Yenesis 39
39
Yosef ye Anwaan Pọtifa
1Idaha ntoro, emaeben Yosef ekesịm Iyib. Pọtifa, awo Iyib a-akedooho keed ke atu mme adaidaha ke ufọk Fero, adaiso mbon ukpeme, amaadep anye ato mbon Ismeel e-ekebenne anye eka do.
2 Abọọñ amaaba ye Yosef, ado amaanam anye aforo, anyʌñ adʌñ ke ufọk awo Iyib, eteufọk amọ. 3Ke ini eteufọk amọ akekịtte ke Abọọñ amaaba ye anye ndin ke Abọọñ amaanam anye anie unen ke afịd se anye akenam, 4Yosef amaakịt mfọn ke iso amọ, anyʌñ akappa ado awo ubọk nnasia amọ. Pọtifa amaanam anye ado andise ñkpọ mbaña ufọk amọ, ndin anye amaayaak afịd se anye anie asịn ke idak ukpeme amọ. 5Tọọñọ ke ini a-anye akenamma anye ado andise ñkpọ mbaña ufọk amọ ye afịd se anye akenie, Abọọñ amaadiọñ ufọk awo Iyib ke ntak Yosef. Adidiọñ Abọọñ amaasịm afịd ñkpọ se Pọtifa akenie ke ufọk ye se ikiba ke inwañ. 6Ndin Pọtifa amaayaak afịd ñkpọ se anye akenie asịn ke idak ukpeme Yosef. Ndin sia adooho Yosef akese ñkpọ abaña afịd ñkpọ, anye ikifịnake idem amọ ye ñkpọ ndomokeed, ibọhọke ndidia a-anye akediaha.
Yosef amaaboro, afọn, anyʌñ ayaiya, 7ndin ke etək ini amaakeboiyo anwaan Pọtifa amaanie udọñ anọ Yosef anyʌñ abo anye, “Di naa ye ami!”
8Ado Yosef amaasịn. Anye amaadọkkọ anye ate, “Ami nte andise ñkpọ mbaña afịd ñkpọ eteufọk mmi, anye isịnne idem ke ñkpọ ndomokeed ke ufọk; anye amaayaak afịd ñkpọ se anye anie asịn ke idak ukpeme mmi. 9Awo ndomokeed ikponno iñkan miin ke ufọk ami. Eteufọk mmi inyʌññọ iñnyịm miin ñkpọ ndomokeed ke imiibọhọke afo, sia afo ado anwaan amọ. Nsaña die ñkpenam utọ ibak ado, ñnyʌñ nnam idiọọkñkpọ ke iso Abasi?” 10Ndin akpesʌkado a-anwaan Pọtifa aketañña anyʌñ akpeiye Yosef kwa usen, anye amaasịn adika ñkena ye anye, me aditie keed ye anye.
11Ado usen keed Yosef amaadʌk ufọk adikinam utom amọ, ndin nditọufọk ndomokeed mfen ikibaaha ke ufọk. 12Anwaan Pọtifa ndin amaamʌm Yosef ke afọñidem amọ anyʌñ abo anye, “Di naa ye ami!” Ado anye amaakpọñ afọñ amọ ke ubọk amọ, anyʌñ afeghe awuọ ke ufọk.
13Ke ini anye akekịtte ke Yosef amaakpọñ afọñidem amọ ke ubọk amọ anyʌñ afeghe akpọñ ufọk, 14anye amaakoot nditọufọk amọ anyʌñ abo ammọ, “Ise mi, ekeben ayịn Hibru ami isọk ñnyịn nọ anye adidat ñnyịn atọ ndọk! Anye akedʌk adi mi adina ye ami, ndin ami nsio ñkpo. 15Anye akekop ke ami mmesio ñkpo ñyem unwam, anye amaakpọñ afọñidem amọ ke ñkañ mmi anyʌñ afeghe awuọ ke ufọk.”
16Ndin anye amaanịm afọñidem Yosef tutu eteufọk amọ anyọñ adi. 17Ndin anye amaadọkkọ ebe amọ mme ñkpọ ami: “Afʌn Hibru a-afo akedatta isọk ñnyịn akedi ambịne miin adiñkama ibre mbre. 18Ado ke ini ami ñkebọññọ ñkpo ñyem unwam, anye amaakpọñ afọñidem amọ ke ñkañ mmi, anyʌñ afeghe awuọ ke ufọk.”
19Ke ini eteufọk Yosef akekoppo se anwaan amọ aketañ abo, “Ami ado naña afʌn mfo akenam ye ami,” anye amaakop akpọsọñ ufiob iyadesịd. 20Ndin eteufọk Yosef amaamʌm anye akesịn ke ufọk ñkpakọb, ke itie ebonno mbon ñkpakọb adidem.
Ado ke ini Yosef akebaaha ke ufọk ñkpakọb, 21Abọọñ amaaba ye Yosef, afọn ido ye anye, anyʌñ anam mme akpeme ñkpakọb enen iso ye anye. 22Ndin akpeme ñkpakọb amaanam Yosef ado andise ñkpọ mbaña afịd mbon e-ekemʌmmọ ekesịn ke ñkpakọb, ndin emaenam anye ado adaiwuod ke afịd ñkpọ se ekenam do. 23Akpeme ufọk ñkpakọb ikisịnne anyen ke ñkpọ ndomokeed a-akesịneke ke idak Yosef, sia Abọọñ amaaba ye Yosef anyʌñ anọ anye mfọn ke se adoodo a-anye akenamma.
Iliyochaguliwa sasa
Yenesis 39: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 39
39
Yosef ye Anwaan Pọtifa
1Idaha ntoro, emaeben Yosef ekesịm Iyib. Pọtifa, awo Iyib a-akedooho keed ke atu mme adaidaha ke ufọk Fero, adaiso mbon ukpeme, amaadep anye ato mbon Ismeel e-ekebenne anye eka do.
2 Abọọñ amaaba ye Yosef, ado amaanam anye aforo, anyʌñ adʌñ ke ufọk awo Iyib, eteufọk amọ. 3Ke ini eteufọk amọ akekịtte ke Abọọñ amaaba ye anye ndin ke Abọọñ amaanam anye anie unen ke afịd se anye akenam, 4Yosef amaakịt mfọn ke iso amọ, anyʌñ akappa ado awo ubọk nnasia amọ. Pọtifa amaanam anye ado andise ñkpọ mbaña ufọk amọ, ndin anye amaayaak afịd se anye anie asịn ke idak ukpeme amọ. 5Tọọñọ ke ini a-anye akenamma anye ado andise ñkpọ mbaña ufọk amọ ye afịd se anye akenie, Abọọñ amaadiọñ ufọk awo Iyib ke ntak Yosef. Adidiọñ Abọọñ amaasịm afịd ñkpọ se Pọtifa akenie ke ufọk ye se ikiba ke inwañ. 6Ndin Pọtifa amaayaak afịd ñkpọ se anye akenie asịn ke idak ukpeme Yosef. Ndin sia adooho Yosef akese ñkpọ abaña afịd ñkpọ, anye ikifịnake idem amọ ye ñkpọ ndomokeed, ibọhọke ndidia a-anye akediaha.
Yosef amaaboro, afọn, anyʌñ ayaiya, 7ndin ke etək ini amaakeboiyo anwaan Pọtifa amaanie udọñ anọ Yosef anyʌñ abo anye, “Di naa ye ami!”
8Ado Yosef amaasịn. Anye amaadọkkọ anye ate, “Ami nte andise ñkpọ mbaña afịd ñkpọ eteufọk mmi, anye isịnne idem ke ñkpọ ndomokeed ke ufọk; anye amaayaak afịd ñkpọ se anye anie asịn ke idak ukpeme mmi. 9Awo ndomokeed ikponno iñkan miin ke ufọk ami. Eteufọk mmi inyʌññọ iñnyịm miin ñkpọ ndomokeed ke imiibọhọke afo, sia afo ado anwaan amọ. Nsaña die ñkpenam utọ ibak ado, ñnyʌñ nnam idiọọkñkpọ ke iso Abasi?” 10Ndin akpesʌkado a-anwaan Pọtifa aketañña anyʌñ akpeiye Yosef kwa usen, anye amaasịn adika ñkena ye anye, me aditie keed ye anye.
11Ado usen keed Yosef amaadʌk ufọk adikinam utom amọ, ndin nditọufọk ndomokeed mfen ikibaaha ke ufọk. 12Anwaan Pọtifa ndin amaamʌm Yosef ke afọñidem amọ anyʌñ abo anye, “Di naa ye ami!” Ado anye amaakpọñ afọñ amọ ke ubọk amọ, anyʌñ afeghe awuọ ke ufọk.
13Ke ini anye akekịtte ke Yosef amaakpọñ afọñidem amọ ke ubọk amọ anyʌñ afeghe akpọñ ufọk, 14anye amaakoot nditọufọk amọ anyʌñ abo ammọ, “Ise mi, ekeben ayịn Hibru ami isọk ñnyịn nọ anye adidat ñnyịn atọ ndọk! Anye akedʌk adi mi adina ye ami, ndin ami nsio ñkpo. 15Anye akekop ke ami mmesio ñkpo ñyem unwam, anye amaakpọñ afọñidem amọ ke ñkañ mmi anyʌñ afeghe awuọ ke ufọk.”
16Ndin anye amaanịm afọñidem Yosef tutu eteufọk amọ anyọñ adi. 17Ndin anye amaadọkkọ ebe amọ mme ñkpọ ami: “Afʌn Hibru a-afo akedatta isọk ñnyịn akedi ambịne miin adiñkama ibre mbre. 18Ado ke ini ami ñkebọññọ ñkpo ñyem unwam, anye amaakpọñ afọñidem amọ ke ñkañ mmi, anyʌñ afeghe awuọ ke ufọk.”
19Ke ini eteufọk Yosef akekoppo se anwaan amọ aketañ abo, “Ami ado naña afʌn mfo akenam ye ami,” anye amaakop akpọsọñ ufiob iyadesịd. 20Ndin eteufọk Yosef amaamʌm anye akesịn ke ufọk ñkpakọb, ke itie ebonno mbon ñkpakọb adidem.
Ado ke ini Yosef akebaaha ke ufọk ñkpakọb, 21Abọọñ amaaba ye Yosef, afọn ido ye anye, anyʌñ anam mme akpeme ñkpakọb enen iso ye anye. 22Ndin akpeme ñkpakọb amaanam Yosef ado andise ñkpọ mbaña afịd mbon e-ekemʌmmọ ekesịn ke ñkpakọb, ndin emaenam anye ado adaiwuod ke afịd ñkpọ se ekenam do. 23Akpeme ufọk ñkpakọb ikisịnne anyen ke ñkpọ ndomokeed a-akesịneke ke idak Yosef, sia Abọọñ amaaba ye Yosef anyʌñ anọ anye mfọn ke se adoodo a-anye akenamma.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.