VAROMA 1
1
Ngezya
1Paulo mzoro wakwe Yesu Kristo, eitangwe kuoka ntuma, esaghurwe kubirikira Mburi Yedi ya Mrungu. 2Eyo Mrungu ekenjije kuivikia kiariro he momo wa varoti vakwe he maandiko ezerire, 3eyo mburi ya Mwana wakwe, emoghiwe kimwiri he lukolo lwakwe Davidi; 4na kufunyirijwa kwa nzia ya Mpeho wa kuzera, he kuvuka he vefwie, Yesu Kristo Mfumwa wetu; 5eye heye tweghuhie mbonea na vuntume, nesa vaisanga vose vaidime kukuduisha he mwitikijo, he vuntu vwa izina lakwe. 6Evo hevo na unywi mwaoka veitangwe kuoka vakwe Yesu Kristo. 7He vose veho uko Roma vekundiwe ni Mrungu, veitangwe kuoka vezerire. Mbonea na iikae na unywi na mporere kufuma he Mrungu Vava wetu na he Mfumwa Yesu Kristo.
Paulo erekera kukusha Roma
8Kuvora nimwanjela Mrungu wangu he Yesu Kristo he vuntu vwenyu vose, kwa kuti mwitikijo wenyu ubirikirwa he si jose. 9Ambu Mrungu eye nemtasa he ngoro yangu he Mburi Yedi ya Mwana wakwe, ni mwonwa wangu vuntu nemlanga he maombi angu chesihakana, 10misi yose he maombi angu nisemba iti, Mrungu ekikunda kunirongajija ntambo yangu, nize henyu. 11Ambu nina kwana mno kumuvona, nesa niidime kumuinka viinkwa vya kimpeho, nesa vimudindije; 12iti tutujane mi na unywi, kila mntu he mwitikijo wa mghenji wakwe, wenyu na wangu. 13Mira vandughu vangu, sienda mwekisamanya, iti kantu kajinki neendie kuza henyu, nesa nigere ntunda he unywi sa he Vakiisanga vangi, nikakindwa mhaka iki. 14Niavwa ni Vagriki na vala esi Vagriki, niavwa ni vakiugho na vala vesina viugho. 15Heicho, mi mwenye nekuringanye kubirikira Mburi Yedi hata henyu, unywi mwetue Roma.
Kifumo cha Mburi Yedi
16Ambu siisikiwa soni Mburi ngwa Yedi, ambu ni nzinya ya Mrungu yeete lukio he kila mntu eitikija, kuvoka Myuda hata Mgriki naye. 17Ambu singisirya ya Mrungu ifunukurwa heyo, kufuma mwitikijo mhaka mwitikijo, sa vuntu eheandikwe: “Iki mwenye singisirya kwa mwitikijo enekalama.”
Vuvivi vwa Vakiisanga
18Ambu oro ya Mrungu yafunukurwa kufuma uko wanga, vuntu vwa lubero lwose na vuvivi vwa vantu vekinda idi na vuvivi vwavo. 19Ambu vila vya Mrungu vyemanyike vyafunyirijwa boo hevo, ambu Mrungu evafwinyirijije. 20Ambu vintu vila vyakwe vyesivoneke too kurumbwa kwa masanga, vyavoneka, ambu vimanyikia he vila vyerumbiwe; ejo nzinya jakwe ja kae na kae na Kimrungu chakwe; nesa vasivone cha kukukaniia; 21ambu nziaho vekimmanyije Mrungu, tevemkazie sa Mrungu neri kumvikia mvera; mira vakateka he mburi ya misimo yavo, na ngoro javo jerundie jikagerwa kija. 22Vekikuvona iti ni venye kiugho vakarunda; 23vakakoranya ngazo ya Mrungu esikondika, vakaifwanyanya na fwani ya mntu ekondika, na ya madeghe, na ya nyama ja maghu mane, na ya nyama jebulutika.
24Icho nicho cheshighie Mrungu ekivashigha he tama ja ngoro javo, iti varatere maikwe, na kukondiana shima ya miri yavo. 25Ambu vekoranye kweri ya Mrungu na kuighosha mongo, vakakodekia kila cherumbiwe na kukitasa hantu ha Mrerumba ekazwa kae na kae. Amen.
26Heicho Mrungu akavavokeja varatere tama javo ja soni, na vache vakakoranya msimo wa kimoghwa na msimo esi wa kimoghwa; 27vome navo vakashigha msimo wa mche wa kimoghwa, vakamotokiana, vome vakahira vyesitara, vakavona he mihiro yavo mahiri a kuteka kwavo evetara.
28Na sa vuntu vesuie kuanga na Mrungu he kutwarija kwavo, Mrungu akavashigha varatere macha avo esire, varonge vyesitara. 29Veizuwe ni malwiso a kila mbare, vuvivi, na kiherehere kivivi, veizue kusu, na vuko, i, na marenge, na kukenga; vantu va madunganyo mavivi, valuteta, 30varechungija, vemvihiwa Mrungu, vatiri, vekukweja na kukubaa, varevokija vivivi, vesivasikia vamoghi, 31vesitwarija kintu, varekonda viaghano, vesikunda vandughu vavo, vesina mbonea; 32nziaho vemanyije haiwa milaho ya Mrungu, iti veronga huvo kivatara kufwa, verraketa ivyo; neri si huvo du, mira vesikijanya na vala vevironga.
Iliyochaguliwa sasa
VAROMA 1: CHSUNT67
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chasu New Testament © Bible Society of Tanzania, 1967.
