Lucas 1
1
1-4Lek ay moj alijel Teofilo:
Ja we'n waxa na'a jel jitsan ja ma'tik wa sk'ana schojlal oj tsi'jb'aye ja jastal ek' kujtikoni. Oj ch'ak sts'ijb'aye ja jastal yala kab'tikon ja ma'tik ti ajyiye sok ja Kajwaltik Jesús ja k'ak'u k'e ja ya'teli, ja ye'nle'i ye'n jek jiye yuj ja Kajwaltik Jesús b'a oj slo'iltaye ek' ja yab'al ja Dyosi:
Cho jach'ni ja ke'n, jk'elata lek spetsanil ja jastal ek'i, ja mas lek wax kab'i oj ts'ijb'uk a wi' spetsanil ja jas ch'ak ek'uki. B'a jach' oj cho a na' ja we'n ta smeranil ja jas ch'ak aljuk a wab'i, —xchi ja Lucasi.
Ja anjel Gabriel sok ja Zacariasi
5Ja k'ak'u ye'n mandaranum ay ja Herodes b'ankilal mandaranum yuj ja judio jumasa, Ja Zacariasi, ye'n pagre ay ja tiempo jawi, ti wa'n a'tel b'a snajtsil tsomjel sok ja smoj jumasa ja pagre Abiasi. Jaxa sche'umi sb'i'il Elisabet sok ja' yintil ja pagre Aaroni. 6Ja Elisabet sok ja Zacariasi, jel lek ja smodo'e'i, sok wa sk'u'ane spetsanil ja yab'al ja Dyosi. 7Jasa mey yuntikile, ja Elizabeti yujni mix b'ob' untikanuka, sok schawanile jelxa byejo'e.
8Jun k'ak'u ko' sb'aje a'tel b'a snajtsil stsomjel ja Dyos ja pagre jumasa smoj a'tel ja Zacariasi, 9Jach'ni kulan yujile' ja pagre jumasa, wa stsa'awe' june ja smoje oj ochuk b'a yoj snajtsil stsomjel ja Dyos b'a oj stsik ja pomi, jaxa k'ak'u jawi ye'n ko' schol ja Zacariasi, 10Yajni wa'n stsikjel ja pom b'a yoj snaj ja Dyosi, spetsanil ja kristyano jumasa ti wa'ne sk'umajel ja Dyos b'a sti snajtsil tsomjel.
11Waj yil ja Zacariasi tey jun yanjel ja Dyosi, ti tek'an ek' b'a lado stojol sk'ab' ja b'ay ja tsikub' pomi. 12Jaxa Zacariasi, jel xiwi mi sna'a jas oj sk'u'luk. 13Jaxa anjeli ti yala'a:
—Mi lom ja xiw Zacarias. Ja jas wa'na sk'anjeli, smaklanta ja Dyosi. Ja wa che'um Elizabeti oj sman jun yal kerem, jaxa alats jawi oj wa sb'i'iluk Juan. 14Ja yajnix manxi jel tsamal oj ja wile jach'ni ja kristyano jumasa jel gusto oj yil'e. 15Yuja alats jawi jel niwan oj wajuk ja b'a sti' sat ja Dyosi, mi oj yu' pajal ya'al ts'usub': yuj ja ti'ni ay sok ja Espiritu Santo desde me'x manxi.
16—Yuj ja yal kerem iti, jel jitsan ja israelenio oj a'ji ya'we kan sk'uljel b'a mi leki, sok ja oj sk'u'uke ja Dyosi. 17Ja ye'n b'ajtan ay yuj ja Mesiasi, ja'ni oj stul ja jastal ja aluman Dyos Eliasi. Ja jastal jel tsats a'tiji ja Eliasi, ja jas wax yala, oj koltajuk ja nanal tatal b'a junxta oj ajyuk sok ja yuntikile'i. Jaxa ma'tik mi sk'u'ani, ojni ya sk'u'uka jastal ja ma wa sk'u'ani, jach' jastal it oj sje'yi ja kristyano b'a chapan oj jak sta' ja Mesiasi, —xchi ja anjeli.
18Ja Zacariasi, ti yal yab' ja anjeli.
Ja ke'n sok ja jche'umi, jelxa byejo'otikon ¿Jastal oj na' ta jach' oj ek' spetsanil ja jastal waxa wala b'a?
19Ti yala ja anjeli:
—Ke'non ja Gabriel ya'tijum tsa'ub'al yuj ja Dyosi. Ye'n sjekunejon b'a oj kala wab' ja tsamal ab'al iti. 20Yuj ja mi a k'u'an ja jas kal a wab'i, mi oj b'ob' k'umanan man oj k'ot smeranil ja jas kala wab'i, —xchi ja anjeli.
21Jaxa kristyano jumasa tey b'a sti snajtsil stsomjeli wa'nexta smajlajel ja Zacariasi jelxa cham k'ujol aye yuj ja jelxa alb'ita k'ot ja b'a yoj snajtsil stsomjel ja Dyosi.
22Yajni el jan ja Zacariasi, mix b'ob' k'umanuk, ti jak sk'ujol ja kristyano jumasa ay jas naj satin ja b'a yoj snaj ja Dyosi, kechan senya wa sje'a yuj ja mix b'ob' k'umanuki.
23Yajni ts'ikwi ja k'ak'u wa'n a'tel ja Zacarias b'a snajtsil stsomjel ja Dyosi, ti'xa kumxi b'a snaj ja. 24Ek' chab' oxe k'ak'u ja sche'um Elizabeti, ti'xa tukb'i'a, jo'e ixaw mi t'un el ja b'a snaji, ti wax yala jastal it ja b'a sk'ujoli: 25—Ja jastal ayoni ye'n ya'oj ki ja Dyosi, b'a jach' mixa oj sk'e'nayone ja kristyano jumasa.
Ja anjel Gabriel sok ja Maria
26Jaxa yajni ayxa yi'oj wake ixaw tuk ay ja Elizabeti, ja anjel Gabrieli, ti cho jekji pilan majke yuj ja Dyos b'a Nazaret b'a jun chonab' b'a Galilea, 27Jaxa anjeli, yi'aj ochyi jun lo'il ja ak'ix Maria. Ja ye'n ja smakb'en winik ja Jose ja yintil ja mandaranum Davidi.
28Ja anjeli ti och ja b'a'y ja Maria ya'yi dyos, ti yal yab'a:
—Ja Dyosi, jel lek wax yilawa— Ja Kajwaltiki, tey a moka, —xchi ja anjeli.
29Jaxa Maria jel cham ja sk'ujol yuj ja jas alji yab'i, ti och ek' sk'ujola: Jas ma jun wa sk'ana jyal ja jawi, —xchi.
30Ja'yuj ti alji yab' yuj ja anjeli:
—Maria, mok xiwan, ja Dyosi jel lek ja jas ya'ta a wi'i. 31Ja'yuj, ojxa tukb'an satk'inal oj ajyuk jun yala walats kerem oj wa' sb'i'iluk Jesús, 32Ja yal kerem iti, jel niwan oj iljuk, oj aljuk sb'aj —Ja Yunin ja Dyos it jel niwani— Jaxa Dyosi, oj ya och mandaranumil jach'ni jastal sk'u'lan sok ja David ma' ek' paxta yuji; 33spetsanil ja k'ak'u ja oj ya'telta ja schonab'il ja israelenio jumasa, jaxa ya'teli, mini oj ch'akuka, —xchi ja anjeli.
34Jaxa Maria ti sjob'oyi ja anjeli:
¿Jastal ay ja it b'a, mey jtatam ja ke'n tak? —xchi.
35Ti alji yab' yuj ja anjeli:
—Ja Espiritu Santo ti oj ajyuk amoka; cho ja oj skoltaya ja yip ja Dyos it jel Niwani, ja'yuj ja yal keremi, kechani ja oj ya'telta ja Dyosi, oj aljuk sb'aj, —Yunin Dyos—. 36Cho jach'ni wa wats Elisabet ayxa lek sk'ujol oj cho sman jun yal skerema. Ja kristyano jumasa wa'ne jan yaljel mini sb'a oj yil sat untikanel ja ye'na, ayxa wake ixaw tuk ay. 37Yuj ja Dyosi, mini jas mi oj b'ob' sk'u'luka, —xchi ja anjeli.
38Ja'yuj ti yala ja Maria:
Lek ay yujni ti' ayon b'a sk'ab' ja Kajwaltika. A' sk'u'lki ja jastal waxa wala kab'i, —xchi ja Maria.
Jaxa anjeli ti'xa waja.
Ja Maria waj yulata ja Elizabeti
39Ja Maria, mi ya ek' k'ak'u ti waj b'a jun chonab' b'a yaxk'ul jumasa sb'a Judea. 40Yajni k'oti, ti och ja b'a snaj ja Zacariasi ya'yi dyos ja Elizabeti. 41Yajni yab' a'jiyi dyos ja Elizabeth yuj ja Maria, jel tsamal yab' ja alats ti kuchan yuji tsats lek snika sb'aj.
Jaxa ye'n b'ut' kan yuj ja Espiritu Santo. 42Ti sk'uman tsats lek ja Maria:
—Ja Dyosi, mas lek wax yilawa ja we'n ke yuj ja tuk ixuke jumasa— Cho jach'ni jel lek wax yila ja wa wal oj ja mani. 43¿Jas yuj ja we'n wax jak a wulatayoni, we'nani snana ja Kajwaltak? 44Kechan ch'ak a waki dyosi, ja yal alats ti ki'oji, jel gusto yab'i tsats lek snika sb'aj ja b'a jlukumi. 45—Jel lek wax yilawa ja Dyos yuj a k'u'an ja jas yal awab'i, xchi ja Elizabeti.
Ja Maria wa stoyo ja Dyosi
46Ti yala ja Maria:
—Sok spetsanil jk'ujol
wax ka'yi ts'akatal ja Dyosi,
47Sok jel gusto ayon
yuj ja ye'nani ja jkoltanumi—
48—Ja Dyosi, jel niwan ja jastal wa skoltayoni
yujni jun ya'tijum jel ch'in wax ka'a b'aj yi'a.
—Man ya'n, spetsanil ja kristyano oj yal'e jb'aj:
—Maria, ja Dyosi, jel lek wax yilawa—.
49—Ja Dyos it jel ja yipi
jel niwan ja jas sk'u'lantaki'i.
—Ja sb'i'ili, mi kwalkyera'uk—.
50—Ja ye'n mix ya'kan syajtajel
spetsanil ja ma' wax toyji yuji.
51—Ja Dyosi, wa sje'a ja yipi,
mix yi'aj lek ja ma' jel stoyo sb'aji.
52—Wax ya elyi ja ya'tel ja ma' jel niwan wax ya'a sb'aji,
wax ya'yi yip ja ma' jel ajula sb'aji.
53—Wax ya'yi jas oj yab'
ja ma' wa'in xya'b'i,
jaxa ma' jel ja jastik sb'aji
telan sk'ab' wax ch'ak sjek ele.
54—Wa skolta ja israelenio
ja ya'tijum jumasa
mini b'a mi oj ya'yi syajal sk'ujol
ja jaw jumasa.
55—Jach' yal yab'
ja ma' ek' paxta kujtiki,
ja Abraham sok ja yintil jumasa,
ti b'i oj ayuk petsanil k'ak'u soka, —xchi ja Maria.
56Ja Maria ti kan sok oxe ixaw ja Elizabeti. Jaxa tsa'ani ti'xa kumxi b'a snaja.
Manxi ja Juan it ma' ya'a yijel ja'i
57Yajni manxi ja yal ja Elizabeti, 58spetsanil ja ma mojan yi'oj sb'a soki sok ja smoj alijel jumasa jel tsamal yilawe, yuj ja yilawe jel lek ilji yuj ja Dyosi.
59Yajni ayxa yi'oj waxake k'ak'u ja alats jawi, ti yi'aje b'a oj kupjuyi jas k'unili. Ja ma'tik tey tiwi wa sk'ana oj ya'we sb'i'iluk Zacarias yuj ja jach' sb'i'il ja stati. 60Jaxa Elizabeti ti yala:
Miyuk, Juan oj sb'i'iluk, —xchi.
61Jaxa ye'nle'i, ti yalawe'a:
Mini june wa moj alijel jumasa ayuk sb'i'il ja jastal itak, —xchiye.
62Sok senya sjoboweyi ja stat jastal wa sk'ana oj ya sb'i'iluk ja ye'n, 63Jaxa Zacariasi, ti sk'ana jun yal ak'inte' ti sts'ijb'ana: Juan oj sb'i'iluk, xchi ja b'a sts'ijb'ani, jaxa smoj jumasa ti ch'ak kanuke jak'ana. 64Ja ora jawi, ti jamxi ja sti' ja Zacariasi, tsamal lek el ja sk'umali, jel stoyo ja Dyosi.
65Spetsanil ja ma mojan yi'oj sb'aj soki jel xiwye, sok spetsanil ja ma' tey b'a yaxk'ul b'a Judea, ti'xta ch'ak yabye ja jastal ek'i. 66Jaxa ma'tik ch'ak yab'i, ti wax yala sb'aje'a: ¿jastal ma oj wajuk ja alats jaw ja yajnix k'i'i? —xchiye, yuj ja wa sna'awe tey b'a sk'ab' ja Dyosi.
Ja Zacariasi, jel stoyo ja Dyosi
67Jaxa Zacariasi, b'ut'el sok ja Espiritu Santo, ti yala'a:
68—Sts'akatal lek ja jDyos yuj ja israelenio,
yuj ja jakta skoltayotiki.
69—Ya'ata ki'tik jun jkoltanumtik b'a jel ja yipi,
ja' yintil ja mandaranum David ya'tijumi.
70—Ja iti ayxa lek k'ak'u
sk'apunej yi,
ja aluman Dyos jumasa
it tsa'ub'ale'i:
71ye'n oj skoltayotik b'a
sk'ab' ja ma mi lek wax yilawotiki
cho jach'ni sok spetsanil
ja ma' wax tajki moktiki.
72—Ye'n yala oj stalna sya'ujlal ja yuntikili,
ja jas jel tsamal sk'apuneji,
ojni k'ot smeranila.
73—Jach' yal yab' ja Abraham
it ma' ek' paxta kujtiki,
74oj b'i skoltayotik
ja b'a sk'ab' ja ma mi lek xyilawotiki.
—B'a jach' mey jun xiwel
oj ka'teltatik ja Dyosi,
75Sok kechan ye'n oj toytik,
la ajyukotik toj b'a spetsanil
ja k'ak'u janek' oj ajyuk jsak'aniltiki.
76—Jaxa we'n kala unin oj ja b'i'iluk:
Aluman yuj ja Dyos it jel Niwani.
—We'n b'ajtan oj ek'an yuj ja Mesiasi,
b'a oj a chap ja kristyano jumasa, yuj ja oj juluki.
77—Oj a wal yab' ja yuntikili,
sta'awetani ja skoltajele'a
cho mi oj aji stup ja smule yuj ja Dyosi.
78—Ja jtatik Dyosi, jel wa syajtayotik
man b'a satk'inal sjekakon
ki'tik jun jkoltanumtik,
lajan sok jastal wax lijpi ja k'ak'u
b'a jun tsamal sakb'el.
79—Ye'n oj skolta ja ma' tey
b'a yoj wokol b'a chamel ch'akeli.
—Lajan sok jastal jun k'ak'
wa'n ijlab'anel ja b'a yoj k'ik'inali
oj sje' ki'tik ja b'a oj ekotiki
b'a jun b'ej b'a laman,
—xchi ja Zacariasi.
80Ja yal kerem Juani k'i'i, jel tsats ay sok ja Dyosi, ti ajyi b'a chayan lugar, man alji yab' yuj ja Dyos ojxa waj slo'ilta yab' ja israelenio jumasa ja ab'al it jel tsamali.
Iliyochaguliwa sasa
Lucas 1: YABD
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021
Lucas 1
1
1-4Lek ay moj alijel Teofilo:
Ja we'n waxa na'a jel jitsan ja ma'tik wa sk'ana schojlal oj tsi'jb'aye ja jastal ek' kujtikoni. Oj ch'ak sts'ijb'aye ja jastal yala kab'tikon ja ma'tik ti ajyiye sok ja Kajwaltik Jesús ja k'ak'u k'e ja ya'teli, ja ye'nle'i ye'n jek jiye yuj ja Kajwaltik Jesús b'a oj slo'iltaye ek' ja yab'al ja Dyosi:
Cho jach'ni ja ke'n, jk'elata lek spetsanil ja jastal ek'i, ja mas lek wax kab'i oj ts'ijb'uk a wi' spetsanil ja jas ch'ak ek'uki. B'a jach' oj cho a na' ja we'n ta smeranil ja jas ch'ak aljuk a wab'i, —xchi ja Lucasi.
Ja anjel Gabriel sok ja Zacariasi
5Ja k'ak'u ye'n mandaranum ay ja Herodes b'ankilal mandaranum yuj ja judio jumasa, Ja Zacariasi, ye'n pagre ay ja tiempo jawi, ti wa'n a'tel b'a snajtsil tsomjel sok ja smoj jumasa ja pagre Abiasi. Jaxa sche'umi sb'i'il Elisabet sok ja' yintil ja pagre Aaroni. 6Ja Elisabet sok ja Zacariasi, jel lek ja smodo'e'i, sok wa sk'u'ane spetsanil ja yab'al ja Dyosi. 7Jasa mey yuntikile, ja Elizabeti yujni mix b'ob' untikanuka, sok schawanile jelxa byejo'e.
8Jun k'ak'u ko' sb'aje a'tel b'a snajtsil stsomjel ja Dyos ja pagre jumasa smoj a'tel ja Zacariasi, 9Jach'ni kulan yujile' ja pagre jumasa, wa stsa'awe' june ja smoje oj ochuk b'a yoj snajtsil stsomjel ja Dyos b'a oj stsik ja pomi, jaxa k'ak'u jawi ye'n ko' schol ja Zacariasi, 10Yajni wa'n stsikjel ja pom b'a yoj snaj ja Dyosi, spetsanil ja kristyano jumasa ti wa'ne sk'umajel ja Dyos b'a sti snajtsil tsomjel.
11Waj yil ja Zacariasi tey jun yanjel ja Dyosi, ti tek'an ek' b'a lado stojol sk'ab' ja b'ay ja tsikub' pomi. 12Jaxa Zacariasi, jel xiwi mi sna'a jas oj sk'u'luk. 13Jaxa anjeli ti yala'a:
—Mi lom ja xiw Zacarias. Ja jas wa'na sk'anjeli, smaklanta ja Dyosi. Ja wa che'um Elizabeti oj sman jun yal kerem, jaxa alats jawi oj wa sb'i'iluk Juan. 14Ja yajnix manxi jel tsamal oj ja wile jach'ni ja kristyano jumasa jel gusto oj yil'e. 15Yuja alats jawi jel niwan oj wajuk ja b'a sti' sat ja Dyosi, mi oj yu' pajal ya'al ts'usub': yuj ja ti'ni ay sok ja Espiritu Santo desde me'x manxi.
16—Yuj ja yal kerem iti, jel jitsan ja israelenio oj a'ji ya'we kan sk'uljel b'a mi leki, sok ja oj sk'u'uke ja Dyosi. 17Ja ye'n b'ajtan ay yuj ja Mesiasi, ja'ni oj stul ja jastal ja aluman Dyos Eliasi. Ja jastal jel tsats a'tiji ja Eliasi, ja jas wax yala, oj koltajuk ja nanal tatal b'a junxta oj ajyuk sok ja yuntikile'i. Jaxa ma'tik mi sk'u'ani, ojni ya sk'u'uka jastal ja ma wa sk'u'ani, jach' jastal it oj sje'yi ja kristyano b'a chapan oj jak sta' ja Mesiasi, —xchi ja anjeli.
18Ja Zacariasi, ti yal yab' ja anjeli.
Ja ke'n sok ja jche'umi, jelxa byejo'otikon ¿Jastal oj na' ta jach' oj ek' spetsanil ja jastal waxa wala b'a?
19Ti yala ja anjeli:
—Ke'non ja Gabriel ya'tijum tsa'ub'al yuj ja Dyosi. Ye'n sjekunejon b'a oj kala wab' ja tsamal ab'al iti. 20Yuj ja mi a k'u'an ja jas kal a wab'i, mi oj b'ob' k'umanan man oj k'ot smeranil ja jas kala wab'i, —xchi ja anjeli.
21Jaxa kristyano jumasa tey b'a sti snajtsil stsomjeli wa'nexta smajlajel ja Zacariasi jelxa cham k'ujol aye yuj ja jelxa alb'ita k'ot ja b'a yoj snajtsil stsomjel ja Dyosi.
22Yajni el jan ja Zacariasi, mix b'ob' k'umanuk, ti jak sk'ujol ja kristyano jumasa ay jas naj satin ja b'a yoj snaj ja Dyosi, kechan senya wa sje'a yuj ja mix b'ob' k'umanuki.
23Yajni ts'ikwi ja k'ak'u wa'n a'tel ja Zacarias b'a snajtsil stsomjel ja Dyosi, ti'xa kumxi b'a snaj ja. 24Ek' chab' oxe k'ak'u ja sche'um Elizabeti, ti'xa tukb'i'a, jo'e ixaw mi t'un el ja b'a snaji, ti wax yala jastal it ja b'a sk'ujoli: 25—Ja jastal ayoni ye'n ya'oj ki ja Dyosi, b'a jach' mixa oj sk'e'nayone ja kristyano jumasa.
Ja anjel Gabriel sok ja Maria
26Jaxa yajni ayxa yi'oj wake ixaw tuk ay ja Elizabeti, ja anjel Gabrieli, ti cho jekji pilan majke yuj ja Dyos b'a Nazaret b'a jun chonab' b'a Galilea, 27Jaxa anjeli, yi'aj ochyi jun lo'il ja ak'ix Maria. Ja ye'n ja smakb'en winik ja Jose ja yintil ja mandaranum Davidi.
28Ja anjeli ti och ja b'a'y ja Maria ya'yi dyos, ti yal yab'a:
—Ja Dyosi, jel lek wax yilawa— Ja Kajwaltiki, tey a moka, —xchi ja anjeli.
29Jaxa Maria jel cham ja sk'ujol yuj ja jas alji yab'i, ti och ek' sk'ujola: Jas ma jun wa sk'ana jyal ja jawi, —xchi.
30Ja'yuj ti alji yab' yuj ja anjeli:
—Maria, mok xiwan, ja Dyosi jel lek ja jas ya'ta a wi'i. 31Ja'yuj, ojxa tukb'an satk'inal oj ajyuk jun yala walats kerem oj wa' sb'i'iluk Jesús, 32Ja yal kerem iti, jel niwan oj iljuk, oj aljuk sb'aj —Ja Yunin ja Dyos it jel niwani— Jaxa Dyosi, oj ya och mandaranumil jach'ni jastal sk'u'lan sok ja David ma' ek' paxta yuji; 33spetsanil ja k'ak'u ja oj ya'telta ja schonab'il ja israelenio jumasa, jaxa ya'teli, mini oj ch'akuka, —xchi ja anjeli.
34Jaxa Maria ti sjob'oyi ja anjeli:
¿Jastal ay ja it b'a, mey jtatam ja ke'n tak? —xchi.
35Ti alji yab' yuj ja anjeli:
—Ja Espiritu Santo ti oj ajyuk amoka; cho ja oj skoltaya ja yip ja Dyos it jel Niwani, ja'yuj ja yal keremi, kechani ja oj ya'telta ja Dyosi, oj aljuk sb'aj, —Yunin Dyos—. 36Cho jach'ni wa wats Elisabet ayxa lek sk'ujol oj cho sman jun yal skerema. Ja kristyano jumasa wa'ne jan yaljel mini sb'a oj yil sat untikanel ja ye'na, ayxa wake ixaw tuk ay. 37Yuj ja Dyosi, mini jas mi oj b'ob' sk'u'luka, —xchi ja anjeli.
38Ja'yuj ti yala ja Maria:
Lek ay yujni ti' ayon b'a sk'ab' ja Kajwaltika. A' sk'u'lki ja jastal waxa wala kab'i, —xchi ja Maria.
Jaxa anjeli ti'xa waja.
Ja Maria waj yulata ja Elizabeti
39Ja Maria, mi ya ek' k'ak'u ti waj b'a jun chonab' b'a yaxk'ul jumasa sb'a Judea. 40Yajni k'oti, ti och ja b'a snaj ja Zacariasi ya'yi dyos ja Elizabeti. 41Yajni yab' a'jiyi dyos ja Elizabeth yuj ja Maria, jel tsamal yab' ja alats ti kuchan yuji tsats lek snika sb'aj.
Jaxa ye'n b'ut' kan yuj ja Espiritu Santo. 42Ti sk'uman tsats lek ja Maria:
—Ja Dyosi, mas lek wax yilawa ja we'n ke yuj ja tuk ixuke jumasa— Cho jach'ni jel lek wax yila ja wa wal oj ja mani. 43¿Jas yuj ja we'n wax jak a wulatayoni, we'nani snana ja Kajwaltak? 44Kechan ch'ak a waki dyosi, ja yal alats ti ki'oji, jel gusto yab'i tsats lek snika sb'aj ja b'a jlukumi. 45—Jel lek wax yilawa ja Dyos yuj a k'u'an ja jas yal awab'i, xchi ja Elizabeti.
Ja Maria wa stoyo ja Dyosi
46Ti yala ja Maria:
—Sok spetsanil jk'ujol
wax ka'yi ts'akatal ja Dyosi,
47Sok jel gusto ayon
yuj ja ye'nani ja jkoltanumi—
48—Ja Dyosi, jel niwan ja jastal wa skoltayoni
yujni jun ya'tijum jel ch'in wax ka'a b'aj yi'a.
—Man ya'n, spetsanil ja kristyano oj yal'e jb'aj:
—Maria, ja Dyosi, jel lek wax yilawa—.
49—Ja Dyos it jel ja yipi
jel niwan ja jas sk'u'lantaki'i.
—Ja sb'i'ili, mi kwalkyera'uk—.
50—Ja ye'n mix ya'kan syajtajel
spetsanil ja ma' wax toyji yuji.
51—Ja Dyosi, wa sje'a ja yipi,
mix yi'aj lek ja ma' jel stoyo sb'aji.
52—Wax ya elyi ja ya'tel ja ma' jel niwan wax ya'a sb'aji,
wax ya'yi yip ja ma' jel ajula sb'aji.
53—Wax ya'yi jas oj yab'
ja ma' wa'in xya'b'i,
jaxa ma' jel ja jastik sb'aji
telan sk'ab' wax ch'ak sjek ele.
54—Wa skolta ja israelenio
ja ya'tijum jumasa
mini b'a mi oj ya'yi syajal sk'ujol
ja jaw jumasa.
55—Jach' yal yab'
ja ma' ek' paxta kujtiki,
ja Abraham sok ja yintil jumasa,
ti b'i oj ayuk petsanil k'ak'u soka, —xchi ja Maria.
56Ja Maria ti kan sok oxe ixaw ja Elizabeti. Jaxa tsa'ani ti'xa kumxi b'a snaja.
Manxi ja Juan it ma' ya'a yijel ja'i
57Yajni manxi ja yal ja Elizabeti, 58spetsanil ja ma mojan yi'oj sb'a soki sok ja smoj alijel jumasa jel tsamal yilawe, yuj ja yilawe jel lek ilji yuj ja Dyosi.
59Yajni ayxa yi'oj waxake k'ak'u ja alats jawi, ti yi'aje b'a oj kupjuyi jas k'unili. Ja ma'tik tey tiwi wa sk'ana oj ya'we sb'i'iluk Zacarias yuj ja jach' sb'i'il ja stati. 60Jaxa Elizabeti ti yala:
Miyuk, Juan oj sb'i'iluk, —xchi.
61Jaxa ye'nle'i, ti yalawe'a:
Mini june wa moj alijel jumasa ayuk sb'i'il ja jastal itak, —xchiye.
62Sok senya sjoboweyi ja stat jastal wa sk'ana oj ya sb'i'iluk ja ye'n, 63Jaxa Zacariasi, ti sk'ana jun yal ak'inte' ti sts'ijb'ana: Juan oj sb'i'iluk, xchi ja b'a sts'ijb'ani, jaxa smoj jumasa ti ch'ak kanuke jak'ana. 64Ja ora jawi, ti jamxi ja sti' ja Zacariasi, tsamal lek el ja sk'umali, jel stoyo ja Dyosi.
65Spetsanil ja ma mojan yi'oj sb'aj soki jel xiwye, sok spetsanil ja ma' tey b'a yaxk'ul b'a Judea, ti'xta ch'ak yabye ja jastal ek'i. 66Jaxa ma'tik ch'ak yab'i, ti wax yala sb'aje'a: ¿jastal ma oj wajuk ja alats jaw ja yajnix k'i'i? —xchiye, yuj ja wa sna'awe tey b'a sk'ab' ja Dyosi.
Ja Zacariasi, jel stoyo ja Dyosi
67Jaxa Zacariasi, b'ut'el sok ja Espiritu Santo, ti yala'a:
68—Sts'akatal lek ja jDyos yuj ja israelenio,
yuj ja jakta skoltayotiki.
69—Ya'ata ki'tik jun jkoltanumtik b'a jel ja yipi,
ja' yintil ja mandaranum David ya'tijumi.
70—Ja iti ayxa lek k'ak'u
sk'apunej yi,
ja aluman Dyos jumasa
it tsa'ub'ale'i:
71ye'n oj skoltayotik b'a
sk'ab' ja ma mi lek wax yilawotiki
cho jach'ni sok spetsanil
ja ma' wax tajki moktiki.
72—Ye'n yala oj stalna sya'ujlal ja yuntikili,
ja jas jel tsamal sk'apuneji,
ojni k'ot smeranila.
73—Jach' yal yab' ja Abraham
it ma' ek' paxta kujtiki,
74oj b'i skoltayotik
ja b'a sk'ab' ja ma mi lek xyilawotiki.
—B'a jach' mey jun xiwel
oj ka'teltatik ja Dyosi,
75Sok kechan ye'n oj toytik,
la ajyukotik toj b'a spetsanil
ja k'ak'u janek' oj ajyuk jsak'aniltiki.
76—Jaxa we'n kala unin oj ja b'i'iluk:
Aluman yuj ja Dyos it jel Niwani.
—We'n b'ajtan oj ek'an yuj ja Mesiasi,
b'a oj a chap ja kristyano jumasa, yuj ja oj juluki.
77—Oj a wal yab' ja yuntikili,
sta'awetani ja skoltajele'a
cho mi oj aji stup ja smule yuj ja Dyosi.
78—Ja jtatik Dyosi, jel wa syajtayotik
man b'a satk'inal sjekakon
ki'tik jun jkoltanumtik,
lajan sok jastal wax lijpi ja k'ak'u
b'a jun tsamal sakb'el.
79—Ye'n oj skolta ja ma' tey
b'a yoj wokol b'a chamel ch'akeli.
—Lajan sok jastal jun k'ak'
wa'n ijlab'anel ja b'a yoj k'ik'inali
oj sje' ki'tik ja b'a oj ekotiki
b'a jun b'ej b'a laman,
—xchi ja Zacariasi.
80Ja yal kerem Juani k'i'i, jel tsats ay sok ja Dyosi, ti ajyi b'a chayan lugar, man alji yab' yuj ja Dyos ojxa waj slo'ilta yab' ja israelenio jumasa ja ab'al it jel tsamali.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© Sociedad Bíblica de México 2021