Malika 4
4
1-20: Mat. 13, 1-23; Luk. 8, 4-16.
1Neke baho kangi neke avwilage ukuvadali-kila avanu inôngwa, pe imile paṅumbuṅumbu ja ńandza. Neke baho avanu avolofu neke valundanilage baho, pe ali umwene. Neke baho umwene ingilage mukyômbo ikyali mumo mululenga, neke pe ikale. Neke ililugu lya vanu neke litandalikage kuṅumbuṅumbu ja ńandza.
2Neke umwene avadalikilage inôngwa indzolofu neke avavulilage muńwa-nanidzo. Neke indzanga jakwe jali ja kutigila:
3Mupulikage kuno! Lolage umuńa-kumidza akihelela mukumidza.
4Neke avye imidza, neke ijingi jigwilage pikasi. Neke baho indege dza ku kyâńa dzadzage dzihole jonda jikasila.
5Neke ijingi jigwidzage pa-ńi ja lutālâvwe, pe gusali poguli numufuna umolofu. Neke iji jangupile na pakumela nakalingi, pakuva umugigila gwa muganga gusali mukomi.
6Neke livye lihohomwike ilidzuva, neke baho jijongodokage neke jumage, pakuva jisali nindela.
7Neke ijingi jigwilage pamifwa neke jimelanilage nimifwa neke imifwa gijitovage imbeju neke baho jilemwage nukuhumya ińodzo.
8Neke ijingi jigwidzage pa-ńi inofu neke jihumyage ińodzo neke jimelage jolokage neke ijingi jivelekage amakyumi gadatu, ijingi amakyumi mutanda, neke ijingi jivelekage iligana.
9Neke je ali nago amatwi, ujo apulihidzage.
10Neke pe avye idevwe, neke baho vamuvudzage ifimańagidzo fifyo avali nave vuhanga navańikyumi navavili (neke vatigilage: ino kye kiki?)
11Neke umwene avavūlage atigilage: uńeńe mupelilwe ukuta mudzi-mańage idza kukińele, idza vutwa vwa Nguluvi, neke lino avene avapivala avo nda, avo vipulikilaga mu mufimańagidzo, ukuta ukulola kwe valolage neke ukulumańa valemwage, 1. Kol. 5, 12.
12neke ukulupulika kwe vapulikage, neke ukulufika valemwage, nukupituka ukuta vatane ukupituka ponu, nukuvodzwa uvwanangifu vwanavo vatane ukuvodzwa.
13Neke avalongelage atigilage: ngana kivale-miie ikimańagihidzo ikyebepe iki, apo mulafifika ndavuli ifilutye uvukângafu?
14Fye imidza umumidzi, lye lidzwi.
15Neke avapikasi ve ava, avivona ilidzwi lisopilwe, avivona vapulike, neke na ju Setano ikwangupa pakulipalaṅasa ilidzwi, ilikamidzilwe munumbula janavo.
16Neke je nditigye jagwaga palutālâvwe, najo ndesi; ve ava, avivona vapulike ilidzwi, vikela pakulyanukila vasili na luhāvi.
17Neke indela idzo hamu vasiva nadzo, vikwima ifigono nde filingi, neke pambele, pe vavwene ilidzwi livahulye ulupumuko nukufwimwa, swe fisihāva ukuvambudza ifyen’ ifi.
18Neke avasopwaga pamifwa, e navo vali pangi; ve ava, avivona vapulike ilidzwi,
19neke kangi amahodzo aga mu-ńi muno nuvusafi, uvwidzanga, nif ya vudobo-fu fyonda ṅani, fikwingila mumaleme ganavo neke fihangage pakuligoveledza ilidzwi neke lino ni-ińeke dzitane ukuveleka. 10, 23. 24.
20Neke ijene, je nigye jikigwa pamuganga umunofu, ve ava, avipulika ilidzwi neke nukulyanukila vikuiyanukila neke lino viveleka nukuveleka ifihodzo; avangi viveleka amakyumi gadatu, avangi viveleka amakyumi mutanda, avangi viveleka ligana.
21-25: Luk. 8, 16-18.
21Kangi neke alongage navo atigilage: uluṅali ngana valukungile, vona vigubikila nikibedza, nambi vona vivika kwifungu lya kitala? Vasineneveka pakyâna pakibatilo kya lumuli? Mat. 5, 15.
22Ndivwene tonda, utu-fihime, tufihamye ukuta twali tusikulwage, kangi nutuli kuvutitu, tuvelye kuvutitu, ukuta twali tusikulwage vulolela. Mat. 10, 26; Luk. 12, 2.
23Neke je ali nago amatwi ga kupulikila, apulihidzage.
24Neke kangi avalongelage atigilage: neke lino muletage uluhala, mupulihidzage vunofu. Ikigelelo, kye mukuvagelela uńeńe avangi, mulagelelwa kikyo na juńeńe; neke uńeńe mulongeledzwa nukongeledzwa. Mat. 7, 2.
25Ndivwene, je i nafyo ifingi, ujo alongeledzwa nifingi, neke lino je asili nako kanu, ujo kilańagwa na ki kingi. Mat. 13, 12.
26Neke atigilage: ve vulivo na vu vutwa vwa Nguluvi, vuli ngita munu, je isopa imbeju jakwe mumugunda gwakwe.
27Neke umwene akagonelelage itulo pakilo neke nimilamukile alamukage, pe kukye. Neke ijene imbeju neke jimelage neke jikulage umwene kitajivona. Jak. 5, 7.
28Pakuva ińi jilima ji jene, pe jivelesa ifipeke; tândi jimedza umuhăle neke baho dzihomelage ińodzo neke lino muńodzo vwimema uvubeke vwa vuledzi.
29Neke lino, ngana avwene ińodzo dzūmile, apo asihāva umumage gwa kubenela, ulwa kuva lino jifikile imbene.
30-34: Mat. 13, 31. 32. 34; Luk. 13, 18. 18.
30Neke atigilage: uvutwa vwa Nguluvi tutigilage vuliṅine nikiki? Tu-kukivonela kwi ikya kuhwananidza?
31Tutigilage vyli ngita kabeke ka lupala. Akene, pe ikukavyala umunu mumugunda gwakwe, kivoneka uvunaṅi kutupeke tonda utwa ku-ńi kuno.
32Neke ivya avyalile umunu, neke apo lwikula, lukudzilutila imboga dzonda, lwipaga namapagwa amakomi, neke swe indege idza kukyâńa dzikwadza, dzivujila mumwigîgi gwalo.
33Neke avavūlage ndesi inôngwa, avavūlilaga mufimańagidzo neke agelanihidzage paluhala lwanavo ulwa kudzifikila.
34Neke ulugaja-fihwa-nanidzo asavavūlaga ponu, dzonda, dze avavūlaga, avūlilaga mufya kumańagidza. Neke avene avańi-gendwa vakwe avo avaganulilaga, vavyaga videvwe.
35-41: Mat. 8, 18. 23-27; Luk. 9, 22-25.
35Ikigono kikyo pakyamihe neke avalongelage avańigendwa vakwe neke atigilage: tulovokelage imwambu jila.
36Neke baho valitavulage ililugu lya vanu. Neke vamwinulage ju mwene, ndevye akakoṅomye mukyômbo neke vahegage; neke na fi fingi ifyômbo pe fyali, neke nafyo vagendamlage.
37Neke baho lilamukage ilivelo ilivina neke amavingo neke gitovelage mu mukyômbo neke kimemage na ki kyômbo.
38Umwene dzivye dzimutolile itulo kwipeku lya kyômbo, ihagamwe nikihagamulilo kya mutwe. Neke baho avene vamusisimusage vatigilage: ve mutw’ave, uveve umutima gusivava, ukuta twikŏla mukufwa?
39Neke baho umwene asisimukage neke alikabusage ilivelo neke ajikabusage na ji ńandza neke atigilage: jigale, udzike! Neke baho ilivelo lilitamage na ji ńandza jidzilivalage.
40Neke alongage kuvene neke atigilage: uńeńe, gwe muhwehwe guki? Mwave, musina mufuvwa?
41Neke baho livagwilage nilitulo ilikomi neke vahililage nukuhilila neke vivudzage vatigilage: mutigye je ani umwene uju? Pakuva na li livelo lipulika ku kwakwe neke na ji ńandza jikumupulika.
Iliyochaguliwa sasa
Malika 4: II
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.
Malika 4
4
1-20: Mat. 13, 1-23; Luk. 8, 4-16.
1Neke baho kangi neke avwilage ukuvadali-kila avanu inôngwa, pe imile paṅumbuṅumbu ja ńandza. Neke baho avanu avolofu neke valundanilage baho, pe ali umwene. Neke baho umwene ingilage mukyômbo ikyali mumo mululenga, neke pe ikale. Neke ililugu lya vanu neke litandalikage kuṅumbuṅumbu ja ńandza.
2Neke umwene avadalikilage inôngwa indzolofu neke avavulilage muńwa-nanidzo. Neke indzanga jakwe jali ja kutigila:
3Mupulikage kuno! Lolage umuńa-kumidza akihelela mukumidza.
4Neke avye imidza, neke ijingi jigwilage pikasi. Neke baho indege dza ku kyâńa dzadzage dzihole jonda jikasila.
5Neke ijingi jigwidzage pa-ńi ja lutālâvwe, pe gusali poguli numufuna umolofu. Neke iji jangupile na pakumela nakalingi, pakuva umugigila gwa muganga gusali mukomi.
6Neke livye lihohomwike ilidzuva, neke baho jijongodokage neke jumage, pakuva jisali nindela.
7Neke ijingi jigwilage pamifwa neke jimelanilage nimifwa neke imifwa gijitovage imbeju neke baho jilemwage nukuhumya ińodzo.
8Neke ijingi jigwidzage pa-ńi inofu neke jihumyage ińodzo neke jimelage jolokage neke ijingi jivelekage amakyumi gadatu, ijingi amakyumi mutanda, neke ijingi jivelekage iligana.
9Neke je ali nago amatwi, ujo apulihidzage.
10Neke pe avye idevwe, neke baho vamuvudzage ifimańagidzo fifyo avali nave vuhanga navańikyumi navavili (neke vatigilage: ino kye kiki?)
11Neke umwene avavūlage atigilage: uńeńe mupelilwe ukuta mudzi-mańage idza kukińele, idza vutwa vwa Nguluvi, neke lino avene avapivala avo nda, avo vipulikilaga mu mufimańagidzo, ukuta ukulola kwe valolage neke ukulumańa valemwage, 1. Kol. 5, 12.
12neke ukulupulika kwe vapulikage, neke ukulufika valemwage, nukupituka ukuta vatane ukupituka ponu, nukuvodzwa uvwanangifu vwanavo vatane ukuvodzwa.
13Neke avalongelage atigilage: ngana kivale-miie ikimańagihidzo ikyebepe iki, apo mulafifika ndavuli ifilutye uvukângafu?
14Fye imidza umumidzi, lye lidzwi.
15Neke avapikasi ve ava, avivona ilidzwi lisopilwe, avivona vapulike, neke na ju Setano ikwangupa pakulipalaṅasa ilidzwi, ilikamidzilwe munumbula janavo.
16Neke je nditigye jagwaga palutālâvwe, najo ndesi; ve ava, avivona vapulike ilidzwi, vikela pakulyanukila vasili na luhāvi.
17Neke indela idzo hamu vasiva nadzo, vikwima ifigono nde filingi, neke pambele, pe vavwene ilidzwi livahulye ulupumuko nukufwimwa, swe fisihāva ukuvambudza ifyen’ ifi.
18Neke avasopwaga pamifwa, e navo vali pangi; ve ava, avivona vapulike ilidzwi,
19neke kangi amahodzo aga mu-ńi muno nuvusafi, uvwidzanga, nif ya vudobo-fu fyonda ṅani, fikwingila mumaleme ganavo neke fihangage pakuligoveledza ilidzwi neke lino ni-ińeke dzitane ukuveleka. 10, 23. 24.
20Neke ijene, je nigye jikigwa pamuganga umunofu, ve ava, avipulika ilidzwi neke nukulyanukila vikuiyanukila neke lino viveleka nukuveleka ifihodzo; avangi viveleka amakyumi gadatu, avangi viveleka amakyumi mutanda, avangi viveleka ligana.
21-25: Luk. 8, 16-18.
21Kangi neke alongage navo atigilage: uluṅali ngana valukungile, vona vigubikila nikibedza, nambi vona vivika kwifungu lya kitala? Vasineneveka pakyâna pakibatilo kya lumuli? Mat. 5, 15.
22Ndivwene tonda, utu-fihime, tufihamye ukuta twali tusikulwage, kangi nutuli kuvutitu, tuvelye kuvutitu, ukuta twali tusikulwage vulolela. Mat. 10, 26; Luk. 12, 2.
23Neke je ali nago amatwi ga kupulikila, apulihidzage.
24Neke kangi avalongelage atigilage: neke lino muletage uluhala, mupulihidzage vunofu. Ikigelelo, kye mukuvagelela uńeńe avangi, mulagelelwa kikyo na juńeńe; neke uńeńe mulongeledzwa nukongeledzwa. Mat. 7, 2.
25Ndivwene, je i nafyo ifingi, ujo alongeledzwa nifingi, neke lino je asili nako kanu, ujo kilańagwa na ki kingi. Mat. 13, 12.
26Neke atigilage: ve vulivo na vu vutwa vwa Nguluvi, vuli ngita munu, je isopa imbeju jakwe mumugunda gwakwe.
27Neke umwene akagonelelage itulo pakilo neke nimilamukile alamukage, pe kukye. Neke ijene imbeju neke jimelage neke jikulage umwene kitajivona. Jak. 5, 7.
28Pakuva ińi jilima ji jene, pe jivelesa ifipeke; tândi jimedza umuhăle neke baho dzihomelage ińodzo neke lino muńodzo vwimema uvubeke vwa vuledzi.
29Neke lino, ngana avwene ińodzo dzūmile, apo asihāva umumage gwa kubenela, ulwa kuva lino jifikile imbene.
30-34: Mat. 13, 31. 32. 34; Luk. 13, 18. 18.
30Neke atigilage: uvutwa vwa Nguluvi tutigilage vuliṅine nikiki? Tu-kukivonela kwi ikya kuhwananidza?
31Tutigilage vyli ngita kabeke ka lupala. Akene, pe ikukavyala umunu mumugunda gwakwe, kivoneka uvunaṅi kutupeke tonda utwa ku-ńi kuno.
32Neke ivya avyalile umunu, neke apo lwikula, lukudzilutila imboga dzonda, lwipaga namapagwa amakomi, neke swe indege idza kukyâńa dzikwadza, dzivujila mumwigîgi gwalo.
33Neke avavūlage ndesi inôngwa, avavūlilaga mufimańagidzo neke agelanihidzage paluhala lwanavo ulwa kudzifikila.
34Neke ulugaja-fihwa-nanidzo asavavūlaga ponu, dzonda, dze avavūlaga, avūlilaga mufya kumańagidza. Neke avene avańi-gendwa vakwe avo avaganulilaga, vavyaga videvwe.
35-41: Mat. 8, 18. 23-27; Luk. 9, 22-25.
35Ikigono kikyo pakyamihe neke avalongelage avańigendwa vakwe neke atigilage: tulovokelage imwambu jila.
36Neke baho valitavulage ililugu lya vanu. Neke vamwinulage ju mwene, ndevye akakoṅomye mukyômbo neke vahegage; neke na fi fingi ifyômbo pe fyali, neke nafyo vagendamlage.
37Neke baho lilamukage ilivelo ilivina neke amavingo neke gitovelage mu mukyômbo neke kimemage na ki kyômbo.
38Umwene dzivye dzimutolile itulo kwipeku lya kyômbo, ihagamwe nikihagamulilo kya mutwe. Neke baho avene vamusisimusage vatigilage: ve mutw’ave, uveve umutima gusivava, ukuta twikŏla mukufwa?
39Neke baho umwene asisimukage neke alikabusage ilivelo neke ajikabusage na ji ńandza neke atigilage: jigale, udzike! Neke baho ilivelo lilitamage na ji ńandza jidzilivalage.
40Neke alongage kuvene neke atigilage: uńeńe, gwe muhwehwe guki? Mwave, musina mufuvwa?
41Neke baho livagwilage nilitulo ilikomi neke vahililage nukuhilila neke vivudzage vatigilage: mutigye je ani umwene uju? Pakuva na li livelo lipulika ku kwakwe neke na ji ńandza jikumupulika.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
New Testament in Bena © Bible Society of Tanzania, 1958.