Yọọn 21
21
Yisọs ye Utịppe Umʌm Iyak
1Mme ñkpọ ami emaekeboiyo, Yisọs amaatịmme awọt mme mbed amọ idem ke mben Akpainyañ Kalili#21:1 Ke usem Greek ekoot Tiberias; ndin naña anye akewọt ammọ idem akedo ntom: 2Saimọn Pita, Tọmọs (e-ekesikoodo Didimọs#21:2 Tọmọs ado usem Aramaik ado Didimọsado Greek, naña iba awuọñọ amanamba.), ye Natandiel awo Kana ke Kalili, mme nditọ ideen Sebidi, ye mbed amọ iba mfen, ekeba itie keed. 3Saimọn Pita amaabo ammọ ate, “Ami ñyaaka ukọ iyak.” Ammọ emaebo anye, “Ñnyịn iyaukeene fiin ika.” Ammọ emaedaaña ekedọñọ ubom, ado ke afịd akonayio ado ammọ ikimʌmmọ iyak ndomokeed.
4Ke ayio amaakesiere, ammọ emaekịt Yisọs naña ada ke esʌk, ado mbed ado ikidiọọñọke ibo ke Yisọs ke ado.
5Yisọs amaabịp ammọ, “Mme ufan mmi, ndufo imʌmmọ iyak ndomokeed?”
Ammọ emaebọọrọ, “Iyoo.”
6Anye amaabo ammọ, “Itop iyịre ndufo ke ukañ ubọk nnasia ubom ndin ndufo eyaemʌm iyak.” Ke ammọ emaekeduọọk iyịre naña Yisọs aketemme, ammọ emaemʌm ataa uwak iyak tutu ammọ ikikanna idʌt iyịre isịn ke ubom.
7Ami amaanam mbed a-Yisọs akemaaha abo Pita, “Abọọñ ke ado!” Saimọn Pita akekop naña anye abo, “Abọọñ ke ado,” anye amaatap afọñ afʌk idem (sia anye amaakpọk afọñ akebet ke isịn), anyʌñ atamma adʌk mmọọñ. 8Mbed mbon ñko emaekeene ke ubom, edʌt iyịre a-akeyọhọke ye iyak, sia ammọ ikinyọọñọ usʌñ ikpọñ esʌk; akedo ñkpọ nte yaad ikie#21:8 Ñkpọ nte mita 90 adiwuọ abod. 9Ke ammọ emaekebeghe ke esʌk, ammọ emaekịt ikañ ukañ naña aduek, iyak ye mme uyo enyʌñ edoro do.
10Ndin Yisọs amaabo ammọ, “Iben usʌk iyak a-ndufo esʌkkọ emʌm do idi.” 11Akem Saimọn Pita amaatịmme akedʌk ubom anyʌñ adʌt iyịre adi mben esʌk; iyịre akeyọhọ ye ñkpoon iyak. Ke ammọ ekebatta, emaekịt ñkpoon-ñkpoon iyak ikie mme aba mme duob mme ita (153). Kpa ye uwak iyak a-ammọ ekemʌmmọ, iyịre ikikịppeke. 12Yisọs amaabo ammọ ate, “Idi ididia ndidia ubakusen.” Mbed amọ ndomokeed ikideeghede ibịp anye ibo, “Afo ado anie awo?” Sia ammọ emaediọọñọ ke Abọọñ ke akedo. 13Yisọs amaadi, adiben uyo anọ ammọ, anyʌñ anam ntoro ye iyak ñko. 14Ami akedo ayọhọ akañ ita a-Yisọs akewọttọ mbed amọ idem tọọñọ nte anye akeset ke ñkpa.
Yisọs Atịmme Anọ Pita Ayọhọ Itie Amọ
15Ke ammọ emaekedia ndidia ema, Yisọs amaabịp Saimọn Pita ate: “Saimọn, ayịn Yọọn, nte afo amemma miin akan afịd ami?”
Anye amaabọọrọ, “Ii Abọọñ, afo amediọọñọ ke ami mmuma fiin.”
Yisọs amaabo anye, “Bọọk nditọ edọñ mmi!”
16Yisọs amaamaana abịp Pita ate, “Saimọn, ayịn Yọọn, nte afo amemma miin.”
Anye amaabọọrọ, “Ii Abọọñ, afo amediọọñọ ke ami mmuma fiin.”
Yisọs amaabo anye, “Kpeme mme edọñ mmi.”
17Yisọs amaatịmme abịp Pita ayọhọ akañ ita ate, “Saimọn, ayịn Yọọn, nte afo amemma miin?”
Esịd amaabʌññọ Pita sia Yisọs akemaanake abịp anye mbuume ami ayọhọ ñke nta ate, “Nte afo amemma miin?” Anye ndin amaabo Yisọs ate, “Abọọñ, afo amediọọñọ afịd ñkpọ; afo amediọọñọ ke ami mmuma fiin.”
Yisọs amaabo anye, “Bọọk mme edọñ mmi. 18Ke ataa akpanikọ ke ami ntañ unọọ fiin, idaha a-afo akedooho akparawa, afo akesisịne afọñ ke idem mfo ikpọọñ anyʌñ asaña aka itie nte afo ama; ado afo umausọñ uduusunyanyanna ubọk, ndin awo mfen usịn fiin afọn, anyʌñ uben fiin akaa itie nte afo umuuyemme adika.” 19Yisọs aketañ ami adiwọt utọ ñkpa se Pita adiidat inọ Abasi ubọọñ. Akema, Yisọs amaabo anye, “Ñkeene miin!”
20Pita amaawọññọ iso, anyʌñ akịt ke mbed a-Yisọs akemaaha akesʌk akeene ammọ. (Anye a-akenyʌkkọke abere Yisọs ke ini akpatre ndidia ndubi, anyʌñ abịp Yisọs mbuume abo, “Abọọñ, anie ado awo se iduutap fiin?”). 21Ke ini Pita amaakekịt anye, amaabịp Yisọs ate: “Abọọñ, ake amọọ?”
22Yisọs amaabọọrọ anye, “Adieke adooho uduak mmi adibo anye adu uwem tutu ami ntịmme ndi, ado ubeghe die fiin? Ana afo añkeene miin.” 23Ibọọrọ ami amaanam mbʌk asuana ke atu mme andinịm ke akpanikọ ke mbed ado idiikpaaha. Ado Yisọs ikibooho ke mbed ado idiikpaaha. Ado akebo, “Adieke ami ñyemme nọ anye akaiso adu uwem tutu ami ntịmme ndi, ado ubeghe fiin die? Ana afo añkeene miin.”
24Mbed ami ado anye a-atieghe ntiense abaña mme ñkpọ ami, a-akenyʌññọ awet mme ñkpọ ami anịm. Ñnyịn imidiọọñọ ke ikọ ntiense amọ ado akpanikọ.
25Yisọs amaanam mme uwak ñkpọ mfen ñko. Akpedo ekebiiwewet afịd mme ñkpọ ado idọñ ke ñwed, ami mmekere ke idem ederimbod ami ikpidọñọke mme ñwed se ekpewet.
Iliyochaguliwa sasa
Yọọn 21: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yọọn 21
21
Yisọs ye Utịppe Umʌm Iyak
1Mme ñkpọ ami emaekeboiyo, Yisọs amaatịmme awọt mme mbed amọ idem ke mben Akpainyañ Kalili#21:1 Ke usem Greek ekoot Tiberias; ndin naña anye akewọt ammọ idem akedo ntom: 2Saimọn Pita, Tọmọs (e-ekesikoodo Didimọs#21:2 Tọmọs ado usem Aramaik ado Didimọsado Greek, naña iba awuọñọ amanamba.), ye Natandiel awo Kana ke Kalili, mme nditọ ideen Sebidi, ye mbed amọ iba mfen, ekeba itie keed. 3Saimọn Pita amaabo ammọ ate, “Ami ñyaaka ukọ iyak.” Ammọ emaebo anye, “Ñnyịn iyaukeene fiin ika.” Ammọ emaedaaña ekedọñọ ubom, ado ke afịd akonayio ado ammọ ikimʌmmọ iyak ndomokeed.
4Ke ayio amaakesiere, ammọ emaekịt Yisọs naña ada ke esʌk, ado mbed ado ikidiọọñọke ibo ke Yisọs ke ado.
5Yisọs amaabịp ammọ, “Mme ufan mmi, ndufo imʌmmọ iyak ndomokeed?”
Ammọ emaebọọrọ, “Iyoo.”
6Anye amaabo ammọ, “Itop iyịre ndufo ke ukañ ubọk nnasia ubom ndin ndufo eyaemʌm iyak.” Ke ammọ emaekeduọọk iyịre naña Yisọs aketemme, ammọ emaemʌm ataa uwak iyak tutu ammọ ikikanna idʌt iyịre isịn ke ubom.
7Ami amaanam mbed a-Yisọs akemaaha abo Pita, “Abọọñ ke ado!” Saimọn Pita akekop naña anye abo, “Abọọñ ke ado,” anye amaatap afọñ afʌk idem (sia anye amaakpọk afọñ akebet ke isịn), anyʌñ atamma adʌk mmọọñ. 8Mbed mbon ñko emaekeene ke ubom, edʌt iyịre a-akeyọhọke ye iyak, sia ammọ ikinyọọñọ usʌñ ikpọñ esʌk; akedo ñkpọ nte yaad ikie#21:8 Ñkpọ nte mita 90 adiwuọ abod. 9Ke ammọ emaekebeghe ke esʌk, ammọ emaekịt ikañ ukañ naña aduek, iyak ye mme uyo enyʌñ edoro do.
10Ndin Yisọs amaabo ammọ, “Iben usʌk iyak a-ndufo esʌkkọ emʌm do idi.” 11Akem Saimọn Pita amaatịmme akedʌk ubom anyʌñ adʌt iyịre adi mben esʌk; iyịre akeyọhọ ye ñkpoon iyak. Ke ammọ ekebatta, emaekịt ñkpoon-ñkpoon iyak ikie mme aba mme duob mme ita (153). Kpa ye uwak iyak a-ammọ ekemʌmmọ, iyịre ikikịppeke. 12Yisọs amaabo ammọ ate, “Idi ididia ndidia ubakusen.” Mbed amọ ndomokeed ikideeghede ibịp anye ibo, “Afo ado anie awo?” Sia ammọ emaediọọñọ ke Abọọñ ke akedo. 13Yisọs amaadi, adiben uyo anọ ammọ, anyʌñ anam ntoro ye iyak ñko. 14Ami akedo ayọhọ akañ ita a-Yisọs akewọttọ mbed amọ idem tọọñọ nte anye akeset ke ñkpa.
Yisọs Atịmme Anọ Pita Ayọhọ Itie Amọ
15Ke ammọ emaekedia ndidia ema, Yisọs amaabịp Saimọn Pita ate: “Saimọn, ayịn Yọọn, nte afo amemma miin akan afịd ami?”
Anye amaabọọrọ, “Ii Abọọñ, afo amediọọñọ ke ami mmuma fiin.”
Yisọs amaabo anye, “Bọọk nditọ edọñ mmi!”
16Yisọs amaamaana abịp Pita ate, “Saimọn, ayịn Yọọn, nte afo amemma miin.”
Anye amaabọọrọ, “Ii Abọọñ, afo amediọọñọ ke ami mmuma fiin.”
Yisọs amaabo anye, “Kpeme mme edọñ mmi.”
17Yisọs amaatịmme abịp Pita ayọhọ akañ ita ate, “Saimọn, ayịn Yọọn, nte afo amemma miin?”
Esịd amaabʌññọ Pita sia Yisọs akemaanake abịp anye mbuume ami ayọhọ ñke nta ate, “Nte afo amemma miin?” Anye ndin amaabo Yisọs ate, “Abọọñ, afo amediọọñọ afịd ñkpọ; afo amediọọñọ ke ami mmuma fiin.”
Yisọs amaabo anye, “Bọọk mme edọñ mmi. 18Ke ataa akpanikọ ke ami ntañ unọọ fiin, idaha a-afo akedooho akparawa, afo akesisịne afọñ ke idem mfo ikpọọñ anyʌñ asaña aka itie nte afo ama; ado afo umausọñ uduusunyanyanna ubọk, ndin awo mfen usịn fiin afọn, anyʌñ uben fiin akaa itie nte afo umuuyemme adika.” 19Yisọs aketañ ami adiwọt utọ ñkpa se Pita adiidat inọ Abasi ubọọñ. Akema, Yisọs amaabo anye, “Ñkeene miin!”
20Pita amaawọññọ iso, anyʌñ akịt ke mbed a-Yisọs akemaaha akesʌk akeene ammọ. (Anye a-akenyʌkkọke abere Yisọs ke ini akpatre ndidia ndubi, anyʌñ abịp Yisọs mbuume abo, “Abọọñ, anie ado awo se iduutap fiin?”). 21Ke ini Pita amaakekịt anye, amaabịp Yisọs ate: “Abọọñ, ake amọọ?”
22Yisọs amaabọọrọ anye, “Adieke adooho uduak mmi adibo anye adu uwem tutu ami ntịmme ndi, ado ubeghe die fiin? Ana afo añkeene miin.” 23Ibọọrọ ami amaanam mbʌk asuana ke atu mme andinịm ke akpanikọ ke mbed ado idiikpaaha. Ado Yisọs ikibooho ke mbed ado idiikpaaha. Ado akebo, “Adieke ami ñyemme nọ anye akaiso adu uwem tutu ami ntịmme ndi, ado ubeghe fiin die? Ana afo añkeene miin.”
24Mbed ami ado anye a-atieghe ntiense abaña mme ñkpọ ami, a-akenyʌññọ awet mme ñkpọ ami anịm. Ñnyịn imidiọọñọ ke ikọ ntiense amọ ado akpanikọ.
25Yisọs amaanam mme uwak ñkpọ mfen ñko. Akpedo ekebiiwewet afịd mme ñkpọ ado idọñ ke ñwed, ami mmekere ke idem ederimbod ami ikpidọñọke mme ñwed se ekpewet.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.