Marcos 16
16
Ja Jesusi sak'wi
(Mt 28:1-10; Lc 24:1-12; Jn 20:1-10)
1Yajni ek'ta ja sk'ak'u'il jijlel yujile ja judio jumasa, jaxa Maria sb'a Magdala, ja Salome sok ja Maria snan ja Santiago, smanawe perjume b'a oj sjax e' yi ja skwerpo ja Jesusi. 2Jaxa b'a sakb'el domingo wantox kajpuji k'en ja k'ak'u wajume b'a sk'ejnal ja Jesusi. 3-4Ja yajni ti wajume b'a b'eji, ti wax yala sb'aje'a: —¿Mach' a ma junuk ja oj ya elki'tik ja ton it makan sok ja k'e'eni? —Ja ton jawi, jel niwan— Wajto yil'e ja k'e'eni, mixa makanuk, ja ton makan sok ajyi ti'xa ay jun lado.
5Yajni ochye'i, ti yilawe ti kulan ek' jun kerem ja b'a ti' k'e'en b'a lado stojol sk'ab'e'i, sak lek ja sk'u'i, sok jel najat, jaxa ixuke jumasa jawi, jel xiwye. 6Ti alji yabye yuj ja kerem jawi:
—Mi lom la xiwyex, ja we'nlexi, ja wa'nex sle'jel ja Jesús sb'a Nazaret ja it a'ji lokan b'a cruz ti chami. Mixa tey ili; sak'wita. K'elawilex ja b'a ajyi ja skwerpo'i. 7Ja yan, kax alawik yab' ja sneb'uman jumasa sok ja Pedro, ti'xa wajum b'a Galilea ja Jesusi, b'a jach' ye'n b'ajtan oj k'ot yuj ja ye'nle'i. Ke ti oj b'ob' yil'e tiwi, jach'ni jastal yala ja yora mitox chami—.
8Jaxa ixuke jumasa jawi, wa'nxta k'itk'uneke yuj ja xiweli, ajnelxa elye ja b'a k'e'eni. Jasa mini ma' jas yalwe yab' yuj ja xiweli.
Ja Jesusi, sje'a sb'aj yi ja Maria sb'a Magdala
(Jn 20:11-18)
9Ja sakb'el domingo sajto lek, yajni sak'wita ja Jesusi, sje'a sb'aj yi ja Maria sb'a Magdala. Ja b'ajtan ja ixuk iti, tey sok juke tantik pukuj ajyi'a, ye'n ch'ak ya eluk ja Jesusi.
10Jaxa sneb'uman jumasa, jel cham k'ujol aye, wa'ne ok'el yuj ja cham ja Jesusi, yajni k'ot ja ye'n ti och yal ke sak'wita ja Jesusi. 11Jaxa ye'nle'i, mini t'un sk'u'ane ta yuj sak'wita'a, cho mini ta yuj yilata ja Maria.
Ja Jesusi, sje'a sb'aj yi chab' sneb'uman
(Lc 24:13-35)
12Tsa'an ja Jesusi, sje'a sb'ajyi sok chab'e ja sneb'uman jumasa ja yajni ti wajume b'a witsi. 13Ja chawane sneb'uman iti, kumxiye waj yal'e yab' ja tuk smoje jumasa, jasa mini sok ja jachuki, mi sk'u'ane.
Ja ya'tele ja sneb'uman jumasa ja Jesusi
(Mt 28:16-20; Lc 24:36-49; Jn 20:19-23)
14Tsa'an ja Jesusi, sje'a sb'aj yi ja juluche sneb'uman jumasa, ja yajni wa'ne wa'eli, ti och aljuk yabye ab'al yuj ja mi sk'u'ane sok yuj ja jel ch'u'uy ja sk'ujol'ei, yuj ja mito sk'u'ane ja ma' ay wax yala yilawe' ke sak'wita. 15Ti alji yabye yuj ja Jesusi:
Ka'axik b'a spetsanil ja niwak chonab' jumasa b'a lu'um iti, lo'iltayik yab' ye spetsanil ja kristyano jumasa ja ab'al it jel tsamali. 16Ja ma oj sk'u'ukon ja ke'n, jel t'ilan oj cho yi' ja' b'a jach' oj sta' ja skoltajeli. Jaxa ma mi oj sk'u'ukon ja ke'n, mini oj kis'e'a. 17Ja ma wa sk'u'anon ja ke'n sok wax cho sta'ati ja jb'i'ili, jel jitsan ja jas tsamal oj sk'u'luki: man oj b'ob' snuts ja tantik pukuj jumasa oj b'ob' k'umanuk sok ajk'ach ab'al; 18Oj b'ob' syam ja b'its'il chani, ma oj yu' beneno mini jas oj ek' sb'aja. Mi kechanuk ja jawi, cho jach'ni, ta yuj k'a wax ya'we kajan ja sk'ab'e ja b'a skwerpo ja ma mi lek ayi ojni tojb'uka.
Ja Jesusi k'e b'a satk'inal
(Lc 24:50-53)
19Yajni ch'ak lo'lanuk sok ja sneb'uman jumasa ja Kajwaltik Jesusi, Ti'xa i'ji k'e ja b'a satk'inal yuj ja Dyosi. Jaxa tiwi, ti a'ji kulan ja b'a stojol sk'ab' ja Dyosi.
20Jaxa sneb'uman jumasa, elye slo'iltajel b'a spetsanil ja chonab' jumasa ja ab'al it jel tsamal b'a kulan ek'i. Jaxa Kajwaltik Jesusi, ti wax mojtajiye yuj sok wax koltajiye b'a oj sje'e milagro jumasa, jach' sje'a jastal jaw ja Dyos ja jas wax yalawe ja sneb'uman jumasa yujni smeranila, —jach ni'a.
Otro smodo'il jastal wax ch'ak ja ju'un sb'a Marcosi
9-10 Ja oxwane ixuke'i, waj yil'e ja Pedro sok ja tuk sneb'uman jumasa ja Jesusi, ti yalawe yab' t'usan ja jas wa sna'awe ja ye'nle'i. Tsa'an ja Jesusi, ti sjeka ja sneb'uman jumasa b'a spetsanil ja niwak chonab' jumasa b'a lu'um iti, b'a waj yal'e ek' ja yab'al ja Dyos it mini oj ch'akuki.
Iliyochaguliwa sasa
Marcos 16: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Marcos 16
16
Ja Jesusi sak'wi
(Mt 28:1-10; Lc 24:1-12; Jn 20:1-10)
1Yajni ek'ta ja sk'ak'u'il jijlel yujile ja judio jumasa, jaxa Maria sb'a Magdala, ja Salome sok ja Maria snan ja Santiago, smanawe perjume b'a oj sjax e' yi ja skwerpo ja Jesusi. 2Jaxa b'a sakb'el domingo wantox kajpuji k'en ja k'ak'u wajume b'a sk'ejnal ja Jesusi. 3-4Ja yajni ti wajume b'a b'eji, ti wax yala sb'aje'a: —¿Mach' a ma junuk ja oj ya elki'tik ja ton it makan sok ja k'e'eni? —Ja ton jawi, jel niwan— Wajto yil'e ja k'e'eni, mixa makanuk, ja ton makan sok ajyi ti'xa ay jun lado.
5Yajni ochye'i, ti yilawe ti kulan ek' jun kerem ja b'a ti' k'e'en b'a lado stojol sk'ab'e'i, sak lek ja sk'u'i, sok jel najat, jaxa ixuke jumasa jawi, jel xiwye. 6Ti alji yabye yuj ja kerem jawi:
—Mi lom la xiwyex, ja we'nlexi, ja wa'nex sle'jel ja Jesús sb'a Nazaret ja it a'ji lokan b'a cruz ti chami. Mixa tey ili; sak'wita. K'elawilex ja b'a ajyi ja skwerpo'i. 7Ja yan, kax alawik yab' ja sneb'uman jumasa sok ja Pedro, ti'xa wajum b'a Galilea ja Jesusi, b'a jach' ye'n b'ajtan oj k'ot yuj ja ye'nle'i. Ke ti oj b'ob' yil'e tiwi, jach'ni jastal yala ja yora mitox chami—.
8Jaxa ixuke jumasa jawi, wa'nxta k'itk'uneke yuj ja xiweli, ajnelxa elye ja b'a k'e'eni. Jasa mini ma' jas yalwe yab' yuj ja xiweli.
Ja Jesusi, sje'a sb'aj yi ja Maria sb'a Magdala
(Jn 20:11-18)
9Ja sakb'el domingo sajto lek, yajni sak'wita ja Jesusi, sje'a sb'aj yi ja Maria sb'a Magdala. Ja b'ajtan ja ixuk iti, tey sok juke tantik pukuj ajyi'a, ye'n ch'ak ya eluk ja Jesusi.
10Jaxa sneb'uman jumasa, jel cham k'ujol aye, wa'ne ok'el yuj ja cham ja Jesusi, yajni k'ot ja ye'n ti och yal ke sak'wita ja Jesusi. 11Jaxa ye'nle'i, mini t'un sk'u'ane ta yuj sak'wita'a, cho mini ta yuj yilata ja Maria.
Ja Jesusi, sje'a sb'aj yi chab' sneb'uman
(Lc 24:13-35)
12Tsa'an ja Jesusi, sje'a sb'ajyi sok chab'e ja sneb'uman jumasa ja yajni ti wajume b'a witsi. 13Ja chawane sneb'uman iti, kumxiye waj yal'e yab' ja tuk smoje jumasa, jasa mini sok ja jachuki, mi sk'u'ane.
Ja ya'tele ja sneb'uman jumasa ja Jesusi
(Mt 28:16-20; Lc 24:36-49; Jn 20:19-23)
14Tsa'an ja Jesusi, sje'a sb'aj yi ja juluche sneb'uman jumasa, ja yajni wa'ne wa'eli, ti och aljuk yabye ab'al yuj ja mi sk'u'ane sok yuj ja jel ch'u'uy ja sk'ujol'ei, yuj ja mito sk'u'ane ja ma' ay wax yala yilawe' ke sak'wita. 15Ti alji yabye yuj ja Jesusi:
Ka'axik b'a spetsanil ja niwak chonab' jumasa b'a lu'um iti, lo'iltayik yab' ye spetsanil ja kristyano jumasa ja ab'al it jel tsamali. 16Ja ma oj sk'u'ukon ja ke'n, jel t'ilan oj cho yi' ja' b'a jach' oj sta' ja skoltajeli. Jaxa ma mi oj sk'u'ukon ja ke'n, mini oj kis'e'a. 17Ja ma wa sk'u'anon ja ke'n sok wax cho sta'ati ja jb'i'ili, jel jitsan ja jas tsamal oj sk'u'luki: man oj b'ob' snuts ja tantik pukuj jumasa oj b'ob' k'umanuk sok ajk'ach ab'al; 18Oj b'ob' syam ja b'its'il chani, ma oj yu' beneno mini jas oj ek' sb'aja. Mi kechanuk ja jawi, cho jach'ni, ta yuj k'a wax ya'we kajan ja sk'ab'e ja b'a skwerpo ja ma mi lek ayi ojni tojb'uka.
Ja Jesusi k'e b'a satk'inal
(Lc 24:50-53)
19Yajni ch'ak lo'lanuk sok ja sneb'uman jumasa ja Kajwaltik Jesusi, Ti'xa i'ji k'e ja b'a satk'inal yuj ja Dyosi. Jaxa tiwi, ti a'ji kulan ja b'a stojol sk'ab' ja Dyosi.
20Jaxa sneb'uman jumasa, elye slo'iltajel b'a spetsanil ja chonab' jumasa ja ab'al it jel tsamal b'a kulan ek'i. Jaxa Kajwaltik Jesusi, ti wax mojtajiye yuj sok wax koltajiye b'a oj sje'e milagro jumasa, jach' sje'a jastal jaw ja Dyos ja jas wax yalawe ja sneb'uman jumasa yujni smeranila, —jach ni'a.
Otro smodo'il jastal wax ch'ak ja ju'un sb'a Marcosi
9-10 Ja oxwane ixuke'i, waj yil'e ja Pedro sok ja tuk sneb'uman jumasa ja Jesusi, ti yalawe yab' t'usan ja jas wa sna'awe ja ye'nle'i. Tsa'an ja Jesusi, ti sjeka ja sneb'uman jumasa b'a spetsanil ja niwak chonab' jumasa b'a lu'um iti, b'a waj yal'e ek' ja yab'al ja Dyos it mini oj ch'akuki.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021