Fuɗɗoode 22
22
Alla wi'i Iburaahiima waɗirana mo Isiyaaku kiiseteeɗi
1Ɓaawo majjum, Alla fonnii Iburaahiima, o noddi mo o wi'i: Iburaahiima. Iburaahiima nootii wi'i: Mi nani Joomiraawo. 2Alla wi'i mo: Ettu Isiyaaku, suka maa gooto mo jiɗuɗaa on, jahaa faa leydi Moriya, gaɗiranaa am mo buuɗeteeɗi dow waanne ne kollan maa mi.
3Iburaahiima ummii diga subaka kecco, wattani babba mum kirike, etti maccuɓe ɗiɗo e Isiyaaku ɓiyiiko. O feƴƴi leɗɗe gaɗirteeɗe buuɗeteeɗi, o yanti laawol. O yawti far to nokkuure ne Alla hollunoo mo. 4No ɓe gaɗi jaahaaŋal faa balɗe ɗiɗi, nyalaane mum tatawre Iburaahiima ɓanti gite mum, holliri nokkuure nen diga woɗɗi. 5O wi'i maccuɓe makko ɗiɗo ɓen: Daree ɗoo onon e babba men. Min e suka am, men jahan dow waanne nee too, men gaɗana Alla buuɗeteeɗi, den men bittaa men tawa on. 6Ɗon nun Iburaahiima etti leɗɗe gaɗirteeɗe buuɗeteeɗi, roonini ɓiyiiko Isiyaaku. Kanko bo o etti yiite e laɓi o jogii, den ɓe jaadi kamɓe ɗiɗo. 7Ɗon nun Isiyaaku noddi Iburaahiima baaba mum wi'i: Baaba am! Iburaahiima toontii wi'i: Mi nani suka am. Isiyaaku wi'i: Yiite e leɗɗe nani een jogii, amma toy jawdiiri gaɗirteeni buuɗeteeɗi woni? 8Iburaahiima toontii: Suka am! Alla heɓanan hoore mum jawdiiri gaɗirteeni buuɗeteeɗi. Den ɓe fu ɗiɗo, ɓe tokkontiri eɓe jaha.
9No ɓe jottii nokkuure ne Alla wi'unoo Iburaahiima, o waɗi ton hiisirde. O yowi leɗɗe dow mayre. O haɓɓi Isiyaaku ɓiyiiko, o yowi mo dow hiisirde nen. 10Ɓaawo mum Iburaahiima forti juunŋo mum, etti laɓi gam hiisa suka mum Isiyaaku. 11Ɗon nun malaykaajo Joomiraawo noddi mo diga dow kammu o wi'i: Iburaahiima! Iburaahiima! O toontii o wi'i: Mi nani Joomiraawo. 12Ɗon nun malaykaajo on wi'i mo: Taa meemu suka on, taa waɗu mo goɗɗum. Gam jooni mi annitii aa hulammi, a ɗaway am suka maa gooto on. 13Iburaahiima ɓanti gite mum, yi'i jawdiiri ɓaawo mum, leɗɗe e jogii galarɗi mayri. O yahi o etti ni o waɗirani Alla kiiseteeɗi jayri ɓiyiiko. 14Iburaahiima noddi nokkuure nen, Alla Joomiraawo huntan haaju. Kanjum acci faa hanne himɓe e waɗa ballool e wi'a, waanne Joomiraawo to haaju huntetee.
15Malaykaajo Joomiraawo noddi Iburaahiima de ɗiɗawre diga dow kammu, 16o wi'i: Alla Joomiraawo wi'i e hunoroo e inne mum, gam sabbu ko gaɗuɗaa ɗon, gam a ɗaway mo suka maa gooto on, 17o barkiɗinte, o ɗuuɗinan lenyol maa hande koode dow kammu, e hande jaaneeri gonuni takkol maayo. Lenyol maa jaaloto wayɓe mum. 18O barkiɗinan lenyi duuniyaaru fu gam sabbu lenyol maa, gam a nananii haala makko.
19No Iburaahiima witti to maccuɓe mum, ɓe ummii ɓe kooti wuro maɓɓe, faa Beriseba.
Lenyol sukaaɓe Nahori
20Ɓaawo haalaaji ɗii ɗon nun Iburaahiima nani no Milika rimanii Nahori, minnyiiko sukaaɓe. 21Suka makko yerimaajo woni Usu, miiraawo Usu woni Busi, e Kemuweli laatiiɗo baaba Aramu, 22e Kesedi, e Haso, e Pilidasi, e Yadilafu, e Betuyeeli. 23Betuyeeli rimii Rebeka. Kamɓe nun woni sukaaɓe jeetato ɓe Milika rimani Nahori, miiraawo Iburaahiima. 24Debbo Nahori ɗiɗaɓo, noddeteeɗo Reyuma bo rimanii mo sukaaɓe, kamɓe woni, Tebaki, e Gahamu, e Tahasi, e Maaka.
Iliyochaguliwa sasa
Fuɗɗoode 22: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 22
22
Alla wi'i Iburaahiima waɗirana mo Isiyaaku kiiseteeɗi
1Ɓaawo majjum, Alla fonnii Iburaahiima, o noddi mo o wi'i: Iburaahiima. Iburaahiima nootii wi'i: Mi nani Joomiraawo. 2Alla wi'i mo: Ettu Isiyaaku, suka maa gooto mo jiɗuɗaa on, jahaa faa leydi Moriya, gaɗiranaa am mo buuɗeteeɗi dow waanne ne kollan maa mi.
3Iburaahiima ummii diga subaka kecco, wattani babba mum kirike, etti maccuɓe ɗiɗo e Isiyaaku ɓiyiiko. O feƴƴi leɗɗe gaɗirteeɗe buuɗeteeɗi, o yanti laawol. O yawti far to nokkuure ne Alla hollunoo mo. 4No ɓe gaɗi jaahaaŋal faa balɗe ɗiɗi, nyalaane mum tatawre Iburaahiima ɓanti gite mum, holliri nokkuure nen diga woɗɗi. 5O wi'i maccuɓe makko ɗiɗo ɓen: Daree ɗoo onon e babba men. Min e suka am, men jahan dow waanne nee too, men gaɗana Alla buuɗeteeɗi, den men bittaa men tawa on. 6Ɗon nun Iburaahiima etti leɗɗe gaɗirteeɗe buuɗeteeɗi, roonini ɓiyiiko Isiyaaku. Kanko bo o etti yiite e laɓi o jogii, den ɓe jaadi kamɓe ɗiɗo. 7Ɗon nun Isiyaaku noddi Iburaahiima baaba mum wi'i: Baaba am! Iburaahiima toontii wi'i: Mi nani suka am. Isiyaaku wi'i: Yiite e leɗɗe nani een jogii, amma toy jawdiiri gaɗirteeni buuɗeteeɗi woni? 8Iburaahiima toontii: Suka am! Alla heɓanan hoore mum jawdiiri gaɗirteeni buuɗeteeɗi. Den ɓe fu ɗiɗo, ɓe tokkontiri eɓe jaha.
9No ɓe jottii nokkuure ne Alla wi'unoo Iburaahiima, o waɗi ton hiisirde. O yowi leɗɗe dow mayre. O haɓɓi Isiyaaku ɓiyiiko, o yowi mo dow hiisirde nen. 10Ɓaawo mum Iburaahiima forti juunŋo mum, etti laɓi gam hiisa suka mum Isiyaaku. 11Ɗon nun malaykaajo Joomiraawo noddi mo diga dow kammu o wi'i: Iburaahiima! Iburaahiima! O toontii o wi'i: Mi nani Joomiraawo. 12Ɗon nun malaykaajo on wi'i mo: Taa meemu suka on, taa waɗu mo goɗɗum. Gam jooni mi annitii aa hulammi, a ɗaway am suka maa gooto on. 13Iburaahiima ɓanti gite mum, yi'i jawdiiri ɓaawo mum, leɗɗe e jogii galarɗi mayri. O yahi o etti ni o waɗirani Alla kiiseteeɗi jayri ɓiyiiko. 14Iburaahiima noddi nokkuure nen, Alla Joomiraawo huntan haaju. Kanjum acci faa hanne himɓe e waɗa ballool e wi'a, waanne Joomiraawo to haaju huntetee.
15Malaykaajo Joomiraawo noddi Iburaahiima de ɗiɗawre diga dow kammu, 16o wi'i: Alla Joomiraawo wi'i e hunoroo e inne mum, gam sabbu ko gaɗuɗaa ɗon, gam a ɗaway mo suka maa gooto on, 17o barkiɗinte, o ɗuuɗinan lenyol maa hande koode dow kammu, e hande jaaneeri gonuni takkol maayo. Lenyol maa jaaloto wayɓe mum. 18O barkiɗinan lenyi duuniyaaru fu gam sabbu lenyol maa, gam a nananii haala makko.
19No Iburaahiima witti to maccuɓe mum, ɓe ummii ɓe kooti wuro maɓɓe, faa Beriseba.
Lenyol sukaaɓe Nahori
20Ɓaawo haalaaji ɗii ɗon nun Iburaahiima nani no Milika rimanii Nahori, minnyiiko sukaaɓe. 21Suka makko yerimaajo woni Usu, miiraawo Usu woni Busi, e Kemuweli laatiiɗo baaba Aramu, 22e Kesedi, e Haso, e Pilidasi, e Yadilafu, e Betuyeeli. 23Betuyeeli rimii Rebeka. Kamɓe nun woni sukaaɓe jeetato ɓe Milika rimani Nahori, miiraawo Iburaahiima. 24Debbo Nahori ɗiɗaɓo, noddeteeɗo Reyuma bo rimanii mo sukaaɓe, kamɓe woni, Tebaki, e Gahamu, e Tahasi, e Maaka.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.