DANIALI 7
7
TEI DANIALI HELO HUNGGULI BIBII-BIBIILOHIO
7:1–12:13
Bibilohu lei Daniali pasali lo opaato binatangi
1-2TouĚ’ huilio tuwau, to taunu bohulio tei Belsaasar lowali olongia to Babel, watia, Daniali lotohiilopo wau looĚ’toduo mai bibilohe. Tohiilopo boito tiluladu lowatia wau lapuurani tomimbihu bibilohu lowatia boito yito odelo odie mola:
Dupota lohiipo looĚ’ohuuĚ’ lonto totoonulalo tutulio wau looĚ’ akiibati owoluolio mai lodutalo to auhe daaĚ’. 3LapataoĚ’ binatangi mohelu wopato rakisasa yilumenetai lonto delomo taluhu, u tuwau hihiihede wolo uwewo. 4U bohulio lakulio debo odelo singa, bo binatangi boito opolipioĚ’ bulungi garuda. TouĚ’ watia limoloheoĚ’, debolo polipiiĚ’o lopahuto wau lolopato; binatangi boito leibintaoĚ’ lonto huta wau pilopo tihulo to oaĚ’ata mohelu duluo debo odelo manusia, tulusi yilohialio aakali lomanusia.
5Binatangi u oluolio lakulio debo odelo boruuangi. Tio tihutihulo to oa̒ato wulealio, wau delodelo tolo putu tulalo datala to wolota lo duduu-ngitio. Ilodungohe lowatia suala boito loloi̒ya olio, “Ntali, pongaalo tapu ngodaata lou̒ otohilaamu!”
6TouĚ’ watia donggo hemo ngima-ngimato olio, yilumenetai binatangi uwewo. Lakulio debo odelo maacangi tuutulu, bo towulealio opolipioĚ’ bulungi mohelu wopato, wau binatangi olunggongo mohelu wopato. Binatangi boito oontonga otilihula.
7TouĚ’ watia donggo hemo loontongaoĚ’, binatangi u opaatio yilumenetai. Binatangi boito molotolo daaĚ’ wau polu-polutuoĚ’ boli mooĚ’tihela hapato. Wolo duduu-ngitio u uleidaaĚ’ wau debo odelo toheeto lowate, binatangi boito lopotoyopu wau lolamuto mangusaalio, tulusi lolumbe-lumbetaaĚ’a lalaa-bitio. Hihiihede wolo bibii-natangiyalo udipo-dipolulio mai lo binatangi otunge mopulu. 8TouĚ’ watia donggo hemo pooĚ’tuotaoĚ’ tutuu-ngeelio, debolo tunge tuwau uwewo malobutu mola to wolotalio. Tunge boito mooyoto, bo mowali modupeaĚ’a wau momahutaoĚ’ tunge mohelu totolu to wolota lo tutuu-ngeyaalo ubohu-bohulio boito. Tunge u mooyoto boito omato mohelu wopato debo odelo mato lomanusia wau tunggilo u molatabu wolo sombongi.
Bibilohe pasali Tio tatumu-tumula ohiheo-hiheolo maoĚ’
9TouĚ’ watia donggo tulusi bilobilohe, dengolo tambati huhuloaĚ’ li olongia donggo hepodutuolo. LapataoĚ’ Tio tatumu-tumulo ohiheo-hiheolo maoĚ’ lotihuloaĚ’ toitaato tala tuwau lotambati huhuloaĚ’ li olongia boito. Pakeyangi-Lio wau huwo-IĚ’o moputioĚ’ belesi debo odelo pini. Tambati huhuloaĚ’ li olongia-Lio wolo loloo-lodaalio lei-leiĚ’ita sababu hintalabu tulu, 10wau alapo lotulu lotiaĚ’lapaoĚ’ lonto tambati huhuloaĚ’ li olongia boito. Lihua lotau hipomayawa o-Lio wau yutaawa lotau hitihula totalu-Lio. LapataoĚ’ tilumulalo molo sidangi lo bubutooĚ’, wau bubuu-kuwaalo hiluoĚ’olio.
11TouĚ’ watia donggo hemo lontongaoĚ’, debo donggo ilodungohe lowatia tunge mooyota boito hemolatabu wolo sombongilio. LapataoĚ’ binatangi u opaatio boito pilatelio yila-yilateelo maoĚ’, wau milatelio pilomahulio ode delomo tulu tunggula yilaahu. 12Bibii-natangiyalo uwewo mapilahuto okokawasaalio, bo bibii-natangiyalo boito yiluasialio tilumumulo demola wakutu umaa tilantulio.
13To delomo bibilohu lowatia touĚ’ hui boito, iloontonga lowatia hitua-tuawua udebo odelo manusia. Tio dungga-dungga mai wolo pilalito lo heengo tulusi lonaoĚ’ mota ode Olio tatumu-tumula ohiheo-hiheolo maoĚ’ wau pilooĚ’taawa maoĚ’ to olio. 14Tio yilohia ohulumati wau okokawasa odelo olongia, tilinggula tau-tauwalo monto totoonulalo bangusa, suku bangusa wau bahasa momaya olio. Okokawasaalio mamooĚ’ taahangi ohiheo-hiheolo maoĚ’, pamalentaalio diila tapo wulidulo.
Bibii-bibiilohe boito tilombango
15Bibii-bibiilohe u iloontonga lowatia boito loo̒lingu wau loo̒balisa hilaa lowatia. 16Lapatao̒ diludula lowatia tala ngota lo tatihu-tihula mola teto wau pilohile lowatia tombango pasali lo ngoa̒amilalo boito. Yi tio olo lopoo̒taa mai. 17Tio loloi̒ya, “Opaato binatangi rakisasa boito yito yilaidia umaa molunetai todunia. 18Bo umati lo Allahu Taa̒ala Taa Laba-labaalo molanggato mamololimo haku u momalenta wau pamalentaalio mamoo̒ taahangi ohiheo-hiheolo mao̒.”
19LapataoĚ’ watia ohilaa motota boli lo binatangi u opaatio boito, u hihiiheede wolo uwewo; u odito mooĚ’tihela hapato wau u longantulu boli lolamuta mangusaalio wolo luoĚ’obio tombaha wau dungitio wate, wau lolumbe-lumbetaaĚ’ labitio. 20Watia ohilaa motota maoĚ’ olo pasali lo opuulu tunge to lunggongio wau pasali lotunge mooyoto u yilumenetai lapatio maoĚ’ tulusi lomahutaoĚ’ tunge mohelu totolu lonto tutuu-ngeyaalo ubohu-bohulio boito. Tunge mooyota boito omato wau tunggilo u hemolatabu wolo sombongilio. Tio lebe mooĚ’tihela hapato wolo tutuu-ngeyaalo uwewo boito.
21TouĚ’ watia lopooĚ’ tuotaoĚ’, tunge boito lopaatea loluwali umati lo Allahu TaaĚ’ala wau lopo olaaheoĚ’ olimongolio. 22LapataoĚ’ Tio tatumu-tumulo ohiheo-hiheolo maoĚ’ boito dungga-dungga mai tulusi longohi putuusani u lopooĚ’tutu maoĚ’ umati lo Allahu TaaĚ’ala Taa Laba-labaalo molanggato. Masaalio malei dungga ode limongolio mololimo kawasa u momalenta.
23Uti-utieelo tombango u lotapu mai lowatia, “Binatangi u opaatio boito yito yilaidia u opaatio u matimihula todunia wau mamohiihede wolo yiyii-laidiyalo uwewo. Yilaidia boito mamopo aantulu wau molamuta ngoilanggubu dunia wau molumbe-lumbetaa̒ labitio. 24Opuulu lotunge boito yito opuulu li olongia tamaa momalenta yilaidia boito. Lapatao̒ ngotaalio li olongia uwewo malumenetai; tio maa mohiihede daa̒ wolo mongo olongia tabohu-bohulio mai, wau tio mamopo olaaheo̒ toulota olongia. 25Tio mamobisala moluwali Allahu Taa̒ala Taa Laba-labaalo molanggato wau modeehe umati lo Allahu Taa̒ala. Tio mamo tolopani molomelo bubuu-too̒waalo wau popoo-tihungguwalo agama umati lo Allahu Taa̒ala, wau timongolio makawasaalio ngotilonggadu tolo taunu wau ngoputu. 26Lapatao̒ polomutoo̒ losologa mamo siidangi momahutao̒ okokawasaalio wau mongantulu olio tunggula mopulito. 27Kawasa wau odudaa̒ lo totoonulalo yilaidia todunia mawohilio ode umati lo Allahu Taa̒ala Taa Laba-labaalo molanggato. Kawasa limongolio u momalenta diila tamo pulito wau ngoa̒amila takawa-kawasa todunia mamotiwato toli mongolio wolo modungohu.”
28Oditopo lapuurani botie. Watia balisa daaĚ’ tilinggula lotambuti, bo diaaluo penu boli ngotaa maoĚ’ tapilooĚ’taa lowatia pasali lo ngoaĚ’amilalo boito.
Iliyochaguliwa sasa
DANIALI 7: LAIGOR
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia