ABALAWI 14
14
Ogosibigwa kw’omonto obwate oborwaire bwa ukoma
1Omonene agakwana na Musa, akamotebia, 2“Oko nakwo ogochika ase omonto obwate oborwaire bwa ukoma. Ase rituko riria arabe agochenwa arentwe ase omokuani, 3na omokuani agende isiko y’egetwori amorenge. Kararore ng’a omonto oria ogwenire korwa ase oborwaire bwa ukoma bwamoriete, 4omokuani achike abanto barente chinyoni ibere chichenegete chire moyo, na oroko rw’omocharake, na eusi embariri, na orosagia rwa hisopo, ase engencho y’omonto oria ogochia gochenwa. 5Erio omokuani achike abanto banyenyere enyoni eyemo igoro ase egetega ki’amaroba kere namache amaya a rooche. 6Naende aimokie enyoni eria ere moyo amo noroko rw’omocharake, na eusi eyio embariri, na orosagia orwo rwa hisopo, abitobeke ime ase amanyinga ’enyoni eria yanyenyeretwe igoro y’amache aria amaya a rooche. 7Anyororokerie amanyinga aria ara gatano na kabere igoro ase omonto oyio ogochia gochenwa ase oborwaire bwa ukoma, atebe ng’a omonto oria ochenekire, na atige enyoni eria ere moyo eiruruke, egende orosana. 8Omonto oria ogochia gochenwa goika asibie chianga chiaye, na akigite etukia yaye yonsi, naende esibie omobere namache, erio abe oyochenegete. Nyuma y’ayio asoe ase egetwori, korende abeere isiko y’eema yaye ase engaki y’amatuko atano na abere, 9Ase rituko ria gatano na kabere naende akigite etukia yaye yonsi y’omotwe, ne chinderu, na ebioge bi’amaiso, na amarionya ande onsi are ase omobere oye. Erio asibie chianga chiaye, esibie nomobere namache, na igo nabe ochenekire.
10“Ase rituko ria gatano na gatato arente chimanwa ibere chimingichi chitari na kemocho ase emebere yabo, na emanwa esigiti yakoorire omwaka oyomo, etari na kemocho ase omobere oye, amo nobosie obonuke, ebimunu bitano na ekemo, bwochoganirie namaguta, ebe okoruegwa kw’endagera. Amo nayio arente amaguta egetuba ekemo. 11Omokuani otenenerete arente omonto oria ogochia gochenwa amo nokoruegwa okwo ase obosio bwane inche Omonene, agwo ase egesoero ki’Eema y’Omosangererekano. 12Erio omokuani oria aimokie emanwa eyemo, ayerue ebe ekeng’wanso gi’okomocha, ayerue amo namaguta egetuba ekemo, erio abisungusie agwo ase obosio bwane bibe ekeng’wanso ki’ogosungusigwa. 13Anyenyere emanwa eria agwo aase achenire, ase ekeng’wanso ki’ebibe na eki’ogosambwa bikonyenyerwa, ekiagera ekeng’wanso gi’okomocha neki’omokuani; ekio negechenu mono. 14Omokuani aimokie amanyinga make ay’ekeng’wanso gi’okomocha, na agindie mesia y’ogoto kwa borio kw’omonto oria ogochia gochenwa, naende agindie ekiara ekenene gi’okoboko kwaye kwa borio, na ekiara ekenene gi’okogoro kwaye kwa borio. 15Naende omokuani aimokie amaguta aria ataaere oroe rw’okoboko kwaye gw’okobee, 16atobeke ekiara kiaye gi’okoraga gi’okoboko kwaye kwa borio ime ase amaguta aria are roe rw’okoboko kwaye gw’okobee, erio ayanyororokerie ara gatano na kabere, agwo ase obosio bwane inche Omonene. 17Amaguta make ase ayio agotigara ase oroe rwaye ayagindie mesia y’ogoto kwa borio kw’omonto oria ogochia gochenwa, na ekiara ekenene gi’okoboko kwaye kwa borio, na ekiara ekenene gi’okogoro kwaye kwa borio, igoro ase amanyinga ’ekeng’wanso gi’okomocha agindirieo. 18Naende maguta ayagotigara ase oroe rwaye ayaumore igoro ase omotwe bw’omonto oria ogochia gochenwa. Ase enchera eyio omokuani akore okobwatanigwa ase omonto oria agwo ase obosio bwane.
19“Erio omokuani arue ekeng’wanso ki’ebibe, akore okobwatanigwa ase omonto oria ogochia gochenwa, acheneke korwa ase ogotacheneka kwaye. Nyuma y’ayio anyenye ekeng’wanso ki’ogosambwa, 20akerue amo nokoruegwa kw’endagera ase egesasimero. Ase enchera eyio omokuani akore okobwatanigwa ase omonto oria, na omonto oria abe oyochenegete.
21“Korende onye omonto oria ore omotaka na takonyara konyora ebinge akorua, rirorio arente emanwa emingichi ebe ekeng’wanso gi’okomocha kegosungusigwa ase okobwatanigwa kwaye. Boigo arente obosie ebimunu bibere bwochoganirie namaguta, bobe okoruegwa kw’endagera, na amaguta egetuba ekemo. 22Boigo arente amaruma abere, gose amage ’amaruma abere, buna aranyare. Erimo ribe ekeng’wanso ki’ebibe, na erinde eki’ogosambwa. 23Ase rituko ria gatano na gatato arente ebinto ebio bi’ogochenwa kwaye ase omokuani, agwo ase egesoero ki’Eema y’Omosangererekano, ase obosio bwane inche Omonene. 24Omokuani aimokie emanwa y’eng’ondi eria y’ekeng’wanso gi’okomocha, amo namaguta aria egetuba ekemo, abinduere inche Omonene bibe ekeng’wanso ki’ogosungusigwa. 25Erio anyenye emanwa eria ebe ekeng’wanso gi’okomocha, na omokuani aimokie amanyinga make ay’ekeng’wanso ekio, ayagindie mesia y’ogoto kwa borio kw’omonto oria ogochia gochenwa, na ekiara ekenene gi’okoboko kwaye kwa borio, na ekiara ekenene gi’okogoro kwaye kwa borio. 26Omokuani ataaere amaguta ase oroe rw’okoboko kwaye gw’okobee. 27Make ay’amaguta aria are roe rw’okoboko kwaye gw’okobee ayanyororokerie ara gatano na kabere nekiara gi’okoraga gi’okoboko kwaye kwa borio, agwo ase obosio bwane. 28Naende make ay’amaguta ayio are roe rwaye agindie igoro ase amanyinga ’ekeng’wanso gi’okomocha agindire: Mesia y’ogoto kwa borio kw’omonto oria ogochia gochenwa, na ekiara ekenene gi’okoboko kwaye kwa borio, na ekiara ekenene gi’okogoro kwaye kwa borio. 29Amaguta agotigara ase oroe rwaye ayaumore ase omotwe bw’omonto oria ogochia gochenwa. Ase enchera eyio akore okobwatanigwa asare, agwo ase obosio bwane. 30Erio omonto oria arue riruma gose riige rie riruma, koreng’ana buna aranyare koyanyora. 31Erimo ribe ekeng’wanso ki’ebibe, na erinde eki’ogosambwa, ayarue amo nokoruegwa kw’endagera. Ase enchera eyio omokuani akore okobwatanigwa ase obosio bwane ase omonto oria ogochia gochenwa.”
32Oko nakwo ogochika ase omonto obwate oborwaire bwa ukoma, oria otanyare korua ebing’wanso bi’ogochenwa bia botambe bichikire.
Ukoma ase chinyomba
33Erio Omonene agakwana na Musa na Haroni, akabatebia, 34“Ekero moraike ase ense ya Kanani, eyio ndabae ebe eyaino, na kondarente ukoma ase enyomba gete agwo, 35omonto omonyene enyomba eria agende atebie omokuani: Yarorekanire ase enyomba yane ng’a ukoma mboreo. 36Omokuani achike ng’a ebinto bionsi bire ase enyomba eyio birusigweo ritang’ani atarasoao koborenga. Onye tibagokora bo rirorio ebinto bionsi bire nyomba ime nabibe bitachenegeti. Nyuma y’ayio omokuani asoe ase enyomba eyio koyerenga. 37Karayerenge na arore ng’a egetamase nkere ase enyasi y’enyomba eyio kere nekieni buna obonyansi, gose ekebariri, naende giakorire engoro gochia ime goetania rioomo, 38erio omokuani asoke korwa ase enyomba eyio, na ayesieke ase engaki y’amatuko atano na abere. 39Ase rituko ria gatano na kabere omokuani airaneo, ayerenge naende. Kararore ng’a ukoma boria bwesiareire ase enyasi y’enyomba eria, 40achike ng’a amagena aria asoirwe na ukoma atagorwe, atugutwe ase eubi egotugutwa, isiko y’omochie. 41Nyuma y’ayio chinyasi chionsi chia ime chiomorwe, erio amaoomo atugutwe aase are neubi isiko y’omochie. 42Amagena ande arentwe, abekwe ribaga ri’aria atagorwa na gotugutwa, ne chinyasi, chioomwe nesike enyia.
43“Ukoma boria koboratuboke naende ase enyomba eria nyuma amagena aria karusigweo, ne rioomo riria koriaoomoirwe, na enyomba eria yaoomirwe naende, 44omokuani agende ayerenge naende. Onye egetamase keria giesiareire ase enyomba eria, obwo noukoma, yabeire eyetachenegeti. 45Enyomba eria etagorwe, na amagena onsi amo nemete ne rioomo riaye rionsi biimokigwe, bionsi biirwe ase eubi egotugutwa isiko y’omochie. 46Monto onde bwensi orasoe ase enyomba eyio, ekero egendererete gosiekwa, nabe oyotachenegeti goika omogoroba oyio. 47Monto onde bwensi aise korara ime ase enyomba eyio, gose koragerera aroro, goika asibie chianga chiaye.
48“Korende omokuani karachiche ayerenge arore ng’a ukoma boria tibwesiarereti nyuma koyaoomirwe, rirorio ukoma bwaerire, na ere atebe ng’a enyomba eria yachenekire. 49Omokuani arente chinyoni ibere amo noroko rw’omocharake, na eusi embariri, na orosagia rwa hisopo, ase ogochenwa kw’enyomba eria. 50Erio anyenyere enyoni eyemo igoro ase egetega keroiseirie amaroba kere namache amaya a rooche. 51Naende aimokie oroko orwo rw’omocharake, na orosagia rwa hisopo, na eusi eria embariri amo nenyoni eria ere moyo, abitobeke bionsi ime ase amanyinga ’enyoni eria yanyenyetwe, na amache aria amaya a rooche; erio anyororokerie enyomba eria ara gatano na kabere. 52Ase enchera eyio omokuani nachene enyomba eyio namanyinga ’enyoni eria, amo namache aria amaya a rooche, na enyoni eria ere moyo, na oroko rw’omocharake, na orosagia rwa hisopo, na eusi eria embariri. 53Erio omokuani atige enyoni eria ere moyo eiruruke, egende orosana isiko y’omochie. Ase enchera eyio akore okobwatanigwa ase enyomba eria, na ero ebe yachenekire.”
54Oko nakwo ogochika igoro y’oborwaire bwa ukoma, ne richoncho, 55na ukoma bore ase chianga, gose ase chinyomba, 56naende obobimbu bwe risankwa, na ebisambo, na ebimoa ebirabu. 57Ogochika okwo nigo gokworokia onye ebinto tibichenegeti gose mbichenegete. Okwo nogochika gwa ukoma.
Iliyochaguliwa sasa
ABALAWI 14: EKEGUSIIBBLE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020
ABALAWI 14
14
Ogosibigwa kw’omonto obwate oborwaire bwa ukoma
1Omonene agakwana na Musa, akamotebia, 2“Oko nakwo ogochika ase omonto obwate oborwaire bwa ukoma. Ase rituko riria arabe agochenwa arentwe ase omokuani, 3na omokuani agende isiko y’egetwori amorenge. Kararore ng’a omonto oria ogwenire korwa ase oborwaire bwa ukoma bwamoriete, 4omokuani achike abanto barente chinyoni ibere chichenegete chire moyo, na oroko rw’omocharake, na eusi embariri, na orosagia rwa hisopo, ase engencho y’omonto oria ogochia gochenwa. 5Erio omokuani achike abanto banyenyere enyoni eyemo igoro ase egetega ki’amaroba kere namache amaya a rooche. 6Naende aimokie enyoni eria ere moyo amo noroko rw’omocharake, na eusi eyio embariri, na orosagia orwo rwa hisopo, abitobeke ime ase amanyinga ’enyoni eria yanyenyeretwe igoro y’amache aria amaya a rooche. 7Anyororokerie amanyinga aria ara gatano na kabere igoro ase omonto oyio ogochia gochenwa ase oborwaire bwa ukoma, atebe ng’a omonto oria ochenekire, na atige enyoni eria ere moyo eiruruke, egende orosana. 8Omonto oria ogochia gochenwa goika asibie chianga chiaye, na akigite etukia yaye yonsi, naende esibie omobere namache, erio abe oyochenegete. Nyuma y’ayio asoe ase egetwori, korende abeere isiko y’eema yaye ase engaki y’amatuko atano na abere, 9Ase rituko ria gatano na kabere naende akigite etukia yaye yonsi y’omotwe, ne chinderu, na ebioge bi’amaiso, na amarionya ande onsi are ase omobere oye. Erio asibie chianga chiaye, esibie nomobere namache, na igo nabe ochenekire.
10“Ase rituko ria gatano na gatato arente chimanwa ibere chimingichi chitari na kemocho ase emebere yabo, na emanwa esigiti yakoorire omwaka oyomo, etari na kemocho ase omobere oye, amo nobosie obonuke, ebimunu bitano na ekemo, bwochoganirie namaguta, ebe okoruegwa kw’endagera. Amo nayio arente amaguta egetuba ekemo. 11Omokuani otenenerete arente omonto oria ogochia gochenwa amo nokoruegwa okwo ase obosio bwane inche Omonene, agwo ase egesoero ki’Eema y’Omosangererekano. 12Erio omokuani oria aimokie emanwa eyemo, ayerue ebe ekeng’wanso gi’okomocha, ayerue amo namaguta egetuba ekemo, erio abisungusie agwo ase obosio bwane bibe ekeng’wanso ki’ogosungusigwa. 13Anyenyere emanwa eria agwo aase achenire, ase ekeng’wanso ki’ebibe na eki’ogosambwa bikonyenyerwa, ekiagera ekeng’wanso gi’okomocha neki’omokuani; ekio negechenu mono. 14Omokuani aimokie amanyinga make ay’ekeng’wanso gi’okomocha, na agindie mesia y’ogoto kwa borio kw’omonto oria ogochia gochenwa, naende agindie ekiara ekenene gi’okoboko kwaye kwa borio, na ekiara ekenene gi’okogoro kwaye kwa borio. 15Naende omokuani aimokie amaguta aria ataaere oroe rw’okoboko kwaye gw’okobee, 16atobeke ekiara kiaye gi’okoraga gi’okoboko kwaye kwa borio ime ase amaguta aria are roe rw’okoboko kwaye gw’okobee, erio ayanyororokerie ara gatano na kabere, agwo ase obosio bwane inche Omonene. 17Amaguta make ase ayio agotigara ase oroe rwaye ayagindie mesia y’ogoto kwa borio kw’omonto oria ogochia gochenwa, na ekiara ekenene gi’okoboko kwaye kwa borio, na ekiara ekenene gi’okogoro kwaye kwa borio, igoro ase amanyinga ’ekeng’wanso gi’okomocha agindirieo. 18Naende maguta ayagotigara ase oroe rwaye ayaumore igoro ase omotwe bw’omonto oria ogochia gochenwa. Ase enchera eyio omokuani akore okobwatanigwa ase omonto oria agwo ase obosio bwane.
19“Erio omokuani arue ekeng’wanso ki’ebibe, akore okobwatanigwa ase omonto oria ogochia gochenwa, acheneke korwa ase ogotacheneka kwaye. Nyuma y’ayio anyenye ekeng’wanso ki’ogosambwa, 20akerue amo nokoruegwa kw’endagera ase egesasimero. Ase enchera eyio omokuani akore okobwatanigwa ase omonto oria, na omonto oria abe oyochenegete.
21“Korende onye omonto oria ore omotaka na takonyara konyora ebinge akorua, rirorio arente emanwa emingichi ebe ekeng’wanso gi’okomocha kegosungusigwa ase okobwatanigwa kwaye. Boigo arente obosie ebimunu bibere bwochoganirie namaguta, bobe okoruegwa kw’endagera, na amaguta egetuba ekemo. 22Boigo arente amaruma abere, gose amage ’amaruma abere, buna aranyare. Erimo ribe ekeng’wanso ki’ebibe, na erinde eki’ogosambwa. 23Ase rituko ria gatano na gatato arente ebinto ebio bi’ogochenwa kwaye ase omokuani, agwo ase egesoero ki’Eema y’Omosangererekano, ase obosio bwane inche Omonene. 24Omokuani aimokie emanwa y’eng’ondi eria y’ekeng’wanso gi’okomocha, amo namaguta aria egetuba ekemo, abinduere inche Omonene bibe ekeng’wanso ki’ogosungusigwa. 25Erio anyenye emanwa eria ebe ekeng’wanso gi’okomocha, na omokuani aimokie amanyinga make ay’ekeng’wanso ekio, ayagindie mesia y’ogoto kwa borio kw’omonto oria ogochia gochenwa, na ekiara ekenene gi’okoboko kwaye kwa borio, na ekiara ekenene gi’okogoro kwaye kwa borio. 26Omokuani ataaere amaguta ase oroe rw’okoboko kwaye gw’okobee. 27Make ay’amaguta aria are roe rw’okoboko kwaye gw’okobee ayanyororokerie ara gatano na kabere nekiara gi’okoraga gi’okoboko kwaye kwa borio, agwo ase obosio bwane. 28Naende make ay’amaguta ayio are roe rwaye agindie igoro ase amanyinga ’ekeng’wanso gi’okomocha agindire: Mesia y’ogoto kwa borio kw’omonto oria ogochia gochenwa, na ekiara ekenene gi’okoboko kwaye kwa borio, na ekiara ekenene gi’okogoro kwaye kwa borio. 29Amaguta agotigara ase oroe rwaye ayaumore ase omotwe bw’omonto oria ogochia gochenwa. Ase enchera eyio akore okobwatanigwa asare, agwo ase obosio bwane. 30Erio omonto oria arue riruma gose riige rie riruma, koreng’ana buna aranyare koyanyora. 31Erimo ribe ekeng’wanso ki’ebibe, na erinde eki’ogosambwa, ayarue amo nokoruegwa kw’endagera. Ase enchera eyio omokuani akore okobwatanigwa ase obosio bwane ase omonto oria ogochia gochenwa.”
32Oko nakwo ogochika ase omonto obwate oborwaire bwa ukoma, oria otanyare korua ebing’wanso bi’ogochenwa bia botambe bichikire.
Ukoma ase chinyomba
33Erio Omonene agakwana na Musa na Haroni, akabatebia, 34“Ekero moraike ase ense ya Kanani, eyio ndabae ebe eyaino, na kondarente ukoma ase enyomba gete agwo, 35omonto omonyene enyomba eria agende atebie omokuani: Yarorekanire ase enyomba yane ng’a ukoma mboreo. 36Omokuani achike ng’a ebinto bionsi bire ase enyomba eyio birusigweo ritang’ani atarasoao koborenga. Onye tibagokora bo rirorio ebinto bionsi bire nyomba ime nabibe bitachenegeti. Nyuma y’ayio omokuani asoe ase enyomba eyio koyerenga. 37Karayerenge na arore ng’a egetamase nkere ase enyasi y’enyomba eyio kere nekieni buna obonyansi, gose ekebariri, naende giakorire engoro gochia ime goetania rioomo, 38erio omokuani asoke korwa ase enyomba eyio, na ayesieke ase engaki y’amatuko atano na abere. 39Ase rituko ria gatano na kabere omokuani airaneo, ayerenge naende. Kararore ng’a ukoma boria bwesiareire ase enyasi y’enyomba eria, 40achike ng’a amagena aria asoirwe na ukoma atagorwe, atugutwe ase eubi egotugutwa, isiko y’omochie. 41Nyuma y’ayio chinyasi chionsi chia ime chiomorwe, erio amaoomo atugutwe aase are neubi isiko y’omochie. 42Amagena ande arentwe, abekwe ribaga ri’aria atagorwa na gotugutwa, ne chinyasi, chioomwe nesike enyia.
43“Ukoma boria koboratuboke naende ase enyomba eria nyuma amagena aria karusigweo, ne rioomo riria koriaoomoirwe, na enyomba eria yaoomirwe naende, 44omokuani agende ayerenge naende. Onye egetamase keria giesiareire ase enyomba eria, obwo noukoma, yabeire eyetachenegeti. 45Enyomba eria etagorwe, na amagena onsi amo nemete ne rioomo riaye rionsi biimokigwe, bionsi biirwe ase eubi egotugutwa isiko y’omochie. 46Monto onde bwensi orasoe ase enyomba eyio, ekero egendererete gosiekwa, nabe oyotachenegeti goika omogoroba oyio. 47Monto onde bwensi aise korara ime ase enyomba eyio, gose koragerera aroro, goika asibie chianga chiaye.
48“Korende omokuani karachiche ayerenge arore ng’a ukoma boria tibwesiarereti nyuma koyaoomirwe, rirorio ukoma bwaerire, na ere atebe ng’a enyomba eria yachenekire. 49Omokuani arente chinyoni ibere amo noroko rw’omocharake, na eusi embariri, na orosagia rwa hisopo, ase ogochenwa kw’enyomba eria. 50Erio anyenyere enyoni eyemo igoro ase egetega keroiseirie amaroba kere namache amaya a rooche. 51Naende aimokie oroko orwo rw’omocharake, na orosagia rwa hisopo, na eusi eria embariri amo nenyoni eria ere moyo, abitobeke bionsi ime ase amanyinga ’enyoni eria yanyenyetwe, na amache aria amaya a rooche; erio anyororokerie enyomba eria ara gatano na kabere. 52Ase enchera eyio omokuani nachene enyomba eyio namanyinga ’enyoni eria, amo namache aria amaya a rooche, na enyoni eria ere moyo, na oroko rw’omocharake, na orosagia rwa hisopo, na eusi eria embariri. 53Erio omokuani atige enyoni eria ere moyo eiruruke, egende orosana isiko y’omochie. Ase enchera eyio akore okobwatanigwa ase enyomba eria, na ero ebe yachenekire.”
54Oko nakwo ogochika igoro y’oborwaire bwa ukoma, ne richoncho, 55na ukoma bore ase chianga, gose ase chinyomba, 56naende obobimbu bwe risankwa, na ebisambo, na ebimoa ebirabu. 57Ogochika okwo nigo gokworokia onye ebinto tibichenegeti gose mbichenegete. Okwo nogochika gwa ukoma.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020