ỤBANỤ 32
32
Miaụŋ mi Isrɛl mɛ Zhɛbɛ Itɛtɛnuwɛŋ Yɛu Buna
(Undwa 9:6-29)
1Aka na ta atwa kwụbɛ maa go Moses ilegeji tuzwe ni ihiŋhiŋ Ishɛmɛ, ibɛ po atwa ata ụlwatagwụ pa Aron, ɛɛ hiɛŋ bụ, Ishijɛ maa utu ndanɛ itɛtɛnuwɛŋ nɛ zhɛ ma tɛ 'yagaga. Yaa shɛ inɛ Moses ga iti bɛcinjɛ na cɛnjɛ ti Ijipti, ti mepi shi iyi nɛ jiteni bu o.#Ugo 7:40
2Ga Aron hiɛŋ aŋ, Hwuceci ma shɛtakwụ sha azhɛnarɛya sha shɛcɛbɛ she eyikwo hiŋ, ta na miaụŋ mi hiŋ mo o, ta a na miaụŋ mi hiŋ me eyi maa hi m panɛ. 3Atwa ata hwuceci ga shɛtakwụ sha azhɛnarɛya sha shɛcɛbɛ sha aba, ee suje shu pa Aron. 4Bee leshiji azhɛnarɛya ata ni i'ɛlɛ ya aba, boo mo yɛu ɛtɛ buna, boo to iŋ i'nyɛtɛ ni irɛ. Nazhɛ ɛɛ hiɛŋ, Ahiɛba E'isrɛl, itɛtɛnuwɛŋ nɛ ihi bɛcinjɛ na cɛnjɛ ti Ijipti na!#1 Shɛgwu 12:28; Ugo 7:41
5Gana na ti ga Aron kwụbɛ iŋ, bee meni iŋ utukwu-ụrụpɛ nu umbe ibɛ, bee enenji bɛɛ hiɛŋ, Beyi ga ibɛ shɛ ụjita isene ya AGWANGWAMA. 6Ibɛ po aa gbatụ ti'ishijɛ ti iyi heri, nu uvwungwa dididi, oo to ụrụpɛ tuhwoŋzhingo, e sugeneni arụpɛ amɛ-olom. Nazhɛ atwa ata jɛjɛ maa a yɛ iyimɛyɛ maa e swe iyi tuswa, ɛɛ ishijɛ maa a nanjɛ tụlagwụ.#Ugo 7:40,41; 1 Kor 10:7 7Nazhɛ AGWANGWAMA hiɛŋ Moses, Zhaga zwo; iwɛnɛ ta atwa ga bụ, ɛbi bɛcinjɛ na cɛnjɛ ti Ijipti, o momo tocingwo ụdamụ. 8A vwụlwa kakayɛ o gongwo uhwaŋna na Ngee peni aŋ unu cebe; a mama ndwanua yɛu buna, aa zhɛba iŋ, o towo ụrụpɛ; ɛɛ hiɛŋ, Oo ahiɛba E'isrɛl, tuwa ti hiŋ tu na ti hi bɛcinjɛ na cɛnjɛ ti Ijipti na! 9AGWANGWAMA hiɛŋ Moses, N kwụbwa atwa ga, hioko, a shɛ atwa na hweteni tebiye; 10N genji maa ma nda isɛbwɛ na aba hwuwayɛ go, maa Mo hwoŋzhingo aŋ, ama N zhɛ ma bụ ndana tuba udenji ụ'wụtụ 'wụtụ.
11Ama go Moses tabwa AGWANGWAMA na shɛ Agwatana ubwa, bɛɛ hiɛŋ, Oo AGWANGWAMA, iwembe po ɛbi zhɛ ba nda isɛbwɛ duwa na atwa ga bụ ɛbi bɛcinjɛ na cɛnjɛ ti Ijipti tedure ni iyi ukpahiŋ ụ'wụtụ 'wụtụ nɛ abụ ndanjɛɛ? 12Yaa shɛ Ejipti hwụjɛ, ɛ zhɛ ɛ hiɛŋ, Ahaŋsa awɛ aba namɛ na amɛ ubwa ibɛ po bee becinji aŋ, maa kwụna aŋ nu nshama, maa iricingo aŋ na cɛnjɛ tu unyizo. Jɛshɛrɛga maa genji isɛbwɛ gɛ bu i'wɛtwɛ, maa genji atwa bụ iyi gɛ tɛnda. 13Ne Teyinje Abraham, na Azik keeni Jekob, miaụŋ-mu-ugondu ata bụ, a na obu momo to iwɛ aba, a na kaa ebi mbishi maa, N zhɛ ma kaana ajalalo hiŋ ufwugwo gana mkpasu, ibɛ shɛ cɛnjɛ tu ga kpaaŋ, Ngee shiri-unu maa N zhɛ ma pana ajalalo bu maa a 'yaga tutu unyizo-nom.#Umoz 17:8; 22:16,17 14Nazhɛ AGWANGWAMA sheyinji ahaŋsa, bee genji iyi iwɛ nɛ bee ge heŋshi maa bi zhɛ ba nda atwa ubwa.#Tɛrɛ 14:9-25
15Go Moses bitirije bee zwe Ishɛmɛ ɛtɛ, baa 'waŋnɛ atayɛ ebe tụpatakwụ patakwụ eyebi ni i'ɛlɛ ibwɛ, a na Agwatana 'nyeci onu-tupana zalụ hweehwe, tu upada na, tu upada ye. 16Agwatana ubwa njɛ ugondu wa atayɛ ata, ubwa du kaa 'nyeci ti'nyeci ta atayɛ ata ni ikɛnyi ibwɛ. 17Aka na tu go Joshua hwụjɛ rundu ra atwa ata gana na ta ugaga, bɛɛ hiɛŋ Moses, Rundu ru ujasa nu ru namɛ nu ugba tu'ulwa.
18Go Moses hiɛŋ, Rundu ru go rɛ shɛ shɛ kaa ewili iwɛnɛ ta a lasụ atwa o, rɛ shɛ shɛ kaa n'ungwa iwɛnɛ ta atwa lasụ aŋ o; ama rundu ra azunga Ama hwuga. 19Gana na tu go Moses bo gumwongonu nu ugba ata, baa kwụbɛ yɛu ɛtɛ buna, keeni tɛhiɛba tu na tɛ shɛnjɛ, isɛbwɛ munje bu, baa 'wɛŋ atayɛ ebe tụpatakwụ patakwụ ni i'ɛlɛ ibwɛ, bee bwereteji aŋ ne embi ishɛmɛ ɛtɛ. 20Bee shepi yɛu ɛtɛ buna aa njɛ, bee tweni iŋ nu ulwa, bee neci iŋ gana inɛmɛ, bee hweci iŋ ne meni, baa njɛ maa ga miaụŋ mi Isrɛl mi swe iŋ.
21Go Moses hiɛŋ Aron, Imbe atwa ga ɛbɛ njɛ upo ebi eni aŋ iwɛwɛ gɛ i'wɛtwɛ 'wɛtwɛ tɛndaa?
22Ga Aron jishijɛ bụ, bɛɛ hiɛŋ, Iyɛri mi, ta nda isɛbwɛ ne mi o; bi mepi du kaa atwa ga, maa iyi iwɛ kiri aa jala tɛnda. 23Aba n hiɛŋ, Utu ndanɛ itɛtɛnuwɛŋ, maa i tu hwuleni umbe, yaa shɛ inɛ Moses ga utu bɛcinjɛ na cɛnjɛ ti Ijipti, ti mepi shi iyi nɛ jiteni bu o. 24Ibɛ po Ngɛɛ hiɛŋ aŋ, Bụtụ be elele na 'yajɛ shɛtakwụ sha azhɛnarɛya ge hwuceci. Nazhɛ aa m panɛ shụ ga, Ngaa 'wɛŋ shụ nu ulwa, ibɛ yaa shɛ ya yɛu gɛ buna.
25Aka na tu go Moses kwụbɛ ta atwamwa tileni mohondo (iwɛnɛ tu ga Aron tileni aŋ mohondo iwɛ maa ezuye shɛ aŋ na ashashɛ atwa i'ime ya aba). 26Go Moses shikeni no odubo ugba ata, bɛɛ hiɛŋ, Bụtụ be elele na namɛ geri ba AGWANGWAMA, ga zhajɛ pi mi. Nazhɛ miaụŋ-me-eyi ma Alivai kpaaŋ mu ụlwatagwụ pu bwa 27Bɛɛ hiɛŋ aŋ, Gana na AGWANGWAMA na shɛ Agwatana Isrɛl jɛmɛ na, bi hiɛŋ, Bụtụ bụtụ go hwuŋtono utokwobi ubwa no bukpongwu bwa, maa hi beni no odubo ugba ga, maa hi tenenji ugba ga kpaaŋ tutu uce ubwa, iwɛ maa bụtụ bụtụ ga kwụna yɛu-bino bwa, bụtụ bụtụ ga kwụna biyejilo bwa, bụtụ bụtụ ga kwụna binya bwa. 28Ibɛ po miaụŋ ma Alivai mɛ njɛ ga gana na tu go Moses jɛmɛ. Aa kwụnɛ ga atwa gana ugbaa-na-akpakwụ-a-ta (3,000) nụ ụjita ata. 29Nazhɛ go Moses hiɛŋ atwa ata Livai, Meme tileni ma swooŋ hwayɛ ga iwɛ ugondu wa AGWANGWAMA tɛnda, iwɛnɛ ta bụtụ bụtụ hiŋ kwụnɛ yɛu ibwɛ ye eyi keeni yɛu-bino bwa iwɛbɛ po AGWANGWAMA ihi peni uwebiye.
30Ti iyi heri, go Moses hiɛŋ atwa ata, Hiɛ njɛ iwɛwɛ i'wɛtwɛ 'wɛtwɛ. Hwuwayɛ go N zhɛ mo mungo sasana pa AGWANGWAMA; nekeshi ba hi gangana iwɛwɛ hiŋ. 31Go Moses gwuri ga pa AGWANGWAMA, bɛɛ hiɛŋ bụ, Aya, atwa ga nduwa iwɛwɛ i'wɛtwɛ 'wɛtwɛ. A mama ndwanua tuwa ta azhɛnarɛya aa zhɛbɛ tụ. 32Ama hwuwayɛ go, yaa shɛ yaa bụ kwụlanɛ, gangana aŋ iwɛwɛ ya aba; yee cimi shi kaa gana ata, asha ma bu tabwa maa 'wericinji izeci mi nu utakada ata bụ ebi 'nyeci nzeci.#Shɛzu 69:28; N-ndu 3:5
33Ama AGWANGWAMA hiɛŋ Moses, Bụtụ be elele na n njɛ iwɛwɛ, bụtụ ata Ngɛɛ zhɛ mo 'woricingo izeci ibwɛ nu utakada ata mu. 34Zhaga zarɛga atwa ata hwuwayɛ go no ofwo ata Ngee bi mbishi, hioko, butumwa mi ba azuba zhɛ mo bu hwulono umbe, ama aka ci hwuŋ, N zhɛ ma pana aŋ ulwapɛ iwɛ iwɛwɛ ya aba.
35Ibɛ po AGWANGWAMA njɛ maa ga atwa ata gwumanjɛ ụngwụ tishikpe iwɛ yɛu ɛtɛ buna ee eni Aron tɛnda.
Iliyochaguliwa sasa
ỤBANỤ 32: RBT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008
ỤBANỤ 32
32
Miaụŋ mi Isrɛl mɛ Zhɛbɛ Itɛtɛnuwɛŋ Yɛu Buna
(Undwa 9:6-29)
1Aka na ta atwa kwụbɛ maa go Moses ilegeji tuzwe ni ihiŋhiŋ Ishɛmɛ, ibɛ po atwa ata ụlwatagwụ pa Aron, ɛɛ hiɛŋ bụ, Ishijɛ maa utu ndanɛ itɛtɛnuwɛŋ nɛ zhɛ ma tɛ 'yagaga. Yaa shɛ inɛ Moses ga iti bɛcinjɛ na cɛnjɛ ti Ijipti, ti mepi shi iyi nɛ jiteni bu o.#Ugo 7:40
2Ga Aron hiɛŋ aŋ, Hwuceci ma shɛtakwụ sha azhɛnarɛya sha shɛcɛbɛ she eyikwo hiŋ, ta na miaụŋ mi hiŋ mo o, ta a na miaụŋ mi hiŋ me eyi maa hi m panɛ. 3Atwa ata hwuceci ga shɛtakwụ sha azhɛnarɛya sha shɛcɛbɛ sha aba, ee suje shu pa Aron. 4Bee leshiji azhɛnarɛya ata ni i'ɛlɛ ya aba, boo mo yɛu ɛtɛ buna, boo to iŋ i'nyɛtɛ ni irɛ. Nazhɛ ɛɛ hiɛŋ, Ahiɛba E'isrɛl, itɛtɛnuwɛŋ nɛ ihi bɛcinjɛ na cɛnjɛ ti Ijipti na!#1 Shɛgwu 12:28; Ugo 7:41
5Gana na ti ga Aron kwụbɛ iŋ, bee meni iŋ utukwu-ụrụpɛ nu umbe ibɛ, bee enenji bɛɛ hiɛŋ, Beyi ga ibɛ shɛ ụjita isene ya AGWANGWAMA. 6Ibɛ po aa gbatụ ti'ishijɛ ti iyi heri, nu uvwungwa dididi, oo to ụrụpɛ tuhwoŋzhingo, e sugeneni arụpɛ amɛ-olom. Nazhɛ atwa ata jɛjɛ maa a yɛ iyimɛyɛ maa e swe iyi tuswa, ɛɛ ishijɛ maa a nanjɛ tụlagwụ.#Ugo 7:40,41; 1 Kor 10:7 7Nazhɛ AGWANGWAMA hiɛŋ Moses, Zhaga zwo; iwɛnɛ ta atwa ga bụ, ɛbi bɛcinjɛ na cɛnjɛ ti Ijipti, o momo tocingwo ụdamụ. 8A vwụlwa kakayɛ o gongwo uhwaŋna na Ngee peni aŋ unu cebe; a mama ndwanua yɛu buna, aa zhɛba iŋ, o towo ụrụpɛ; ɛɛ hiɛŋ, Oo ahiɛba E'isrɛl, tuwa ti hiŋ tu na ti hi bɛcinjɛ na cɛnjɛ ti Ijipti na! 9AGWANGWAMA hiɛŋ Moses, N kwụbwa atwa ga, hioko, a shɛ atwa na hweteni tebiye; 10N genji maa ma nda isɛbwɛ na aba hwuwayɛ go, maa Mo hwoŋzhingo aŋ, ama N zhɛ ma bụ ndana tuba udenji ụ'wụtụ 'wụtụ.
11Ama go Moses tabwa AGWANGWAMA na shɛ Agwatana ubwa, bɛɛ hiɛŋ, Oo AGWANGWAMA, iwembe po ɛbi zhɛ ba nda isɛbwɛ duwa na atwa ga bụ ɛbi bɛcinjɛ na cɛnjɛ ti Ijipti tedure ni iyi ukpahiŋ ụ'wụtụ 'wụtụ nɛ abụ ndanjɛɛ? 12Yaa shɛ Ejipti hwụjɛ, ɛ zhɛ ɛ hiɛŋ, Ahaŋsa awɛ aba namɛ na amɛ ubwa ibɛ po bee becinji aŋ, maa kwụna aŋ nu nshama, maa iricingo aŋ na cɛnjɛ tu unyizo. Jɛshɛrɛga maa genji isɛbwɛ gɛ bu i'wɛtwɛ, maa genji atwa bụ iyi gɛ tɛnda. 13Ne Teyinje Abraham, na Azik keeni Jekob, miaụŋ-mu-ugondu ata bụ, a na obu momo to iwɛ aba, a na kaa ebi mbishi maa, N zhɛ ma kaana ajalalo hiŋ ufwugwo gana mkpasu, ibɛ shɛ cɛnjɛ tu ga kpaaŋ, Ngee shiri-unu maa N zhɛ ma pana ajalalo bu maa a 'yaga tutu unyizo-nom.#Umoz 17:8; 22:16,17 14Nazhɛ AGWANGWAMA sheyinji ahaŋsa, bee genji iyi iwɛ nɛ bee ge heŋshi maa bi zhɛ ba nda atwa ubwa.#Tɛrɛ 14:9-25
15Go Moses bitirije bee zwe Ishɛmɛ ɛtɛ, baa 'waŋnɛ atayɛ ebe tụpatakwụ patakwụ eyebi ni i'ɛlɛ ibwɛ, a na Agwatana 'nyeci onu-tupana zalụ hweehwe, tu upada na, tu upada ye. 16Agwatana ubwa njɛ ugondu wa atayɛ ata, ubwa du kaa 'nyeci ti'nyeci ta atayɛ ata ni ikɛnyi ibwɛ. 17Aka na tu go Joshua hwụjɛ rundu ra atwa ata gana na ta ugaga, bɛɛ hiɛŋ Moses, Rundu ru ujasa nu ru namɛ nu ugba tu'ulwa.
18Go Moses hiɛŋ, Rundu ru go rɛ shɛ shɛ kaa ewili iwɛnɛ ta a lasụ atwa o, rɛ shɛ shɛ kaa n'ungwa iwɛnɛ ta atwa lasụ aŋ o; ama rundu ra azunga Ama hwuga. 19Gana na tu go Moses bo gumwongonu nu ugba ata, baa kwụbɛ yɛu ɛtɛ buna, keeni tɛhiɛba tu na tɛ shɛnjɛ, isɛbwɛ munje bu, baa 'wɛŋ atayɛ ebe tụpatakwụ patakwụ ni i'ɛlɛ ibwɛ, bee bwereteji aŋ ne embi ishɛmɛ ɛtɛ. 20Bee shepi yɛu ɛtɛ buna aa njɛ, bee tweni iŋ nu ulwa, bee neci iŋ gana inɛmɛ, bee hweci iŋ ne meni, baa njɛ maa ga miaụŋ mi Isrɛl mi swe iŋ.
21Go Moses hiɛŋ Aron, Imbe atwa ga ɛbɛ njɛ upo ebi eni aŋ iwɛwɛ gɛ i'wɛtwɛ 'wɛtwɛ tɛndaa?
22Ga Aron jishijɛ bụ, bɛɛ hiɛŋ, Iyɛri mi, ta nda isɛbwɛ ne mi o; bi mepi du kaa atwa ga, maa iyi iwɛ kiri aa jala tɛnda. 23Aba n hiɛŋ, Utu ndanɛ itɛtɛnuwɛŋ, maa i tu hwuleni umbe, yaa shɛ inɛ Moses ga utu bɛcinjɛ na cɛnjɛ ti Ijipti, ti mepi shi iyi nɛ jiteni bu o. 24Ibɛ po Ngɛɛ hiɛŋ aŋ, Bụtụ be elele na 'yajɛ shɛtakwụ sha azhɛnarɛya ge hwuceci. Nazhɛ aa m panɛ shụ ga, Ngaa 'wɛŋ shụ nu ulwa, ibɛ yaa shɛ ya yɛu gɛ buna.
25Aka na tu go Moses kwụbɛ ta atwamwa tileni mohondo (iwɛnɛ tu ga Aron tileni aŋ mohondo iwɛ maa ezuye shɛ aŋ na ashashɛ atwa i'ime ya aba). 26Go Moses shikeni no odubo ugba ata, bɛɛ hiɛŋ, Bụtụ be elele na namɛ geri ba AGWANGWAMA, ga zhajɛ pi mi. Nazhɛ miaụŋ-me-eyi ma Alivai kpaaŋ mu ụlwatagwụ pu bwa 27Bɛɛ hiɛŋ aŋ, Gana na AGWANGWAMA na shɛ Agwatana Isrɛl jɛmɛ na, bi hiɛŋ, Bụtụ bụtụ go hwuŋtono utokwobi ubwa no bukpongwu bwa, maa hi beni no odubo ugba ga, maa hi tenenji ugba ga kpaaŋ tutu uce ubwa, iwɛ maa bụtụ bụtụ ga kwụna yɛu-bino bwa, bụtụ bụtụ ga kwụna biyejilo bwa, bụtụ bụtụ ga kwụna binya bwa. 28Ibɛ po miaụŋ ma Alivai mɛ njɛ ga gana na tu go Moses jɛmɛ. Aa kwụnɛ ga atwa gana ugbaa-na-akpakwụ-a-ta (3,000) nụ ụjita ata. 29Nazhɛ go Moses hiɛŋ atwa ata Livai, Meme tileni ma swooŋ hwayɛ ga iwɛ ugondu wa AGWANGWAMA tɛnda, iwɛnɛ ta bụtụ bụtụ hiŋ kwụnɛ yɛu ibwɛ ye eyi keeni yɛu-bino bwa iwɛbɛ po AGWANGWAMA ihi peni uwebiye.
30Ti iyi heri, go Moses hiɛŋ atwa ata, Hiɛ njɛ iwɛwɛ i'wɛtwɛ 'wɛtwɛ. Hwuwayɛ go N zhɛ mo mungo sasana pa AGWANGWAMA; nekeshi ba hi gangana iwɛwɛ hiŋ. 31Go Moses gwuri ga pa AGWANGWAMA, bɛɛ hiɛŋ bụ, Aya, atwa ga nduwa iwɛwɛ i'wɛtwɛ 'wɛtwɛ. A mama ndwanua tuwa ta azhɛnarɛya aa zhɛbɛ tụ. 32Ama hwuwayɛ go, yaa shɛ yaa bụ kwụlanɛ, gangana aŋ iwɛwɛ ya aba; yee cimi shi kaa gana ata, asha ma bu tabwa maa 'wericinji izeci mi nu utakada ata bụ ebi 'nyeci nzeci.#Shɛzu 69:28; N-ndu 3:5
33Ama AGWANGWAMA hiɛŋ Moses, Bụtụ be elele na n njɛ iwɛwɛ, bụtụ ata Ngɛɛ zhɛ mo 'woricingo izeci ibwɛ nu utakada ata mu. 34Zhaga zarɛga atwa ata hwuwayɛ go no ofwo ata Ngee bi mbishi, hioko, butumwa mi ba azuba zhɛ mo bu hwulono umbe, ama aka ci hwuŋ, N zhɛ ma pana aŋ ulwapɛ iwɛ iwɛwɛ ya aba.
35Ibɛ po AGWANGWAMA njɛ maa ga atwa ata gwumanjɛ ụngwụ tishikpe iwɛ yɛu ɛtɛ buna ee eni Aron tɛnda.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008