ARomo 10
10
1Awirinami, gu pai dũ nyemu he kpotore yo mi akpara fu Mbori tipa yo ti ni si nga, i bati. 2Bambiko mi nga dezire yo ya nyemu Mbori ti yo ono ku sangba inahe yo te. 3Bambiko wa i aina nga waĩ Mbori asa yo ni ruru yo ya, i ki nigbata pa du ni ruru yo ni tiyo, i afu nga tiyo ku tii ga Mbori rurupai te. 4Bambiko Kristo nga digida rugute fu agu yo naida pase, Mbori nasa yo ni ruru yo.
Bata tipa aboro dunduko
5Bambiko Mose ake gi pai tipa sa boro ni ruru ni mbiko giasangba, gu boro namanga sangba rugute ni du ni ungani mbiko ho. 6Ono gu rurupai nga ga idapase napaa were, ya, “Ka mo gúmoa nga pai ku kpotoro yo ya. Da nikaga ku ngbangbaturũ vo?” (si ngia ka ye na Kristo yo), 7“Da ka zorõ ku sende yo?” (si ngia ka kura yo na Kristo dagba akangba). 8Si naya wãi? Pai mbembedi na mo, du ngbaro na kpotoro yo, nga gu pai nga ga idapase ani atungusa. 9Bambiko Ka mo kusi pa Yesu ya Gbia nga ko ni ngbaro, ki idi pa gu pai kpotoro yo nga Mbori azingisi ko be kpio dagba akangba, mo bati abata. 10Bambiko boro naida pase kpotoni yo, Mbori ki sa ni ni ruru ni, ni ki kusi pase ni ngbani sa bata 11Bambiko Ziazia Kekeapai naya, “Gu ni ka idi pa ko zee amánga nga n: te.” 12Be mbiko aYudo akpara nga ti aGiriki te; bambiko kina gu Gbia sa nga ga aboro Gbia dú, ko akumukosi agu yo nakpara fu ko, 13bambiko, “gu ni Ka kpari ni rimo Gbia ni bati abata.”
14I awira pa kpara tie wãi fu gu ko i aida nga pa ko ya? ki wiri pa ida pa gu ko wãi i agia nga pako ya? ki wiri pa gia ha wãi nizanga batungusipai? 15I awira pa tungusa ha wãi ka i akeda nga yo akeda ya? Wa du he ni keke he ya, “Na ngba ndu agu yo naye na wene pangbanga wene ahe!” 16Ono i agia nga sangba wene pangbanga wa du yo dunduko te. Bambiko Yesaya ava, “Gbia, da idi gu pai gi yo ngbarani?” 17Si du idapase aye be giapai, giaoai be ga Kristo pai.
18Ono ya mi, Ati i agi he? Ii, ni rengo,
“Payo andu andu ku rogo kpotosende dunduko,
na gayo apai kina ku digida zegino yo.”
19Ono ya mi Ati aYisaraere aini he? Mose aya mbata.
“Mi awo ti roni oni de ringo ni gu rika aboro adu nga ni rika aboro ya;
mi ki zingisi roni ni mumungo rika aboro.”
20Yesaya adu zukazuka gbe ki ya,
“Agu aooro abí re naagbata nga re ya;
mi ayugu tire fu agu yo naasana nga he tipa re ya.”
21Ono ko aya tipa aYisaraere tigayo. “Mi nitãi bere atãa pitipiti fu gu rika aboro du ni airakeretu ni airatikangu.”
Iliyochaguliwa sasa
ARomo 10: ZB1978
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
La Sainte Bible en Zande © Alliance Biblique Universelle, 1978.
