Luk 19
19
Sakiọs Abọọ Taks
1Usen keed Yisọs amaasaña aboiyo ke Yeriko. 2Ete keed amaaba do a-akekereke Sakiọs. Anye akedo etubom mme abọọ taks anyʌñ ado imọ awo. 3Anye amaayem adidiọọñọ me anie ke Yisọs ado, ado anye ikikanna imọọnọ Yisọs ke ntak atu awo sia anye akedo imək awo. 4Anye amaafeghe akedọọk anyọñ eto sikamọ a-akedaaha ke usʌñ a-Yisọs akeduakka adisaña mboiyo.
5Ke ini Yisọs akekewuọhọ itie ado, anye amaabenne anyen ke anyọñ anyʌñ abo anye ate, “Sakiọs, sọiyọ di idahami. Ana ami mba ke ufọk mfo mfịn ami.” 6Anye amaasọiyọ ini keed anyʌñ adaara Yisọs.
7Afịd awo se ikikịt adinam ami emaetọọñọ adidukuunọ ete, “Anye aka asen ke ufọk anam idiọọkñkpọ.”
8Ado Sakiọs amaadakka ada abo Abọọñ ate, “Sese, Abọọñ! Idaha-idahami ami mmekpọñ inie mmi mbakka keed ke itie iba nnọ mme uweene, ndin akpedo mmaatʌk awo ndomokeed, ñyaakpe anye itie inaañ se ñkebọọ.”
9Yisọs amaabo anye, “Mfịn ami adinyaaña asịm ufọk ami, sia ete ami ñko ado ayịn Ebraham. 10Sia Ayịn Awo akedi adiyem ñnyʌñ ñnyaaña mbon se isop.”
Ñke Akʌk Duob
11Ke ini ammọ ekesʌkkọ ekpañ utọñ ekop se Yisọs aketañ, anye amaatop ñke mfen anọ ammọ sia anye amaakpere Yeruselem, ñko mme awo ekekere ke abioubọọñ Abasi ayaadisịm kpa idahado. 12Anye amaabo, “Awuọiso ete keed amaakaa isañ ke anyan idịd nọ ekenam anye adidem, ndin anyọñ adi ke ndutʌm ado amaakweeñe. 13Anye amaakoot nditọufọk amọ duob anyʌñ anọ ekpad akʌk mina duob.#19:13 mina akedo ñkpọ nte akʌk utom afiọñ ita. Ndin amaabo ammọ, ‘Ikama akʌk ami inyam udua tutu ami ñnyọñ ndi.’
14 “Ado nditọufọk amọ ikimaaha anye, ndin emaedọñ utom enọ anye ete, ‘Ñnyịn iyemme ete ami ado adidem ñnyịn.’
15 “Kpayeado, ekesʌk enanam anye adidem, anye amaanyʌñ anyọñ adi. Ndin anye amaadọñ ekoot nditọufọk amọ a-anye akenọọhọ akʌk nọ ato do anye adiọọñọ se udod ammọ ekenam.
16 “Akpa awo amaadibo, ‘Ete, ekpad akʌk duob adoro ke akʌk a-afo akennọọhọ.’
17 “Ete ami amaabo anye, ‘Amenam eti-eti, eti ayịnufọk mmi. Sia afo amenam akpanikọ ke etək ñkpọ, dat ukara ke abio duob.’
18 “Ayọhọ awo iba amaawuọ adibo, ‘Ete, ekpad ition adoro ke akʌk a-akennọọhọ.’
19 “Eteufọk amọ amaabọọrọ anye ate, ‘Afọn, afo kaara abio ition.’
20 “Ayịnufọk mfen amaawuọ adibo, ‘Ete, se akʌk mfo mi, mmaabọp akʌk ado ke afọñ ñkenịm. 21Ami ñkubaabaak fiin, sia afo ado akpọsọñ awo. Afo ado awo a-adatta ke itie umuukunịmme, anyʌñ adọk ke itie afo umuukutọọhọ.’
22 “Eteufọk amọ amaabọọrọ anye ate, ‘Ami ñyaabiide ikpe mfo ñkeene ikọ inua mfo, afo ibak ayịnufọk! Ado nte afo ukudiọọñọke ke ami ndo akpọsọñ awo, ke ndo awo a-ndatta ke itie a-mmeñkenịmme ñnyʌñ ndọk ke itie a-mmeñketọọhọ? 23Nsoo ndin ikido ntak a-afo umuukubenne akʌk mmi ukunịm ke itie unịm akʌk, nọ ato do ami mmaakpeto ndi, ñkpedibọ akʌk mmi ye udod?’
24 “Eteufọk amọ amaabo mbon e-ekedaaha do ate, ‘Ibọ anye akʌk amọ idian inọ awo a-anieghe ekpad akʌk duob.’
25 “Ammọ emaebo anye, ‘Ete, anye anenie ekpad duob.’
26 “Anye amaabọọrọ ammọ ate, ‘Ami ibo ndufo ke afịd awo a-anieghe, eyaedian uwak enọ anye, ado awo i-imiinieghe ndomokeed, eyaebọ anye kpa etək se anye anie. 27Amaado mme asua mmi i-imiikiyemme ami ndo adidem ammọ, koono ammọ di nyʌñ woot ammọ mi ke iso mmi.’ ”
Yisọs Adʌk Yeruselem nte Adidem
28Ke Yisọs amaaketañ ikọ ami ama, anye amaasak iso akaa Yeruselem. 29Naña anye akekpereke Betfas ye Betani ke Abod Ọlif, anye amaadọñ mbed amọ iba ate, 30“Ikaa ke idʌñ a-adaaha ke iso ndufo ko, ndufo imaidʌk, eyaekịt abaak enañmbakara naña ayịre, a-adooho kpaanam awo ndomokeed idoroke ke anyọñ amọ. Itat anye iben idi. 31Awo akpibịp abo, ‘Nsoo ido nọ etat anye?’ ibọọrọ anye ibo, ‘Abọọñ ayem.’ ”
32Mme mbed e-ekedọññọ emaenyʌñ ekekịt kpa naña Yisọs akebo. 33Ke ini ammọ ekesʌkkọ etat ñyịn enañmbakara ado, mme andinie emaebịp ammọ ete, “Nsoo ido nọ ndufo etat ñyịn enañmbakara ado?”
34Ammọ emaebọọrọ, “Abọọñ ayem anye.”
35Ammọ emaeben ñyịn enañmbakara ado esọk Yisọs, etop afọñ ammọ efʌk, enyʌñ edịppe Yisọs edot ke anyọñ amọ. 36Ke ini anye akewatta aka ke usʌñ, mme awo emaetat afọñ anyọñidem ammọ ebịt ke usʌñ nọ anye asaña aboiyo.
37Anye akedikpere uwakka usʌñ a-akaaha Abod Ọlif, afịd mme mbed ke inemesịd, emaetọọñọ aditooro Abasi ke akpọsọñ uyio ke afịd utịppeñkpọ se ammọ ekekịt, ete:
38“Afọfọn anọ adidem a-adiighe ke anyịñ Abọọñ!”
“Emem aba ke hefịn, ubọọñ anyʌñ aba ke ataa anyọñ!”
39Usʌk mme Farisi ke atu awo ado emaebo Yisọs ete, “Andikpeeb, sua nọ mme mbed mfo!”
40Anye amaabọọrọ ammọ ate, “Ami ibo ndufo nte, ammọ ekpedop uyio, mme itiad eyaesio uyio.”
41Ke anye amaakekpere Yeruselem, akịt abio ado, anye amaatua abaña anye, 42ate, “Ubaha nte afo, kpa afo, akpekediọọñọke ke usen mfịn ami se idiidat emem usọk fiin, ado idahami ado ndedịbe ñkpọ ke anyen mfo. 43Ini ayaadi a-mme asua ndufo ediibọp ndibene ikanna ndufo ikʌk enyʌñ ifiọk ndufo ke afịd ñkañ. 44Ammọ eyaitọ ndufo esuan ke isọñ, ikanna ndufo ye nditọ ndufo ekʌk ke esịd akwere ndufo. Ammọ idiiyakka itiad adoro ke itiad, sia ndufo ikidiọọñọke ini a-Abasi akediighe adise ndufo.”
Yisọs ke Tembịd
45Ke Yisọs amaakedʌk akwere tembịd, anye amaatọọñọ adibịn mbon e-ekenyamma ñkpọ do nsio. 46Anye amaabo ammọ, “E-ewewet ebo, ‘Ufọk mmi adiido ufọk ubọñ akam’; ado ndufo emeben anye enịm ‘afe mbon inọ.’ ”
47Anye amaakpeep ñkpọ afịd usen ke tembịd. Ado mme ikpọ aku, mme akpeeb mbed ye mme adaaha emaeyem usʌñ adiwot anye. 48Ado ammọ ikikịtte usʌñ naña ediisaña inam ami, sia afịd awo ekeyiire ke ikọ amọ.
Iliyochaguliwa sasa
Luk 19: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 19
19
Sakiọs Abọọ Taks
1Usen keed Yisọs amaasaña aboiyo ke Yeriko. 2Ete keed amaaba do a-akekereke Sakiọs. Anye akedo etubom mme abọọ taks anyʌñ ado imọ awo. 3Anye amaayem adidiọọñọ me anie ke Yisọs ado, ado anye ikikanna imọọnọ Yisọs ke ntak atu awo sia anye akedo imək awo. 4Anye amaafeghe akedọọk anyọñ eto sikamọ a-akedaaha ke usʌñ a-Yisọs akeduakka adisaña mboiyo.
5Ke ini Yisọs akekewuọhọ itie ado, anye amaabenne anyen ke anyọñ anyʌñ abo anye ate, “Sakiọs, sọiyọ di idahami. Ana ami mba ke ufọk mfo mfịn ami.” 6Anye amaasọiyọ ini keed anyʌñ adaara Yisọs.
7Afịd awo se ikikịt adinam ami emaetọọñọ adidukuunọ ete, “Anye aka asen ke ufọk anam idiọọkñkpọ.”
8Ado Sakiọs amaadakka ada abo Abọọñ ate, “Sese, Abọọñ! Idaha-idahami ami mmekpọñ inie mmi mbakka keed ke itie iba nnọ mme uweene, ndin akpedo mmaatʌk awo ndomokeed, ñyaakpe anye itie inaañ se ñkebọọ.”
9Yisọs amaabo anye, “Mfịn ami adinyaaña asịm ufọk ami, sia ete ami ñko ado ayịn Ebraham. 10Sia Ayịn Awo akedi adiyem ñnyʌñ ñnyaaña mbon se isop.”
Ñke Akʌk Duob
11Ke ini ammọ ekesʌkkọ ekpañ utọñ ekop se Yisọs aketañ, anye amaatop ñke mfen anọ ammọ sia anye amaakpere Yeruselem, ñko mme awo ekekere ke abioubọọñ Abasi ayaadisịm kpa idahado. 12Anye amaabo, “Awuọiso ete keed amaakaa isañ ke anyan idịd nọ ekenam anye adidem, ndin anyọñ adi ke ndutʌm ado amaakweeñe. 13Anye amaakoot nditọufọk amọ duob anyʌñ anọ ekpad akʌk mina duob.#19:13 mina akedo ñkpọ nte akʌk utom afiọñ ita. Ndin amaabo ammọ, ‘Ikama akʌk ami inyam udua tutu ami ñnyọñ ndi.’
14 “Ado nditọufọk amọ ikimaaha anye, ndin emaedọñ utom enọ anye ete, ‘Ñnyịn iyemme ete ami ado adidem ñnyịn.’
15 “Kpayeado, ekesʌk enanam anye adidem, anye amaanyʌñ anyọñ adi. Ndin anye amaadọñ ekoot nditọufọk amọ a-anye akenọọhọ akʌk nọ ato do anye adiọọñọ se udod ammọ ekenam.
16 “Akpa awo amaadibo, ‘Ete, ekpad akʌk duob adoro ke akʌk a-afo akennọọhọ.’
17 “Ete ami amaabo anye, ‘Amenam eti-eti, eti ayịnufọk mmi. Sia afo amenam akpanikọ ke etək ñkpọ, dat ukara ke abio duob.’
18 “Ayọhọ awo iba amaawuọ adibo, ‘Ete, ekpad ition adoro ke akʌk a-akennọọhọ.’
19 “Eteufọk amọ amaabọọrọ anye ate, ‘Afọn, afo kaara abio ition.’
20 “Ayịnufọk mfen amaawuọ adibo, ‘Ete, se akʌk mfo mi, mmaabọp akʌk ado ke afọñ ñkenịm. 21Ami ñkubaabaak fiin, sia afo ado akpọsọñ awo. Afo ado awo a-adatta ke itie umuukunịmme, anyʌñ adọk ke itie afo umuukutọọhọ.’
22 “Eteufọk amọ amaabọọrọ anye ate, ‘Ami ñyaabiide ikpe mfo ñkeene ikọ inua mfo, afo ibak ayịnufọk! Ado nte afo ukudiọọñọke ke ami ndo akpọsọñ awo, ke ndo awo a-ndatta ke itie a-mmeñkenịmme ñnyʌñ ndọk ke itie a-mmeñketọọhọ? 23Nsoo ndin ikido ntak a-afo umuukubenne akʌk mmi ukunịm ke itie unịm akʌk, nọ ato do ami mmaakpeto ndi, ñkpedibọ akʌk mmi ye udod?’
24 “Eteufọk amọ amaabo mbon e-ekedaaha do ate, ‘Ibọ anye akʌk amọ idian inọ awo a-anieghe ekpad akʌk duob.’
25 “Ammọ emaebo anye, ‘Ete, anye anenie ekpad duob.’
26 “Anye amaabọọrọ ammọ ate, ‘Ami ibo ndufo ke afịd awo a-anieghe, eyaedian uwak enọ anye, ado awo i-imiinieghe ndomokeed, eyaebọ anye kpa etək se anye anie. 27Amaado mme asua mmi i-imiikiyemme ami ndo adidem ammọ, koono ammọ di nyʌñ woot ammọ mi ke iso mmi.’ ”
Yisọs Adʌk Yeruselem nte Adidem
28Ke Yisọs amaaketañ ikọ ami ama, anye amaasak iso akaa Yeruselem. 29Naña anye akekpereke Betfas ye Betani ke Abod Ọlif, anye amaadọñ mbed amọ iba ate, 30“Ikaa ke idʌñ a-adaaha ke iso ndufo ko, ndufo imaidʌk, eyaekịt abaak enañmbakara naña ayịre, a-adooho kpaanam awo ndomokeed idoroke ke anyọñ amọ. Itat anye iben idi. 31Awo akpibịp abo, ‘Nsoo ido nọ etat anye?’ ibọọrọ anye ibo, ‘Abọọñ ayem.’ ”
32Mme mbed e-ekedọññọ emaenyʌñ ekekịt kpa naña Yisọs akebo. 33Ke ini ammọ ekesʌkkọ etat ñyịn enañmbakara ado, mme andinie emaebịp ammọ ete, “Nsoo ido nọ ndufo etat ñyịn enañmbakara ado?”
34Ammọ emaebọọrọ, “Abọọñ ayem anye.”
35Ammọ emaeben ñyịn enañmbakara ado esọk Yisọs, etop afọñ ammọ efʌk, enyʌñ edịppe Yisọs edot ke anyọñ amọ. 36Ke ini anye akewatta aka ke usʌñ, mme awo emaetat afọñ anyọñidem ammọ ebịt ke usʌñ nọ anye asaña aboiyo.
37Anye akedikpere uwakka usʌñ a-akaaha Abod Ọlif, afịd mme mbed ke inemesịd, emaetọọñọ aditooro Abasi ke akpọsọñ uyio ke afịd utịppeñkpọ se ammọ ekekịt, ete:
38“Afọfọn anọ adidem a-adiighe ke anyịñ Abọọñ!”
“Emem aba ke hefịn, ubọọñ anyʌñ aba ke ataa anyọñ!”
39Usʌk mme Farisi ke atu awo ado emaebo Yisọs ete, “Andikpeeb, sua nọ mme mbed mfo!”
40Anye amaabọọrọ ammọ ate, “Ami ibo ndufo nte, ammọ ekpedop uyio, mme itiad eyaesio uyio.”
41Ke anye amaakekpere Yeruselem, akịt abio ado, anye amaatua abaña anye, 42ate, “Ubaha nte afo, kpa afo, akpekediọọñọke ke usen mfịn ami se idiidat emem usọk fiin, ado idahami ado ndedịbe ñkpọ ke anyen mfo. 43Ini ayaadi a-mme asua ndufo ediibọp ndibene ikanna ndufo ikʌk enyʌñ ifiọk ndufo ke afịd ñkañ. 44Ammọ eyaitọ ndufo esuan ke isọñ, ikanna ndufo ye nditọ ndufo ekʌk ke esịd akwere ndufo. Ammọ idiiyakka itiad adoro ke itiad, sia ndufo ikidiọọñọke ini a-Abasi akediighe adise ndufo.”
Yisọs ke Tembịd
45Ke Yisọs amaakedʌk akwere tembịd, anye amaatọọñọ adibịn mbon e-ekenyamma ñkpọ do nsio. 46Anye amaabo ammọ, “E-ewewet ebo, ‘Ufọk mmi adiido ufọk ubọñ akam’; ado ndufo emeben anye enịm ‘afe mbon inọ.’ ”
47Anye amaakpeep ñkpọ afịd usen ke tembịd. Ado mme ikpọ aku, mme akpeeb mbed ye mme adaaha emaeyem usʌñ adiwot anye. 48Ado ammọ ikikịtte usʌñ naña ediisaña inam ami, sia afịd awo ekeyiire ke ikọ amọ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.