YOEL 1
1
1Uti-utieelo tahuli lo Eeya odelei Yoel, walae̒e Petuel.
Umati lo Isirai̒lu siluukali hilao sababu tilapulo halabolu lopulito iliila lobulita
2Dungohiilo, wuu mongo panggola;
poo̒tuotilo, ngoa̒amila tau to Yehuda.
Wolo mapee̒enta sua̒li u odie lotoduo mai to jamanimu,
meaalo to jamani lomongo nenemoyaamu?
3Wunggulia mao̒ u lotoduo boito ode mongo walau̒mu;
alihu timongolio mopo tunggulao̒ ode mongo walai̒ mongolio wungguli boito.
Wali mai wumbutio mola musi modungoheo̒ olo,
wau mopo tolongao̒ ode wali u wumbutio mola.
4Polemboa̒ lobulita udiila oyia̒apa jumulaalio,
lotiluntu to hahaa-laaboluwalo wau yilonga daata-daatalo mao̒ tilapulio.
Wolo u pilopo labito lo polemboa̒ u utie,
pilopulito lo polemboa̒ uwewo poli.
5Wuu tahi huwoa̒, pobongulo!
Wuu tahi pongiluma, hiyongolo mola!
Sababu angguru u bohu
mailambato lonto tunggilumu.
6Pasuukani lobulita loluhu lipunto;
bulita boito hilootola wau diila oyia̒apa daatalio,
dungitio hiluita debo odelo huoto losinga bilango.
7Ilantulu limongolio bungo lo nggurunto,
wau bungo lo araanto, bolo tuodio u leitolaa.
Babaatangio ilalipa limongolio,
tunggula walao̒ tataa-ngoolio lowali loputio̒.
8Hiyongolo mola, wuu umati, debo odelo tadulahu talimi-limi
talo hiyongao̒ ilopatea lo tilantahio tao̒tolia̒ngo tutu.
9Pale wau angguru mailooli
lonto Bele lo Eeya.
Yi potilimi lomola mongo iimamu,
taatatapu wau molotolo hilao momaya to Eeya.
10Hahaa-laaboluwalo botie loa̒antulu.
Huta lotilimi;
sababu loa̒antulu lomola totoonulalo pale,
lohengu lomola hungo lo angguru,
wau lopulito lomola winulo jaitun.
11Wuu tamoomengia, pohilimutolo mola!
Wuu tamoomengia ilengi lo angguru, hiyongolo mola!
Sababu pale, panggeyango wau ngoa̒amila ilotolo loa̒antulu.
12Bubuu-ngowaalo hipomungoa tohuta udatahu wau luasi lowali lohengu ngoa̒amila:
bungo lo angguru, apeli, ara, huruma wau dalima.
Yi ulipu olo diilalo leengahe.
13Wuu mongo iimamu tahemomayawa tomesba,
pomakeaalo mao̒ kaingi yute, wau hiyongolo mola.
Tuwotolo ode Bele lo Eeya u mohilimuta oo̒onuwalo mao̒,
sababu diaaluo bake lo angguru wau pale duo̒lo Allahu Taa̒alamu.
14Palentai mao̒ umatimu u mopuasa,
pomala-lumualo mola dudunggaya li olongia!
Toduwaalo mai mongo tau̒wa wau mongo panggola
wau ngoa̒amila ulipu lo Yehuda,
alihu monao̒ mai ode Bele lo Allahu Taa̒ala,
u mongiibode mola mei̒ tulungi mai o-Lio.
15Dulahu lo Eeya maleimbidei, dulahu u moo̒tihela hapato;
saaa̒ti lo Taa Laba-labaalo kawasa mopodungga mai obobinasa.
16Ua̒alo lopulito binasa
totalu lo matoonto
to Bele lo Allahu Taa̒alanto
diduuluo iibode meengahe.
17Bili yilate tohuta u mohengu daa̒.
Diduuluo pale u tahuwolo,
yi wiwii-bungowalo diila otua wau lowali tuodu.
18Bibiahu hipohuabe wau balisa;
diduuluo huta luasi u pilobutua lo huo̒yoto olio.
Himbala himba olo lohiheo longongoto.
19Watotia mei̒ tulungi mai to Eeya, yaa Eeya
sababu huhuu-tawaalo luasi u pilobutua lo huo̒yoto
lopobu lowali lohengu daa̒
bubuu-ngowaalo ayu olo lohengu wau yilate
debo odelo yilaalapo tulu.
20Tumbao̒ bibii-natangiyalo molinggelo to oa̒ayua
hemo ngiibode mola to Eeya mei̒ tulungi.
Timongolio diila mowali mopotolu mao̒ totoa̒ngo,
sababu duduu-tulaalo lohengu ngoa̒amila.
Iliyochaguliwa sasa
YOEL 1: LAIGOR
Kuonyesha
Shirikisha
Nakili

Je, ungependa vivutio vyako vihifadhiwe kwenye vifaa vyako vyote? Jisajili au ingia