ỤBANỤ 33
33
AGWANGWAMA Twaananụ Unu Ufwo na Atwa Ubwa
1Nazhɛ AGWANGWAMA hiɛŋ Moses, Ishɛga ma epe, tu gabụ, ta atwa ga ɛbi bɛcinjɛ na cɛnjɛ ti Ijipti, maa hi zhe na cɛnjɛ ta ata Ngee teji la Abraham, na Azik keeni Jekob, maa ajalalo bu Ngɛɛ zhɛ ma pana tụ.#Umoz 12:7; 26:3; 28:13 2N zhɛ kaa ma tumwanɛ butumwa mi ba azuba nu umbe bu, Ngɛɛ zhɛ kaa mo unzo Ekenan, na A'amo, nɛ Ɛhit, nɛ Ɛpɛrɛz, nɛ Ɛhiv, keeni Ɛjɛbus maa e beni apata. 3Zhaga ma na cɛnjɛ ta ata ti 'yajɛ ugwungwu, tuwebiye kaa ta fwunga. Ama tuba N zha shɛ ma zhagaga ne hiŋ o, shibwonu N zhɛ mo hi hwoŋzhingo nu uhwaŋna ata, iwɛnɛ ta ahiɛ shɛ atwa na hweteni tebiye.#Ugo 7:51
4Aka na ta atwa ata hwụjɛ unabarɛ ga ụwɛ, oo to-ụkwụla; i zasa bụtụ be elele na urigeni iyi tisemberi o. 5Iwɛnɛ ta AGWANGWAMA mbishi Moses, bɛɛ hiɛŋ, Mbiso miaụŋ mi Isrɛl maa, Hiɛ shɛ atwa na hweteni tebiye. Yaa shɛ Ngaa zhagajɛ ne hiŋ na aka ticicimwɛiŋ, N zhɛ mo hi hwoŋzhingo. Iwɛ ecilo ata vwacaga ma i'wɛŋnɛ hiŋ tisemberi hwuwayɛ go, maa Ma mapa iyi nɛ Ngɛɛ zhɛ ma hi nda. 6Iwɛbɛ po miaụŋ mi Isrɛl mu vweceji ga i'wɛŋnɛ ya aba i tisemberi kpaaŋ, te kwuni na aka ata te e beni ni Ishɛmɛ Sainai.
Udulo Tu'ulwa
7Go Moses ba shana baa shapa udulo ata baa mba uŋ no tupohondo tu ugba tu'ulwa ta ata, ahanga a nama ya na ashashɛ ubwa na tu'ulwa, boo po uŋ izeci maa udulo tu'ulwa. Bụtụ be elele na kaa ba jala maa dumanga n-ndumwa na AGWANGWAMA, baa bana ba zha no ofwo udulo ata tu'ulwa na namɛ no tupohondo tu ugba ata tu'ulwa. 8Aka elele na go Moses beni bɛɛ zhɛ nu udulo ata, E'isrɛl kpaaŋ ɛ ishijɛ, bụtụ bụtụ bo shikono no odubo udulo ubwa, a ngbaraka ya Moses tutu bu to tono udulo ata. 9Aka elele na go Moses teni nu udulo ata, udomu ata u tuwam we kezhe wo shikono no odubo udulo ata, nazhɛ AGWANGWAMA a dumana iwɛ no Moses. 10Aka elele na kaa atwamwa kwụbɛ tu udomu ata u tuwam shikeni no odubo udulo ata wa atwa ata kpaaŋ ɛ ishijɛ, bụtụ bụtụ bo shikono no odubo udulo ubwa, bu na zhɛba [AGWANGWAMA]. 11Gana AGWANGWAMA a shana baa dumanga n-ndumwa no Moses na tumama ngbarakanụ ne eshe ta, gana na ta bụtụ ba dumanga n-ndumwa ne biyejilo bwa. Okwo aka go Moses gwure nu ugba, go Joshua yɛu Nụn, na shɛ yɛu ibwɛ ugondu na kaa ta shɛ yɛu tisemberi, bi beni shi tuba maa ganga udulo ata o.#Tɛrɛ 12:8; Undwa 34:10
Go Moses Kwụbɛ Ụjɛrụma wa AGWANGWAMA
12Go Moses hiɛŋ AGWANGWAMA, Kwụba, gabụ bi n hiɛŋ, Mungicinje atwa ga; bi leni shi ya kaa maa ma mapa bụtụ na ɛbi zhɛ ba tumwanɛ maa zhagaga ne mi o. Ɛbi n hiɛŋ kaa maa, bi m mepi ti izeci mi, maa iwe mi kaa ubu kwụlanɛ. 13Ma bụ tabwa hwuwayɛ go, maa yaa shɛ iwɛ mi ubu kwụlanɛ, asha m mbishi iyi nɛ aba jala tɛnda maa Ma mapa maa, iwɛ mi ubu kwụlanɛ. Ne Teyinje maa udenji ga ụ shɛ atwa bụ.
14Nazhɛ AGWANGWAMA hiɛŋ, N zhɛ ma zhagaga ne hiŋ, N zhɛ kaa ma hi lasagwụ aŋ. 15Go Moses hiɛŋ bụ, Yaa shɛ abu zha shɛ ba zhagaga no tu, asha ta ti ishɛcɛnga epe maa to mungo. 16Iwɛnɛ ti yaa zasa bụtụ be elele zhɛ ba mapa ma iwɛ atwa ga bụ ubu kwụlanɛ, hwɛɛ tu Gamba, ti yaa shɛ abu zhagajɛ shɛ no tu. Tunama tụ bụ no tu ti zhɛ ta nda maa ta bana swooŋ na atwa elele na namɛ na cɛnjɛ tu unyizo kpaaŋ.
17Nazhɛ AGWANGWAMA hiɛŋ Moses, N zhɛ ma ndaanana ijɛ abɛ jɛmɛ gbaa. Iwɛnɛ po iwɛ bụ n kwụlanɛ tebiye, M bi mepi kaa ti izeci bu.
18Go Moses hiɛŋ, Ma bụ tabwa maa mbiseni ụjɛrụma bụ kpaaŋ.
19Nazhɛ AGWANGWAMA hiɛŋ, N zhɛ ma kashɛka nu umbe bu, maa Mo bu mbisono tipɛlanụ ti mi hwɛɛ, N zhɛ ma ananga izeci mi tijilo maa Gamba n shɛ AGWANGWAMA, bụtụ na Ngee teri maa ma mapana iwɛ, ubwa Ngɛɛ zhɛ ma mapana iwɛ, bụtụ na kaa Ngee teri maa mo hioko inyɛmɛnyɛmɛ ibwɛ, ubwa Ngɛɛ zhɛ mo hioko inyɛmɛnyɛmɛ ibwɛ.#Rom 9:15 20Ama AGWANGWAMA hiɛŋ Moses, Bi eri shi ba kwụba ụpɛshɛka mu o, bụtụ be elele na kwụbɛ ụpɛshɛka mu, bi zha shɛ ba nama ya o.
21Ibɛ po AGWANGWAMA hiɛŋ, Ohwolu oko na gwumwonu ne mi epe a na ebi eri ba patana nu utayɛ tubala. 22Aka na Ama kashɛka hwayɛ tụ ụjɛrụma mu, N zhɛ mo bu shiyono na tubagwụ tu utayɛ ata tubala, nazhɛ Ngɛɛ zhɛ mo bu urugono u'ala mu ne eshe bu uuwa i ci aka na Ngee keshici. 23Nazhɛ Ngɛɛ zhɛ mo ushigo u'ala mu, nazhɛ ɛbi zhɛ ba kwụba ya aba mi; ama bu zha shɛ ba kwụba eshe mi o.
Iliyochaguliwa sasa
ỤBANỤ 33: RBT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008
ỤBANỤ 33
33
AGWANGWAMA Twaananụ Unu Ufwo na Atwa Ubwa
1Nazhɛ AGWANGWAMA hiɛŋ Moses, Ishɛga ma epe, tu gabụ, ta atwa ga ɛbi bɛcinjɛ na cɛnjɛ ti Ijipti, maa hi zhe na cɛnjɛ ta ata Ngee teji la Abraham, na Azik keeni Jekob, maa ajalalo bu Ngɛɛ zhɛ ma pana tụ.#Umoz 12:7; 26:3; 28:13 2N zhɛ kaa ma tumwanɛ butumwa mi ba azuba nu umbe bu, Ngɛɛ zhɛ kaa mo unzo Ekenan, na A'amo, nɛ Ɛhit, nɛ Ɛpɛrɛz, nɛ Ɛhiv, keeni Ɛjɛbus maa e beni apata. 3Zhaga ma na cɛnjɛ ta ata ti 'yajɛ ugwungwu, tuwebiye kaa ta fwunga. Ama tuba N zha shɛ ma zhagaga ne hiŋ o, shibwonu N zhɛ mo hi hwoŋzhingo nu uhwaŋna ata, iwɛnɛ ta ahiɛ shɛ atwa na hweteni tebiye.#Ugo 7:51
4Aka na ta atwa ata hwụjɛ unabarɛ ga ụwɛ, oo to-ụkwụla; i zasa bụtụ be elele na urigeni iyi tisemberi o. 5Iwɛnɛ ta AGWANGWAMA mbishi Moses, bɛɛ hiɛŋ, Mbiso miaụŋ mi Isrɛl maa, Hiɛ shɛ atwa na hweteni tebiye. Yaa shɛ Ngaa zhagajɛ ne hiŋ na aka ticicimwɛiŋ, N zhɛ mo hi hwoŋzhingo. Iwɛ ecilo ata vwacaga ma i'wɛŋnɛ hiŋ tisemberi hwuwayɛ go, maa Ma mapa iyi nɛ Ngɛɛ zhɛ ma hi nda. 6Iwɛbɛ po miaụŋ mi Isrɛl mu vweceji ga i'wɛŋnɛ ya aba i tisemberi kpaaŋ, te kwuni na aka ata te e beni ni Ishɛmɛ Sainai.
Udulo Tu'ulwa
7Go Moses ba shana baa shapa udulo ata baa mba uŋ no tupohondo tu ugba tu'ulwa ta ata, ahanga a nama ya na ashashɛ ubwa na tu'ulwa, boo po uŋ izeci maa udulo tu'ulwa. Bụtụ be elele na kaa ba jala maa dumanga n-ndumwa na AGWANGWAMA, baa bana ba zha no ofwo udulo ata tu'ulwa na namɛ no tupohondo tu ugba ata tu'ulwa. 8Aka elele na go Moses beni bɛɛ zhɛ nu udulo ata, E'isrɛl kpaaŋ ɛ ishijɛ, bụtụ bụtụ bo shikono no odubo udulo ubwa, a ngbaraka ya Moses tutu bu to tono udulo ata. 9Aka elele na go Moses teni nu udulo ata, udomu ata u tuwam we kezhe wo shikono no odubo udulo ata, nazhɛ AGWANGWAMA a dumana iwɛ no Moses. 10Aka elele na kaa atwamwa kwụbɛ tu udomu ata u tuwam shikeni no odubo udulo ata wa atwa ata kpaaŋ ɛ ishijɛ, bụtụ bụtụ bo shikono no odubo udulo ubwa, bu na zhɛba [AGWANGWAMA]. 11Gana AGWANGWAMA a shana baa dumanga n-ndumwa no Moses na tumama ngbarakanụ ne eshe ta, gana na ta bụtụ ba dumanga n-ndumwa ne biyejilo bwa. Okwo aka go Moses gwure nu ugba, go Joshua yɛu Nụn, na shɛ yɛu ibwɛ ugondu na kaa ta shɛ yɛu tisemberi, bi beni shi tuba maa ganga udulo ata o.#Tɛrɛ 12:8; Undwa 34:10
Go Moses Kwụbɛ Ụjɛrụma wa AGWANGWAMA
12Go Moses hiɛŋ AGWANGWAMA, Kwụba, gabụ bi n hiɛŋ, Mungicinje atwa ga; bi leni shi ya kaa maa ma mapa bụtụ na ɛbi zhɛ ba tumwanɛ maa zhagaga ne mi o. Ɛbi n hiɛŋ kaa maa, bi m mepi ti izeci mi, maa iwe mi kaa ubu kwụlanɛ. 13Ma bụ tabwa hwuwayɛ go, maa yaa shɛ iwɛ mi ubu kwụlanɛ, asha m mbishi iyi nɛ aba jala tɛnda maa Ma mapa maa, iwɛ mi ubu kwụlanɛ. Ne Teyinje maa udenji ga ụ shɛ atwa bụ.
14Nazhɛ AGWANGWAMA hiɛŋ, N zhɛ ma zhagaga ne hiŋ, N zhɛ kaa ma hi lasagwụ aŋ. 15Go Moses hiɛŋ bụ, Yaa shɛ abu zha shɛ ba zhagaga no tu, asha ta ti ishɛcɛnga epe maa to mungo. 16Iwɛnɛ ti yaa zasa bụtụ be elele zhɛ ba mapa ma iwɛ atwa ga bụ ubu kwụlanɛ, hwɛɛ tu Gamba, ti yaa shɛ abu zhagajɛ shɛ no tu. Tunama tụ bụ no tu ti zhɛ ta nda maa ta bana swooŋ na atwa elele na namɛ na cɛnjɛ tu unyizo kpaaŋ.
17Nazhɛ AGWANGWAMA hiɛŋ Moses, N zhɛ ma ndaanana ijɛ abɛ jɛmɛ gbaa. Iwɛnɛ po iwɛ bụ n kwụlanɛ tebiye, M bi mepi kaa ti izeci bu.
18Go Moses hiɛŋ, Ma bụ tabwa maa mbiseni ụjɛrụma bụ kpaaŋ.
19Nazhɛ AGWANGWAMA hiɛŋ, N zhɛ ma kashɛka nu umbe bu, maa Mo bu mbisono tipɛlanụ ti mi hwɛɛ, N zhɛ ma ananga izeci mi tijilo maa Gamba n shɛ AGWANGWAMA, bụtụ na Ngee teri maa ma mapana iwɛ, ubwa Ngɛɛ zhɛ ma mapana iwɛ, bụtụ na kaa Ngee teri maa mo hioko inyɛmɛnyɛmɛ ibwɛ, ubwa Ngɛɛ zhɛ mo hioko inyɛmɛnyɛmɛ ibwɛ.#Rom 9:15 20Ama AGWANGWAMA hiɛŋ Moses, Bi eri shi ba kwụba ụpɛshɛka mu o, bụtụ be elele na kwụbɛ ụpɛshɛka mu, bi zha shɛ ba nama ya o.
21Ibɛ po AGWANGWAMA hiɛŋ, Ohwolu oko na gwumwonu ne mi epe a na ebi eri ba patana nu utayɛ tubala. 22Aka na Ama kashɛka hwayɛ tụ ụjɛrụma mu, N zhɛ mo bu shiyono na tubagwụ tu utayɛ ata tubala, nazhɛ Ngɛɛ zhɛ mo bu urugono u'ala mu ne eshe bu uuwa i ci aka na Ngee keshici. 23Nazhɛ Ngɛɛ zhɛ mo ushigo u'ala mu, nazhɛ ɛbi zhɛ ba kwụba ya aba mi; ama bu zha shɛ ba kwụba eshe mi o.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008