Fuɗɗoode 19
19
Lootu daɗii halkere Sodoma
1No kiikiiɗe waɗi, malaykaaɓe ɓen yottii Sodoma. Tawi Lootu e jooɗinoo e dammugal biriniwol Sodoma to mawɓe genni woowi jooɗaago. No Lootu yi'i ɓe, ummii taɓɓitii ɓe, jiccii yeeso maɓɓe, tuggi yeeso mum e leydi. 2O wi'i ɓe: Similla mon joomiraaɓe am, mii eela on jaalon wuro am, caƴƴon koyɗe mon baalon ɗon, den dawon diga subaka kecco, nanŋon laawol mon jawton. Ɓe bi'i: Aa'a, men baalan nun yaasi. 3Amma Lootu eyti ɓe faa ɓe nootii ɓe jaali wuro mum. O jonŋani ɓe nafa juulɗe, o waɗani ɓe bo peen ko wattanaaka ƴuufinirɗum, o hokki ɓe ɓe nyaami.
4Diga ɓe pukkaaki taw, himɓe Sodoma, diga waasiiji faa *dottiiɓe wari filfitii wuro ŋon. 5Ɓe noddi Lootu ɓe bi'i mo: Toy nun worɓe weeruɓe der wuro maa jon kiikiiɗeere nen woni? Wurtinan men ɓe gam men balda e maɓɓe. 6Lootu wurtii maɓɓi dammugal suudu ɓawɓawre mum, yahi tawi ɓe e dammugal wuro. 7O wi'i ɓe: Banniraaɓe am, mi eelan on nun, cawree, to on gaɗee kalluɗum ɗum ɗon. 8Mii woodi sukaaɓe rewɓe ɗiɗo, ɓe annaa worɓe daɗey, mi wurtinanan on ɓe gaɗiron ko jiɗuɗon. Amma worɓe ɓee ɗo, accee ɓe, gam ɓe laati nun hoɓɓe am. 9Ɓe bi'i: Fotta ɗon! An garuɗo ɗo an tan, aa laatii koɗo nun yiɗi hiitanaago men? Jooni men gaɗante kalluɗum ɓura ɓee ɗon. Ɗon nun ɓe ɓattii ɓee jeeƴa Lootu gam ɓe jaha ɓe biisa maɓɓoode suudu makko. 10Amma himɓe ɗiɗo ɓen forti juuɗe mum, happi Lootu fooɗi, naanni e suudu mum, maɓɓi dammugal. 11Den ɓe bumini himɓe darinooɓe yaasi ɓen, diga pettel faa mawɗo maɓɓe faa ɓe baaway yiitugo dammugal wuro ŋon.
12Himɓe ɓen wi'i Lootu: Moy nun gooduɗaa ɗo kade? Sukaaɓe maa worɓe, sukaaɓe rewɓe e worɓe mum, ɓe gooduɗaa fu, wurtin ɓe diga ɗon, 13gam men kalkan nun ɗon wanŋarde nen. Joomiraawo nanii bojji ɗi himɓe wullata gam baadiiji bonɗi tawaaɗi der mayre. Kan acci o liloy men men kalka ne. 14Lootu wurtii bati esiraaɓe mum ɓen, wi'i: Ummee burtee diga wanŋarde nen, gam Alla Joomiraawo halkan ne. Amma esiraaɓe makko jaɓay ka o bati ɓe.
15No fajiri waɗi, malaykaaɓe ɓen ɓilli Lootu. Ɓe bi'i: Umma, ettu debbo maa e sukaaɓe maa rewɓe ɗiɗo wonuɓe ɗon, burtee diga wanŋarde nen, gam to on kalkidee e himɓe mayre gam sabbu hakke maɓɓe. 16Amma Lootu ɓooyii wurtaaki, go ɓe kappi juunŋo makko, kanko e debbo makko e sukaaɓe makko rewɓe ɗiɗo, ɓe burtini ɓe diga wanŋarde nen, gam Alla e yiɗi daɗingo ɓe. 17Ɓaawo no ɓe burtinaa, malaykaaɓe ɓen gooto mum wi'i: Doggu daɗinaa yonki maa, taa yee'ita, taa dara bo e jayri nii ɗo. Doggu far to baalle, gam taa halku. 18Lootu wi'i: Aa'a, Joomiraawo. 19A waɗanii am moƴƴere, a hollii am bo manŋu yurumeene maa no daɗinɗaa yonki am. Amma mi waawataa mi dogga mi yottoo waanne nen, go toora kan hewtoo am, mi maaya. 20A yi'ii genni gonuni yeeso ɗo, nii ɓattii, ni mawnaa bo. Accu mi dogga mi suuɗoo ton gam mi daɗa. Naa genni nin faanɗaa baa? 21Ɗon nun malaykaajo on wi'i: Mi waɗante moƴƴere kade. Mi halkataa genni ni batanɗaa nin. 22Doggu lallaw, jahaa cuuɗoɗaa ton, gam mi waɗataa goɗɗum, sey to a yottake ton. Kan acci genni nin noddaa Jo'ari, ka yiɗu nun wi'ugo pettel. 23Wakkati naaŋe fuɗata nun Lootu yottii Jo'ari.
24Ɗon nun Alla Joomiraawo toɓini bu'e naaŋe e yiite diga dow der Sodoma e Gomora. 25O halki wanŋarɗe ɗen e jeyde mum fu, e himɓe mum fu, e ko fuɗi ton fu. 26Amma debbo Lootu yee'itii daari ɓaawo, ɗon nun o waylitii hayre lamɗam.
27Iburaahiima ummii diga subaka kecco, o yahi nokkuure ne o baddunoo e Joomiraawo. 28O faɗɗi gite makko o daari far to Sodoma e Gomora e jeyde mum fu, o yi'i curki ummii diga leydi hande curki yiite manŋe. 29No Alla halkata jeyde wanŋarɗe ɗen, siwtori Iburaahiima, go daɗini Lootu bone tawune wanŋarɗe to jooɗinoo der mum.
Lenyol Mo'abinkeeɓe e Ammoninkeeɓe
30Lootu ummii diga Jo'ari, o yahi o jooɗii der lowol waanne gom, kanko e sukaaɓe makko rewɓe ɗiɗo, gam o hulii jooɗaago Jo'ari. 31Ɗon nun suka makko yerimaajo wi'i miiraawo mum: Baaba meeɗen naywii, nani bo gorko gom walaa der leydi nii, ɓaŋanɗo en hande no himɓe fu woowi waɗugo. 32War jarnen baaba men bagi puy, den mum baaliden e makko gam to lenyol baaba men waatu. 33Kiikiiɗe mum ɓe jarni baaba maɓɓe bagi. Ɗon nun suka makko yerimaajo yahi fukkodii e makko. Amma baaba maɓɓe annaa de o fukkodii e mum, annaa bo de o ummii. 34No weeti, suka yerimaajo on wi'i miiraawo mum: Hanki mi fukkodake e baaba meeɗen, kiikiiɗe, en jarnu mo kade bagi. Den jahaa pukkodoɗaa e makko gam to lenyol baaba meeɗen waatu. 35No kiikiiɗe waɗi, ɓe jarni baaba maɓɓe kade bagi. Ɗon miiraawo bo yahi fukkodii e makko. Amma baaba maɓɓe annaa de o fukkodii e mum, annaa bo de o ummii. 36Non non sukaaɓe Lootu ɗiɗo ɓen fu saawiri diga e baaba maɓɓe. 37Mawniraawo on rimi suka gorko. O hokki mo inne Mo'abu. Diga e makko nun lenyol Mo'abinkeeɓe wurtii hanne. 38Miiraawo on bo rimi suka gorko. O hokki mo inne Beni Ammi. Diga e makko nun lenyol Ammoninkeeɓe wurtii hanne.
Iliyochaguliwa sasa
Fuɗɗoode 19: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 19
19
Lootu daɗii halkere Sodoma
1No kiikiiɗe waɗi, malaykaaɓe ɓen yottii Sodoma. Tawi Lootu e jooɗinoo e dammugal biriniwol Sodoma to mawɓe genni woowi jooɗaago. No Lootu yi'i ɓe, ummii taɓɓitii ɓe, jiccii yeeso maɓɓe, tuggi yeeso mum e leydi. 2O wi'i ɓe: Similla mon joomiraaɓe am, mii eela on jaalon wuro am, caƴƴon koyɗe mon baalon ɗon, den dawon diga subaka kecco, nanŋon laawol mon jawton. Ɓe bi'i: Aa'a, men baalan nun yaasi. 3Amma Lootu eyti ɓe faa ɓe nootii ɓe jaali wuro mum. O jonŋani ɓe nafa juulɗe, o waɗani ɓe bo peen ko wattanaaka ƴuufinirɗum, o hokki ɓe ɓe nyaami.
4Diga ɓe pukkaaki taw, himɓe Sodoma, diga waasiiji faa *dottiiɓe wari filfitii wuro ŋon. 5Ɓe noddi Lootu ɓe bi'i mo: Toy nun worɓe weeruɓe der wuro maa jon kiikiiɗeere nen woni? Wurtinan men ɓe gam men balda e maɓɓe. 6Lootu wurtii maɓɓi dammugal suudu ɓawɓawre mum, yahi tawi ɓe e dammugal wuro. 7O wi'i ɓe: Banniraaɓe am, mi eelan on nun, cawree, to on gaɗee kalluɗum ɗum ɗon. 8Mii woodi sukaaɓe rewɓe ɗiɗo, ɓe annaa worɓe daɗey, mi wurtinanan on ɓe gaɗiron ko jiɗuɗon. Amma worɓe ɓee ɗo, accee ɓe, gam ɓe laati nun hoɓɓe am. 9Ɓe bi'i: Fotta ɗon! An garuɗo ɗo an tan, aa laatii koɗo nun yiɗi hiitanaago men? Jooni men gaɗante kalluɗum ɓura ɓee ɗon. Ɗon nun ɓe ɓattii ɓee jeeƴa Lootu gam ɓe jaha ɓe biisa maɓɓoode suudu makko. 10Amma himɓe ɗiɗo ɓen forti juuɗe mum, happi Lootu fooɗi, naanni e suudu mum, maɓɓi dammugal. 11Den ɓe bumini himɓe darinooɓe yaasi ɓen, diga pettel faa mawɗo maɓɓe faa ɓe baaway yiitugo dammugal wuro ŋon.
12Himɓe ɓen wi'i Lootu: Moy nun gooduɗaa ɗo kade? Sukaaɓe maa worɓe, sukaaɓe rewɓe e worɓe mum, ɓe gooduɗaa fu, wurtin ɓe diga ɗon, 13gam men kalkan nun ɗon wanŋarde nen. Joomiraawo nanii bojji ɗi himɓe wullata gam baadiiji bonɗi tawaaɗi der mayre. Kan acci o liloy men men kalka ne. 14Lootu wurtii bati esiraaɓe mum ɓen, wi'i: Ummee burtee diga wanŋarde nen, gam Alla Joomiraawo halkan ne. Amma esiraaɓe makko jaɓay ka o bati ɓe.
15No fajiri waɗi, malaykaaɓe ɓen ɓilli Lootu. Ɓe bi'i: Umma, ettu debbo maa e sukaaɓe maa rewɓe ɗiɗo wonuɓe ɗon, burtee diga wanŋarde nen, gam to on kalkidee e himɓe mayre gam sabbu hakke maɓɓe. 16Amma Lootu ɓooyii wurtaaki, go ɓe kappi juunŋo makko, kanko e debbo makko e sukaaɓe makko rewɓe ɗiɗo, ɓe burtini ɓe diga wanŋarde nen, gam Alla e yiɗi daɗingo ɓe. 17Ɓaawo no ɓe burtinaa, malaykaaɓe ɓen gooto mum wi'i: Doggu daɗinaa yonki maa, taa yee'ita, taa dara bo e jayri nii ɗo. Doggu far to baalle, gam taa halku. 18Lootu wi'i: Aa'a, Joomiraawo. 19A waɗanii am moƴƴere, a hollii am bo manŋu yurumeene maa no daɗinɗaa yonki am. Amma mi waawataa mi dogga mi yottoo waanne nen, go toora kan hewtoo am, mi maaya. 20A yi'ii genni gonuni yeeso ɗo, nii ɓattii, ni mawnaa bo. Accu mi dogga mi suuɗoo ton gam mi daɗa. Naa genni nin faanɗaa baa? 21Ɗon nun malaykaajo on wi'i: Mi waɗante moƴƴere kade. Mi halkataa genni ni batanɗaa nin. 22Doggu lallaw, jahaa cuuɗoɗaa ton, gam mi waɗataa goɗɗum, sey to a yottake ton. Kan acci genni nin noddaa Jo'ari, ka yiɗu nun wi'ugo pettel. 23Wakkati naaŋe fuɗata nun Lootu yottii Jo'ari.
24Ɗon nun Alla Joomiraawo toɓini bu'e naaŋe e yiite diga dow der Sodoma e Gomora. 25O halki wanŋarɗe ɗen e jeyde mum fu, e himɓe mum fu, e ko fuɗi ton fu. 26Amma debbo Lootu yee'itii daari ɓaawo, ɗon nun o waylitii hayre lamɗam.
27Iburaahiima ummii diga subaka kecco, o yahi nokkuure ne o baddunoo e Joomiraawo. 28O faɗɗi gite makko o daari far to Sodoma e Gomora e jeyde mum fu, o yi'i curki ummii diga leydi hande curki yiite manŋe. 29No Alla halkata jeyde wanŋarɗe ɗen, siwtori Iburaahiima, go daɗini Lootu bone tawune wanŋarɗe to jooɗinoo der mum.
Lenyol Mo'abinkeeɓe e Ammoninkeeɓe
30Lootu ummii diga Jo'ari, o yahi o jooɗii der lowol waanne gom, kanko e sukaaɓe makko rewɓe ɗiɗo, gam o hulii jooɗaago Jo'ari. 31Ɗon nun suka makko yerimaajo wi'i miiraawo mum: Baaba meeɗen naywii, nani bo gorko gom walaa der leydi nii, ɓaŋanɗo en hande no himɓe fu woowi waɗugo. 32War jarnen baaba men bagi puy, den mum baaliden e makko gam to lenyol baaba men waatu. 33Kiikiiɗe mum ɓe jarni baaba maɓɓe bagi. Ɗon nun suka makko yerimaajo yahi fukkodii e makko. Amma baaba maɓɓe annaa de o fukkodii e mum, annaa bo de o ummii. 34No weeti, suka yerimaajo on wi'i miiraawo mum: Hanki mi fukkodake e baaba meeɗen, kiikiiɗe, en jarnu mo kade bagi. Den jahaa pukkodoɗaa e makko gam to lenyol baaba meeɗen waatu. 35No kiikiiɗe waɗi, ɓe jarni baaba maɓɓe kade bagi. Ɗon miiraawo bo yahi fukkodii e makko. Amma baaba maɓɓe annaa de o fukkodii e mum, annaa bo de o ummii. 36Non non sukaaɓe Lootu ɗiɗo ɓen fu saawiri diga e baaba maɓɓe. 37Mawniraawo on rimi suka gorko. O hokki mo inne Mo'abu. Diga e makko nun lenyol Mo'abinkeeɓe wurtii hanne. 38Miiraawo on bo rimi suka gorko. O hokki mo inne Beni Ammi. Diga e makko nun lenyol Ammoninkeeɓe wurtii hanne.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.