Fuɗɗoode 18
18
Alla fiinii dingol Isiyaaku
1Alla Joomiraawo suppitanii Iburaahiima caka leɗɗe mawɗe ɗe Mamure, wakkati o jooɗii e dammugal bukaaru makko caka nyalooma. 2O ɓanti gite makko o daari, o yi'i worɓe tato e darii yeeso makko. No o yi'i ɓe, o ummii diga dammugal bukaaru makko, o doggi o yahi fottugo ɓe. O jiccii e leydi, yeeso maɓɓe. 3O wi'i gooto maɓɓe: Joomiraawo, mi eelete nun, moƴƴanaa am, daroɗaa wuro am, min maccuɗo maa. 4Mi eelan on nun, accee gaddaneɗon diyam caƴƴon koyɗe mon, den ciwtoɗon e ɗoogi. 5Mi yahan mi waddanaa on nafa seɗɗa nyaamon gam ɓalli mon semmiɗa. Ɓaawo mum, nanŋon laawol mon jawton. Den mum yaalugo mon to maccuɗo mon waɗay baanji. Ɓe toontii ɓe bi'i: E wooɗi, waɗu hande no batuɗaa.
6Iburaahiima doggi lallaw witti e bukaaru mum, wi'i Saratu: Ettu law conni etorɗe tati, laawaa gaɗaa peen. 7Iburaahiima doggiri to hoggo mum, happi gaari baggiri, booɗuni, hokki ni maccuɗo mum, oo ɗon hiisi ni ɗon maa ɗon, defi ni. 8O etti kettuŋol e kosam ɓiraaɗam, e tew defaaɗum ɗum o yesani ɓe. O darii takkol maɓɓe e ɗoogi wakkati ɓe nyaamata hande no tawaaŋal maɓɓe.
9Ɗon nun ɓe ƴami ɓe bi'i: Toy nun debbo maa Saratu woni? O toontii ɓe: O na'on der suudu. 10Hoɓɓe ɓen gooto mum wi'i: Mawuuri hande ninnii, mi wittaan to maa, den mum Saratu debbo maa riman suka gorko. Saratu e darinoo e dammugal bukaaru wonunu ɓaawo koɗo on, e hettinii.
11Iburaahiima e Saratu naywii, duuɓi maɓɓe ɗuuɗii. Saratu bo accii heɓugo al'aada rewɓe. 12Saratu jali der ɓerne mum wi'i: Jooni de naywumi, gorko am bo naywii, men baawan kade nanugo belɗum kawtal ɓalli na? 13Alla Joomiraawo wi'i Iburaahiima: Gam ume Saratu jali o wi'i: Mi waawan hinaa e gooŋa heɓugo suka, min nayeejo oo ɗo? 14Goɗɗum hinaa na'on ko Alla tampi waɗugo? Mawuuri hande ninnii, mi wittaan to maa, den mum Saratu riman suka gorko. 15Saratu fewi wi'i: Mi jalay. Gam o hulii. Amma Alla wi'i: Fewre nun, a jalii.
Iburaahiima du'anake Sodoma
16Ɗon nun himɓe ɓen ummii, ɓe jawti, ɓe daari far to Sodoma. Iburaahiima ummii ɗotti ɓe. 17Ɗon nun Alla Joomiraawo wi'i: Haanay mi suuɗa Iburaahiima ko jiɗumi waɗugo, 18gam lenyol makko laatoto manŋol, ŋol semmiɗa bo. Lenyi duuniyaaru fu bo heɓan barke diga e makko. 19Mi suɓii mo gam o holla sukaaɓe makko e lenyol maɓɓe ɓe tokka laawol am e gooŋaaku, ɓe jiɗammi bo. Den mum mi hebbinan alkawal ŋal kaɓɓunoomi e Iburaahiima. 20Alla Joomiraawo wi'i: Bojji himɓe mawnii sanne gam sabbu baadi himɓe Sodoma e Gomora bonni. Hakke maɓɓe bo faantii. 21Gam majjum, mi jippoto mi yi'a naa e gooŋa ɓe gaɗan nun hande no nananmi. Den mum mi faaman to non ka wa'i naa bo non non bane. 22Himɓe ɓen ɗiɗo mum yawtiri far to Sodoma. Amma Joomiraawo e darodii e Iburaahiima taw. 23Iburaahiima ɓattii mo wi'i: E gooŋa hinaa a halkidan gooŋaajo e kalluɗo? 24Waɗoto gooŋaaɓe lasoy ɗiɗo e sappo na'on der wanŋarde nen. Kamɓe bo a halkan ɓe baa? A sawrantaako wanŋarde nen gam sabbu himɓe lasoy ɗiɗo e sappo laatiiɓe gooŋaaɓe ɓen? 25Waɗataako gaɗaa hande ɗum ɗon, kalkidaa laatiiɗo gooŋaajo e kalluɗo, den gooŋaajo e kalluɗo heɓa riiba goota kan. An kiitotooɗo duuniyaaru fu, a dullataa hiitoraago e gooŋaaku. 26Den Alla Joomiraawo wi'i: To mi tawii himɓe lasoy ɗiɗo e sappo der Sodoma, laatiiɓe gooŋaaɓe, mi sawranto wanŋarde nen fu gam sabbu maɓɓe. 27Iburaahiima ɓeydi wi'i: Joomiraawo, mi suusii baddu maa mi, min laatiiɗo hande sollaare e dooni. 28Waɗoto der himɓe lasoy ɗiɗo e sappo laatiiɓe gooŋaaɓe ɓen, joyo ɓuytoo der maɓɓe, gam sabbu joyo ɓuytiiɓe ɓen, a halkan wanŋarde nen fu na? Alla Joomiraawo wi'i: Mi halkataa ne to mi tawii der mayre himɓe lasoy ɗiɗo e joyo laatiiɓe gooŋaaɓe. 29Iburaahiima wi'i Joomiraawo kade: Waɗoto gooŋaaɓe lasoy ɗiɗo nun tawaa der mayre. Joomiraawo wi'i: Mi accan wanŋarde nen gam sabbu himɓe lasoy ɗiɗo laatiiɓe gooŋaaɓe ɓen. 30Iburaahiima wi'i: Joomiraawo, mi eelete nun, taa ɓernu to mii badde kade. Waɗoto gooŋaaɓe laso e sappo nun woni ɗon. Alla Joomiraawo wi'i: Mi halkataa wanŋarde nen to mi tawii himɓe laso e sappo laatiiɓe gooŋaaɓe der mayre. 31Iburaahiima wi'i: Mi suusii mii badde kade, Joomiraawo. To himɓe laatiiɓe gooŋaaɓe laso nun tawaa der wanŋarde nen bo na? Alla Joomiraawo wi'i: Mi halkataa wanŋarde nen gam sabbu himɓe laso ɓen. 32Iburaahiima wi'i: Mi eelete nun Joomiraawo, taa ɓernu, gam mi ɓeydataa kade baddugo maa. Waɗoto himɓe sappo nun woni ɗon laatiiɓe gooŋaaɓe. Alla Joomiraawo wi'i: Mi halkataa wanŋarde nen to mi tawii der mayre himɓe sappo laatiiɓe gooŋaaɓe. 33No Alla Joomiraawo baddidi Iburaahiima, yawti, Iburaahiima bo witti wuro mum.
Iliyochaguliwa sasa
Fuɗɗoode 18: BFB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.
Fuɗɗoode 18
18
Alla fiinii dingol Isiyaaku
1Alla Joomiraawo suppitanii Iburaahiima caka leɗɗe mawɗe ɗe Mamure, wakkati o jooɗii e dammugal bukaaru makko caka nyalooma. 2O ɓanti gite makko o daari, o yi'i worɓe tato e darii yeeso makko. No o yi'i ɓe, o ummii diga dammugal bukaaru makko, o doggi o yahi fottugo ɓe. O jiccii e leydi, yeeso maɓɓe. 3O wi'i gooto maɓɓe: Joomiraawo, mi eelete nun, moƴƴanaa am, daroɗaa wuro am, min maccuɗo maa. 4Mi eelan on nun, accee gaddaneɗon diyam caƴƴon koyɗe mon, den ciwtoɗon e ɗoogi. 5Mi yahan mi waddanaa on nafa seɗɗa nyaamon gam ɓalli mon semmiɗa. Ɓaawo mum, nanŋon laawol mon jawton. Den mum yaalugo mon to maccuɗo mon waɗay baanji. Ɓe toontii ɓe bi'i: E wooɗi, waɗu hande no batuɗaa.
6Iburaahiima doggi lallaw witti e bukaaru mum, wi'i Saratu: Ettu law conni etorɗe tati, laawaa gaɗaa peen. 7Iburaahiima doggiri to hoggo mum, happi gaari baggiri, booɗuni, hokki ni maccuɗo mum, oo ɗon hiisi ni ɗon maa ɗon, defi ni. 8O etti kettuŋol e kosam ɓiraaɗam, e tew defaaɗum ɗum o yesani ɓe. O darii takkol maɓɓe e ɗoogi wakkati ɓe nyaamata hande no tawaaŋal maɓɓe.
9Ɗon nun ɓe ƴami ɓe bi'i: Toy nun debbo maa Saratu woni? O toontii ɓe: O na'on der suudu. 10Hoɓɓe ɓen gooto mum wi'i: Mawuuri hande ninnii, mi wittaan to maa, den mum Saratu debbo maa riman suka gorko. Saratu e darinoo e dammugal bukaaru wonunu ɓaawo koɗo on, e hettinii.
11Iburaahiima e Saratu naywii, duuɓi maɓɓe ɗuuɗii. Saratu bo accii heɓugo al'aada rewɓe. 12Saratu jali der ɓerne mum wi'i: Jooni de naywumi, gorko am bo naywii, men baawan kade nanugo belɗum kawtal ɓalli na? 13Alla Joomiraawo wi'i Iburaahiima: Gam ume Saratu jali o wi'i: Mi waawan hinaa e gooŋa heɓugo suka, min nayeejo oo ɗo? 14Goɗɗum hinaa na'on ko Alla tampi waɗugo? Mawuuri hande ninnii, mi wittaan to maa, den mum Saratu riman suka gorko. 15Saratu fewi wi'i: Mi jalay. Gam o hulii. Amma Alla wi'i: Fewre nun, a jalii.
Iburaahiima du'anake Sodoma
16Ɗon nun himɓe ɓen ummii, ɓe jawti, ɓe daari far to Sodoma. Iburaahiima ummii ɗotti ɓe. 17Ɗon nun Alla Joomiraawo wi'i: Haanay mi suuɗa Iburaahiima ko jiɗumi waɗugo, 18gam lenyol makko laatoto manŋol, ŋol semmiɗa bo. Lenyi duuniyaaru fu bo heɓan barke diga e makko. 19Mi suɓii mo gam o holla sukaaɓe makko e lenyol maɓɓe ɓe tokka laawol am e gooŋaaku, ɓe jiɗammi bo. Den mum mi hebbinan alkawal ŋal kaɓɓunoomi e Iburaahiima. 20Alla Joomiraawo wi'i: Bojji himɓe mawnii sanne gam sabbu baadi himɓe Sodoma e Gomora bonni. Hakke maɓɓe bo faantii. 21Gam majjum, mi jippoto mi yi'a naa e gooŋa ɓe gaɗan nun hande no nananmi. Den mum mi faaman to non ka wa'i naa bo non non bane. 22Himɓe ɓen ɗiɗo mum yawtiri far to Sodoma. Amma Joomiraawo e darodii e Iburaahiima taw. 23Iburaahiima ɓattii mo wi'i: E gooŋa hinaa a halkidan gooŋaajo e kalluɗo? 24Waɗoto gooŋaaɓe lasoy ɗiɗo e sappo na'on der wanŋarde nen. Kamɓe bo a halkan ɓe baa? A sawrantaako wanŋarde nen gam sabbu himɓe lasoy ɗiɗo e sappo laatiiɓe gooŋaaɓe ɓen? 25Waɗataako gaɗaa hande ɗum ɗon, kalkidaa laatiiɗo gooŋaajo e kalluɗo, den gooŋaajo e kalluɗo heɓa riiba goota kan. An kiitotooɗo duuniyaaru fu, a dullataa hiitoraago e gooŋaaku. 26Den Alla Joomiraawo wi'i: To mi tawii himɓe lasoy ɗiɗo e sappo der Sodoma, laatiiɓe gooŋaaɓe, mi sawranto wanŋarde nen fu gam sabbu maɓɓe. 27Iburaahiima ɓeydi wi'i: Joomiraawo, mi suusii baddu maa mi, min laatiiɗo hande sollaare e dooni. 28Waɗoto der himɓe lasoy ɗiɗo e sappo laatiiɓe gooŋaaɓe ɓen, joyo ɓuytoo der maɓɓe, gam sabbu joyo ɓuytiiɓe ɓen, a halkan wanŋarde nen fu na? Alla Joomiraawo wi'i: Mi halkataa ne to mi tawii der mayre himɓe lasoy ɗiɗo e joyo laatiiɓe gooŋaaɓe. 29Iburaahiima wi'i Joomiraawo kade: Waɗoto gooŋaaɓe lasoy ɗiɗo nun tawaa der mayre. Joomiraawo wi'i: Mi accan wanŋarde nen gam sabbu himɓe lasoy ɗiɗo laatiiɓe gooŋaaɓe ɓen. 30Iburaahiima wi'i: Joomiraawo, mi eelete nun, taa ɓernu to mii badde kade. Waɗoto gooŋaaɓe laso e sappo nun woni ɗon. Alla Joomiraawo wi'i: Mi halkataa wanŋarde nen to mi tawii himɓe laso e sappo laatiiɓe gooŋaaɓe der mayre. 31Iburaahiima wi'i: Mi suusii mii badde kade, Joomiraawo. To himɓe laatiiɓe gooŋaaɓe laso nun tawaa der wanŋarde nen bo na? Alla Joomiraawo wi'i: Mi halkataa wanŋarde nen gam sabbu himɓe laso ɓen. 32Iburaahiima wi'i: Mi eelete nun Joomiraawo, taa ɓernu, gam mi ɓeydataa kade baddugo maa. Waɗoto himɓe sappo nun woni ɗon laatiiɓe gooŋaaɓe. Alla Joomiraawo wi'i: Mi halkataa wanŋarde nen to mi tawii der mayre himɓe sappo laatiiɓe gooŋaaɓe. 33No Alla Joomiraawo baddidi Iburaahiima, yawti, Iburaahiima bo witti wuro mum.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Bible Fulfulde Bénin © SIM International 2015, 2024.