Haala kan naawii Iburaahiima sanne, gam sabbu Isuma'iilu, ɓiyiiko. 12Amma Alla wi'i Iburaahiima: Taa accu haala kan naawee gam sabbu korɗo maa e ɓiyiiko. Waɗan Saratu ko o ƴamu maa fu. Gam diga e Isiyaaku nun lenyol ŋol gaɗan maa mi alkawal ƴiwata. 13Mi waɗan bo lenyol wurtoo diga suka korɗo maa, gam kanko bo o laati nun suka maa.
14No weeti, Iburaahiima dawi diga fajiri, o etti nafa e jollooru diyam, o hokki Hagaa. O lukitii e walbo makko. O hokki mo bo suka on, o wi'i ɓe dilla. O yawti oo yiiloo der ladde Beriseba yorne. 15No diyam jollooru ŋol heennyi, o woppi suka on e ɗoogi leggel pettel gom. 16O yahi o jooɗoy woɗɗi, jaka fiɗande kural, gam o wi'i: Mi waawataa yi'ugo to suka am maayata. O jooɗii woɗɗi o yanti oo wulla. 17Alla nani bojji suka on. Ɗon nun malaykaajo Alla noddi Hagaa diga dow kammu, o wi'i: Ume nun woodi maa Hagaa? Taa hulu, gam Alla nanii bojji suka on to o woni ɗon. 18Umma, jahaa ettaa suka on eytaa mo, gam mi waɗan lenyol manŋol ƴiwa diga e makko. 19Ɗon nun Alla maɓɓiti gite makko, o yi'i lokooru diyam, o yahi o ƴoogi o hebbini jollooru makko ŋol, o hokki suka on o yari. 20Alla e wondi e suka on, o mawni, o jooɗii der ladde Parani yorne. O laatii baawuɗo piɗol kure sanne. 21Inniiko ɓaŋani mo debbo diga leydi Misira.
Iburaahiima haɓɓidii alkawal e Abimeleki
22Wakkati majjum, Abimeleki e Pikoli, mawɗo konu mum wari to Iburaahiima, ɓe bi'i mo: Men ji'ii no Alla e wondi e maa der ko gaɗataa fu. 23Gam majjum, hunanan, no a jammataako am min e sukaaɓe am, e taaniraaɓe am. Non bo, min e himɓe leydi am fu ni der mum koɗuɗaa a waɗanan men moƴƴere hande no gaɗan maa mi. 24Iburaahiima wi'i: Mi hunoto. 25Amma Iburaahiima gaccii Abimeleki gam sabbu ɓunnu ŋol maccuɓe Abimeleki teetunoo to mum. 26Abimeleki wi'i: Mi annaa gaɗuɗo ɗum, an bo a batay am ka. To hinaa hanne, mi nanayno ka. 27Ɗon nun Iburaahiima hocci baali e na'i, o hokki ɗum Abimeleki, go ɓe fu ɗiɗo, ɓe kaɓɓidontiri alkawal. 28Ɗon nun Iburaahiima sutti borti baali jeeɗiɗi, yesi ɗi feere. 29Abimeleki ƴami Iburaahiima wi'i: Ume nun gaɗirtaa borti baali jeeɗiɗi ɗi desuɗaa feere ɗin? 30Iburaahiima toontii mo: Ettu borti baali jeeɗiɗi ɗin, gam ɗi laatanoo am seedaaku no min nun wasi ɓunnu ŋol. 31Gam majjum nun nokkuure nen noddaa Beriseba, gam ɗon nun ɓe kaɓɓidontiri alkawal. Ko inne nen filliti nun, nokkuure to alkawal haɓɓaa. 32No ɓe kaɓɓidontiri alkawal, Abimeleki e Pikoli mawɗo konu mum, ummii hooti faa genni mum der leydi Filisitinkeeɓe. 33Iburaahiima tiggi leggal noddeteeŋal tamarisi faa Beriseba. O juulani ton Joomiraawo, Alla Duumiiɗo. 34Iburaahiima jooɗii der leydi Filisitinkeeɓe ɗon faa ɓooyi.
Iliyochaguliwa sasa
:
Kuonyesha
Shirikisha
Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.