Luk 21
21
Enọ e-Ebekpa Anọọhọ
1Yisọs akedịppe anyen ke anyọñ, anye amaakịt naña mme imọ awo esịn mme enọ ammọ ke akebe usịn enọ ke tembịd. 2Anye amaanyʌñ akịt uweene ebekpa keed naña asịn kọbọ iba. 3Anye amaabo, “Ke akpanikọ ke ibo ndufo, enọ ake ebekpa ami akan afịd ake mbon ñko. 4Afịd ibon ami ekenọ ekeene naña ammọ enie ñkpọ etre; ado anye ke uweene amọ, anọ afịd se anye akenie adidat ndu uwem.”
Uwuud Tembịd ye mme Idiọọñọ Utịd Ayio
5Usʌk mme mbed emaeneme ebaña naña ekebana tembịd ke Yeruselem nọ ayaiya; emaenyʌñ etañ ebaña mme nsọñudua enọ e-ekebonno do enọ Abasi. Ado Yisọs amaabo ammọ ate, 6“Ke afịd se ndufo ekịt ami, ayaaba ini i-itiad keed imiidiidoroke ke itiad, eyaenʌk afịd ado eduọọk ke isọñ.”
7Ammọ emaebịp anye ate, “Andikpeeb, idahake ke mme ñkpọ ami ediitịppe? Nsoo idiido idiọọñọ ke mme ñkpọ ami eyaetịppe?”
8Anye amaabọọrọ, “Inekke ikpeme mbaak edibiaña ndufo. Sia mme awo eyaedi ke anyịñ mmi, ete, ‘Ami ndo anye’ edian do ebo ‘Ini akpere.’ Ikiikeene ammọ. 9Ndufo imaikop ekọñ ye ntịme, ikiikop ndịk. Ana mme ñkpọ ami ebemiso etịppe, ado utịd idiidiighe diin.”
10Anye amaadian abo ammọ, “Idịd ayaanwana ye idịd; abioubọọñ ayaanwana ye abioubọọñ. 11Ikpọ unyeñisọñ, akañ ye nsio-nsio udọñọ ke nsio-nsio itie, mme anie ndịk ñkpọntịppe ye ikpọ idiọọñọ e-etooho hefịn eyaebañña.
12 “Ado mbemiso afịd ami atịppe, ammọ eyaimuum ndufo enyʌñ etʌkkọ ndufo. Eyaeyaak ndufo enọ ke mme sinakọk, enyʌñ esịn ndufo ke ñkpakọb, ndin eyaenyʌñ eben ndufo ekaa iso mme ndidem ye mme adaukara ke ntak anyịñ mmi. 13Ndin ami ayaanam ndufo edọdiọñ edo mme ntiense mmi enọ ammọ. 14Ado ibiere ke esịd ndufo ke idiinieghe iduọesịd ibaña se ediitañ ifakka idem. 15Sia ami ñyaitemme ndufo ikọ ñnyʌñ inọ aniọñ ake mme asua ndufo mmiidiikanna ifaaña. 16Mme ete, eka, nditọeka, ufan, aduuk ye imaan eyaetap ndufo, ndin ammọ eyaewot usʌk ndufo. 17Afịd awo eyaisua ndufo ke ntak mmi. 18Ado ided iwuod ndufo ndomokeed idiitakka. 19Isọọñọ ida, ndin ndufo eyaekan ke uwem.
20 “Imaikịt naña udịmekọñ ekanna Yeruselem ekʌk, ndufo eyaediọọñọ ke ini nsobo amọ akpere. 21Ndin yak mbon se iba ke Yudia efeeñe ekaiya mme ñkpoon abod, mbon se iba ke abio ewuọñọ, ndin mbon se iba ke esịd idʌñ ke etịmme ekaa esịd abio. 22Sia ini ufen ado ami ma afịd se ekewet adisu. 23Ado, mbọm ibaan e-esañake ye idịb ye ibaan e-esʌkkọ enọnọ mme nsekayịn eba ke utọ mme usen ado! Akpọsọñ ukuud ayaaba ke isọñ abio ye iyadesịd ñko ke abaña mme ibon ami. 24Ammọ eyaekpañña ke eduad ndin eyaenyʌñ ekoono ammọ nte mbon ñkpakọb ekaa nsio-nsio idịd. Mme Gentile eyaesọnnọ Yeruselem tutu ini mme Gentile anyʌñ aboiyo afep.
25 “Mme idiọọñọ eyaeba ke utịn, afiọñ ye ntantaafiọñ. Ke ederimbod, mme idịd eyaekịt ukuud enyʌñ ekop ñkpaidem ebaña mme ayobio ye ufuud ke akpainyañ. 26Mme awo eyaesʌkkọ ato ke mme anie ndịk ñkpọ, eduọ esịd ebaña se idiitịppe ke ederimbod, sia mme adudu ke mme hefịn eyaenyeeñe. 27Ke ini ado ammọ eyaekịt Ayịn Awo naña adi ke ntọñanyọñ ye adudu ye akwa ubọọñ. 28Ke ini mme ñkpọ ami emaetọọñọ aditịppe, idaaña ida, idịppe iwuod ndufo ke anyọñ sia adinyaaña ndufo akpere.”
29Anye amaatop ñke ami anọ ammọ: “Se eto fik ye afịd mme eto mfen. 30Mfañ ammọ emaetọọñọ iseghe emediọọñọ ke ini ndaayio akpere. 31Kpayeado ndufo emaekịt afịd mme ñkpọ ami naña atịppe, ndufo ediọọñọ ke abioubọọñ Abasi akpere.
32 “Ntañ akpanikọ inọ ndufo, emana ami idiiboiyoke ifep mbemiso mme ñkpọ ami etịppe. 33Anyọñ ye isọñ eyaeboiyo efep, ado tutu amama mme ikọ mmi idiiboiyoke ifep.
34 “Ikpeme idem, mbaak ndufo idisịn esịd ke udiauwem, ukpa mmịn ye mme ñkpọ isọñ ami, ndin usen ado adibiọññọ ndufo adiwad-adiwad, ke unana idodanyen nte afia. 35Sia usen ado ana asịm afịd awo se idʌñ ke iso isọñ ami. 36Iba ke mbeeñeidem afịd-afịd ini; inyʌñ ibọñ akam nọ enie ukeme adibọkkọ afịd se idiitịppe, nọ enyʌñ ekan eda ke iso Ayịn Awo.”
37Yisọs amaasịkwọrọ ikọ ke tembịd kwa usen, amaado ndubiayio, anye akpọñ akeba ke abod e-ekekoodo Abod Ọlif, 38ndin ayio amaasiere, afịd awo ebak edi edikop ukwọrọikọ amọ ke tembịd.
Iliyochaguliwa sasa
Luk 21: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 21
21
Enọ e-Ebekpa Anọọhọ
1Yisọs akedịppe anyen ke anyọñ, anye amaakịt naña mme imọ awo esịn mme enọ ammọ ke akebe usịn enọ ke tembịd. 2Anye amaanyʌñ akịt uweene ebekpa keed naña asịn kọbọ iba. 3Anye amaabo, “Ke akpanikọ ke ibo ndufo, enọ ake ebekpa ami akan afịd ake mbon ñko. 4Afịd ibon ami ekenọ ekeene naña ammọ enie ñkpọ etre; ado anye ke uweene amọ, anọ afịd se anye akenie adidat ndu uwem.”
Uwuud Tembịd ye mme Idiọọñọ Utịd Ayio
5Usʌk mme mbed emaeneme ebaña naña ekebana tembịd ke Yeruselem nọ ayaiya; emaenyʌñ etañ ebaña mme nsọñudua enọ e-ekebonno do enọ Abasi. Ado Yisọs amaabo ammọ ate, 6“Ke afịd se ndufo ekịt ami, ayaaba ini i-itiad keed imiidiidoroke ke itiad, eyaenʌk afịd ado eduọọk ke isọñ.”
7Ammọ emaebịp anye ate, “Andikpeeb, idahake ke mme ñkpọ ami ediitịppe? Nsoo idiido idiọọñọ ke mme ñkpọ ami eyaetịppe?”
8Anye amaabọọrọ, “Inekke ikpeme mbaak edibiaña ndufo. Sia mme awo eyaedi ke anyịñ mmi, ete, ‘Ami ndo anye’ edian do ebo ‘Ini akpere.’ Ikiikeene ammọ. 9Ndufo imaikop ekọñ ye ntịme, ikiikop ndịk. Ana mme ñkpọ ami ebemiso etịppe, ado utịd idiidiighe diin.”
10Anye amaadian abo ammọ, “Idịd ayaanwana ye idịd; abioubọọñ ayaanwana ye abioubọọñ. 11Ikpọ unyeñisọñ, akañ ye nsio-nsio udọñọ ke nsio-nsio itie, mme anie ndịk ñkpọntịppe ye ikpọ idiọọñọ e-etooho hefịn eyaebañña.
12 “Ado mbemiso afịd ami atịppe, ammọ eyaimuum ndufo enyʌñ etʌkkọ ndufo. Eyaeyaak ndufo enọ ke mme sinakọk, enyʌñ esịn ndufo ke ñkpakọb, ndin eyaenyʌñ eben ndufo ekaa iso mme ndidem ye mme adaukara ke ntak anyịñ mmi. 13Ndin ami ayaanam ndufo edọdiọñ edo mme ntiense mmi enọ ammọ. 14Ado ibiere ke esịd ndufo ke idiinieghe iduọesịd ibaña se ediitañ ifakka idem. 15Sia ami ñyaitemme ndufo ikọ ñnyʌñ inọ aniọñ ake mme asua ndufo mmiidiikanna ifaaña. 16Mme ete, eka, nditọeka, ufan, aduuk ye imaan eyaetap ndufo, ndin ammọ eyaewot usʌk ndufo. 17Afịd awo eyaisua ndufo ke ntak mmi. 18Ado ided iwuod ndufo ndomokeed idiitakka. 19Isọọñọ ida, ndin ndufo eyaekan ke uwem.
20 “Imaikịt naña udịmekọñ ekanna Yeruselem ekʌk, ndufo eyaediọọñọ ke ini nsobo amọ akpere. 21Ndin yak mbon se iba ke Yudia efeeñe ekaiya mme ñkpoon abod, mbon se iba ke abio ewuọñọ, ndin mbon se iba ke esịd idʌñ ke etịmme ekaa esịd abio. 22Sia ini ufen ado ami ma afịd se ekewet adisu. 23Ado, mbọm ibaan e-esañake ye idịb ye ibaan e-esʌkkọ enọnọ mme nsekayịn eba ke utọ mme usen ado! Akpọsọñ ukuud ayaaba ke isọñ abio ye iyadesịd ñko ke abaña mme ibon ami. 24Ammọ eyaekpañña ke eduad ndin eyaenyʌñ ekoono ammọ nte mbon ñkpakọb ekaa nsio-nsio idịd. Mme Gentile eyaesọnnọ Yeruselem tutu ini mme Gentile anyʌñ aboiyo afep.
25 “Mme idiọọñọ eyaeba ke utịn, afiọñ ye ntantaafiọñ. Ke ederimbod, mme idịd eyaekịt ukuud enyʌñ ekop ñkpaidem ebaña mme ayobio ye ufuud ke akpainyañ. 26Mme awo eyaesʌkkọ ato ke mme anie ndịk ñkpọ, eduọ esịd ebaña se idiitịppe ke ederimbod, sia mme adudu ke mme hefịn eyaenyeeñe. 27Ke ini ado ammọ eyaekịt Ayịn Awo naña adi ke ntọñanyọñ ye adudu ye akwa ubọọñ. 28Ke ini mme ñkpọ ami emaetọọñọ aditịppe, idaaña ida, idịppe iwuod ndufo ke anyọñ sia adinyaaña ndufo akpere.”
29Anye amaatop ñke ami anọ ammọ: “Se eto fik ye afịd mme eto mfen. 30Mfañ ammọ emaetọọñọ iseghe emediọọñọ ke ini ndaayio akpere. 31Kpayeado ndufo emaekịt afịd mme ñkpọ ami naña atịppe, ndufo ediọọñọ ke abioubọọñ Abasi akpere.
32 “Ntañ akpanikọ inọ ndufo, emana ami idiiboiyoke ifep mbemiso mme ñkpọ ami etịppe. 33Anyọñ ye isọñ eyaeboiyo efep, ado tutu amama mme ikọ mmi idiiboiyoke ifep.
34 “Ikpeme idem, mbaak ndufo idisịn esịd ke udiauwem, ukpa mmịn ye mme ñkpọ isọñ ami, ndin usen ado adibiọññọ ndufo adiwad-adiwad, ke unana idodanyen nte afia. 35Sia usen ado ana asịm afịd awo se idʌñ ke iso isọñ ami. 36Iba ke mbeeñeidem afịd-afịd ini; inyʌñ ibọñ akam nọ enie ukeme adibọkkọ afịd se idiitịppe, nọ enyʌñ ekan eda ke iso Ayịn Awo.”
37Yisọs amaasịkwọrọ ikọ ke tembịd kwa usen, amaado ndubiayio, anye akpọñ akeba ke abod e-ekekoodo Abod Ọlif, 38ndin ayio amaasiere, afịd awo ebak edi edikop ukwọrọikọ amọ ke tembịd.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.