ỤBANỤ 30
30
Utukwu-ụrụpɛ Iturɛre Tuhwoŋzhingo
(Ụban 37:25-28)
1Bɛ shɛ ba nda utukwu-ụrụpɛ nụ ụ'wụ'wụ we ekeshia iwɛ maa no hwoŋzhingo iturɛre nu bwa; 2Ga ụnjɛswa ubwa ụ shɛ ombolo u'ala oko; go uholo ubwa ụ shɛ ombolo u'ala oko; go ogongo ubwa eneshi nangwụ; go uzoto ubwa ụ shɛ imbele i'ɛlɛ iyebi, ga mahiuaŋ mu bwa mɛ shɛ iyi ike nu bwa. 3Bɛ shɛ kaa ba swana uŋ azhɛnarɛya tụrụmbɛɛ ti ihiŋhiŋ ubwa, ti i'ɛŋbi ubwa tutu rungwutwonu, keeni mahiuaŋ mu bwa. Bɛ shɛ bo dubo azhɛnarɛya lepe lepe iwɛ maa peteni ni izhɛmi ubwa tutu rungwutwonu. 4Ndana uŋ tɛkanɛ ti yebi tuta ta azhɛnarɛya ata tilepe lepe ebi ge sweni, cimbongono tu ni izhɛmi ubwa zalụ hweehwe; apata zhɛ a sha ofwo na ɛɛ zhɛ o hwuŋtongono imbele iwɛ maa a na 'waŋna uŋ. 5Ga shɛ nụ ụ'wụ'wụ we ekeshia abɛ njɛ imbele ɛtɛ maa sweni iŋ azhɛnarɛya. 6Sho utukwu ata ụrụpɛ no tupohondo to tugwuno ta ata tu swacɛ nu umbe Ikpɛtɛ ɛtɛ Unu-tutwa, apata i shɛ ofwo na Ngɛɛ zhɛ mu na twa na bụ. 7Ga Aron shɛ bu no hwoŋzhingo iyi ụhiụŋ ụlatụ ni ihiŋhiŋ ubwa; nu uvwungwa elele, na aka na tu baa zhajɛ maa nangangana asụtụla. 8Aka na ti ga Aron zweni asụtụla ata ulwa nụ ụrụmɛ, nazhɛ bɛɛ zhɛ bo hwoŋzhingo iŋ ni ihiŋhiŋ ubwa maa i shɛ iyi ụhiụŋ ụlatụ nɛ yo hwoŋno nu umbe mu oruru na awaŋnɛ hiŋ na te e ci kpaaŋ. 9Ta patana ma iyi ụhiụŋ nɛ zasa tijilo ni ihiŋhiŋ utukwu ata o, ta patana ma du kaa ụrụpɛ tuhwoŋzhingo, kwo kaa ụrụpɛ mihiuŋ ni ihiŋhiŋ ubwa o. To zwono ma kaa du ụrụpɛ tuswa ni ihiŋhiŋ ubwa o. 10Ga Aron kaa shɛ ba nda iyi iwɛwɛ tu'urugono ni ihiŋhiŋ mahiuaŋ mu bwa karu ko nu uywa. Ne mehieŋ mụ ụrụpɛ ata iwɛwɛ tu'urugono bɛɛ zhɛ ba nda iŋ karu ko, na amɛ uywa we elele tutu awaŋnɛ hiŋ na te e ci kpaaŋ, i n shanɛ iyi tijilo me tijilo.
Ukwuribi Tụtụpa iwɛ Ugondu Iwɛwɛ Tu'urugono
11Nazhɛ AGWANGWAMA hiɛŋ Moses, 12Aka na aba rɛta miaụŋ mi Isrɛl, ga bụtụ be elele n cɛpɛ iyi nɛ maa gwubo uhiuhiu ubwa, iwɛ maa kede iyi tishikpe ye elele vwuteni aŋ na aka na aba rɛta aŋ o. 13Bụtụ bụtụ shɛ ba tụpa ulumo ukwuribi na aa mụnɛ bụ ne bimenji bu ulumo wo ohwolu tijilo. Bụtụ bụtụ shɛ ba tụpa uŋ tilɛɛ maa ụ shɛ upwaŋ na ee m peni.#Ụban 38:25,26; Mat 17:24 14Bụtụ be elele na tizhɛla tu bwa tu ulwa shiywa woshi kwo kaa shee hwuri na amɛ atwa na aa rɛcɛ, bɛ shɛ bu ma m pana upwaŋ ubwa nu ulumo ata. 15Kede bɛzhɛgba peni te hwuleji o, kede kaa du bukofwo peni ta 'nyanɛ na aka na ta a ma m pana nu ulumo ata iwɛ maa a njɛ iyi iwɛwɛ tu'urugono iwɛ ohiuhiu hiŋ o. 16Bɛ shɛ ba lashɛga ukwuribi iwɛwɛ tu'urugono ni i'ɛlɛ miaụŋ mi Isrɛl, iwɛ maa shiri ukwuribi ata iwɛ ugondu udulo tu'ulwa; iwɛ maa e ne teyinje miaụŋ mi Isrɛl nu umbe mu. I shɛ iyi tu'urugono ti iwɛwɛ iwɛ ohiuhiu hiŋ.
Ugbamgbam Ụ'wụtụ Utumburɛ
(Ụban 38:8)
17Nazhɛ AGWANGWAMA hiɛŋ Moses.
18Bɛ shɛ ba nda ugbamgbam ụ'wụtụ nu utumburɛ keeni ụkwụka utumburɛ maa u na patana, iwɛ tumama nyashɛnga. Bɛ shɛ bo sho uŋ na ashashɛ udulo tu'ulwa nu utukwu-ụrụpɛ, maa zweni meni nu bwa.#Ụban 38:8 19Ga ga Aron na miaụŋ mu bwa a na nyashɛnga i'ɛlɛ keeni shivwɛvwɛjɛ sha aba apata. 20Aka na tɛ ɛ zhɛ o tono nu udulo tu'ulwa, keeni aka na tɛ ɛ zhɛ o dongonu utukwu-ụrụpɛ, iwɛ maa a n ndanɛ ugondu ụrụpɛ nu ulwa. A shɛ a mama nyashɛnga ne meni, shibwonu ɛ zhɛ o 'wo. 21Gabata aa nyashɛnga ga i'ɛlɛ keeni shivwɛvwɛjɛ sha aba iwɛ maa kede e 'wi o. I shɛ ya sha okpogo unyizo-nom no ofwo aba, ibɛ shɛ ubwa na ajalalo ubwa tutu awaŋnɛ aba kpaaŋ.
Manɛbɛ mu Tududugono
(Ụban 37:29)
22Nazhɛ AGWANGWAMA hiaŋnanɛ Moses, #Ụban 37:29 23Sugo iyi nɛ 'yagajɛ ụhiụŋ ụlatụ ubiye, gɛ inɛ iturɛre muru nɛ shɛ meni, i shɛ bimenji ba agaruwa umpwa-na-ba-eyebi, gɛ inɛ sinamon nɛ 'yajɛ ụhiụŋ ụlatụ, i shɛ agaruwa ecihiŋ, gɛ inɛ kalamus nɛ 'yajɛ ụhiụŋ ụlatụ i shɛ agaruwa ecihiŋ, 24gɛ inɛ ekeshia i shɛ bimenji ba agaruwa umpwa-na-ba-eyebi, bimenji bi ibɛ bɛ shɛ ba sha gana na te bimenji bo ohwolu tijilo namɛ, medenji bimenji ba manɛbɛ ma buta ebene a ta. 25Bɛ shɛ ba shapa inɛ ɛtɛ maa njɛ manɛbɛ me tijilo mu tududugono. Hiŋtotongo mu gana na te egwoni ɛturɛre tɛnda a nda; mɛ shɛ manɛbɛ mu tududugono me tijilo. 26Bɛ shɛ bo dudugono mu udulo tu'ulwa, keeni Ikpɛtɛ ɛtɛ Unu-tutwa, 27tu uteburu keeni i'wɛŋni'wɛŋni ubwa kpaaŋ, tu ụsụtụla keeni i'wɛŋni'wɛŋni ubwa kpaaŋ, tu ugbamgbam ata ụ'wụtụ keeni ụkwụka ata waa patanɛ, 28tu utukwu-ụrụpɛ tuhwoŋzhingo, ti i'wɛŋni'wɛŋni ubwa kpaaŋ, keeni ugbamgbam ata, tu ụkwụka ubwa. 29Bɛ shɛ kaa ba nda iŋ tijilo, iwɛ maa i shɛ iyi tijilo me tijilo; iyi elele nɛ timengeni iŋ, asha i shɛ ya tijilo. 30Bɛ shɛ kaa bo dudugono Aron keeni miaụŋ mu bwa me eyi manɛbɛ, maa njɛ aŋ tijilo, iwɛ maa a na ma ndana ugondu tunongbo. 31Bɛ shɛ bo mbiso miaụŋ mi Isrɛl maa, Inɛ gɛ i shɛ manɛbɛ mi mi me tijilo mu tududugono tutu awaŋnɛ hiŋ na te e ci kpaaŋ. 32Mɛ shɛ shɛ o zwono na tu'waba ta atwa tɛgadaga o, ta nda ma kaa du ụsụbwa muba gana ti i'wɛŋni'wɛŋni nɛ zweni na muba o. Mɛ shɛ mu na mi tijilo, mɛ shɛ kaa mu ma hi shana tijilo tilɛɛ. 33Bụtụ be elele na njɛ ụsụbwa muba, kwo kaa dudugeni iyi inyɛ ye elele namɛ swooŋ no onongbo okwo cwɛŋ, ɛ zhɛ a bacɛnga bụtụ ata na atwa ubwa.
I'wɛŋnɛ Iturɛre Tɛnda
34Nazhɛ AGWANGWAMA hiɛŋ Moses, Sugo ijɛ Iturɛre, ibɛ shɛ stakiti, no onicha, keeni galbanum, ibɛ shɛ iyi nɛ 'yajɛ ụhiụŋ ụlatụ keeni frankinsɛns na namɛ rụmbɛɛ, (inɛ inɛ i shɛ ya nangwụ kpaaŋ ibɛ), 35nda iŋ maa i shɛ iyi ụhiụŋ ụlatụ inɛɛ nɛ ɛɛ zhɛ o hwoŋzhingo iwɛ maa njɛ iŋ gana na egwoni anjɛ iturɛre a nda, zhizhongo iŋ manɛ, maa i nama rụmbɛɛ, maa i shɛ du tijilo. 36Bɛ shɛ ba muna iŋ dice ma neci iŋ lee lee maa mụnɛ iŋ peteni nu umbe Ikpɛtɛ Unu-tutwa nɛ namɛ na amɛ udulo tu'ulwa, no ofwo ata Ngɛɛ zhɛ mu na twa na bụ. Ga i hiɛ shanɛ iyi tijilo me tijilo. 37Ta mama ndana ma kaa ụsụbwa iturɛre ɛtɛ o, iyi tijilo yaa shɛ pi hiŋ, N shileni iŋ ma swooŋ. 38Bụtụ be elele na njɛ ụsụbwa ibɛ, baa hwụjɛ kaa ụhiụŋ mu ụlatụ ibɛ, ɛ zhɛ a bacɛnga bụtụ ata na atwa ubwa.#Ụban 37:29
Iliyochaguliwa sasa
ỤBANỤ 30: RBT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008
ỤBANỤ 30
30
Utukwu-ụrụpɛ Iturɛre Tuhwoŋzhingo
(Ụban 37:25-28)
1Bɛ shɛ ba nda utukwu-ụrụpɛ nụ ụ'wụ'wụ we ekeshia iwɛ maa no hwoŋzhingo iturɛre nu bwa; 2Ga ụnjɛswa ubwa ụ shɛ ombolo u'ala oko; go uholo ubwa ụ shɛ ombolo u'ala oko; go ogongo ubwa eneshi nangwụ; go uzoto ubwa ụ shɛ imbele i'ɛlɛ iyebi, ga mahiuaŋ mu bwa mɛ shɛ iyi ike nu bwa. 3Bɛ shɛ kaa ba swana uŋ azhɛnarɛya tụrụmbɛɛ ti ihiŋhiŋ ubwa, ti i'ɛŋbi ubwa tutu rungwutwonu, keeni mahiuaŋ mu bwa. Bɛ shɛ bo dubo azhɛnarɛya lepe lepe iwɛ maa peteni ni izhɛmi ubwa tutu rungwutwonu. 4Ndana uŋ tɛkanɛ ti yebi tuta ta azhɛnarɛya ata tilepe lepe ebi ge sweni, cimbongono tu ni izhɛmi ubwa zalụ hweehwe; apata zhɛ a sha ofwo na ɛɛ zhɛ o hwuŋtongono imbele iwɛ maa a na 'waŋna uŋ. 5Ga shɛ nụ ụ'wụ'wụ we ekeshia abɛ njɛ imbele ɛtɛ maa sweni iŋ azhɛnarɛya. 6Sho utukwu ata ụrụpɛ no tupohondo to tugwuno ta ata tu swacɛ nu umbe Ikpɛtɛ ɛtɛ Unu-tutwa, apata i shɛ ofwo na Ngɛɛ zhɛ mu na twa na bụ. 7Ga Aron shɛ bu no hwoŋzhingo iyi ụhiụŋ ụlatụ ni ihiŋhiŋ ubwa; nu uvwungwa elele, na aka na tu baa zhajɛ maa nangangana asụtụla. 8Aka na ti ga Aron zweni asụtụla ata ulwa nụ ụrụmɛ, nazhɛ bɛɛ zhɛ bo hwoŋzhingo iŋ ni ihiŋhiŋ ubwa maa i shɛ iyi ụhiụŋ ụlatụ nɛ yo hwoŋno nu umbe mu oruru na awaŋnɛ hiŋ na te e ci kpaaŋ. 9Ta patana ma iyi ụhiụŋ nɛ zasa tijilo ni ihiŋhiŋ utukwu ata o, ta patana ma du kaa ụrụpɛ tuhwoŋzhingo, kwo kaa ụrụpɛ mihiuŋ ni ihiŋhiŋ ubwa o. To zwono ma kaa du ụrụpɛ tuswa ni ihiŋhiŋ ubwa o. 10Ga Aron kaa shɛ ba nda iyi iwɛwɛ tu'urugono ni ihiŋhiŋ mahiuaŋ mu bwa karu ko nu uywa. Ne mehieŋ mụ ụrụpɛ ata iwɛwɛ tu'urugono bɛɛ zhɛ ba nda iŋ karu ko, na amɛ uywa we elele tutu awaŋnɛ hiŋ na te e ci kpaaŋ, i n shanɛ iyi tijilo me tijilo.
Ukwuribi Tụtụpa iwɛ Ugondu Iwɛwɛ Tu'urugono
11Nazhɛ AGWANGWAMA hiɛŋ Moses, 12Aka na aba rɛta miaụŋ mi Isrɛl, ga bụtụ be elele n cɛpɛ iyi nɛ maa gwubo uhiuhiu ubwa, iwɛ maa kede iyi tishikpe ye elele vwuteni aŋ na aka na aba rɛta aŋ o. 13Bụtụ bụtụ shɛ ba tụpa ulumo ukwuribi na aa mụnɛ bụ ne bimenji bu ulumo wo ohwolu tijilo. Bụtụ bụtụ shɛ ba tụpa uŋ tilɛɛ maa ụ shɛ upwaŋ na ee m peni.#Ụban 38:25,26; Mat 17:24 14Bụtụ be elele na tizhɛla tu bwa tu ulwa shiywa woshi kwo kaa shee hwuri na amɛ atwa na aa rɛcɛ, bɛ shɛ bu ma m pana upwaŋ ubwa nu ulumo ata. 15Kede bɛzhɛgba peni te hwuleji o, kede kaa du bukofwo peni ta 'nyanɛ na aka na ta a ma m pana nu ulumo ata iwɛ maa a njɛ iyi iwɛwɛ tu'urugono iwɛ ohiuhiu hiŋ o. 16Bɛ shɛ ba lashɛga ukwuribi iwɛwɛ tu'urugono ni i'ɛlɛ miaụŋ mi Isrɛl, iwɛ maa shiri ukwuribi ata iwɛ ugondu udulo tu'ulwa; iwɛ maa e ne teyinje miaụŋ mi Isrɛl nu umbe mu. I shɛ iyi tu'urugono ti iwɛwɛ iwɛ ohiuhiu hiŋ.
Ugbamgbam Ụ'wụtụ Utumburɛ
(Ụban 38:8)
17Nazhɛ AGWANGWAMA hiɛŋ Moses.
18Bɛ shɛ ba nda ugbamgbam ụ'wụtụ nu utumburɛ keeni ụkwụka utumburɛ maa u na patana, iwɛ tumama nyashɛnga. Bɛ shɛ bo sho uŋ na ashashɛ udulo tu'ulwa nu utukwu-ụrụpɛ, maa zweni meni nu bwa.#Ụban 38:8 19Ga ga Aron na miaụŋ mu bwa a na nyashɛnga i'ɛlɛ keeni shivwɛvwɛjɛ sha aba apata. 20Aka na tɛ ɛ zhɛ o tono nu udulo tu'ulwa, keeni aka na tɛ ɛ zhɛ o dongonu utukwu-ụrụpɛ, iwɛ maa a n ndanɛ ugondu ụrụpɛ nu ulwa. A shɛ a mama nyashɛnga ne meni, shibwonu ɛ zhɛ o 'wo. 21Gabata aa nyashɛnga ga i'ɛlɛ keeni shivwɛvwɛjɛ sha aba iwɛ maa kede e 'wi o. I shɛ ya sha okpogo unyizo-nom no ofwo aba, ibɛ shɛ ubwa na ajalalo ubwa tutu awaŋnɛ aba kpaaŋ.
Manɛbɛ mu Tududugono
(Ụban 37:29)
22Nazhɛ AGWANGWAMA hiaŋnanɛ Moses, #Ụban 37:29 23Sugo iyi nɛ 'yagajɛ ụhiụŋ ụlatụ ubiye, gɛ inɛ iturɛre muru nɛ shɛ meni, i shɛ bimenji ba agaruwa umpwa-na-ba-eyebi, gɛ inɛ sinamon nɛ 'yajɛ ụhiụŋ ụlatụ, i shɛ agaruwa ecihiŋ, gɛ inɛ kalamus nɛ 'yajɛ ụhiụŋ ụlatụ i shɛ agaruwa ecihiŋ, 24gɛ inɛ ekeshia i shɛ bimenji ba agaruwa umpwa-na-ba-eyebi, bimenji bi ibɛ bɛ shɛ ba sha gana na te bimenji bo ohwolu tijilo namɛ, medenji bimenji ba manɛbɛ ma buta ebene a ta. 25Bɛ shɛ ba shapa inɛ ɛtɛ maa njɛ manɛbɛ me tijilo mu tududugono. Hiŋtotongo mu gana na te egwoni ɛturɛre tɛnda a nda; mɛ shɛ manɛbɛ mu tududugono me tijilo. 26Bɛ shɛ bo dudugono mu udulo tu'ulwa, keeni Ikpɛtɛ ɛtɛ Unu-tutwa, 27tu uteburu keeni i'wɛŋni'wɛŋni ubwa kpaaŋ, tu ụsụtụla keeni i'wɛŋni'wɛŋni ubwa kpaaŋ, tu ugbamgbam ata ụ'wụtụ keeni ụkwụka ata waa patanɛ, 28tu utukwu-ụrụpɛ tuhwoŋzhingo, ti i'wɛŋni'wɛŋni ubwa kpaaŋ, keeni ugbamgbam ata, tu ụkwụka ubwa. 29Bɛ shɛ kaa ba nda iŋ tijilo, iwɛ maa i shɛ iyi tijilo me tijilo; iyi elele nɛ timengeni iŋ, asha i shɛ ya tijilo. 30Bɛ shɛ kaa bo dudugono Aron keeni miaụŋ mu bwa me eyi manɛbɛ, maa njɛ aŋ tijilo, iwɛ maa a na ma ndana ugondu tunongbo. 31Bɛ shɛ bo mbiso miaụŋ mi Isrɛl maa, Inɛ gɛ i shɛ manɛbɛ mi mi me tijilo mu tududugono tutu awaŋnɛ hiŋ na te e ci kpaaŋ. 32Mɛ shɛ shɛ o zwono na tu'waba ta atwa tɛgadaga o, ta nda ma kaa du ụsụbwa muba gana ti i'wɛŋni'wɛŋni nɛ zweni na muba o. Mɛ shɛ mu na mi tijilo, mɛ shɛ kaa mu ma hi shana tijilo tilɛɛ. 33Bụtụ be elele na njɛ ụsụbwa muba, kwo kaa dudugeni iyi inyɛ ye elele namɛ swooŋ no onongbo okwo cwɛŋ, ɛ zhɛ a bacɛnga bụtụ ata na atwa ubwa.
I'wɛŋnɛ Iturɛre Tɛnda
34Nazhɛ AGWANGWAMA hiɛŋ Moses, Sugo ijɛ Iturɛre, ibɛ shɛ stakiti, no onicha, keeni galbanum, ibɛ shɛ iyi nɛ 'yajɛ ụhiụŋ ụlatụ keeni frankinsɛns na namɛ rụmbɛɛ, (inɛ inɛ i shɛ ya nangwụ kpaaŋ ibɛ), 35nda iŋ maa i shɛ iyi ụhiụŋ ụlatụ inɛɛ nɛ ɛɛ zhɛ o hwoŋzhingo iwɛ maa njɛ iŋ gana na egwoni anjɛ iturɛre a nda, zhizhongo iŋ manɛ, maa i nama rụmbɛɛ, maa i shɛ du tijilo. 36Bɛ shɛ ba muna iŋ dice ma neci iŋ lee lee maa mụnɛ iŋ peteni nu umbe Ikpɛtɛ Unu-tutwa nɛ namɛ na amɛ udulo tu'ulwa, no ofwo ata Ngɛɛ zhɛ mu na twa na bụ. Ga i hiɛ shanɛ iyi tijilo me tijilo. 37Ta mama ndana ma kaa ụsụbwa iturɛre ɛtɛ o, iyi tijilo yaa shɛ pi hiŋ, N shileni iŋ ma swooŋ. 38Bụtụ be elele na njɛ ụsụbwa ibɛ, baa hwụjɛ kaa ụhiụŋ mu ụlatụ ibɛ, ɛ zhɛ a bacɛnga bụtụ ata na atwa ubwa.#Ụban 37:29
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Rubassa Bible © Bible Society of Nigeria, 2008