Marcos 7
7
Ja jas meran wax jomwani
(Mt 15:1-20)
1-4Ja ma'tik judio sok ja fariseo jumasa, Jach'ni wax cho sk'u'lan ja ye'nle jastal wa sk'u'lane ajyi ja ma' ek' paxta yujile'i, ta yuj k'a mi sak'anuk lek b'ajtan ja sk'ab'e'i, mi oj wa'uke. Yajni oj waj sman jas oj yabye b'a wax chonji ja kosa, mi oj yabye ja jastik jumasa jaw ta yuj k'a mi sak'anuk lek b'ajtan ja sk'ab'e'i.#7:1-4 Ja judio jumasa mi oj wa'uke ta yuj k'a mi sak'anuk lek ja jas oj yabye'i, cho jach'ni ta yuj k'a mi sak'anuk lek ja sk'ab'e'i: Pero mi kechanuk ja iti, cho ay mas jitsan jastal kulan yujele'i, t'ilan sak'ub'al lek ja plato jumasa, ja vaso jumasa, ja oxom jumasa, ja xalu jumasa, man ja sch'ate'i, sak'ub'al lek.
Jun k'ak'u, ti waj sta'e ja Jesús chab' oxe fariseo sok ja ma'tik wa sje'awe ja mandar it a'ji yi ja Moisesi, ja ye'nle'i, ti jakele b'a Jerusalen. Yajni yilawe mi sak'a ja sk'ab'e ja sneb'uman jumasa ja Jesús ja och wa'uke'i,#7:1-4 Ja sak'uj k'ab'al yuj ja judio jumasa: Ay yi'oje sju'unil ts'ijb'anub'al ja jastal ma jas ora oj sak'xuk ja k'ab'ali, yuj ja jel t'ilan wax yab' ja ye'nle'i, ja kwando ta ay ma' wa syamawe yi sk'ab'i. Ma yuj syamawe yi sb'ak'tel jun cham winik, ma' ay ma syamawe yi sk'ab' mi judio'uk 5Ti sjob'owe yi ja Jesusi:
—¿Jasyuj ja wa neb'uman jumasa, ja mi skisawe ja jastal kulan yujile ja ma' ek' paxta kujtik kon b'a? ¿Jasyuj ja mi sak'a ja sk'ab'e ja wax wa'ye b'a?
6Ti alji yabye yuj ja Jesusi:
—Ja we'nlexi, toj chab' k'ujol wala ajyiyex— Ay lek sb'ej ja yala ja Dyos ja it a'ji yal jastal it ja aluman Dyos Isaiasi:
Ja kristyano jumasa iti, sok ja sti'e'i,
wax yalawe ke wa sk'u'anone,
ja smeranil ja yaltsile'i, najat ay jmok.
7Jel lom ja waxa walawex ke waxa k'u'anonexi
we'n ita ti wax wa el b'a wa olomex
ja jas waxa je'awexi
ti waxa walawexa,
ke ke'n jach' kaloj oj ja wal'ex.
8—Ja we'nlexi, ja wa'nex sk'okjel ja jas wax yala ja Dyosi, ja waxa nochowex ja jas ye'n ya'oj kulan ja winiki. 9Jela wilojex jastal waxa k'okowex ja jas wax yala ja Dyos b'a ja oj ja k'u'lukex ja jas waxa k'ana ja we'nlexi. 10Yuj ja Moisesi, jach' yala jastal iti: K'u'an sok talna ja wa nan a tati. Mi kechanuka, cho yala jastal iti: Ja ma' ch'in oj yil ja stati, ma ja snani, ojni chamuka. 11-12B'a' ya, ja we'nlexi, waxa walawex yab' ja untik jumasa, mi t'ilanuk oj skolta ja snan stati, kechan waxa walawex: Naney tatey mi oj b'ob' jkoltayex, spetsanil ja jas ki'oji, ja ka' oj yi ja Dyosi. 13Jach' waxa k'okowex jastal it ja yab'al jumasa ja Dyos b'a oj ja k'u'lukex sok ja wa b'ajexi. Sok ay jas jitsan waxa k'u'lanex oj cho slaj ja jastal iti.
14Jaxa Jesusi ti spaya ja kristyano jumasa, ti yala'a: —A petsanilex maklayik lek ja jas oj kal a wabyexi, cho abyik lek sb'ej: 15-16Ja wa'el waxa wabyexi, mi oj sjom'ex b'a sti' sat ja Dyosi. Ja jas oj sjom'exi, ja yajni koraja waxa wilawex ja wa mojexi, sok ja jas mi lek wax el b'a wa ti'exi—.
17Yajni spila sb'aj sok ja kristyano jumasa ja Jesusi, ti'xa och b'a yoj na'itsa, jaxa sneb'uman jumasa ti sjob'owe yi ja sb'ej ja jas sje'a'i. 18Ti alji yabye yuj ja ye'n: —¿Mini ja we'nlexi, mix cho a wabyex ja sb'ej? Mini jun wa'el b'a wax yab' ja kristyano jumasa, oj jomjuk yuj b'a sti' sat ja Dyosi. 19Ja jwa'eltiki, mi ti wax waj b'a pensartik, ti' wax waj b'a jlukumtik, jaxa jlukumtiki, ek'um b'ej ita wax ya ek'uk ja wa'el jawi—.
Jach' yala jastal jaw ja Jesusi, ja b'a oj ya sna'e mini jun wa'el oj jomwanuki. 20Ja Jesusi, cho yala pilan majke:
—Ja jas wax jomji yuj ja kristyano jumasa b'a sti' sat ja Dyosi, ja jas wax el ja b'a sti' sok ja jas wa sk'u'lani. 21-23Ta yuj k'a ay ma' wax k'umani b'a mi lekuk yujni mi lekuka, yujni cho mi lek ja jas wa'n ek'el sk'ujol oj sk'u'luka, ma yuj oj elk'anuk, ma oj milwanuk, ma oj sle' pilan sche'um. Ja kristyano jumasa jastal jawi, kechan wa'n ek'el sk'ujol jastal jel oj sta' ja jastik sb'aji, kechan ja' jel tsamal wax yabye oj sk'u'luke ja b'a mi lekuki, ja lo'laneli, ja ilk'ujoli, ja tajkeli, sta'jel ti b'a mi lekuk ja tuk smoje'i, jel ch'u'uy ja sk'ujol'ei, sok jel niwan wax ya'a sb'aje—.
Jun ixuk mi judia'uk sk'u'an ja Dyosi
(Mt 15:21-28)
24Tsa'an el ja Jesús ja tiwi, ti waj man b'a chonab' jumasa b'a Tiro. Ja b'a chonab' jawi, ti kan chab' oxe k'ak'u b'a jun na'its, sok mi sk'ana ma oj sna' b'a' ay ek'a, mini b'ob' snak' sb'aja.
25-26Jun ixuk yab' yab'alil tey ja Jesús b'a yoj chonab', ti waj sle' b'a' ay ek'a, yuj ja' jel wa'n ixtalajel yuj ja tan pukuj ja yal yak'ixi. Ja ixuk iti, mi judia'uk, ti sb'aj b'a chonab' jumasa b'a Fenicia, ja iti, tey b'a chonab' Siria. Yajni sta'a ja Jesusi, ti ko' mek'an b'a sti' sat, ti sk'ana yi pabor b'a oj snuts ja tan pukuj it tey sok ja yak'ixi. 27Ti alji yab' yuj ja Jesusi:
—Majla, oj wa' b'ajtan ja ma' untikali, mi sb'ejuk ja oj japxuk yi ja swa'el b'a oj a'xuk yi ja ts'i' jumasa, —xchi ja Jesusi.#7:27 Yuj ja ts'i' wax yala: Ja judio jumasa, ja ts'i' yujile ja ma' mi judio'uki.
28Jaxa ixuki, ti yala'a:
—Kajwal, merani'a— Ja ts'i' jumasa oj b'ob' yab' ja wa'elal wax mok' yuj ja untikal jumasa ja b'a yib' mesa.
29Ti alji yab' yuj ja Jesusi:
—Nana, jach' jastal waxa wala— Ja'yuj ka'xa gusto b'a wa naji, ja tan pukuj it ti ajyi sok wa wak'ixi, mixa tey soka elta.
30Ti'xa kumxi b'a snaj ja ixuki, yajni k'oti, ti sta'a wa'n wayel b'a sch'at ja yak'ixi. Jaxa tan pukuji, mixa tey soka.
Ja Jesusi, ya tojb'uk jun winik mix yab' k'inal sok jex ke'kuni
31Ja Jesusi, cho el ja b'a chonab' jumasa b'a Tiro, ti ek' och b'a chonab' jumasa b'a Sidon ti k'ot b'a sti' pan ja' b'a Galilea, b'a schonab'il Decapolis.#7:31 Yuj ja Decapolisi: K'ela jas wax yala ja snota'il b'a kapitulo 5:20. 32Ti i'ji och yi tiw ja Jesús jun winik mix yab' k'inal sok jex ke'kuni ja wax k'umani, ti sk'anawe yi pabor ke a ya' kajan ja sk'ab' b'a oj ya tojb'uk. 33Jaxa Jesusi, ti syama ja winiki, spila el najat ja b'ay ja kristyano jumasa. Ti sch'ika ja yal sk'ab' b'a yoj schikin ja winik jawi, cho ya och yi t'un ya'al sti ja b'a yak'i. 34Tsa'an ti sk'ela k'e' ja satk'inali, sik'a sk'ujol, ti yala'a: —Efata— Ja iti, wa sk'ana yale, —Jama a b'aj— 35Ja mismo ora jaw ja winiki, wego yab' k'inal sok k'umani lek.
36Jaxa Jesusi, ti yal yab' ja kristyano jumasa, mok ma' yalwe yab' ja jas yilawe'i; B'a' ya lajan sok kechan ita sjulb'es ja kristyano jumasa, ch'akni yal'e' ek' ja jas yilawe'i, 37yuj ja jel cham k'ujol aye'i, ti yalawe'a: —Spetsanil jel lek ja jas wa'n sk'u'lajel ja Jesusi. —Man wax b'ob' ya yab' k'inal ja ma' mix yab' k'inali, ja ma' mix k'umani, wax ya k'umanuki—.
Iliyochaguliwa sasa
Marcos 7: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Marcos 7
7
Ja jas meran wax jomwani
(Mt 15:1-20)
1-4Ja ma'tik judio sok ja fariseo jumasa, Jach'ni wax cho sk'u'lan ja ye'nle jastal wa sk'u'lane ajyi ja ma' ek' paxta yujile'i, ta yuj k'a mi sak'anuk lek b'ajtan ja sk'ab'e'i, mi oj wa'uke. Yajni oj waj sman jas oj yabye b'a wax chonji ja kosa, mi oj yabye ja jastik jumasa jaw ta yuj k'a mi sak'anuk lek b'ajtan ja sk'ab'e'i.#7:1-4 Ja judio jumasa mi oj wa'uke ta yuj k'a mi sak'anuk lek ja jas oj yabye'i, cho jach'ni ta yuj k'a mi sak'anuk lek ja sk'ab'e'i: Pero mi kechanuk ja iti, cho ay mas jitsan jastal kulan yujele'i, t'ilan sak'ub'al lek ja plato jumasa, ja vaso jumasa, ja oxom jumasa, ja xalu jumasa, man ja sch'ate'i, sak'ub'al lek.
Jun k'ak'u, ti waj sta'e ja Jesús chab' oxe fariseo sok ja ma'tik wa sje'awe ja mandar it a'ji yi ja Moisesi, ja ye'nle'i, ti jakele b'a Jerusalen. Yajni yilawe mi sak'a ja sk'ab'e ja sneb'uman jumasa ja Jesús ja och wa'uke'i,#7:1-4 Ja sak'uj k'ab'al yuj ja judio jumasa: Ay yi'oje sju'unil ts'ijb'anub'al ja jastal ma jas ora oj sak'xuk ja k'ab'ali, yuj ja jel t'ilan wax yab' ja ye'nle'i, ja kwando ta ay ma' wa syamawe yi sk'ab'i. Ma yuj syamawe yi sb'ak'tel jun cham winik, ma' ay ma syamawe yi sk'ab' mi judio'uk 5Ti sjob'owe yi ja Jesusi:
—¿Jasyuj ja wa neb'uman jumasa, ja mi skisawe ja jastal kulan yujile ja ma' ek' paxta kujtik kon b'a? ¿Jasyuj ja mi sak'a ja sk'ab'e ja wax wa'ye b'a?
6Ti alji yabye yuj ja Jesusi:
—Ja we'nlexi, toj chab' k'ujol wala ajyiyex— Ay lek sb'ej ja yala ja Dyos ja it a'ji yal jastal it ja aluman Dyos Isaiasi:
Ja kristyano jumasa iti, sok ja sti'e'i,
wax yalawe ke wa sk'u'anone,
ja smeranil ja yaltsile'i, najat ay jmok.
7Jel lom ja waxa walawex ke waxa k'u'anonexi
we'n ita ti wax wa el b'a wa olomex
ja jas waxa je'awexi
ti waxa walawexa,
ke ke'n jach' kaloj oj ja wal'ex.
8—Ja we'nlexi, ja wa'nex sk'okjel ja jas wax yala ja Dyosi, ja waxa nochowex ja jas ye'n ya'oj kulan ja winiki. 9Jela wilojex jastal waxa k'okowex ja jas wax yala ja Dyos b'a ja oj ja k'u'lukex ja jas waxa k'ana ja we'nlexi. 10Yuj ja Moisesi, jach' yala jastal iti: K'u'an sok talna ja wa nan a tati. Mi kechanuka, cho yala jastal iti: Ja ma' ch'in oj yil ja stati, ma ja snani, ojni chamuka. 11-12B'a' ya, ja we'nlexi, waxa walawex yab' ja untik jumasa, mi t'ilanuk oj skolta ja snan stati, kechan waxa walawex: Naney tatey mi oj b'ob' jkoltayex, spetsanil ja jas ki'oji, ja ka' oj yi ja Dyosi. 13Jach' waxa k'okowex jastal it ja yab'al jumasa ja Dyos b'a oj ja k'u'lukex sok ja wa b'ajexi. Sok ay jas jitsan waxa k'u'lanex oj cho slaj ja jastal iti.
14Jaxa Jesusi ti spaya ja kristyano jumasa, ti yala'a: —A petsanilex maklayik lek ja jas oj kal a wabyexi, cho abyik lek sb'ej: 15-16Ja wa'el waxa wabyexi, mi oj sjom'ex b'a sti' sat ja Dyosi. Ja jas oj sjom'exi, ja yajni koraja waxa wilawex ja wa mojexi, sok ja jas mi lek wax el b'a wa ti'exi—.
17Yajni spila sb'aj sok ja kristyano jumasa ja Jesusi, ti'xa och b'a yoj na'itsa, jaxa sneb'uman jumasa ti sjob'owe yi ja sb'ej ja jas sje'a'i. 18Ti alji yabye yuj ja ye'n: —¿Mini ja we'nlexi, mix cho a wabyex ja sb'ej? Mini jun wa'el b'a wax yab' ja kristyano jumasa, oj jomjuk yuj b'a sti' sat ja Dyosi. 19Ja jwa'eltiki, mi ti wax waj b'a pensartik, ti' wax waj b'a jlukumtik, jaxa jlukumtiki, ek'um b'ej ita wax ya ek'uk ja wa'el jawi—.
Jach' yala jastal jaw ja Jesusi, ja b'a oj ya sna'e mini jun wa'el oj jomwanuki. 20Ja Jesusi, cho yala pilan majke:
—Ja jas wax jomji yuj ja kristyano jumasa b'a sti' sat ja Dyosi, ja jas wax el ja b'a sti' sok ja jas wa sk'u'lani. 21-23Ta yuj k'a ay ma' wax k'umani b'a mi lekuk yujni mi lekuka, yujni cho mi lek ja jas wa'n ek'el sk'ujol oj sk'u'luka, ma yuj oj elk'anuk, ma oj milwanuk, ma oj sle' pilan sche'um. Ja kristyano jumasa jastal jawi, kechan wa'n ek'el sk'ujol jastal jel oj sta' ja jastik sb'aji, kechan ja' jel tsamal wax yabye oj sk'u'luke ja b'a mi lekuki, ja lo'laneli, ja ilk'ujoli, ja tajkeli, sta'jel ti b'a mi lekuk ja tuk smoje'i, jel ch'u'uy ja sk'ujol'ei, sok jel niwan wax ya'a sb'aje—.
Jun ixuk mi judia'uk sk'u'an ja Dyosi
(Mt 15:21-28)
24Tsa'an el ja Jesús ja tiwi, ti waj man b'a chonab' jumasa b'a Tiro. Ja b'a chonab' jawi, ti kan chab' oxe k'ak'u b'a jun na'its, sok mi sk'ana ma oj sna' b'a' ay ek'a, mini b'ob' snak' sb'aja.
25-26Jun ixuk yab' yab'alil tey ja Jesús b'a yoj chonab', ti waj sle' b'a' ay ek'a, yuj ja' jel wa'n ixtalajel yuj ja tan pukuj ja yal yak'ixi. Ja ixuk iti, mi judia'uk, ti sb'aj b'a chonab' jumasa b'a Fenicia, ja iti, tey b'a chonab' Siria. Yajni sta'a ja Jesusi, ti ko' mek'an b'a sti' sat, ti sk'ana yi pabor b'a oj snuts ja tan pukuj it tey sok ja yak'ixi. 27Ti alji yab' yuj ja Jesusi:
—Majla, oj wa' b'ajtan ja ma' untikali, mi sb'ejuk ja oj japxuk yi ja swa'el b'a oj a'xuk yi ja ts'i' jumasa, —xchi ja Jesusi.#7:27 Yuj ja ts'i' wax yala: Ja judio jumasa, ja ts'i' yujile ja ma' mi judio'uki.
28Jaxa ixuki, ti yala'a:
—Kajwal, merani'a— Ja ts'i' jumasa oj b'ob' yab' ja wa'elal wax mok' yuj ja untikal jumasa ja b'a yib' mesa.
29Ti alji yab' yuj ja Jesusi:
—Nana, jach' jastal waxa wala— Ja'yuj ka'xa gusto b'a wa naji, ja tan pukuj it ti ajyi sok wa wak'ixi, mixa tey soka elta.
30Ti'xa kumxi b'a snaj ja ixuki, yajni k'oti, ti sta'a wa'n wayel b'a sch'at ja yak'ixi. Jaxa tan pukuji, mixa tey soka.
Ja Jesusi, ya tojb'uk jun winik mix yab' k'inal sok jex ke'kuni
31Ja Jesusi, cho el ja b'a chonab' jumasa b'a Tiro, ti ek' och b'a chonab' jumasa b'a Sidon ti k'ot b'a sti' pan ja' b'a Galilea, b'a schonab'il Decapolis.#7:31 Yuj ja Decapolisi: K'ela jas wax yala ja snota'il b'a kapitulo 5:20. 32Ti i'ji och yi tiw ja Jesús jun winik mix yab' k'inal sok jex ke'kuni ja wax k'umani, ti sk'anawe yi pabor ke a ya' kajan ja sk'ab' b'a oj ya tojb'uk. 33Jaxa Jesusi, ti syama ja winiki, spila el najat ja b'ay ja kristyano jumasa. Ti sch'ika ja yal sk'ab' b'a yoj schikin ja winik jawi, cho ya och yi t'un ya'al sti ja b'a yak'i. 34Tsa'an ti sk'ela k'e' ja satk'inali, sik'a sk'ujol, ti yala'a: —Efata— Ja iti, wa sk'ana yale, —Jama a b'aj— 35Ja mismo ora jaw ja winiki, wego yab' k'inal sok k'umani lek.
36Jaxa Jesusi, ti yal yab' ja kristyano jumasa, mok ma' yalwe yab' ja jas yilawe'i; B'a' ya lajan sok kechan ita sjulb'es ja kristyano jumasa, ch'akni yal'e' ek' ja jas yilawe'i, 37yuj ja jel cham k'ujol aye'i, ti yalawe'a: —Spetsanil jel lek ja jas wa'n sk'u'lajel ja Jesusi. —Man wax b'ob' ya yab' k'inal ja ma' mix yab' k'inali, ja ma' mix k'umani, wax ya k'umanuki—.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021