Yenesis 15
15
Edioomo Abọọñ ye Ebram
1Ke ami amaakeboiyo, ikọ Abọọñ amaadisịm Ebram ke ñkukịd:
“Ebram, kuufeghe ndịk.
Ami ndo atuekọñ mfo,
ataa ekamba utịb mfo.”
2Ado Ebram amaabo, “Abọọñ Andikara, nsoo ke afo adiinam innọ miin, sia ami nnieghe ayịn ndin awo se idiidia akpa mmi ado Eliesa a-atooho Damaskọs?” 3Ebram amaanyʌñ abo, “Afo unnọọhọ miin ayịn ndomokeed; ke ntoro ayịnufọk ke ufọk mmi adiido adiaakpa mmi.”
4Ndin ikọ Abọọñ amaadisịm anye idem ate: “Awo ami idiidooho adiaakpa mfo, ado ayịn a-adooho abʌk ye iyiib mfo adiido adiaakpa mfo.” 5Anye amaaben anye awuọ anwaesiin anyʌñ akebo anye, “Benne anyen se ikpaanyọñ nyʌñ bat mme ntantaafiọñ; adieke adooho afo ayaakan abat ammọ.” Ndin anye amaabo Ebram, “Ntoro ke ubon mfo adiiba.”
6Ebram amaanịm Abọọñ ke akpanikọ, ndin Abọọñ amaabat ado anọ anye nte adinenido. 7Anye amaanyʌñ abo anye ate, “Ami ndo Abọọñ, a-akusioho fiin ke Ọọ, abio mbon Kaldi adunọ fiin isọñ ami nọ adat anie.” 8Ado Ebram amaabo, “Abọọñ Andikara, ami ndiisaña die ndiọọñọ ke ami ñyaadat isọñ ado nnie?”
9Ndin Abọọñ amaabo anye, “Ben ñyịn umanenañ, ebod ye akukịmedọñ e-edoññoke isua ita nsọk, ñko saña ye ibiom ye abomoñkuku.” 10Ebram amaakoono afịd mme ñkpọ ami asọk anye, akpok ammọ ke itie iba anyʌñ aneeñe mme mbaak ado abono nọ ammọ esak iso ese emọ-emọ; ado anye ikikpokko mme inuen ke mbakka iba. 11Akema mme inuen utañkpọ emaesọiyọ edita mme akpo ado, ado Ebram amaabịn ammọ asịññe.
12Ke ayio amaaketọọñọ adikịm, akpọsọñ idab amaayeet Ebram, ndin ekamba ndịk ye ekịm amaafʌk anye. 13Ndin Abọọñ amaabo Ebram ate, “Diọọñọ ke ataa akpanikọ ke isua ikie inaañ ke ubon mfo ediido isenawo ke idịd i-imiidooho ake ammọ, ndin ke eyaesịn ammọ ufʌn enyʌñ etʌkkọ ammọ. 14Ado ami ñyaamia idịd a-ammọ ediido ifʌn inọ ufen, ndin ke ado amaaboiyo ammọ eyaewuọñọ edi ye uwak inie. 15Ado ke akpanikọ afo ayaanyọñ abịne mme eteete mfo ke emem, enyʌñ ubuuk fiin ke umaunekke usọñ ke isua. 16Ayọhọ emana mfo inaañ eyaetịmme edi mmi, sia ndiọiñkpọ mbon Amọọ iyọhọke iduọi diin.” 17Ke ini utịn amaakesop, ayio anyʌñ akịm, akoikañ a-awuọñọke nsʌñikañ ye ñyaayamma emuumikañ emaeboiyo ke ufọọd mme mbai ñkpọ ado. 18Ke usen ado, Abọọñ amaanam edioomo ye Ebram ate, “Ubon mfo ke ami nnọ isọñ ami, tọọñọ ke inyañ Wadi ke Iyib tutu akewuọ ekamba inyañ Yufretis, 19isọñ mbon Keen, mbon Kenis, mbon Kadmọn, 20mbon Hed, mbon Peris, mbon Refaim 21mbon Amọọ, mbon Kenan, mbon Keekasi ye mbon Yebus.”
Iliyochaguliwa sasa
Yenesis 15: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 15
15
Edioomo Abọọñ ye Ebram
1Ke ami amaakeboiyo, ikọ Abọọñ amaadisịm Ebram ke ñkukịd:
“Ebram, kuufeghe ndịk.
Ami ndo atuekọñ mfo,
ataa ekamba utịb mfo.”
2Ado Ebram amaabo, “Abọọñ Andikara, nsoo ke afo adiinam innọ miin, sia ami nnieghe ayịn ndin awo se idiidia akpa mmi ado Eliesa a-atooho Damaskọs?” 3Ebram amaanyʌñ abo, “Afo unnọọhọ miin ayịn ndomokeed; ke ntoro ayịnufọk ke ufọk mmi adiido adiaakpa mmi.”
4Ndin ikọ Abọọñ amaadisịm anye idem ate: “Awo ami idiidooho adiaakpa mfo, ado ayịn a-adooho abʌk ye iyiib mfo adiido adiaakpa mfo.” 5Anye amaaben anye awuọ anwaesiin anyʌñ akebo anye, “Benne anyen se ikpaanyọñ nyʌñ bat mme ntantaafiọñ; adieke adooho afo ayaakan abat ammọ.” Ndin anye amaabo Ebram, “Ntoro ke ubon mfo adiiba.”
6Ebram amaanịm Abọọñ ke akpanikọ, ndin Abọọñ amaabat ado anọ anye nte adinenido. 7Anye amaanyʌñ abo anye ate, “Ami ndo Abọọñ, a-akusioho fiin ke Ọọ, abio mbon Kaldi adunọ fiin isọñ ami nọ adat anie.” 8Ado Ebram amaabo, “Abọọñ Andikara, ami ndiisaña die ndiọọñọ ke ami ñyaadat isọñ ado nnie?”
9Ndin Abọọñ amaabo anye, “Ben ñyịn umanenañ, ebod ye akukịmedọñ e-edoññoke isua ita nsọk, ñko saña ye ibiom ye abomoñkuku.” 10Ebram amaakoono afịd mme ñkpọ ami asọk anye, akpok ammọ ke itie iba anyʌñ aneeñe mme mbaak ado abono nọ ammọ esak iso ese emọ-emọ; ado anye ikikpokko mme inuen ke mbakka iba. 11Akema mme inuen utañkpọ emaesọiyọ edita mme akpo ado, ado Ebram amaabịn ammọ asịññe.
12Ke ayio amaaketọọñọ adikịm, akpọsọñ idab amaayeet Ebram, ndin ekamba ndịk ye ekịm amaafʌk anye. 13Ndin Abọọñ amaabo Ebram ate, “Diọọñọ ke ataa akpanikọ ke isua ikie inaañ ke ubon mfo ediido isenawo ke idịd i-imiidooho ake ammọ, ndin ke eyaesịn ammọ ufʌn enyʌñ etʌkkọ ammọ. 14Ado ami ñyaamia idịd a-ammọ ediido ifʌn inọ ufen, ndin ke ado amaaboiyo ammọ eyaewuọñọ edi ye uwak inie. 15Ado ke akpanikọ afo ayaanyọñ abịne mme eteete mfo ke emem, enyʌñ ubuuk fiin ke umaunekke usọñ ke isua. 16Ayọhọ emana mfo inaañ eyaetịmme edi mmi, sia ndiọiñkpọ mbon Amọọ iyọhọke iduọi diin.” 17Ke ini utịn amaakesop, ayio anyʌñ akịm, akoikañ a-awuọñọke nsʌñikañ ye ñyaayamma emuumikañ emaeboiyo ke ufọọd mme mbai ñkpọ ado. 18Ke usen ado, Abọọñ amaanam edioomo ye Ebram ate, “Ubon mfo ke ami nnọ isọñ ami, tọọñọ ke inyañ Wadi ke Iyib tutu akewuọ ekamba inyañ Yufretis, 19isọñ mbon Keen, mbon Kenis, mbon Kadmọn, 20mbon Hed, mbon Peris, mbon Refaim 21mbon Amọọ, mbon Kenan, mbon Keekasi ye mbon Yebus.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.