Luk 18
18
Ñke Ebekpa ye Abiideikpe
1Ndin Yisọs amaatop ñke ami anọ mbed amọ adiwọt ammọ ufọn awo adibọñ akam afịd ini, iduọhọ idodanyen tutu anye abọ se ayem. 2Anye amaabo ammọ: “Abiideikpe amaaba ke abio keed, i-imiikibaaha Abasi inyʌññọ iteeñe awo ndomokeed anyen. 3Ke abio ado, ebekpa keed amaaba ñko a-akesidiighe abịne anye ye ebeeñe keed ate, ‘Kpe unen ikpe nnọ miin ye asua mmi.’
4 “Abọọñ ado ikikamma isọp ñkpe ikpe nnọọ mma ado. Ke amaakekpeene koo anye amaatọọñọ ibo ke esịd amọ ate, ‘Akpesʌkado a-ami mmiiteeñeke Abasi anyen, inyʌññọ imbeghe se mme awo ekere, 5ado sia ebekpa ami amfịnake miin abọhọ, ñyaakịt mbo ke anye anie unen amọ, mbaak anye adikappa ammʌm miin anwan.’ ”
6Ndin Abọọñ amaabo, “Kop se akpe ukwañ ikpe ami atañ do. 7Nte Abasi idiikpeeghe unen ikpe inọ mme andimek ikọd amọ e-eseemeke ekoot anye uweemeayio ye akonayio? Me anye ayaatre adikpe unen nnọọ ammọ? 8Ami ntañ inọ ndufo, anye ayaakịt ke ammọ e-ebọ unen ammọ usọp-usọp. Ado ini Ayịn Awo adiidi, anye ayaadikịt mbuọdidem ke iso isọñ?”
Ñke Farisi ye Abọọ Taks
9Yisọs ndin amaatop ñke ami anọ mbon e-ekekereke ke mmimọ imifọn ikan mbon mfen, ndin ekappa esọsọọn mbon mfen. 10“Ideen iba ekekaa tembịd adibọñ akam, keed awo Farisi, anye ako abọọ taks. 11Farisi amaada ke idem amọ abọñ akam ate: ‘Abasi mmukọọm fiin sia ami mmiibaaha naña mbon mfen ebañña: Mme inọ, mme anañña ndiọi, mme asịn efịbe, me nte abọọ taks ami. 12Ami nsitre ndidia akañ iba ke udua keed, ñnyʌñ ñkpe ayọhọ ubaak keed ke itie duob ke afịd se ami nnie nnọ Abasi.’
13 “Ado abọọ taks amaasanna ada anyan usʌñ, ikidịppeke ukpọk anyen ise hefịn, ado abenne ubọk amia ke ikpanesịd amọ aseeme ate, ‘Abasi ntua miin anam idiọọkñkpọ mbọm.’
14 “Ami ntañ inọ ndufo, abọọ taks ami amaanyọñ ufọk amọ ye utoppo ikpe ke iso Abasi. Sia awo akeedodo a-akokkoke idem, eyaesuuhọ anye, ado eyaebenne awo a-asuuhọke idem.”
Ntəkayịn ye Yisọs
15Mme awo emaekoono mme nsekayịn edi ete Yisọs adot ammọ ubọk. Ado mme mbed amọ ekekịt ami, emaesua enọ ammọ. 16Ndin Yisọs amaakoot ntəkayịn ado adat, anyʌñ abo, “Iyak ntəkayịn edi eñkeene miin, ikiikpan ammọ, sia abioubọọñ Abasi anie utọ mbon ami. 17Ke akpanikọ ke ntañ inọọ ndufo, awo akeedodo i-imiidiidatta abioubọọñ Abasi nte etəkayịn, idiikanna idʌk do.”
Imọ Awo ye Abioubọọñ Abasi
18Adaukara keed amaabịp Yisọs ate, “Eti andikpeeb, nsoo ke ana ami nnam nọ nnie uwem nsi-nsi?”
19Yisọs amaabo anye, “Nsinam afo añkoot miin eti? Ibaaha awo a-adooho eti ke miibọhọke Abasi. 20Afo amediọọñọ mme mbed: ‘Kuusịn efịbe, kuuwot awo, kuuyịp inọ, kuutie ntiense nsu. Kpono ete ye eka mfo.’ ”
21Anye amaabọọrọ Yisọs ate, “Ami mmenịm afịd mme mbed ami tọọñọ ke uyịn mmi.”
22Yisọs akekop ibọọrọ ami, amaadọkkọ anye ate, “Afo asʌk anaanana ñkpọ keed. Kaa ke nyam afịd se afo anie, kpọñ akʌk ado nọ nditọ uweene, ndin afo ayaanie akpan inie ke abio Abasi. Ndin di, ñkeene miin.”
23Awo ami akekop ami, esịd amaabʌññọ anye, sia anye amaanie ñkpọ ataa eti-eti. 24Yisọs amaabenne iso ase anye, ate, “Ado ataa akpọsọñ ñkpọ mbon inie edidʌk abioubọọñ Abasi! 25Ke akpanikọ, ado mmem-mmem ñkpọ kamel adiboiyo ke adudu abiaween ñkan awo inie adidʌk abioubọọñ Abasi.”
26Mbon se ikikop ikọ ami emaebịp Yisọs ete, “Anie awo ndin akeme inie adinyaaña?”
27Ndin Yisọs amaabọọrọ ate, “Ñkpọ se isọñ ke ubọk awo isọññọ ke ubọk Abasi.”
28Pita amaabo anye, “Ñnyịn imikpọñ afịd se ñnyịn ikinie ukeene fiin.”
29Yisọs amaabo ammọ, “Ke akpanikọ ke idọkkọ ndufo, ibaaha awo ndomokeed akpọññọ ufọk amọ, me anwaan, me nditọeka ideen, me nditọ eka ibaan me ete me eka, me nditọ, ke ntak abioubọọñ Abasi, 30a-adiitre adibọ se iwak ikan ado ke emana ami, ye nsi-nsi uwem ke emana mfen.”
Yisọs Atañ Abaña Ñkpa Amọ Ayọhọ Akañ Ita
31Yisọs amaakoot mme mbed amọ duob mme iba asịkke ada, anyʌñ adọkkọ ammọ ate, “Ñnyịn iyaika Yeruselem, ndin afịd se mme prọfed ewet ebaña Ayịn Awo ayaasu. 32Eyaeyaak anye esịn ke ubọk mme Gentile. Ammọ eyaesuenne anye, esaha, enyʌñ etọọñ anye etab; 33ammọ eyaemia anye enyʌñ ewot anye. Ke ayọhọ usen ita, anye ayaamaana aset.”
34Mme ikọ ami ikinwañake mme mbed amọ, ammọ ikinyʌññọ idiọọñọ se anye aketañ abaña; akeba ammọ usem-usem.
Yisọs Anam Nnan Abeeñe Ebeeñe Akịt Usʌñ
35Yisọs akesaña akpere Yeriko, nnan keed amaatie ke mben usʌñ asʌk abeeñe ñkpọ. 36Nnan ami akekop uyom atu awo naña efịt ediboiyo, anye amaabịp se ido. 37Ammọ emaebo anye, “Yisọs awo Nasared asaña aboiyo.”
38Anye amaasio ñkpo akoot ate, “Yisọs Ayịn Defid, ntua miin mbọm.”
39Mbon se ikidat usʌñ emaeduat anye ete akʌp inua, ado anye amaadọdiọñ abọọñ ate, “Ayịn Defid, ntua miin mbọm.”
40Yisọs amaatuak ada, ate eben nnan ado isọk imọ. Emaekeben anye idikpere, Yisọs amaabịp anye, 41“Nsoo ke afo ayem ami nnam unọ fiin?”
Anye amaabọọrọ ate, “Abọọñ, ami ñyem adimọọnọ ñkpọ.”
42Yisọs amaabo anye, “Mọọnọ usʌñ; mbuọdidem mfo unyaaña fiin.” 43Kpa ke idahado anye amaamọọnọ ñkpọ, adakka akeene anye; asaña atooro Abasi. Atu awo ado e-ekekịtte ñkpọ ami emaekeene etooro Abasi.
Iliyochaguliwa sasa
Luk 18: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 18
18
Ñke Ebekpa ye Abiideikpe
1Ndin Yisọs amaatop ñke ami anọ mbed amọ adiwọt ammọ ufọn awo adibọñ akam afịd ini, iduọhọ idodanyen tutu anye abọ se ayem. 2Anye amaabo ammọ: “Abiideikpe amaaba ke abio keed, i-imiikibaaha Abasi inyʌññọ iteeñe awo ndomokeed anyen. 3Ke abio ado, ebekpa keed amaaba ñko a-akesidiighe abịne anye ye ebeeñe keed ate, ‘Kpe unen ikpe nnọ miin ye asua mmi.’
4 “Abọọñ ado ikikamma isọp ñkpe ikpe nnọọ mma ado. Ke amaakekpeene koo anye amaatọọñọ ibo ke esịd amọ ate, ‘Akpesʌkado a-ami mmiiteeñeke Abasi anyen, inyʌññọ imbeghe se mme awo ekere, 5ado sia ebekpa ami amfịnake miin abọhọ, ñyaakịt mbo ke anye anie unen amọ, mbaak anye adikappa ammʌm miin anwan.’ ”
6Ndin Abọọñ amaabo, “Kop se akpe ukwañ ikpe ami atañ do. 7Nte Abasi idiikpeeghe unen ikpe inọ mme andimek ikọd amọ e-eseemeke ekoot anye uweemeayio ye akonayio? Me anye ayaatre adikpe unen nnọọ ammọ? 8Ami ntañ inọ ndufo, anye ayaakịt ke ammọ e-ebọ unen ammọ usọp-usọp. Ado ini Ayịn Awo adiidi, anye ayaadikịt mbuọdidem ke iso isọñ?”
Ñke Farisi ye Abọọ Taks
9Yisọs ndin amaatop ñke ami anọ mbon e-ekekereke ke mmimọ imifọn ikan mbon mfen, ndin ekappa esọsọọn mbon mfen. 10“Ideen iba ekekaa tembịd adibọñ akam, keed awo Farisi, anye ako abọọ taks. 11Farisi amaada ke idem amọ abọñ akam ate: ‘Abasi mmukọọm fiin sia ami mmiibaaha naña mbon mfen ebañña: Mme inọ, mme anañña ndiọi, mme asịn efịbe, me nte abọọ taks ami. 12Ami nsitre ndidia akañ iba ke udua keed, ñnyʌñ ñkpe ayọhọ ubaak keed ke itie duob ke afịd se ami nnie nnọ Abasi.’
13 “Ado abọọ taks amaasanna ada anyan usʌñ, ikidịppeke ukpọk anyen ise hefịn, ado abenne ubọk amia ke ikpanesịd amọ aseeme ate, ‘Abasi ntua miin anam idiọọkñkpọ mbọm.’
14 “Ami ntañ inọ ndufo, abọọ taks ami amaanyọñ ufọk amọ ye utoppo ikpe ke iso Abasi. Sia awo akeedodo a-akokkoke idem, eyaesuuhọ anye, ado eyaebenne awo a-asuuhọke idem.”
Ntəkayịn ye Yisọs
15Mme awo emaekoono mme nsekayịn edi ete Yisọs adot ammọ ubọk. Ado mme mbed amọ ekekịt ami, emaesua enọ ammọ. 16Ndin Yisọs amaakoot ntəkayịn ado adat, anyʌñ abo, “Iyak ntəkayịn edi eñkeene miin, ikiikpan ammọ, sia abioubọọñ Abasi anie utọ mbon ami. 17Ke akpanikọ ke ntañ inọọ ndufo, awo akeedodo i-imiidiidatta abioubọọñ Abasi nte etəkayịn, idiikanna idʌk do.”
Imọ Awo ye Abioubọọñ Abasi
18Adaukara keed amaabịp Yisọs ate, “Eti andikpeeb, nsoo ke ana ami nnam nọ nnie uwem nsi-nsi?”
19Yisọs amaabo anye, “Nsinam afo añkoot miin eti? Ibaaha awo a-adooho eti ke miibọhọke Abasi. 20Afo amediọọñọ mme mbed: ‘Kuusịn efịbe, kuuwot awo, kuuyịp inọ, kuutie ntiense nsu. Kpono ete ye eka mfo.’ ”
21Anye amaabọọrọ Yisọs ate, “Ami mmenịm afịd mme mbed ami tọọñọ ke uyịn mmi.”
22Yisọs akekop ibọọrọ ami, amaadọkkọ anye ate, “Afo asʌk anaanana ñkpọ keed. Kaa ke nyam afịd se afo anie, kpọñ akʌk ado nọ nditọ uweene, ndin afo ayaanie akpan inie ke abio Abasi. Ndin di, ñkeene miin.”
23Awo ami akekop ami, esịd amaabʌññọ anye, sia anye amaanie ñkpọ ataa eti-eti. 24Yisọs amaabenne iso ase anye, ate, “Ado ataa akpọsọñ ñkpọ mbon inie edidʌk abioubọọñ Abasi! 25Ke akpanikọ, ado mmem-mmem ñkpọ kamel adiboiyo ke adudu abiaween ñkan awo inie adidʌk abioubọọñ Abasi.”
26Mbon se ikikop ikọ ami emaebịp Yisọs ete, “Anie awo ndin akeme inie adinyaaña?”
27Ndin Yisọs amaabọọrọ ate, “Ñkpọ se isọñ ke ubọk awo isọññọ ke ubọk Abasi.”
28Pita amaabo anye, “Ñnyịn imikpọñ afịd se ñnyịn ikinie ukeene fiin.”
29Yisọs amaabo ammọ, “Ke akpanikọ ke idọkkọ ndufo, ibaaha awo ndomokeed akpọññọ ufọk amọ, me anwaan, me nditọeka ideen, me nditọ eka ibaan me ete me eka, me nditọ, ke ntak abioubọọñ Abasi, 30a-adiitre adibọ se iwak ikan ado ke emana ami, ye nsi-nsi uwem ke emana mfen.”
Yisọs Atañ Abaña Ñkpa Amọ Ayọhọ Akañ Ita
31Yisọs amaakoot mme mbed amọ duob mme iba asịkke ada, anyʌñ adọkkọ ammọ ate, “Ñnyịn iyaika Yeruselem, ndin afịd se mme prọfed ewet ebaña Ayịn Awo ayaasu. 32Eyaeyaak anye esịn ke ubọk mme Gentile. Ammọ eyaesuenne anye, esaha, enyʌñ etọọñ anye etab; 33ammọ eyaemia anye enyʌñ ewot anye. Ke ayọhọ usen ita, anye ayaamaana aset.”
34Mme ikọ ami ikinwañake mme mbed amọ, ammọ ikinyʌññọ idiọọñọ se anye aketañ abaña; akeba ammọ usem-usem.
Yisọs Anam Nnan Abeeñe Ebeeñe Akịt Usʌñ
35Yisọs akesaña akpere Yeriko, nnan keed amaatie ke mben usʌñ asʌk abeeñe ñkpọ. 36Nnan ami akekop uyom atu awo naña efịt ediboiyo, anye amaabịp se ido. 37Ammọ emaebo anye, “Yisọs awo Nasared asaña aboiyo.”
38Anye amaasio ñkpo akoot ate, “Yisọs Ayịn Defid, ntua miin mbọm.”
39Mbon se ikidat usʌñ emaeduat anye ete akʌp inua, ado anye amaadọdiọñ abọọñ ate, “Ayịn Defid, ntua miin mbọm.”
40Yisọs amaatuak ada, ate eben nnan ado isọk imọ. Emaekeben anye idikpere, Yisọs amaabịp anye, 41“Nsoo ke afo ayem ami nnam unọ fiin?”
Anye amaabọọrọ ate, “Abọọñ, ami ñyem adimọọnọ ñkpọ.”
42Yisọs amaabo anye, “Mọọnọ usʌñ; mbuọdidem mfo unyaaña fiin.” 43Kpa ke idahado anye amaamọọnọ ñkpọ, adakka akeene anye; asaña atooro Abasi. Atu awo ado e-ekekịtte ñkpọ ami emaekeene etooro Abasi.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.