NDIMA JA NTUME 25
25
Paulo elahwa hakwe Festo
1Niho Festo ekinaingie he kifumwa, hekivecha misi mitatu, akakwea noko Yerusalemu kufuma Kaisaria.
2Mtasi m’baha na vabaha va Vayuda vakamwukulila mburi jakwe Paulo, vakamsemba, 3na kumwomba avavoneie iti aazere aetwe na Yerusalemu, nesa vamgushije maluo na kumkomia uko nzieni. 4Mira Festo akagharusha kuti, “Paulo erindwa uko Kaisaria; naye ekiringanyanye kutonga uko misi mifuhi. 5Akati, Vabaha venyu navasee nami vazemsitaka kakicha mntu uo henacho ekondie.”
6Ekinaikae havo misi yesikela mnane kana ikumi, akasea noko Kaisaria; msi wa keri akaikaa he kichumbi cha lahia, akaazera iti Paulo aetwe. 7Ekinaze, Vayuda vala veseie kufuma Yerusalemu vakaimuka hafuhi naye, vakamkola masa majinki makuji, mira vasiidime kuakonesha. 8Paulo akakukania ekiti, “Mi sibanie kintu he viziomo vya Vayuda neri he nyumba ya mtaso, neri he Kaisari.” 9Mira Festo kila eendie kukuizihija he Vayuda, akamgharusha Paulo, ekiti, “H’ii, Uenda kukwea noko Yerusalemu, urelahiwa ho mburi jako mozya hemi?” 10Paulo akati, “Mi neimuke aha mozya he kichumbi cha lahia chakwe Kaisari, niho hantu henitara kulahiwa; sina cho nekondie he Vayuda, sa vuntu nawe mwenye weremanya 11Kakicha hena cho nebanie, kana cho nehirire chenitara kukomwa, sisua kufwa; mira kakicha iyo mburi venisitaka si ya idi, tehena eidima kuniinkija hevo; nienda kuvecha na hakwe Kaisari.” 12Ingeri Festo ekinakenje kugaya na chila, akagharusha, “Waenda kuvecha na hakwe Kaisari, heicho unetonga kwa Kaisari.”
Agripa ne Bernike
13Misi mingahi yekivecha, Mfumwa Agripa ne Bernike vakafika Kaisari kumkezya Festo. 14Vekinaikae uko misi mingi, Festo akamukulila mfumwa mburi yakwe Paulo, ekiti, “Hena mntu eshighiwe aha ni Feliki echungiwe; 15eye aho neho Yerusalemu vabaha va vatasi na vaghosi sa Kiyuda vakaniukulila mburi yakwe, vekienda iti nichwe masa akwe. 16Nikavagharusha iti, si kiziomo cha Varoma kumwinkija mntu wowose, aho mntu esitakwe esinavonana na vala vemsitake vusho kwa vusho, nesa aidime kukukania he vila esitakiwe. 17Aho vekinavungane aha, siikaishe; msi wa keri nikaikaa he kichumbi cha lahia, nikaazera iti mntu uo aetwe. 18Vala vemsitake vekiza tevefunyije mburi mbivi neri, sa vuntu nekidunganya. 19Mira vekina makanano naye he mburi ya mitasire yavo venye he mburi ya mntu mmwe eitangwa Yesu, ekenjije kufwa eye Paulo ekonesha iti ereho. 20Nami nikatatanya vuntu neneenda idi ya mburi ii, nikamvwija iti eenda kutonga uko Yerusalemu ijo mburi jirelahiwa uko. 21Mira Paulo akanaave kuvikwa mhaka achwiiwe mburi yakwe ni Kaisari, nikaazera arindwe mhaka nekinezamtonja kwa Kaisari.” 22Agripa akamti Festo, “Nami nekienda kumsikia uu mntu. Akati, “Unemsikia yavo.”
23Heicho hala yavo Agripa akaza hamwe ne Bernike na ngazo mbaha, akaingia he nyumba ya masa, hamwe na vaakida vabaha na vantu vabaha va muzi. Festo akaazera Paulo akaetwe. 24Festo akati, “Mfumwa Agripa, na unywi vose mwewaha hamwe na uswi, yoaniki uu mntu eye izumbe lose la Vayuda uko Yerusalemu na aha veniendie nivaghenje, vekilonza iti tekimtara kukalama wa. 25Mira mi nevonie iti tehena cho eketie chetara kukomwa; naye mwenye ekwnaende kuchwiiwa masa ni Kaisari, nikachwa kumtuma hakwe. 26Mira sinavona cheve cha kumwandikia Mfumwa. Heicho nemuetie mozya he unywi, na kukela hewe Mfumwa Agripa, nesa ekinekija kuvwijwa vwijwa, nivone cha kuandika. 27Ambu nivona, ni mburi yesina nzia, kumtonja mrechungwa na kusamanyisha vila esitakiwe.”
Iliyochaguliwa sasa
NDIMA JA NTUME 25: CHSUNT67
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Chasu New Testament © Bible Society of Tanzania, 1967.
