Utom Mme Abọsịd 1
1
Eben Yisọs Edọọk Hefịn
1Ke akpa ñwed mmi, Tiofilọs, ami mmaawet mbaña afịd se Yisọs aketọọñọ adinam ñnyʌñ ñkpeep 2tutu usen e-ekebenne anye edọọk hefịn. Mbemiso ekeben anye edọọk, anye amaanọ mme abọsịd a-anye akemekke ewʌhọ ato Adisana Sịbidịd. 3Ke anye amaakebọ ndutʌhọ ama, anye amaawọt ammọ idem ye mme uwak idiọọñọ i-imiikidooho se efaaña, ke imọ mmọdo iba ke uwem. Anye amaawọt ammọ idem ke idaha ñkpọ nte usen aba anyʌñ atañ ikọ abaña abioubọọñ Abasi. 4Ini keed, idaha anye akesʌkkọ adia ndidia ye ammọ, anye amaanọ ewʌhọ abo, “Ikiikpọñ Yeruselem, ado itie ibet enọ e-Ete mmi akenwọñọke inọọ ndufo, a-ndufo ekekoppo ento miin. 5Sia Yọọn akekama mmọọñ anịm uduọkmmọọñ, ado ke mme usen ifañ adiidi, eyainịm ndufo uduọkmmọọñ ye Adisana Sịbidịd.”
6Ndin, ke ini ammọ eketieghe ekanna anye ekʌk, ammọ emaebịp anye ete, “Abọọñ, afo ayaatịmme ayaak ukara abioubọọñ anọ Isrel idahami?”
7Anye amaabọọrọ ammọ ate, “Inaaha ndufo ediọọñọ mme ini me usen se Ete akenịm ke adudu amọ. 8Ado ndufo eyaebọ adudu Adisana Sịbidịd amaadidoro ndufo ke idem. Ndufo eyaenyʌñ edo mme ntiense mmi ke Yeruselem, ke afịd Yudia ye Sameria, tutu asịm ke akpatre ederimbod.”
9Ke anye amaaketañ ikọ ami ama, emaeben anye edọọk anyọñ ke iso ammọ tutu ntọñanyọñ afʌk anye, ammọ ikịtte anye aba.
10Ke ammọ ekesʌkkọ ewuuk anyen ese anyọñ naña anye adọọk, ete ise, awo iba e-ekesiineke mfia afọñ emaedida ke ñkañ ammọ. 11Ammọ emaebịp mme mbed mbuume ete, “Ndufo ideen Kalili, nsoo inam ndufo edudak mi ewuuk anyen ese ikpaanyọñ? Yisọs e-ebenne ikpọñ ndufo mi edọọk ke hefịn, ayaatịmme adi ke ukem usʌñ a-ndufo ekịtte naña anye adọọk aka hefịn.”
Emek Matayas Adat Itie Yudas
12Ndin mme abọsịd emaetịmme ekpọñ Abod Ọlif enyọñ Yeruselem, a-akedooho isañ#1:12 Ñkpọ nte kilomita keed usen Sabad keed. 13Ke ini ammọ emaekediwuọ, ammọ emaedọọk ufọk anyọñ ekaa ubeed a-ammọ ekebaaha. Mbon se ikiba do ekedo:
Pita, Yọọn, Yems ye Andru;
Filib ye Tọmọs;
Batolomiu ye Matiu;
Yems ayịn Alfiọs, Saimọn Amaidʌñ ye Yudas ayịn Yems.
14Afịd ammọ, uwak ibaan, Mmeri eka Yisọs, ye nditọeka amọ ideen, emaeboho itie keed ebọñ akam afịd ini.
15Ke mme usen ado, Pita amaadakka ada ke ufọọd mme andinịm ke akpanikọ (e-ekeyọhọke ñkpọ nte awo ikie mme edịb) anyʌñ 16abo ate, “Mme nditọeka#1:16 Ke usem Greek adelfọi a-awuọñọke nditọeka ideen ye ibaan anyʌñ asʌk ada anọ mbon e-enịmme Krais ke akpanikọ, me edo ideen me edo ibaan ke atu ubon Abasi; se ñko ke Utom 6:3; Utom 11:29; Utom 12:17; Utom 16:40; Utom 18:18, 27; 21:7, 17; 28:14, 15. ke Krais, ana ikọ Abasi asu kpa naña Adisana Sịbidịd amaaketañ ke usen edem ato inua Defid abaña Yudas a-akedatta mme andikimʌm Yisọs usʌñ. 17Anye akedo keed ke atu ñnyịn, amaanyʌñ anie udeeme ke utom ñnyịn.”
18(Yudas amaaben akʌk ibak amọ akedep ikọd. Do ke anye aketo iwuod aduọ, afịd nsia anyʌñ awuọñọ. 19Afịd awo ke Yeruselem emaekop ebaña ñkpa amọ, ndin emaeben itie ado ekoot Akeldama ke usem ammọ, awuọọñọke Inwañ Iyiib).
20Pita amaadian do ate, “Sia, ewewet ke ñwed mme Saam:
“ ‘Yak itie idʌñ amọ akappa ndoon;
yak awo ndomokeed akuunyʌñ udʌñ do,’
ñko,
“ ‘Yak awo mfen adat itie amọ.’
21Ke ntoro, a-afọn adimek keed ke atu mbon e-ekebaaha ye ñnyịn afịd ini se Abọọñ Yisọs akeba ye ñnyịn, 22tọọñọ ke ini uduọkmmọọñ Yọọn tutu asịm ini ekebenne anye ikpọñ ñnyịn. Sia ana keed ke atu ammọ ado ntiense ye ñnyịn ke abaña adised Yisọs ke ñkpa.”
23Ndin ammọ emaesiak anyịñ awo iba, Yosef a-akekereke Basabas (e-ekenyʌññọ esikoot Yọstus) ye Matayas. 24Ammọ ndin emaebọñ akam ebo, “Abọọñ, afo adiọọñọ afịd esịd awo, iwọt ñnyịn ke atu awo iba ami, anye a-afo amekke 25abo adidat itie utom abọsịd, a-Yudas akewuọhọ akpọñ aka usʌñ amọ.” 26Akema ammọ emaesịn afia, ndin afia amaasana Matayas. Ke ke ntoro emaedat Matayas edian ke atu mme abọsịd duob mme keed.
Iliyochaguliwa sasa
Utom Mme Abọsịd 1: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 1
1
Eben Yisọs Edọọk Hefịn
1Ke akpa ñwed mmi, Tiofilọs, ami mmaawet mbaña afịd se Yisọs aketọọñọ adinam ñnyʌñ ñkpeep 2tutu usen e-ekebenne anye edọọk hefịn. Mbemiso ekeben anye edọọk, anye amaanọ mme abọsịd a-anye akemekke ewʌhọ ato Adisana Sịbidịd. 3Ke anye amaakebọ ndutʌhọ ama, anye amaawọt ammọ idem ye mme uwak idiọọñọ i-imiikidooho se efaaña, ke imọ mmọdo iba ke uwem. Anye amaawọt ammọ idem ke idaha ñkpọ nte usen aba anyʌñ atañ ikọ abaña abioubọọñ Abasi. 4Ini keed, idaha anye akesʌkkọ adia ndidia ye ammọ, anye amaanọ ewʌhọ abo, “Ikiikpọñ Yeruselem, ado itie ibet enọ e-Ete mmi akenwọñọke inọọ ndufo, a-ndufo ekekoppo ento miin. 5Sia Yọọn akekama mmọọñ anịm uduọkmmọọñ, ado ke mme usen ifañ adiidi, eyainịm ndufo uduọkmmọọñ ye Adisana Sịbidịd.”
6Ndin, ke ini ammọ eketieghe ekanna anye ekʌk, ammọ emaebịp anye ete, “Abọọñ, afo ayaatịmme ayaak ukara abioubọọñ anọ Isrel idahami?”
7Anye amaabọọrọ ammọ ate, “Inaaha ndufo ediọọñọ mme ini me usen se Ete akenịm ke adudu amọ. 8Ado ndufo eyaebọ adudu Adisana Sịbidịd amaadidoro ndufo ke idem. Ndufo eyaenyʌñ edo mme ntiense mmi ke Yeruselem, ke afịd Yudia ye Sameria, tutu asịm ke akpatre ederimbod.”
9Ke anye amaaketañ ikọ ami ama, emaeben anye edọọk anyọñ ke iso ammọ tutu ntọñanyọñ afʌk anye, ammọ ikịtte anye aba.
10Ke ammọ ekesʌkkọ ewuuk anyen ese anyọñ naña anye adọọk, ete ise, awo iba e-ekesiineke mfia afọñ emaedida ke ñkañ ammọ. 11Ammọ emaebịp mme mbed mbuume ete, “Ndufo ideen Kalili, nsoo inam ndufo edudak mi ewuuk anyen ese ikpaanyọñ? Yisọs e-ebenne ikpọñ ndufo mi edọọk ke hefịn, ayaatịmme adi ke ukem usʌñ a-ndufo ekịtte naña anye adọọk aka hefịn.”
Emek Matayas Adat Itie Yudas
12Ndin mme abọsịd emaetịmme ekpọñ Abod Ọlif enyọñ Yeruselem, a-akedooho isañ#1:12 Ñkpọ nte kilomita keed usen Sabad keed. 13Ke ini ammọ emaekediwuọ, ammọ emaedọọk ufọk anyọñ ekaa ubeed a-ammọ ekebaaha. Mbon se ikiba do ekedo:
Pita, Yọọn, Yems ye Andru;
Filib ye Tọmọs;
Batolomiu ye Matiu;
Yems ayịn Alfiọs, Saimọn Amaidʌñ ye Yudas ayịn Yems.
14Afịd ammọ, uwak ibaan, Mmeri eka Yisọs, ye nditọeka amọ ideen, emaeboho itie keed ebọñ akam afịd ini.
15Ke mme usen ado, Pita amaadakka ada ke ufọọd mme andinịm ke akpanikọ (e-ekeyọhọke ñkpọ nte awo ikie mme edịb) anyʌñ 16abo ate, “Mme nditọeka#1:16 Ke usem Greek adelfọi a-awuọñọke nditọeka ideen ye ibaan anyʌñ asʌk ada anọ mbon e-enịmme Krais ke akpanikọ, me edo ideen me edo ibaan ke atu ubon Abasi; se ñko ke Utom 6:3; Utom 11:29; Utom 12:17; Utom 16:40; Utom 18:18, 27; 21:7, 17; 28:14, 15. ke Krais, ana ikọ Abasi asu kpa naña Adisana Sịbidịd amaaketañ ke usen edem ato inua Defid abaña Yudas a-akedatta mme andikimʌm Yisọs usʌñ. 17Anye akedo keed ke atu ñnyịn, amaanyʌñ anie udeeme ke utom ñnyịn.”
18(Yudas amaaben akʌk ibak amọ akedep ikọd. Do ke anye aketo iwuod aduọ, afịd nsia anyʌñ awuọñọ. 19Afịd awo ke Yeruselem emaekop ebaña ñkpa amọ, ndin emaeben itie ado ekoot Akeldama ke usem ammọ, awuọọñọke Inwañ Iyiib).
20Pita amaadian do ate, “Sia, ewewet ke ñwed mme Saam:
“ ‘Yak itie idʌñ amọ akappa ndoon;
yak awo ndomokeed akuunyʌñ udʌñ do,’
ñko,
“ ‘Yak awo mfen adat itie amọ.’
21Ke ntoro, a-afọn adimek keed ke atu mbon e-ekebaaha ye ñnyịn afịd ini se Abọọñ Yisọs akeba ye ñnyịn, 22tọọñọ ke ini uduọkmmọọñ Yọọn tutu asịm ini ekebenne anye ikpọñ ñnyịn. Sia ana keed ke atu ammọ ado ntiense ye ñnyịn ke abaña adised Yisọs ke ñkpa.”
23Ndin ammọ emaesiak anyịñ awo iba, Yosef a-akekereke Basabas (e-ekenyʌññọ esikoot Yọstus) ye Matayas. 24Ammọ ndin emaebọñ akam ebo, “Abọọñ, afo adiọọñọ afịd esịd awo, iwọt ñnyịn ke atu awo iba ami, anye a-afo amekke 25abo adidat itie utom abọsịd, a-Yudas akewuọhọ akpọñ aka usʌñ amọ.” 26Akema ammọ emaesịn afia, ndin afia amaasana Matayas. Ke ke ntoro emaedat Matayas edian ke atu mme abọsịd duob mme keed.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.