ABALAWI 15
15
Eubi ekorua ase omobere o mwanyabanto ekomokora abe oyotachenegeti
1Omonene agakwana na Musa na Haroni, akabatebia, 2“Kwana n’Abaisraeli, mobatebie ng’a onye omonto omosacha okorua amache anga buna chimengere korwa ase ekiimo kiaye ki’obosacha, amache ayio neubi. 3Aya naro achikire ase amang’ana ayio: Amache ayio karagenderere korua, gose atigire korua, omonto oyio tachenegeti. 4Ebirarero bionsi arararere, gose araikaransere, nigo birabe ebitachenegeti. 5Monto onde bwensi aise gokuna ebirarero bi’omonto oyio goika asibie chianga chiaye, esibie nomobere namache, ere nabe oyotachenegeti goika omogoroba oyio. 6Na onde bwensi oraikaransere egento omonto oria omorwaire aikaranserete, goika asibie chianga chiaye, esibie nomobere namache, ere nabe oyotachenegeti goika omogoroba oyio. 7Na onde bwensi orakune omonto oyio omorwaire goika asibie chianga chiaye, esibie nomobere namache, ere nabe oyotachenegeti goika omogoroba oyio. 8Omonto oyio omorwaire karatwere omonto ochenegete amate, nere goika asibie chianga chiaye, esibie nomobere namache, naende abe oyotachenegeti goika omogoroba oyio. 9Egeikaransero gekobekerwa eng’iti ekoriinwa, gokeraikaranserwe nomonto oria omorwaire, nakebe egetachenegeti. 10Omonto aise gokuna egento kende gionsi kiarenge inse y’omonto oria omorwaire nabe oyotachenegeti goika omogoroba oyio; na onde bwensi oraimokie egento buna ekio nigo arasibie chianga chiaye, esibie nomobere namache, ere nabe oyotachenegeti goika omogoroba oyio. 11Onye omonto oria omorwaire ogokuna omonto onde ataraisaba amaboko, oria okunwa goika asibie chianga chiaye, esibie nomobere namache naende nabe oyotachenegeti goika omogoroba oyio. 12Enyongo ende yonsi omonto oria omorwaire arakune goika yaatwe, na egekorero kende gionsi keroiseirie omote arakune goika gesibigwe namache.
13“Omonto oria gachenekire korwa ase okorua kw’amache aria anga buna chimengere goika abare amatuko atano na abere ay’ogocheneka kwaye. Erio asibie chianga chiaye, esibie nomobere namache amaya a rooche, ere nabe oyochenegete. 14Ase rituko ria gatano na gatato aire amaruma abere, gose amage ’amaruma abere, ase obosio bwane inche Omonene agwo ase egesoero ki’Eema y’Omosangererekano, ayae omokuani. 15Omokuani arue erimo ribe ekeng’wanso ki’ebibe, na erinde ribe ekeng’wanso ki’ogosambwa. Ase enchera eyio akore okobwatanigwa ase omonto oria ase obosio bwane, ase engencho y’okorua kwaye kw’amache anga buna chimengere.
16“Onye omonto omosacha ogosokia embusuro yaye y’oroiboro, rirorio esibie omobere namache, na agenderere koba oyotachenegeti goika omogoroba oyio. 17Eanga ende yonsi, na ebinto binde bionsi bi’amasankwa, embusuro eyio y’oroiboro eratonyere, goika bisibigwe namache, nabirobio nabibe ebitachenegeti goika omogoroba oyio. 18Omonto onye orarire nomokungu, na omobekeire embusuro y’oroiboro, bonsi babere goika besibie emebere yabo namache, nabarabwo nababe abatachenegeti goika omogoroba oyio.
19“Ekero omokungu are nomotienyi nigo arabe oyotachenegeti ase engaki y’amatuko atano na abere. Onde bwensi oramokune nabe oyotachenegeti goika omogoroba oyio. 20Gento kende gionsi arabe okorarera ekero are nomotienyi, nigo kerabe egetachenegeti, boigo nebinto bionsi araikaransere. 21Onde bwensi orakune ebirarero bi’omokungu oyio goika asibie chianga chiaye, esibie nomobere namache, ere nabe oyotachenegeti goika omogoroba oyio. 22Na onde bwensi orakune egento omokungu oyio aikaranserete, nigo arasibie chianga chiaye, esibie nomobere namache; ere nabe oyotachenegeti goika omogoroba oyio. 23Ase igo kobirabe ebirarero, gose egento omokungu oria aikaranserete, omonto karabikune nabe oyotachenegeti goika omogoroba oyio. 24Omosacha kararare nomokungu ore nomotienyi, ogotacheneka kw’omokungu oyio nakobe asare, ere nabe oyotachenegeti ase engaki y’amatuko atano na abere, na gento kende gionsi arararere nakebe egetachenegeti.
25“Omokungu karagenderere goiteka amanyinga ase amatuko amange atari ay’omotienyi oye, gose ayagoiteka goetania amatuko aye ay’omotienyi, nigo arabe oyotachenegeti ase engaki eyio yonsi arabe ogoiteka amanyinga; nabe oyotachenegeti buna ekero are nomotienyi. 26Ebirarero bionsi are korarera ekero agoiteka amanyinga, nigo birabe ebitachenegeti buna ebi akorarera ekero are nomotienyi, naboigo na kende gionsi araikaransere. 27Na onde bwensi orakune ebinto ebio nabe oyotachenegeti; ere asibie chianga chiaye, esibie nomobere namache, naende nabe oyotachenegeti goika omogoroba oyio. 28Ekero ogoiteka kwaye kw’amanyinga gwakamire, abare amatuko atano na abere, erio nabe ochenekire. 29Ase rituko ria gatano na gatato aire amaruma abere gose amage ’amaruma abere ase omokuani agwo ase egesoero ki’Eema y’Omosangererekano. 30Omokuani arue erimo ribe ekeng’wanso ki’ebibe, na erinde eki’ogosambwa. Ase enchera eyio nakore okobwatanigwa ase omokungu oria ase obosio bwane, ase engencho y’ogotacheneka kwaye kw’ogoiteka kw’amanyinga.
31“Ase enchera eyio okurere Abaisraeli igoro y’ogotacheneka kwabo, tibabaisa kogera Obomenyo bwane Obochenu bore ase egati yabo bobe obotachenegeti. Baise gokora bo, nigo barakwe.”
32Aya naro amachiko ase omonto okorua amache anga buna chimengere, na oyogosokia embusuro yaye y’oroiboro, na koba oyotachenegeti ase engencho eyio, 33naboigo nase omokungu ore nomotienyi, na ase onde bwensi, omosacha okorua amache anga buna chimengere, na omokungu ogoiteka amanyinga, naende ase omosacha okorara nomokungu otachenegeti.
Iliyochaguliwa sasa
ABALAWI 15: EKEGUSIIBBLE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020
ABALAWI 15
15
Eubi ekorua ase omobere o mwanyabanto ekomokora abe oyotachenegeti
1Omonene agakwana na Musa na Haroni, akabatebia, 2“Kwana n’Abaisraeli, mobatebie ng’a onye omonto omosacha okorua amache anga buna chimengere korwa ase ekiimo kiaye ki’obosacha, amache ayio neubi. 3Aya naro achikire ase amang’ana ayio: Amache ayio karagenderere korua, gose atigire korua, omonto oyio tachenegeti. 4Ebirarero bionsi arararere, gose araikaransere, nigo birabe ebitachenegeti. 5Monto onde bwensi aise gokuna ebirarero bi’omonto oyio goika asibie chianga chiaye, esibie nomobere namache, ere nabe oyotachenegeti goika omogoroba oyio. 6Na onde bwensi oraikaransere egento omonto oria omorwaire aikaranserete, goika asibie chianga chiaye, esibie nomobere namache, ere nabe oyotachenegeti goika omogoroba oyio. 7Na onde bwensi orakune omonto oyio omorwaire goika asibie chianga chiaye, esibie nomobere namache, ere nabe oyotachenegeti goika omogoroba oyio. 8Omonto oyio omorwaire karatwere omonto ochenegete amate, nere goika asibie chianga chiaye, esibie nomobere namache, naende abe oyotachenegeti goika omogoroba oyio. 9Egeikaransero gekobekerwa eng’iti ekoriinwa, gokeraikaranserwe nomonto oria omorwaire, nakebe egetachenegeti. 10Omonto aise gokuna egento kende gionsi kiarenge inse y’omonto oria omorwaire nabe oyotachenegeti goika omogoroba oyio; na onde bwensi oraimokie egento buna ekio nigo arasibie chianga chiaye, esibie nomobere namache, ere nabe oyotachenegeti goika omogoroba oyio. 11Onye omonto oria omorwaire ogokuna omonto onde ataraisaba amaboko, oria okunwa goika asibie chianga chiaye, esibie nomobere namache naende nabe oyotachenegeti goika omogoroba oyio. 12Enyongo ende yonsi omonto oria omorwaire arakune goika yaatwe, na egekorero kende gionsi keroiseirie omote arakune goika gesibigwe namache.
13“Omonto oria gachenekire korwa ase okorua kw’amache aria anga buna chimengere goika abare amatuko atano na abere ay’ogocheneka kwaye. Erio asibie chianga chiaye, esibie nomobere namache amaya a rooche, ere nabe oyochenegete. 14Ase rituko ria gatano na gatato aire amaruma abere, gose amage ’amaruma abere, ase obosio bwane inche Omonene agwo ase egesoero ki’Eema y’Omosangererekano, ayae omokuani. 15Omokuani arue erimo ribe ekeng’wanso ki’ebibe, na erinde ribe ekeng’wanso ki’ogosambwa. Ase enchera eyio akore okobwatanigwa ase omonto oria ase obosio bwane, ase engencho y’okorua kwaye kw’amache anga buna chimengere.
16“Onye omonto omosacha ogosokia embusuro yaye y’oroiboro, rirorio esibie omobere namache, na agenderere koba oyotachenegeti goika omogoroba oyio. 17Eanga ende yonsi, na ebinto binde bionsi bi’amasankwa, embusuro eyio y’oroiboro eratonyere, goika bisibigwe namache, nabirobio nabibe ebitachenegeti goika omogoroba oyio. 18Omonto onye orarire nomokungu, na omobekeire embusuro y’oroiboro, bonsi babere goika besibie emebere yabo namache, nabarabwo nababe abatachenegeti goika omogoroba oyio.
19“Ekero omokungu are nomotienyi nigo arabe oyotachenegeti ase engaki y’amatuko atano na abere. Onde bwensi oramokune nabe oyotachenegeti goika omogoroba oyio. 20Gento kende gionsi arabe okorarera ekero are nomotienyi, nigo kerabe egetachenegeti, boigo nebinto bionsi araikaransere. 21Onde bwensi orakune ebirarero bi’omokungu oyio goika asibie chianga chiaye, esibie nomobere namache, ere nabe oyotachenegeti goika omogoroba oyio. 22Na onde bwensi orakune egento omokungu oyio aikaranserete, nigo arasibie chianga chiaye, esibie nomobere namache; ere nabe oyotachenegeti goika omogoroba oyio. 23Ase igo kobirabe ebirarero, gose egento omokungu oria aikaranserete, omonto karabikune nabe oyotachenegeti goika omogoroba oyio. 24Omosacha kararare nomokungu ore nomotienyi, ogotacheneka kw’omokungu oyio nakobe asare, ere nabe oyotachenegeti ase engaki y’amatuko atano na abere, na gento kende gionsi arararere nakebe egetachenegeti.
25“Omokungu karagenderere goiteka amanyinga ase amatuko amange atari ay’omotienyi oye, gose ayagoiteka goetania amatuko aye ay’omotienyi, nigo arabe oyotachenegeti ase engaki eyio yonsi arabe ogoiteka amanyinga; nabe oyotachenegeti buna ekero are nomotienyi. 26Ebirarero bionsi are korarera ekero agoiteka amanyinga, nigo birabe ebitachenegeti buna ebi akorarera ekero are nomotienyi, naboigo na kende gionsi araikaransere. 27Na onde bwensi orakune ebinto ebio nabe oyotachenegeti; ere asibie chianga chiaye, esibie nomobere namache, naende nabe oyotachenegeti goika omogoroba oyio. 28Ekero ogoiteka kwaye kw’amanyinga gwakamire, abare amatuko atano na abere, erio nabe ochenekire. 29Ase rituko ria gatano na gatato aire amaruma abere gose amage ’amaruma abere ase omokuani agwo ase egesoero ki’Eema y’Omosangererekano. 30Omokuani arue erimo ribe ekeng’wanso ki’ebibe, na erinde eki’ogosambwa. Ase enchera eyio nakore okobwatanigwa ase omokungu oria ase obosio bwane, ase engencho y’ogotacheneka kwaye kw’ogoiteka kw’amanyinga.
31“Ase enchera eyio okurere Abaisraeli igoro y’ogotacheneka kwabo, tibabaisa kogera Obomenyo bwane Obochenu bore ase egati yabo bobe obotachenegeti. Baise gokora bo, nigo barakwe.”
32Aya naro amachiko ase omonto okorua amache anga buna chimengere, na oyogosokia embusuro yaye y’oroiboro, na koba oyotachenegeti ase engencho eyio, 33naboigo nase omokungu ore nomotienyi, na ase onde bwensi, omosacha okorua amache anga buna chimengere, na omokungu ogoiteka amanyinga, naende ase omosacha okorara nomokungu otachenegeti.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020