Luk 20
20
Eyem Adidiọọñọ nte Yisọs Adat Adudu
1Usen keed, naña Yisọs akesʌkkọ akpeep mme awo ñkpọ anyʌñ akwọrọ eti etob ke mme akwere tembịd, mme ñkpoon aku, mme andikpeeb mbed ye mme ñkpisọñ emaedi edisoobo ye anye. 2Ammọ emaebịp anye ete, “Tañ inọ ñnyịn me nsoo utọ adudu ke afo akama anañña mme afịd ñkpọ ami. Anie ikunọọ fiin adudu ami?”
3Anye amaabọọrọ ammọ ate, “Ami ñko ñyaibịp ndufo mbịme keed. Indọkkọ miin: 4Uduọkmmọọñ Yọọn, aketo hefịn, me aketo awo?”
5Ammọ emaedọñọ adu ke idem ammọ ete, “Ñnyịn ikpibo ke aketo hefịn, anye ayaibịp, ‘Ntak a-ndufo imiikinịmme anye ke akpanikọ-ọ?’ 6Ado ñnyịn ikpibo, ‘Aketo awo,’ afịd awo eyaitọọñ ñnyịn ke itiad sia ammọ ekenịm ke Yọọn ado prọfed.”
7Ado anam ammọ emaebọọrọ ete, “Ñnyịn idiọọñọke nte aketo.”
8Yisọs amaanyʌñ abọọrọ ammọ, “Ami ndiinyʌññọ ntañ inọ ndufo nte ami ndat adudu nnañña mme ñkpọ ami.”
Ñke mme Akpemeinwañ
9Anye amaakaa iso atop ñke ami anọ ammọ ate, “Ete keed amaatọ inwañ fain, ayaak anọ mme akpemeinwañ ate ekpeme, ndin adakka akaa isañ a-anye imiikisọppọ inyọñ idi. 10Ini idọk fain akedikem anye amaadọñ ayịnufọk ate akebọ ubaak mfịd ke inwañ fain isọk. Ado mme akpemeinwañ emaetịm anye, ebịn anye anyọñ ubọk-ubọk. 11Anye amaamaana adọñ ayịnufọk mfen, ado ammọ emaemaana etịm anye, esuenne anye, enyʌñ ebịn anye anyọñ ubọk-ubọk. 12Akem anye amaadọñ ayọhọ ayịnufọk ita, ado ammọ emaenọ anye unan, enyʌñ ebịn anye esio.
13 “Ndin anie inwañ fain ado amaabo, ‘Nsoo ke ami ndiinam? Ami ñyaadọñ ayịn mmi awodeen, a-ami mmaaha; akeme ido ammọ eyaekpono anye.’
14 “Ado ke ini mme akpemeinwañ ekekịtte ayịn ami, ammọ emaebiere ete, ‘Adiaakpa amọ ado ami. Yak ñnyịn iwot anye nọ ñnyịn ikappa ido mme adiaakpa.’ 15Ndin ammọ emaemʌm anye etop esio ke inwañ fain enyʌñ eben anye ekewot.
“Nsoo ndin ke anie inwañ fain adiinam ammọ? 16Anye ayaadiwoot mme akpemeinwañ ado anyʌñ ayaak inwañ fain anọ mbon mfen.”
Ke ini mbon awo ekekoppo ñke ami, ammọ emaebo, “Nwaaña nsa-o!”
17Yisọs amaatịñ anyen ase ammọ ndin abịp ammọ ate, “Ndin nsoo ke se ewet ami awuọ:
“ ‘Itiad a-mme abọbufọk ekesịnne
a-akappa ado itiad inuuk’?
18 Awo akeedodo a-adiiduọ ke itiad ami, adiibomo mbai-mbai; ndin awo i-itiad ami adiiduọ ifiik adiinuanuaha.”
19Mme akpeeb mbed ye mme ikpọ aku emaeyem usʌñ naña ekpesaña emʌm anye usọp-usọp, sia ammọ emaediọọñọ ke anye aketop ñke ami ibaña mmimọ. Ado amọ emaebaak atu awo.
Adikpe Taks Nnọọ Sisa
20Ammọ emaenekke edukeene anye enyʌñ edọñ mbon uyeb e-ekenamma nte mmimọ ido nti awo ete ekeyep anye. Ammọ ekedot anyen adimʌm Yisọs ke ikọ inua nọ edat ado esaana anye eyaak enọ mme adaukara. 21Mbon uyeb emaedomo Yisọs, enyʌñ ebịp anye ete, “Andikpeeb, ñnyịn imidiọọñọ ke afo ado atañ akpanikọ anyʌñ akpeep se ido unen, unyʌññọ ubaak awo anyen, ado akpeep usʌñ Abasi ke akpanikọ. 22Anen ñnyịn adikpe taks nnọọ Sisa me inenne?”
23Anye amaada akịt ñkara ammọ ndin amaabo ammọ ate, 24“Ñwọt akʌk ise. Ndise ye anyịñ anie eba ke akʌk ami?”
Ammọ emaebọọrọ, “Ake Sisa.”
25Anye amaabo ammọ, “Iyaak se inie Sisa inọ Sisa, inyʌñ iyaak se inie Abasi inọ Abasi.”
26Ammọ ikikanna imʌm anye ke ikọ inua a-anye aketañña ke iso afịd awo. Idem amaakpa ammọ ke ibọọrọ se Yisọs akenọọ, ndin ammọ ikikanna uyio isio.
Adised ke Ñkpa ye Ndọ
27Ubaak mme Sadusi i-imiinịmme ke adised ke ñkpa aba, emaeben mbuume ebịne Yisọs ete, 28“Andikpeeb, Moses amaawet abo, awodeen akpekpa akpọñ anwaan ibonno nditọ, ayịneka amọ awodeen ana aben ebekpa ado adọ nọ abon nditọ anọ anye. 29Nditọeka ideen itiaba emaeba. Akpa awo amaadọ anwaan, akpa, inieghe ayịn. 30Ayọhọ iba amaaben anwaan ami adọ. Anye ñko amaakpa inieghe ayịn. 31Ayọhọ ita amaaben anwaan ado adọ, tutu asịm ayọhọ itiaba; ado afịd ammọ emaekpañña inieghe nditọ ito awonwaan ami. 32Ke akpatre, awonwaan ado ñko amaakpa. 33Ke adised ke ñkpa, anwaan anie ke mma ami adiido, sia naña ammọ ideen itiaba emaedọ kpa awonwaan keed ami?”
34Yisọs amaabọọrọ ate, “Mme awo ke emana ami edọ ndọ enyʌñ enọ ke ndọ. 35Ado mbon e-edotto adiwana ke uwem ini iso ye adised ke ñkpa idiidọọhọ ndọ inyʌññọ inọ ke ndọ. 36Sia ammọ idiikpaaha aba, ammọ eba nte mme enyere. Ammọ edo nditọ Abasi sia edo nditọ adised ke ñkpa. 37Ado ke mbʌk ake Moses akekịtte naña ikañ asak ke ikọd, Moses ke idem amọ amaawọt ke mme akpañkpa e-eset sia ke mbʌk ami anye akoot Abọọñ ‘Abasi Ebraham ye Abasi Aisik ye Abasi Yekọb.’ 38Abasi idooho Abasi mme akpañkpa, ado Abasi mme aduuwem, sia afịd awo edu uwem ke anye.”
39Ubaak mme andikpeeb mbed emaebọọrọ anye ete, “Ametañ afọn, andikpeeb!” 40Tọọñọ ke usen ado awo ndomokeed ikikanna ibịp anye mbịme aba.
Krais Ado Ayịn Anie?
41Ndin Yisọs amaabo ammọ ate, “Esaña die ebo ke Krais ado ayịn Defid? 42Defid ke idem amọ atañ anwa-anwa ke Ñwed Saam:
“ ‘Abọọñ amaabo Abọọñ mmi ate:
“Tie ke ubọk nnasia mmi
43 tutu ami nnam mme asua mfo
edo ifịm udodukod mfo.” ’
44 Defid akoot anye ‘Abọọñ.’ Anye akpenam die ado ayịn Defid?”
Ndʌdutọñ ke Abaña mme Akpeeb Mbed
45Naña atu awo ekesʌkkọ ekpañ utọñ, Yisọs amaabo mme mbed amọ ate, 46“Inekke ikpeme mme andikpeeb mbed. Ammọ ema adisịne ñweem-ñweem afọñidem nsaaña ñkanna ke efaak, enyʌñ eyem mbon awo ekọọm ammọ ke anwa udua ye ukpono, ema mme ñwuọnda itie ke mme sinakọk ye mme itie ukpono ke mme itie usọrọ. 47Ammọ ema adifuuk mme ebekpa mbọi ufọk, enyʌñ ewọt idem ke adibọñ ñnyan akam. Utọ ibon ami eyaebọ akpọsọñ ufen.”
Iliyochaguliwa sasa
Luk 20: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 20
20
Eyem Adidiọọñọ nte Yisọs Adat Adudu
1Usen keed, naña Yisọs akesʌkkọ akpeep mme awo ñkpọ anyʌñ akwọrọ eti etob ke mme akwere tembịd, mme ñkpoon aku, mme andikpeeb mbed ye mme ñkpisọñ emaedi edisoobo ye anye. 2Ammọ emaebịp anye ete, “Tañ inọ ñnyịn me nsoo utọ adudu ke afo akama anañña mme afịd ñkpọ ami. Anie ikunọọ fiin adudu ami?”
3Anye amaabọọrọ ammọ ate, “Ami ñko ñyaibịp ndufo mbịme keed. Indọkkọ miin: 4Uduọkmmọọñ Yọọn, aketo hefịn, me aketo awo?”
5Ammọ emaedọñọ adu ke idem ammọ ete, “Ñnyịn ikpibo ke aketo hefịn, anye ayaibịp, ‘Ntak a-ndufo imiikinịmme anye ke akpanikọ-ọ?’ 6Ado ñnyịn ikpibo, ‘Aketo awo,’ afịd awo eyaitọọñ ñnyịn ke itiad sia ammọ ekenịm ke Yọọn ado prọfed.”
7Ado anam ammọ emaebọọrọ ete, “Ñnyịn idiọọñọke nte aketo.”
8Yisọs amaanyʌñ abọọrọ ammọ, “Ami ndiinyʌññọ ntañ inọ ndufo nte ami ndat adudu nnañña mme ñkpọ ami.”
Ñke mme Akpemeinwañ
9Anye amaakaa iso atop ñke ami anọ ammọ ate, “Ete keed amaatọ inwañ fain, ayaak anọ mme akpemeinwañ ate ekpeme, ndin adakka akaa isañ a-anye imiikisọppọ inyọñ idi. 10Ini idọk fain akedikem anye amaadọñ ayịnufọk ate akebọ ubaak mfịd ke inwañ fain isọk. Ado mme akpemeinwañ emaetịm anye, ebịn anye anyọñ ubọk-ubọk. 11Anye amaamaana adọñ ayịnufọk mfen, ado ammọ emaemaana etịm anye, esuenne anye, enyʌñ ebịn anye anyọñ ubọk-ubọk. 12Akem anye amaadọñ ayọhọ ayịnufọk ita, ado ammọ emaenọ anye unan, enyʌñ ebịn anye esio.
13 “Ndin anie inwañ fain ado amaabo, ‘Nsoo ke ami ndiinam? Ami ñyaadọñ ayịn mmi awodeen, a-ami mmaaha; akeme ido ammọ eyaekpono anye.’
14 “Ado ke ini mme akpemeinwañ ekekịtte ayịn ami, ammọ emaebiere ete, ‘Adiaakpa amọ ado ami. Yak ñnyịn iwot anye nọ ñnyịn ikappa ido mme adiaakpa.’ 15Ndin ammọ emaemʌm anye etop esio ke inwañ fain enyʌñ eben anye ekewot.
“Nsoo ndin ke anie inwañ fain adiinam ammọ? 16Anye ayaadiwoot mme akpemeinwañ ado anyʌñ ayaak inwañ fain anọ mbon mfen.”
Ke ini mbon awo ekekoppo ñke ami, ammọ emaebo, “Nwaaña nsa-o!”
17Yisọs amaatịñ anyen ase ammọ ndin abịp ammọ ate, “Ndin nsoo ke se ewet ami awuọ:
“ ‘Itiad a-mme abọbufọk ekesịnne
a-akappa ado itiad inuuk’?
18 Awo akeedodo a-adiiduọ ke itiad ami, adiibomo mbai-mbai; ndin awo i-itiad ami adiiduọ ifiik adiinuanuaha.”
19Mme akpeeb mbed ye mme ikpọ aku emaeyem usʌñ naña ekpesaña emʌm anye usọp-usọp, sia ammọ emaediọọñọ ke anye aketop ñke ami ibaña mmimọ. Ado amọ emaebaak atu awo.
Adikpe Taks Nnọọ Sisa
20Ammọ emaenekke edukeene anye enyʌñ edọñ mbon uyeb e-ekenamma nte mmimọ ido nti awo ete ekeyep anye. Ammọ ekedot anyen adimʌm Yisọs ke ikọ inua nọ edat ado esaana anye eyaak enọ mme adaukara. 21Mbon uyeb emaedomo Yisọs, enyʌñ ebịp anye ete, “Andikpeeb, ñnyịn imidiọọñọ ke afo ado atañ akpanikọ anyʌñ akpeep se ido unen, unyʌññọ ubaak awo anyen, ado akpeep usʌñ Abasi ke akpanikọ. 22Anen ñnyịn adikpe taks nnọọ Sisa me inenne?”
23Anye amaada akịt ñkara ammọ ndin amaabo ammọ ate, 24“Ñwọt akʌk ise. Ndise ye anyịñ anie eba ke akʌk ami?”
Ammọ emaebọọrọ, “Ake Sisa.”
25Anye amaabo ammọ, “Iyaak se inie Sisa inọ Sisa, inyʌñ iyaak se inie Abasi inọ Abasi.”
26Ammọ ikikanna imʌm anye ke ikọ inua a-anye aketañña ke iso afịd awo. Idem amaakpa ammọ ke ibọọrọ se Yisọs akenọọ, ndin ammọ ikikanna uyio isio.
Adised ke Ñkpa ye Ndọ
27Ubaak mme Sadusi i-imiinịmme ke adised ke ñkpa aba, emaeben mbuume ebịne Yisọs ete, 28“Andikpeeb, Moses amaawet abo, awodeen akpekpa akpọñ anwaan ibonno nditọ, ayịneka amọ awodeen ana aben ebekpa ado adọ nọ abon nditọ anọ anye. 29Nditọeka ideen itiaba emaeba. Akpa awo amaadọ anwaan, akpa, inieghe ayịn. 30Ayọhọ iba amaaben anwaan ami adọ. Anye ñko amaakpa inieghe ayịn. 31Ayọhọ ita amaaben anwaan ado adọ, tutu asịm ayọhọ itiaba; ado afịd ammọ emaekpañña inieghe nditọ ito awonwaan ami. 32Ke akpatre, awonwaan ado ñko amaakpa. 33Ke adised ke ñkpa, anwaan anie ke mma ami adiido, sia naña ammọ ideen itiaba emaedọ kpa awonwaan keed ami?”
34Yisọs amaabọọrọ ate, “Mme awo ke emana ami edọ ndọ enyʌñ enọ ke ndọ. 35Ado mbon e-edotto adiwana ke uwem ini iso ye adised ke ñkpa idiidọọhọ ndọ inyʌññọ inọ ke ndọ. 36Sia ammọ idiikpaaha aba, ammọ eba nte mme enyere. Ammọ edo nditọ Abasi sia edo nditọ adised ke ñkpa. 37Ado ke mbʌk ake Moses akekịtte naña ikañ asak ke ikọd, Moses ke idem amọ amaawọt ke mme akpañkpa e-eset sia ke mbʌk ami anye akoot Abọọñ ‘Abasi Ebraham ye Abasi Aisik ye Abasi Yekọb.’ 38Abasi idooho Abasi mme akpañkpa, ado Abasi mme aduuwem, sia afịd awo edu uwem ke anye.”
39Ubaak mme andikpeeb mbed emaebọọrọ anye ete, “Ametañ afọn, andikpeeb!” 40Tọọñọ ke usen ado awo ndomokeed ikikanna ibịp anye mbịme aba.
Krais Ado Ayịn Anie?
41Ndin Yisọs amaabo ammọ ate, “Esaña die ebo ke Krais ado ayịn Defid? 42Defid ke idem amọ atañ anwa-anwa ke Ñwed Saam:
“ ‘Abọọñ amaabo Abọọñ mmi ate:
“Tie ke ubọk nnasia mmi
43 tutu ami nnam mme asua mfo
edo ifịm udodukod mfo.” ’
44 Defid akoot anye ‘Abọọñ.’ Anye akpenam die ado ayịn Defid?”
Ndʌdutọñ ke Abaña mme Akpeeb Mbed
45Naña atu awo ekesʌkkọ ekpañ utọñ, Yisọs amaabo mme mbed amọ ate, 46“Inekke ikpeme mme andikpeeb mbed. Ammọ ema adisịne ñweem-ñweem afọñidem nsaaña ñkanna ke efaak, enyʌñ eyem mbon awo ekọọm ammọ ke anwa udua ye ukpono, ema mme ñwuọnda itie ke mme sinakọk ye mme itie ukpono ke mme itie usọrọ. 47Ammọ ema adifuuk mme ebekpa mbọi ufọk, enyʌñ ewọt idem ke adibọñ ñnyan akam. Utọ ibon ami eyaebọ akpọsọñ ufen.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.