ABALAWI 16
16
Rituko Rinene ri’ogokora Okobwatanigwa
1Nyuma y’ogokwa kw’abamura baria babere ba Haroni baitetwe n’Omonene, ekero bamorenterete omorero bw’engencho eng’ao, oyio batachigetwe, Omonene agakwana na Musa, 2akamotebia, “Tebia Haroni, momura omino, ng’a tabaisa gosoa ime y’Aase Aachenu Mono, moino y’etoto, bosio bw’Oboikaranso bw’Amabera obore ekemumeko gi’Esanduku eria, engaki ende yonsi, ekiagera agwo nao ngochia kooroka ime ye riire igoro y’Oboikaranso obwo bw’Amabera. Aise gokora bo, goika akwe. 3Igo arasoe ime y’Aase Aachenu Mono nyuma karentire eeri ensae ebe ekeng’wanso ki’ebibe, na emingichi ebe ekeng’wanso ki’ogosambwa.
4“Ritang’ani Haroni atarasoa Aase Aachenu Mono, goika esibie omobere oye namache, amanye kobeka chianga chiria chinchenu: Eganchwa erobekanirie eigete inse, ne chisirwari, na orokini, na ekegogwa, bionsi biroisirie korwa ase egatani.
5“Erio Haroni aegwe korwa ase omoganda bw’Abaisraeli chigoree ibere chibe ekeng’wanso ki’ebibe, na emingichi eyemo ebe ekeng’wanso ki’ogosambwa. 6Ritang’ani arue eeri ebe ekeng’wanso ase ogokora okobwatanigwa asere omonyene, na ase abanto b’enka yaye, erinde baaberwe. 7Naende arente chigoree chiria ibere ase obosio bwane inche Omonene agwo ase egesoero ki’Eema y’Omosangererekano. 8Agwo Haroni aake obomera igoro ye chigoree chiria ibere, obomera obomo asende, na obonde ase Asaseli.#16:8 Asaseli, engencho yaye: omotugutwa 9Egoree eria erabe yagwereirwe nobomera asende, Haroni ayerente ebe ekeng’wanso ki’ebibe. 10Na egoree eria erabe yagwereirwe nobomera ase Asaseli#16:10 Asaseli, engencho yaye: omotugutwa ayerente ere moyo ase obosio bwane inche Omonene, erinde akore okobwatanigwa asero, na koyetiga esiboire egende ase erooro ase Asaseli.
11“Naboigo Haroni arente eeri eria ebe ekeng’wanso ki’ebibe biaye, akore okobwatanigwa asere omonyene, na ase abanto b’enka yaye, anyenye eeri eria. 12Erio aimokie orogio roichire omorero bw’amakara korwa ase egesasimero kere ase obosio bwane, na ubani eichire chindoe ibere, ayerente moino y’etoto eria enachete Obomenyo Obochenu, 13ayebeke ase omorero igoro, agwo ase obosio bwane, erinde erioki ria ubani eyio ritube Oboikaranso bw’Amabera obore ekemumeko gi’Esanduku ere ne chibao chirikire oborori. Atakoreti bo, nigo arakwe. 14Aimokie amanyinga make ay’eeri eyio, ayanyororokerie ase Oboikaranso bw’Amabera bosio, na bosio bw’Oboikaranso boria bw’Amabera ara gatano na kabere nekiara kiaye.
15“Nyuma y’ayio anyenye embori eria ebe ekeng’wanso ase engencho y’ebibe bi’abanto, aire amanyinga ’embori eyio moino y’etoto eria, ayanyororokerie igoro ase Oboikaranso bw’Amabera bosio, na bosio bw’Oboikaranso boria akore buna akorete namanyinga ’eeri eria. 16Naboigo akore okobwatanigwa ase Aase Aachenu Mono ase engencho y’ogotacheneka kw’Abaisraeli amo nogosaria kwabo, na ebibe biabo bionsi. Naende akore okobwatanigwa ase Eema y’Omosangererekano, eyio ere amo nabarabwo na ase egati y’ogotacheneka kwabo. 17Monto onde tatigara ime ase Eema y’Omosangererekano korwa ekero Haroni agosoa ime y’Aase Aachenu Mono akore okobwatanigwa goika arueo, gakoorire gokora okobwatanigwa asere omonyene, na ase abanto b’enka yaye, na ase omosangererekano bwonsi bw’Abaisareli. 18Erio asoke agende ase egesasimero kere agwo ase obosio bwane, agekorere okobwatanigwa, naende aimokie amanyinga make ay’eeri eyio, ayagindie ase emegwekano yonsi ye chingunchara ere ase chikoona chi’egesasimero ekio, 19naende anyororokerie egesasimero namanyinga ayio nekiara kiaye ara gatano na kabere. Ase enchera eyio agesibie na kogechena korwa ase ogotacheneka kore ase Abaisraeli.
Embori ere moyo ekoirwa ase erooro
20“Ekero Haroni akoorire gokora okobwatanigwa ase Aase Aachenu Mono, na ase Eema y’Omosangererekano, na ase egesasimero, arente embori eria ere moyo. 21Erio goika abeke amaboko aye abere ase omotwe bw’embori eria ere moyo, aorokie igoro ase embori eyio obobe bwonsi bw’Abaisraeli na ogosaria kwabo gwonsi, na ebibe biabo bionsi. Ase enchera eyio ang’anyie ebio bionsi, abibeke igoro ase omotwe bw’embori eyio. Naende embori eyio eirwe ase erooro nomonto obekirwe ang’e. 22Naboigo embori eria ebogorie ebibe biabo bionsi, egende nabio gochia ase erooro ase abanto batamanyeti.
23“Nyuma y’ayio Haroni asoe Eema y’Omosangererekano, arusie chianga chi’egatani chiria abegete ritang’ani atarasoa Aase Aachenu, achitigeo. 24Erio esibie omobere oye namache agwo aase gete are aachenu, naende abeke chianga chiaye chia botambe. Nyuma y’ayio asoke, arue ekeng’wanso ki’ogosambwa ase engencho yaye ere omonyene amo nebi’abanto bonsi na akore okobwatanigwa asere omonyene na ase abanto. 25Naende asambere ebitinya bi’ekeng’wanso keria ki’ebibe ase egesasimero. 26Omonto oyio oirete embori eria ase erooro ase Asaseli, asibie chianga chiaye, esibie nomobere namache; nyuma y’ayio amanye gosoa ase egetwori. 27Eeri eria amo nembori eria chiaruetwe chibe ekeng’wanso ki’ebibe, echio amanyinga abo arentwe ime y’Aase Aachenu Mono akore okobwatanigwa, chiirwe isiko y’egetwori. Riiyo ne risankwa, amo ne chinyama ne chisike chiabo, bisamberwe aroro nomorero. 28Omonto oria orasambe ebinto ebio nigo arasibie chianga chiaye, esibie nomobere namache; nyuma y’ayio amanye gosoa ase egetwori.
Okorendwa kwe Rituko ri’Okobwatanigwa
29“Oyo noro omoroberio ochikire asemore moragenderere korenda botambe. Rituko ria ikomi, ase omotienyi o gatano na kabere, inamobe mokweng’ata na gweitia; timokora emeremo ende yonsi, inwe abanyene, gose abamenyi bamenyete ase egati yaino. 30Ase rituko erio okobwatanigwa ngokorwe asemore ase okobasibia korwa ase ebibe biaino bionsi, nainwe namocheneke ase obosio bwane inche Omonene. 31Rituko erio naribe richenu mono asemore, rituko ri’ogotimoka, na inwe namweng’ate. Oyio nomoroberio ochikirwe oragenderere botambe. 32Omokuani oakirwe amaguta na gwatananwa abe omokuani ribaga ria ise, nere orakore okobwatanigwa okwo. Ere nigo arabeke chianga chiria chinchenu chi’egatani, 33na akore okobwatanigwa ase Aase Aachenu Mono, na ase Eema y’Omosangererekano, naende akore okobwatanigwa ase abakuani, na ase omosangererekano bw’Abaisraeli. 34Omoroberio oyio ochikirwe asemore oragenderere botambe, ng’a okobwatanigwa kobe kogokorerwa ase Abaisraeli ara rimo ase omwaka ase okobachena korwa ase ebibe biabo bionsi.”
Musa agakora buna Omonene amochigete.
Iliyochaguliwa sasa
ABALAWI 16: EKEGUSIIBBLE
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020
ABALAWI 16
16
Rituko Rinene ri’ogokora Okobwatanigwa
1Nyuma y’ogokwa kw’abamura baria babere ba Haroni baitetwe n’Omonene, ekero bamorenterete omorero bw’engencho eng’ao, oyio batachigetwe, Omonene agakwana na Musa, 2akamotebia, “Tebia Haroni, momura omino, ng’a tabaisa gosoa ime y’Aase Aachenu Mono, moino y’etoto, bosio bw’Oboikaranso bw’Amabera obore ekemumeko gi’Esanduku eria, engaki ende yonsi, ekiagera agwo nao ngochia kooroka ime ye riire igoro y’Oboikaranso obwo bw’Amabera. Aise gokora bo, goika akwe. 3Igo arasoe ime y’Aase Aachenu Mono nyuma karentire eeri ensae ebe ekeng’wanso ki’ebibe, na emingichi ebe ekeng’wanso ki’ogosambwa.
4“Ritang’ani Haroni atarasoa Aase Aachenu Mono, goika esibie omobere oye namache, amanye kobeka chianga chiria chinchenu: Eganchwa erobekanirie eigete inse, ne chisirwari, na orokini, na ekegogwa, bionsi biroisirie korwa ase egatani.
5“Erio Haroni aegwe korwa ase omoganda bw’Abaisraeli chigoree ibere chibe ekeng’wanso ki’ebibe, na emingichi eyemo ebe ekeng’wanso ki’ogosambwa. 6Ritang’ani arue eeri ebe ekeng’wanso ase ogokora okobwatanigwa asere omonyene, na ase abanto b’enka yaye, erinde baaberwe. 7Naende arente chigoree chiria ibere ase obosio bwane inche Omonene agwo ase egesoero ki’Eema y’Omosangererekano. 8Agwo Haroni aake obomera igoro ye chigoree chiria ibere, obomera obomo asende, na obonde ase Asaseli.#16:8 Asaseli, engencho yaye: omotugutwa 9Egoree eria erabe yagwereirwe nobomera asende, Haroni ayerente ebe ekeng’wanso ki’ebibe. 10Na egoree eria erabe yagwereirwe nobomera ase Asaseli#16:10 Asaseli, engencho yaye: omotugutwa ayerente ere moyo ase obosio bwane inche Omonene, erinde akore okobwatanigwa asero, na koyetiga esiboire egende ase erooro ase Asaseli.
11“Naboigo Haroni arente eeri eria ebe ekeng’wanso ki’ebibe biaye, akore okobwatanigwa asere omonyene, na ase abanto b’enka yaye, anyenye eeri eria. 12Erio aimokie orogio roichire omorero bw’amakara korwa ase egesasimero kere ase obosio bwane, na ubani eichire chindoe ibere, ayerente moino y’etoto eria enachete Obomenyo Obochenu, 13ayebeke ase omorero igoro, agwo ase obosio bwane, erinde erioki ria ubani eyio ritube Oboikaranso bw’Amabera obore ekemumeko gi’Esanduku ere ne chibao chirikire oborori. Atakoreti bo, nigo arakwe. 14Aimokie amanyinga make ay’eeri eyio, ayanyororokerie ase Oboikaranso bw’Amabera bosio, na bosio bw’Oboikaranso boria bw’Amabera ara gatano na kabere nekiara kiaye.
15“Nyuma y’ayio anyenye embori eria ebe ekeng’wanso ase engencho y’ebibe bi’abanto, aire amanyinga ’embori eyio moino y’etoto eria, ayanyororokerie igoro ase Oboikaranso bw’Amabera bosio, na bosio bw’Oboikaranso boria akore buna akorete namanyinga ’eeri eria. 16Naboigo akore okobwatanigwa ase Aase Aachenu Mono ase engencho y’ogotacheneka kw’Abaisraeli amo nogosaria kwabo, na ebibe biabo bionsi. Naende akore okobwatanigwa ase Eema y’Omosangererekano, eyio ere amo nabarabwo na ase egati y’ogotacheneka kwabo. 17Monto onde tatigara ime ase Eema y’Omosangererekano korwa ekero Haroni agosoa ime y’Aase Aachenu Mono akore okobwatanigwa goika arueo, gakoorire gokora okobwatanigwa asere omonyene, na ase abanto b’enka yaye, na ase omosangererekano bwonsi bw’Abaisareli. 18Erio asoke agende ase egesasimero kere agwo ase obosio bwane, agekorere okobwatanigwa, naende aimokie amanyinga make ay’eeri eyio, ayagindie ase emegwekano yonsi ye chingunchara ere ase chikoona chi’egesasimero ekio, 19naende anyororokerie egesasimero namanyinga ayio nekiara kiaye ara gatano na kabere. Ase enchera eyio agesibie na kogechena korwa ase ogotacheneka kore ase Abaisraeli.
Embori ere moyo ekoirwa ase erooro
20“Ekero Haroni akoorire gokora okobwatanigwa ase Aase Aachenu Mono, na ase Eema y’Omosangererekano, na ase egesasimero, arente embori eria ere moyo. 21Erio goika abeke amaboko aye abere ase omotwe bw’embori eria ere moyo, aorokie igoro ase embori eyio obobe bwonsi bw’Abaisraeli na ogosaria kwabo gwonsi, na ebibe biabo bionsi. Ase enchera eyio ang’anyie ebio bionsi, abibeke igoro ase omotwe bw’embori eyio. Naende embori eyio eirwe ase erooro nomonto obekirwe ang’e. 22Naboigo embori eria ebogorie ebibe biabo bionsi, egende nabio gochia ase erooro ase abanto batamanyeti.
23“Nyuma y’ayio Haroni asoe Eema y’Omosangererekano, arusie chianga chi’egatani chiria abegete ritang’ani atarasoa Aase Aachenu, achitigeo. 24Erio esibie omobere oye namache agwo aase gete are aachenu, naende abeke chianga chiaye chia botambe. Nyuma y’ayio asoke, arue ekeng’wanso ki’ogosambwa ase engencho yaye ere omonyene amo nebi’abanto bonsi na akore okobwatanigwa asere omonyene na ase abanto. 25Naende asambere ebitinya bi’ekeng’wanso keria ki’ebibe ase egesasimero. 26Omonto oyio oirete embori eria ase erooro ase Asaseli, asibie chianga chiaye, esibie nomobere namache; nyuma y’ayio amanye gosoa ase egetwori. 27Eeri eria amo nembori eria chiaruetwe chibe ekeng’wanso ki’ebibe, echio amanyinga abo arentwe ime y’Aase Aachenu Mono akore okobwatanigwa, chiirwe isiko y’egetwori. Riiyo ne risankwa, amo ne chinyama ne chisike chiabo, bisamberwe aroro nomorero. 28Omonto oria orasambe ebinto ebio nigo arasibie chianga chiaye, esibie nomobere namache; nyuma y’ayio amanye gosoa ase egetwori.
Okorendwa kwe Rituko ri’Okobwatanigwa
29“Oyo noro omoroberio ochikire asemore moragenderere korenda botambe. Rituko ria ikomi, ase omotienyi o gatano na kabere, inamobe mokweng’ata na gweitia; timokora emeremo ende yonsi, inwe abanyene, gose abamenyi bamenyete ase egati yaino. 30Ase rituko erio okobwatanigwa ngokorwe asemore ase okobasibia korwa ase ebibe biaino bionsi, nainwe namocheneke ase obosio bwane inche Omonene. 31Rituko erio naribe richenu mono asemore, rituko ri’ogotimoka, na inwe namweng’ate. Oyio nomoroberio ochikirwe oragenderere botambe. 32Omokuani oakirwe amaguta na gwatananwa abe omokuani ribaga ria ise, nere orakore okobwatanigwa okwo. Ere nigo arabeke chianga chiria chinchenu chi’egatani, 33na akore okobwatanigwa ase Aase Aachenu Mono, na ase Eema y’Omosangererekano, naende akore okobwatanigwa ase abakuani, na ase omosangererekano bw’Abaisraeli. 34Omoroberio oyio ochikirwe asemore oragenderere botambe, ng’a okobwatanigwa kobe kogokorerwa ase Abaisraeli ara rimo ase omwaka ase okobachena korwa ase ebibe biabo bionsi.”
Musa agakora buna Omonene amochigete.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
OLD EKEGUSII BIBLE PROTESTANT EDITION
©Bible Society of Kenya, 2020