Malika 5
5
1-21: Mat. 8, 28-34; Luk. 8, 26-40.
1Neke baho valovoṅasage ińandza neke vakafikage imwambu jila, mu-ńi ja va-Gelasene.
2Neke avye ihuma mukyômbo, neke baho amutaṅanidzage umunu, je gwamugwilye umubepo umulamafu.
3Avujilaga kumilungu, avalemile avanu vonda, pe vatigilaga tumufunge, na gi mińololo gyalemilwe.
4Pakuva avene vaganaga vamwâvike mumińololo nififungilo fya ma-gulu, neke agidumuliṅasage imińololo gyanavo neke ifyene ififungilo afisegejulage. Neke baho pavedzage sipwali nambi jumwi umuńa-kumwavika.
5Neke mbêpali ifigono fyonda nifya pamûńi nifya pakilo ahwedzaga namumilungu nakufidunda neke akutage neke ikińage namaganga.
6Neke avye amuvwene Jesu patalitali, neke baho ańililage ukwakwe neke agondamidzage pasi ukwakwe neke amugongolage ukutigila:
7tuli vuki nani naveve, ve Jesu, ve muswamuve va Nguluvi, j’alutye kufyonda; ndijigilidza na kwa Nguluvi ukuta utane ukunodzanodza. 1, 24.
8Paku va atigye: ve mubepo umukali, ulokage kwa munu uju.
9Neke Jesu amuvudzage atigilage: ilitavwa lyako vwi nani. Neke umwene apilusage atigilage: je nene Lilugu ilitavwa lyangu, pakuva tuli volofu.
10Neke ahongedzage mbandu kwa Jesu neke atigilage: utane ukutudaga mumugola ugu.
11Neke lino kyali pokili ikipinga kya ngubi, ikyalyaga ilisoli pakatanana.
12Neke baho imibepo imilamafu neke gihonge-dzage gitigilage: apo unefwe utupelage ingubi dzila, mwe tukmgile.
13Neke umwene Jesu neke ulu avidikage. Neke baho imibepo imilamafu neke gilokage neke gikingilage mungubi. Neke baho ingubi ikipinga kyonda neke dzitagage pigema neke dzitodzage muńandza, dzali ńambilima dzivili (2000) neke dzifwilage muńandza.
14Neke avakwamidzi, avadzidimaga ingubi, neke vakimbilage kukâja, neke vakajipulisage mukâja jonda na mufidunda. Neke baho vahelelage mukwilolela, lwe aluvonise.
15Neke vakafikage baho, pe ali u-Jesu, neke vakavonage umunu jujo, je gyamufikile imidemono, neke vavonage ikalile vunofu, afwete nimyênda, ve akengeletye jujo je akali nililugu; neke vogopage.
16Neke avene, avaluvwene, vavavulage na lwe amunanyaga umuńa-mubepo umulamafu nulwa ngubi.
17Neke baho avene vakole mukugongola ukwakwe vatigilage: ungahega mu-ńi jesu muno.
18Neke avye ikwingila mukyômbo, neke baho umuńa-mubepo umukali neke asukage ukwakwe atigilage: ve mutw’ave, lino twigendasaga.
19Neke umwene Jesu neke ikanilage neke atigilage: nda, uveve uhelelage kukâja jako na kulukolo lwako, ukavalongelage, lwe akugimbye umutwa, lwe akupyanye.
20Neke umwene alungamilage ku-Dekapōli neke akadzipulisage dzonda, dze amulimye umwene u-Jesu. Neke avanu vonda vadzumangage. 7, 31.
21Neke umwene Jesu avye alovwike mukyômbo, avye adzifike imwambu ijingi, neke baho vakalundanilage apakwe avanu avolofu, umwene pe ăli pańandza.
22-43: Mat. 9, 18-26; Luk. 8, 41-66.
22Neke baho umundzagila uva luholanilo, ilitavwa lyakwe ali je Jajili, neke je ahegelelage ukwakwe, neke pe avye amuvwene, neke baho agondamidzage mumagulu.
23Neke adedevage hîlo ukutigila: umwalivangu gwikoka, vwadzage tuvujase ukwangu, ukamuvike ilivoko, apo ihôka kangi, ivedza mûmi. 7, 32.
24Neke umwene fihegasage. Neke vamuninilage avanu ikipuga ikikomi, neke pamwene jivedzage mińanilo.
25Neke pali pwali umukińinavo jumwi, je atabatye uvuńapasi imyâka likyumi na givili.
26Neke umukiṅinavo uju apumwike na kuvaganga avolofu, kwe kyamalikye nikyûma kyakwe kyonda ku kuvaganga, umwene swêla nambi anogage ponu; neke ikitamwa kitanililage kangi ukutabatila.
27Neke avye amupulike u-Jesu, neke baho agendelage kumigongo gya vanu neke ahegēlelage kumbele neke abasage mundote jakwe.
28Pakuva umwene mwileme atigilaga: nde ndivedzage ndikwabasa hela gi myênda gyakwe, apo ndinoga.
29Neke baho kyumage ikilwita kya danda jakwe neke ivonage nukuta, lino ndiponile pamuvili gwangu ikitamwa, ikikâ mukumumusa.
30Neke baho umwene Jesu neke ivonage baho-baho ukutigila ingufu dzanguidzingi dzihegile, neke asedukilage kuvanu neke atigilage: je ani, je andzabasidze mumyênda gyangu? Luk. 6, 19.
31Neke vapilusage avańigendwa vakwe neke vatigilage: usilola avanu, avavikile mińanilo baha, kangi uveve vwitigila: andzabasidze ani?
32Neke umwene alolesage pakumuvona, je amwabasidze.
33Neke umwene umukiṅinavo neke limugwilage ilitulo neke akole mukuhilila, pakuva ivwene ukuta: ndinogile, neke baho agwidzage pasi ukwakwe neke amugotolelage jonda inôngwa, ve vojili.
34Neke umwene atigilage: ve mwalivangu uveve, lukunodzidze lu lufuvo lwako, uhelelage, ve kuvalye, neke na ki kitamwa kyako, ikikali mukukupumusa, kisilavuja kikuvwile.
35Neke avye akululonga ulu, neke baho vafikage avańa-mulomo, avahumile kwa mundzagila va luholanilo neke vatigilage: umwalivo afwe, ukumufwahidza va kiki umuvulanidzi va vêne?
36Neke umwene Jesu apulikage, lwe vikumuvula umuudzagila vanavo uva luholanilo, neke baho atigilage: uveve utane ukogopa, ufuvwage ku kufuvwa.
37Neke atanidzage avańa-kumuninila neke avinulage hela na Petele na Jakovo na Johana, umunuṅuve va Jakovo.
38Neke baho vafikage kuńumba ja mundzagila vanavo uva luholanilo. Neke mwe mwene Jesu mwe alivonage nilijōjo ilyolofu ilya vańa-kivembo nilya vavemba-muno.
39Neke ingilage neke atigilage: ilijōjo ili lya kiki? Ikivembo mwivembela kiki? Umuhindza asifwe, ndâla agonelye swe. Neke baho avene vamuhekage. Joh. 11, 11.
40Neke umwene vonda neke avadagage. Neke baho umwene avinulage nudadye va mwalive neke nuṅina neke navakwe, ve ali navo, neke ingilage navo mumo, mwe ali umwâna.
41Neke baho alibatage ilivoko lya mwâna neke atigilage: talitakumi! Kwe kutigila: ve kahindz’ave, ndikukuvula nditigila ula-muke. Luk. 7, 14.
42Neke baho nakalingi akahindza neke kalamu-kage neke kagendage. Akene imyâka gyakwe kagonile mińikyumi na givili. Neke baho vakuvilage sikukuvila.
43Neke umwene alagilage ukuta: ulu atane ukulukagula ujungi; neke atigilage: umwaliveńu ujo lino mumupelage ifilyo, alidzage.
Iliyochaguliwa sasa
Malika 5: II
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.
Malika 5
5
1-21: Mat. 8, 28-34; Luk. 8, 26-40.
1Neke baho valovoṅasage ińandza neke vakafikage imwambu jila, mu-ńi ja va-Gelasene.
2Neke avye ihuma mukyômbo, neke baho amutaṅanidzage umunu, je gwamugwilye umubepo umulamafu.
3Avujilaga kumilungu, avalemile avanu vonda, pe vatigilaga tumufunge, na gi mińololo gyalemilwe.
4Pakuva avene vaganaga vamwâvike mumińololo nififungilo fya ma-gulu, neke agidumuliṅasage imińololo gyanavo neke ifyene ififungilo afisegejulage. Neke baho pavedzage sipwali nambi jumwi umuńa-kumwavika.
5Neke mbêpali ifigono fyonda nifya pamûńi nifya pakilo ahwedzaga namumilungu nakufidunda neke akutage neke ikińage namaganga.
6Neke avye amuvwene Jesu patalitali, neke baho ańililage ukwakwe neke agondamidzage pasi ukwakwe neke amugongolage ukutigila:
7tuli vuki nani naveve, ve Jesu, ve muswamuve va Nguluvi, j’alutye kufyonda; ndijigilidza na kwa Nguluvi ukuta utane ukunodzanodza. 1, 24.
8Paku va atigye: ve mubepo umukali, ulokage kwa munu uju.
9Neke Jesu amuvudzage atigilage: ilitavwa lyako vwi nani. Neke umwene apilusage atigilage: je nene Lilugu ilitavwa lyangu, pakuva tuli volofu.
10Neke ahongedzage mbandu kwa Jesu neke atigilage: utane ukutudaga mumugola ugu.
11Neke lino kyali pokili ikipinga kya ngubi, ikyalyaga ilisoli pakatanana.
12Neke baho imibepo imilamafu neke gihonge-dzage gitigilage: apo unefwe utupelage ingubi dzila, mwe tukmgile.
13Neke umwene Jesu neke ulu avidikage. Neke baho imibepo imilamafu neke gilokage neke gikingilage mungubi. Neke baho ingubi ikipinga kyonda neke dzitagage pigema neke dzitodzage muńandza, dzali ńambilima dzivili (2000) neke dzifwilage muńandza.
14Neke avakwamidzi, avadzidimaga ingubi, neke vakimbilage kukâja, neke vakajipulisage mukâja jonda na mufidunda. Neke baho vahelelage mukwilolela, lwe aluvonise.
15Neke vakafikage baho, pe ali u-Jesu, neke vakavonage umunu jujo, je gyamufikile imidemono, neke vavonage ikalile vunofu, afwete nimyênda, ve akengeletye jujo je akali nililugu; neke vogopage.
16Neke avene, avaluvwene, vavavulage na lwe amunanyaga umuńa-mubepo umulamafu nulwa ngubi.
17Neke baho avene vakole mukugongola ukwakwe vatigilage: ungahega mu-ńi jesu muno.
18Neke avye ikwingila mukyômbo, neke baho umuńa-mubepo umukali neke asukage ukwakwe atigilage: ve mutw’ave, lino twigendasaga.
19Neke umwene Jesu neke ikanilage neke atigilage: nda, uveve uhelelage kukâja jako na kulukolo lwako, ukavalongelage, lwe akugimbye umutwa, lwe akupyanye.
20Neke umwene alungamilage ku-Dekapōli neke akadzipulisage dzonda, dze amulimye umwene u-Jesu. Neke avanu vonda vadzumangage. 7, 31.
21Neke umwene Jesu avye alovwike mukyômbo, avye adzifike imwambu ijingi, neke baho vakalundanilage apakwe avanu avolofu, umwene pe ăli pańandza.
22-43: Mat. 9, 18-26; Luk. 8, 41-66.
22Neke baho umundzagila uva luholanilo, ilitavwa lyakwe ali je Jajili, neke je ahegelelage ukwakwe, neke pe avye amuvwene, neke baho agondamidzage mumagulu.
23Neke adedevage hîlo ukutigila: umwalivangu gwikoka, vwadzage tuvujase ukwangu, ukamuvike ilivoko, apo ihôka kangi, ivedza mûmi. 7, 32.
24Neke umwene fihegasage. Neke vamuninilage avanu ikipuga ikikomi, neke pamwene jivedzage mińanilo.
25Neke pali pwali umukińinavo jumwi, je atabatye uvuńapasi imyâka likyumi na givili.
26Neke umukiṅinavo uju apumwike na kuvaganga avolofu, kwe kyamalikye nikyûma kyakwe kyonda ku kuvaganga, umwene swêla nambi anogage ponu; neke ikitamwa kitanililage kangi ukutabatila.
27Neke avye amupulike u-Jesu, neke baho agendelage kumigongo gya vanu neke ahegēlelage kumbele neke abasage mundote jakwe.
28Pakuva umwene mwileme atigilaga: nde ndivedzage ndikwabasa hela gi myênda gyakwe, apo ndinoga.
29Neke baho kyumage ikilwita kya danda jakwe neke ivonage nukuta, lino ndiponile pamuvili gwangu ikitamwa, ikikâ mukumumusa.
30Neke baho umwene Jesu neke ivonage baho-baho ukutigila ingufu dzanguidzingi dzihegile, neke asedukilage kuvanu neke atigilage: je ani, je andzabasidze mumyênda gyangu? Luk. 6, 19.
31Neke vapilusage avańigendwa vakwe neke vatigilage: usilola avanu, avavikile mińanilo baha, kangi uveve vwitigila: andzabasidze ani?
32Neke umwene alolesage pakumuvona, je amwabasidze.
33Neke umwene umukiṅinavo neke limugwilage ilitulo neke akole mukuhilila, pakuva ivwene ukuta: ndinogile, neke baho agwidzage pasi ukwakwe neke amugotolelage jonda inôngwa, ve vojili.
34Neke umwene atigilage: ve mwalivangu uveve, lukunodzidze lu lufuvo lwako, uhelelage, ve kuvalye, neke na ki kitamwa kyako, ikikali mukukupumusa, kisilavuja kikuvwile.
35Neke avye akululonga ulu, neke baho vafikage avańa-mulomo, avahumile kwa mundzagila va luholanilo neke vatigilage: umwalivo afwe, ukumufwahidza va kiki umuvulanidzi va vêne?
36Neke umwene Jesu apulikage, lwe vikumuvula umuudzagila vanavo uva luholanilo, neke baho atigilage: uveve utane ukogopa, ufuvwage ku kufuvwa.
37Neke atanidzage avańa-kumuninila neke avinulage hela na Petele na Jakovo na Johana, umunuṅuve va Jakovo.
38Neke baho vafikage kuńumba ja mundzagila vanavo uva luholanilo. Neke mwe mwene Jesu mwe alivonage nilijōjo ilyolofu ilya vańa-kivembo nilya vavemba-muno.
39Neke ingilage neke atigilage: ilijōjo ili lya kiki? Ikivembo mwivembela kiki? Umuhindza asifwe, ndâla agonelye swe. Neke baho avene vamuhekage. Joh. 11, 11.
40Neke umwene vonda neke avadagage. Neke baho umwene avinulage nudadye va mwalive neke nuṅina neke navakwe, ve ali navo, neke ingilage navo mumo, mwe ali umwâna.
41Neke baho alibatage ilivoko lya mwâna neke atigilage: talitakumi! Kwe kutigila: ve kahindz’ave, ndikukuvula nditigila ula-muke. Luk. 7, 14.
42Neke baho nakalingi akahindza neke kalamu-kage neke kagendage. Akene imyâka gyakwe kagonile mińikyumi na givili. Neke baho vakuvilage sikukuvila.
43Neke umwene alagilage ukuta: ulu atane ukulukagula ujungi; neke atigilage: umwaliveńu ujo lino mumupelage ifilyo, alidzage.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.