Yenesis 40
40
Akamaiko ye Atemndidia
1Ke etək ini amaakeboiyo, akamaiko ye atem uyo adidem Iyib emaedue eteufọk ammọ, adidem Iyib. 2Fero amaayat esịd ye mme adaidaha amọ iba, etubom ke atu mme akamaiko amọ ye ekamba awo a-akesitemme uyo amọ, 3anyʌñ amʌm ammọ akedọñ ke ñkpakọb ke ufọk adaiso mbon ukpeme, ke ukem ufọk ñkpakọb a-Yosef akesịneke. 4Ndin adaiso mbon ukpeme amaabo Yosef ase ñkpọ abaña ammọ, anye amaanyʌñ ase ñkpọ abaña ammọ.
Ke ini ammọ ekebaaha ke ñkpakọb, 5mme awo iba ami e-ekedooho akamaiko adidem ye atem uyo adidem Iyib, e-ekedọñọke ke ufọk ñkpakọb, emaedappa ndab ukem akonayio ado, ndin ndab keedekeed amaanie se akewuọñọ.
6Ke ini Yosef akediighe abịne ammọ ke usiere edem usen, anye amaakịt ke ammọ ekeba mfʌhọ-mfʌhọ. 7Ndin anye amaabịp mme adaidaha Fero e-ekebaaha ye anye ke ñkpakọb ke ufọk eteufọk ammọ ate, “Nsoo ido ntak a-ndufo ebaaha mfʌhọ-mfʌhọ mfịn?”
8Ndin ammọ emaebọọrọ ete, “Ñnyịn awo iba imaidappa ndab, ado ibaaha awo se ikappa ammọ.”
Ndin Yosef amaabo ammọ ate, “Nte ukappa ndab inieghe Abasi? Indọkkọ miin mme ndab ndufo.”
9Ndin etubom mme akamaiko amaadọkkọ Yosef ndab amọ. Anye amaadọkkọ anye ate, “Ke ndab mmi ñkekịt fain nte ada ke iso mmi, 10ndin fain ami amaanie ñkọk ita ke idem amọ. Kpa idaha ado anye amaaseghe, anwịm mfịd, ndin mme ayọ amọ emaenyʌñ edat ekappa mme kreb. 11Kọọb Fero mmọdo akeba ke ubọk mmi, ndin ami mmaaben mme kreb ado ñnyịmme nsịn ke kọọb Fero ñnyʌñ mben kọọb ado nsịn anye ke ubọk.”
12Yosef amaabo anye, “Ami ado se ndab mfo awuọñọ. Mme ñkọk ita ado ewuọñọ usen ita. 13Asʌhọ usen ita Fero ayaudịppe fiin asio atịmme uben fiin akenịm ke itie mfo, ndin afo ayaasịn Fero kọọb amọ ke ubọk amọ, kpa naña afo akesinam ini a-afo akedooho akamaiko amọ. 14Ado ke ini afịd ñkpọ amaasaña mfọn-mfọn ye afo, ntoiyo miin nyʌñ fọn ido ye ami; siak anyịñ mmi nọ Fero nyʌñ nam ensio miin ke ñkpakọb ami. 15Sia ekemben ke adudu ñkanubọk ekpọñ isọñ mbon Hibru, ndin kpa ke umi, ami nnamma ñkpọ ndomokeed a-adotto se ekpensịn ke ñkpakọb.”
16Ke ini etubom mme atem uyo akịtte ke Yosef amaanọ nnen-nnen ukappa ndab, anye amaabo Yosef, “Ami ñko mmaadappa ndab: Ke iwuod mmi akpasa uyo ita ekedoro. 17Akpasa andikidoro akpa amaadọñọ afịd utọ unwanwan ndidia Fero, ndin mme inuen ekesʌk eta ammọ esịññe ke akpasa ado ke iwuod mmi.”
18Yosef amaabo anye, “Ami ado se ndab mfo awuọñọ. Akpasa ita ado eda enọ usen ita. 19Asʌhọ usen ita Fero ayaukpịkke fiin iwuod anyʌñ akọọñ idem mfo ke eto. Ndin mme inuen eyaedita abʌkidem mfo.”
20Ndin ayọhọ usen ita akedo usọrọ usen emana Fero, anye amaanyʌñ anam usọrọ anọ mme adaidaha amọ. Anye amaanyʌñ adịppe iwuod etubom mme akamaiko ye etubom mme atem uyo ke iso mme adaidaha amọ: 21Anye amaatịmme abenne etubom mme akamaiko anịm ke itie amọ, nọ anye aben kọọb asịn ke ubọk Fero ini keed mfen, 22ndin anye amaakọọñ idem etubom mme atem uyo ke eto, kpa naña Yosef aketañ anọ ammọ ke ukappa ndab amọ.
23Ado, etubom mme akamaiko, ikitoiyoke Yosef; anye amaafre Yosef.
Iliyochaguliwa sasa
Yenesis 40: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 40
40
Akamaiko ye Atemndidia
1Ke etək ini amaakeboiyo, akamaiko ye atem uyo adidem Iyib emaedue eteufọk ammọ, adidem Iyib. 2Fero amaayat esịd ye mme adaidaha amọ iba, etubom ke atu mme akamaiko amọ ye ekamba awo a-akesitemme uyo amọ, 3anyʌñ amʌm ammọ akedọñ ke ñkpakọb ke ufọk adaiso mbon ukpeme, ke ukem ufọk ñkpakọb a-Yosef akesịneke. 4Ndin adaiso mbon ukpeme amaabo Yosef ase ñkpọ abaña ammọ, anye amaanyʌñ ase ñkpọ abaña ammọ.
Ke ini ammọ ekebaaha ke ñkpakọb, 5mme awo iba ami e-ekedooho akamaiko adidem ye atem uyo adidem Iyib, e-ekedọñọke ke ufọk ñkpakọb, emaedappa ndab ukem akonayio ado, ndin ndab keedekeed amaanie se akewuọñọ.
6Ke ini Yosef akediighe abịne ammọ ke usiere edem usen, anye amaakịt ke ammọ ekeba mfʌhọ-mfʌhọ. 7Ndin anye amaabịp mme adaidaha Fero e-ekebaaha ye anye ke ñkpakọb ke ufọk eteufọk ammọ ate, “Nsoo ido ntak a-ndufo ebaaha mfʌhọ-mfʌhọ mfịn?”
8Ndin ammọ emaebọọrọ ete, “Ñnyịn awo iba imaidappa ndab, ado ibaaha awo se ikappa ammọ.”
Ndin Yosef amaabo ammọ ate, “Nte ukappa ndab inieghe Abasi? Indọkkọ miin mme ndab ndufo.”
9Ndin etubom mme akamaiko amaadọkkọ Yosef ndab amọ. Anye amaadọkkọ anye ate, “Ke ndab mmi ñkekịt fain nte ada ke iso mmi, 10ndin fain ami amaanie ñkọk ita ke idem amọ. Kpa idaha ado anye amaaseghe, anwịm mfịd, ndin mme ayọ amọ emaenyʌñ edat ekappa mme kreb. 11Kọọb Fero mmọdo akeba ke ubọk mmi, ndin ami mmaaben mme kreb ado ñnyịmme nsịn ke kọọb Fero ñnyʌñ mben kọọb ado nsịn anye ke ubọk.”
12Yosef amaabo anye, “Ami ado se ndab mfo awuọñọ. Mme ñkọk ita ado ewuọñọ usen ita. 13Asʌhọ usen ita Fero ayaudịppe fiin asio atịmme uben fiin akenịm ke itie mfo, ndin afo ayaasịn Fero kọọb amọ ke ubọk amọ, kpa naña afo akesinam ini a-afo akedooho akamaiko amọ. 14Ado ke ini afịd ñkpọ amaasaña mfọn-mfọn ye afo, ntoiyo miin nyʌñ fọn ido ye ami; siak anyịñ mmi nọ Fero nyʌñ nam ensio miin ke ñkpakọb ami. 15Sia ekemben ke adudu ñkanubọk ekpọñ isọñ mbon Hibru, ndin kpa ke umi, ami nnamma ñkpọ ndomokeed a-adotto se ekpensịn ke ñkpakọb.”
16Ke ini etubom mme atem uyo akịtte ke Yosef amaanọ nnen-nnen ukappa ndab, anye amaabo Yosef, “Ami ñko mmaadappa ndab: Ke iwuod mmi akpasa uyo ita ekedoro. 17Akpasa andikidoro akpa amaadọñọ afịd utọ unwanwan ndidia Fero, ndin mme inuen ekesʌk eta ammọ esịññe ke akpasa ado ke iwuod mmi.”
18Yosef amaabo anye, “Ami ado se ndab mfo awuọñọ. Akpasa ita ado eda enọ usen ita. 19Asʌhọ usen ita Fero ayaukpịkke fiin iwuod anyʌñ akọọñ idem mfo ke eto. Ndin mme inuen eyaedita abʌkidem mfo.”
20Ndin ayọhọ usen ita akedo usọrọ usen emana Fero, anye amaanyʌñ anam usọrọ anọ mme adaidaha amọ. Anye amaanyʌñ adịppe iwuod etubom mme akamaiko ye etubom mme atem uyo ke iso mme adaidaha amọ: 21Anye amaatịmme abenne etubom mme akamaiko anịm ke itie amọ, nọ anye aben kọọb asịn ke ubọk Fero ini keed mfen, 22ndin anye amaakọọñ idem etubom mme atem uyo ke eto, kpa naña Yosef aketañ anọ ammọ ke ukappa ndab amọ.
23Ado, etubom mme akamaiko, ikitoiyoke Yosef; anye amaafre Yosef.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.