ỤBANỤ 31
31
E Teri Bɛzalɛl keeni Oholiab iwɛ Ugondu Udulo Tɛnda
(Ụban 35:30—36:1)
1Nazhɛ AGWANGWAMA hiɛŋ Moses, 2Kwụba, N teri Bɛzalɛl yɛu Uri, bujalụ Hori na shɛ ụlamụ Juda, 3Ngee shidinji bu na mpiala mi mi,#31:3 na Mpiala mi mi: Abayiburu oko hiɛŋ, na Mpiala ma Agwatana kwo kaa nu ukpahiŋ mu. ta ti'inta ti iyi ti'eshicigo, ni iyi-tumapa, nu ugondu tugwoni we elele kpaaŋ ti'yebo, 4iwɛ maa manganga ugondu tugwoni, maa nda ugondu wa azhɛnarɛya, na azụrụfa keeni ɛtumburɛ, 5keeni atayɛ tɛshaba maa e swenenji ni iyi, keeni i'wɛ'wɛ tɛshaba, iwɛ ugondu we elele kpaaŋ. 6Hioko, M medenji bu Oholiab, yɛu Ahisamak, na shɛ ụlamụ Dan, maa mbiyono bu. Ngee peni atwa elele na incɛ ahaŋsa tuto, maa e 'yebi ugondu tugwoni we elele na Ngee bi peni-unu ubwa tɛnda: 7ibɛ shɛ udulo tu'ulwa, ni Ikpɛtɛ Unu-tutwa, na bɛjɛjɛ bi inyɛmɛnyɛmɛ na patanɛ ni ibɛ, keeni i'wɛŋni'wɛŋni udulo ata kpaaŋ. 8Keeni uteburu ata, ti i'wɛŋni'wɛŋni ubwa, tu uteburu ụsụtụla utumburɛ, ti i'wɛŋni'wɛŋni ubwa kpaaŋ, tu utukwu-ụrụpɛ na oo hwoŋzhingo iyi ụhiụŋ ụlatụ nu ubwa, 9tu utukwu-ụrụpɛ tuhwoŋzhingo ti i'wɛŋni'wɛŋni ubwa kpaaŋ, tu ugbamgbam ata ụ'wụtụ, tụ ụkwụka ubwa u tupatana, 10to otogwo tijilo ugondu Aron bunongbo, keeni otogwo miaụŋ mu bwa me eyi iwɛ ma a njɛ ugondu tunongbo, 11ta manɛbɛ mu tududugono, ti iturɛre ụhiụŋ ụlatụ iwɛ ohwolu tijilo. Nu gana na ti Ngee bi peni-unu ibɛ kpaaŋ, ibɛ ɛɛ zhɛ a nda uŋ.
Iwɛ Ụjita-ụhinjanụ Eshe Tishiyono
12Nazhɛ AGWANGWAMA hiɛŋ Moses, 13Mbiso miaụŋ mi Isrɛl maa, Hiɛ shɛ hio shiyono Ijitɛ-ụhinjanụ mi eshe, ubwa shɛ useyida na namɛ na ashashɛ mi ne hiŋ tutu awaŋnɛ hiŋ na te e ci kpaaŋ, iwɛ maa hi mepi maa Gamba AGWANGWAMA na ma hi nda tijilo na.#Ụban 38:25,26; Mat 17:24 14Hiɛ shɛ hio shiyono Ụjita-ụhinjanụ eshe, iwɛnɛ tu waa shɛ tijilo ti hiŋ. Bụtụ be elele na heshigeni uŋ, ɛ zhɛ a kwụna bụ; bụtụ be elele na kaa njɛ ugondu nu bwa, ɛ zhɛ a bacɛnga bụtụ ata na atwa ubwa. 15Ijitɛ icihiŋ ahiɛ shɛ hia nda ugondu; ama nụ ụjita ucenje ụ shɛ Ụjita-ụhinjanụ tijilo ti mi, bụtụ be elele na njɛ ugondu we elele nụ Ụjita ata Ụhinjanụ, ɛ zhɛ a kwụna bụ. 16Iwɛbɛ po miaụŋ mi Isrɛl mo shiyono Ụjita-ụhinjanụ eshe, tutu awaŋnɛ aba kpaaŋ, iwɛ maa ụ shɛ unu-tutwa unyizo-nom. 17Ubwa shɛ useyida na namɛ na ashashɛ mi na miaụŋ mi Isrɛl unyizo-nom. Ijitɛ icihiŋ Ngaa njɛ la azuba keeni cɛnjɛ tu unyizo, Ngoo to ụhinjanụ nu ụjita ucenje.#Ụban 20:8-11; 23:12; 34:21; Liv 23:3; Undwa 5:12-15
18Aka na ta Agwatana hwuwi ushaura tụdụma no Moses ni Ishɛmɛ ɛtɛ Sainai, bee peni bu atayɛ ata tiseyida namɛ patakwụ patakwụ eyebi, buvwa ba Agwatana ubwa 'nyeci aŋ.
Iliyochaguliwa sasa
ỤBANỤ 31: RBT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008
ỤBANỤ 31
31
E Teri Bɛzalɛl keeni Oholiab iwɛ Ugondu Udulo Tɛnda
(Ụban 35:30—36:1)
1Nazhɛ AGWANGWAMA hiɛŋ Moses, 2Kwụba, N teri Bɛzalɛl yɛu Uri, bujalụ Hori na shɛ ụlamụ Juda, 3Ngee shidinji bu na mpiala mi mi,#31:3 na Mpiala mi mi: Abayiburu oko hiɛŋ, na Mpiala ma Agwatana kwo kaa nu ukpahiŋ mu. ta ti'inta ti iyi ti'eshicigo, ni iyi-tumapa, nu ugondu tugwoni we elele kpaaŋ ti'yebo, 4iwɛ maa manganga ugondu tugwoni, maa nda ugondu wa azhɛnarɛya, na azụrụfa keeni ɛtumburɛ, 5keeni atayɛ tɛshaba maa e swenenji ni iyi, keeni i'wɛ'wɛ tɛshaba, iwɛ ugondu we elele kpaaŋ. 6Hioko, M medenji bu Oholiab, yɛu Ahisamak, na shɛ ụlamụ Dan, maa mbiyono bu. Ngee peni atwa elele na incɛ ahaŋsa tuto, maa e 'yebi ugondu tugwoni we elele na Ngee bi peni-unu ubwa tɛnda: 7ibɛ shɛ udulo tu'ulwa, ni Ikpɛtɛ Unu-tutwa, na bɛjɛjɛ bi inyɛmɛnyɛmɛ na patanɛ ni ibɛ, keeni i'wɛŋni'wɛŋni udulo ata kpaaŋ. 8Keeni uteburu ata, ti i'wɛŋni'wɛŋni ubwa, tu uteburu ụsụtụla utumburɛ, ti i'wɛŋni'wɛŋni ubwa kpaaŋ, tu utukwu-ụrụpɛ na oo hwoŋzhingo iyi ụhiụŋ ụlatụ nu ubwa, 9tu utukwu-ụrụpɛ tuhwoŋzhingo ti i'wɛŋni'wɛŋni ubwa kpaaŋ, tu ugbamgbam ata ụ'wụtụ, tụ ụkwụka ubwa u tupatana, 10to otogwo tijilo ugondu Aron bunongbo, keeni otogwo miaụŋ mu bwa me eyi iwɛ ma a njɛ ugondu tunongbo, 11ta manɛbɛ mu tududugono, ti iturɛre ụhiụŋ ụlatụ iwɛ ohwolu tijilo. Nu gana na ti Ngee bi peni-unu ibɛ kpaaŋ, ibɛ ɛɛ zhɛ a nda uŋ.
Iwɛ Ụjita-ụhinjanụ Eshe Tishiyono
12Nazhɛ AGWANGWAMA hiɛŋ Moses, 13Mbiso miaụŋ mi Isrɛl maa, Hiɛ shɛ hio shiyono Ijitɛ-ụhinjanụ mi eshe, ubwa shɛ useyida na namɛ na ashashɛ mi ne hiŋ tutu awaŋnɛ hiŋ na te e ci kpaaŋ, iwɛ maa hi mepi maa Gamba AGWANGWAMA na ma hi nda tijilo na.#Ụban 38:25,26; Mat 17:24 14Hiɛ shɛ hio shiyono Ụjita-ụhinjanụ eshe, iwɛnɛ tu waa shɛ tijilo ti hiŋ. Bụtụ be elele na heshigeni uŋ, ɛ zhɛ a kwụna bụ; bụtụ be elele na kaa njɛ ugondu nu bwa, ɛ zhɛ a bacɛnga bụtụ ata na atwa ubwa. 15Ijitɛ icihiŋ ahiɛ shɛ hia nda ugondu; ama nụ ụjita ucenje ụ shɛ Ụjita-ụhinjanụ tijilo ti mi, bụtụ be elele na njɛ ugondu we elele nụ Ụjita ata Ụhinjanụ, ɛ zhɛ a kwụna bụ. 16Iwɛbɛ po miaụŋ mi Isrɛl mo shiyono Ụjita-ụhinjanụ eshe, tutu awaŋnɛ aba kpaaŋ, iwɛ maa ụ shɛ unu-tutwa unyizo-nom. 17Ubwa shɛ useyida na namɛ na ashashɛ mi na miaụŋ mi Isrɛl unyizo-nom. Ijitɛ icihiŋ Ngaa njɛ la azuba keeni cɛnjɛ tu unyizo, Ngoo to ụhinjanụ nu ụjita ucenje.#Ụban 20:8-11; 23:12; 34:21; Liv 23:3; Undwa 5:12-15
18Aka na ta Agwatana hwuwi ushaura tụdụma no Moses ni Ishɛmɛ ɛtɛ Sainai, bee peni bu atayɛ ata tiseyida namɛ patakwụ patakwụ eyebi, buvwa ba Agwatana ubwa 'nyeci aŋ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008