Yenesis 14
14
Ebram Afak Lọọd
1Ke ini Amrafel akedooho adidem ke Sina,#14:1 A-adooho Babilonia; se ñko ke Yenesis 13:9 Ariọk ado adidem ke Elasa, Kedoloma ado adidem ke Elam, ndin Tidal ado adidem Koyim, 2mme ndidem ami emaekaiya ekọñ ye Bera adidem Sọdọm, Beesa adidem Komora, Sinab adidem Adma, Semeba adidem Seboyịm, ye adidem Bela (a-adooho Soa). 3Afịd mme ndidem ami ekedidiana keed ke itịkke Siddim (a-adooho Abedeñ Ñkpaikpa Akpainyañ). 4Ke isua duob mme iba, ammọ emaenam ñkpọ enọ Kedoloma, ado ke ayọhọ isua duob mme ita, ammọ emaenam nsọñiwuod.
5Ke ayọhọ isua duob mme inaañ, Kedoloma ye ndidem e-ekedaaha ye anye emaewuọ ekaa ekekan mbon Refaim ke Asterọd Kaanaim, mbon Susịm ke Ham, mbon Emịm ke Safe Kiriataim 6ye mbon Hori ke ukañ idịd abod Sei tutu akesịm El Paran ke ñkpere akpautatan. 7Ndin ammọ emaetịmme edem enyʌñ ekaa En Mispad (a-adooho Kades). Ammọ ndin emaedikan afịd ñkanñkʌk mbon Amalek ye mbon Amọọ e-ekedʌññọ ke Hasesọn Tama.
8Ndin adidem Sọdọm, adidem Komora, adidem Adma, adidem Seboyịm ye adidem Bela (a-adooho Soa) emaenam isañ ewuọñọ edidʌt ukpa ekọñ ammọ ke itịkke Siddim 9ye Kedoloma adidem Elam, Tidal adidem Koyim, Amrafel adidem Sina ye Ariọk adidem Elasa, ndidem inaañ enwana ye ition. 10Ndin itịkke Siddim akeyọhọ ye mme ube akeyọhọke ye itai, ñko ke ini mme ndidem Sọdọm ye Komora ekefeeñeke, usʌk ideen emaeduọññọ edọñọ ube ado, ndin usʌk emaefeeñe edọọk mme abod. 11Ndidem inaañ ado emaekoono afịd inie Sọdọm ye Komora ye afịd ndidia ammọ; ndin ammọ emaenyọñọ. 12Ammọ emaenyʌñ eben Lọọd a-akedooho ayịn ayịneka Ebram ye mme inie amọ, sia anye akedʌññọ ke Sọdọm.
13Awodeen keed a-akebọkkọke afeghe amaaditañ anọ Ebram awo Hibru. Idaha ntoro, Ebram akedʌñ akpere mme ekamba eto Mamre awo Amọọ, ayịneka awodeen Eskol ye Anee, ndin afịd ammọ emaedʌk edioomo adidiana keed ye Ebram. 14Ke ini Ebram akekoppo ke e-emʌm ayịn ayịneka amọ nte ifʌn, anye amaakoot ideen ikie ita mme duob mme itiaita (318), e-ekebọọhọ ukpeeb, e-ekenyʌññọ emana ke ufọk amọ, ndin ammọ emaekaa adinyaaña Lọọd tutu akewuọ Daan. 15Ke akonayio Ebram amaabakka ideen amọ anyʌñ abana ammọ idem nọ ekenwana ye mbon e-ekemʌmmọ Lọọd, ndin ammọ emaebịne ammọ tutu ekewuọ Hoba, ke adoro Damaskọs. 16Anye amaabọi ammọ afịd mme inie a-ammọ ekekoonoke anyʌñ aben Lọọd ayakka amọ ye afịd inie amọ ye afịd ibaan ye mbon mfen anyọñ adi. 17Ke Ebram amaakenyọñ adikan Kedoloma ye ndidem e-ekedianake ye anye idi, adidem Sọdọm amaawuọ adisoobo ye anye ke itịkke Safe (a-adooho Itịkke Adidem). 18Ndin Melkisedek adidem Salem amaasio uyo ye ukọd adi. Anye akedo aku Abasi Andikoñ Ñkan, 19ndin anye amaadiọñ Ebram, abo,
“Adidiọñ anie Ebram ato Abasi Andikoñ Ñkan,
Andinam anyọñ ye isọñ.
20Ñko, itooro anie Abasi Andikoñ Ñkan,
a-akeyaaha mme asua mfo usịn fiin ke ubọk.”
Ke ntoro Ebram amaanọ anye mbakka keed ke itie duob afịd ñkpọ.
21Adidem Sọdọm amaabo Ebram, “Saana mme awo ado nnọ miin, ndin dat mme inie nịm nọ idem mfo.”
22Ado Ebram amaabo adidem Sọdọm, “Ami mmedịppe ubọk ñnwọñọ unwọñọ nnọ Abọọñ, Abasi Andikoñ Ñkan, andinam anyọñ ye isọñ, 23ke ami ndiibọọhọ ñkpọ ndomokeed u-unieghe fiin, ñkpọ nte udʌk me ñkpaha ikpaukod, mbaak afo udubo, ‘ami ñkenam Ebram amọinyọ.’ 24Ami ndiibọọhọ ñkpọ ndomokeed ibọhọke se ideen mmi ekedia ye udeeme a-anieghe ideen e-ekesañake ye ami eka Anee, Eskol ye Mamre. Yak ammọ edat udeeme ammọ.”
Iliyochaguliwa sasa
Yenesis 14: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 14
14
Ebram Afak Lọọd
1Ke ini Amrafel akedooho adidem ke Sina,#14:1 A-adooho Babilonia; se ñko ke Yenesis 13:9 Ariọk ado adidem ke Elasa, Kedoloma ado adidem ke Elam, ndin Tidal ado adidem Koyim, 2mme ndidem ami emaekaiya ekọñ ye Bera adidem Sọdọm, Beesa adidem Komora, Sinab adidem Adma, Semeba adidem Seboyịm, ye adidem Bela (a-adooho Soa). 3Afịd mme ndidem ami ekedidiana keed ke itịkke Siddim (a-adooho Abedeñ Ñkpaikpa Akpainyañ). 4Ke isua duob mme iba, ammọ emaenam ñkpọ enọ Kedoloma, ado ke ayọhọ isua duob mme ita, ammọ emaenam nsọñiwuod.
5Ke ayọhọ isua duob mme inaañ, Kedoloma ye ndidem e-ekedaaha ye anye emaewuọ ekaa ekekan mbon Refaim ke Asterọd Kaanaim, mbon Susịm ke Ham, mbon Emịm ke Safe Kiriataim 6ye mbon Hori ke ukañ idịd abod Sei tutu akesịm El Paran ke ñkpere akpautatan. 7Ndin ammọ emaetịmme edem enyʌñ ekaa En Mispad (a-adooho Kades). Ammọ ndin emaedikan afịd ñkanñkʌk mbon Amalek ye mbon Amọọ e-ekedʌññọ ke Hasesọn Tama.
8Ndin adidem Sọdọm, adidem Komora, adidem Adma, adidem Seboyịm ye adidem Bela (a-adooho Soa) emaenam isañ ewuọñọ edidʌt ukpa ekọñ ammọ ke itịkke Siddim 9ye Kedoloma adidem Elam, Tidal adidem Koyim, Amrafel adidem Sina ye Ariọk adidem Elasa, ndidem inaañ enwana ye ition. 10Ndin itịkke Siddim akeyọhọ ye mme ube akeyọhọke ye itai, ñko ke ini mme ndidem Sọdọm ye Komora ekefeeñeke, usʌk ideen emaeduọññọ edọñọ ube ado, ndin usʌk emaefeeñe edọọk mme abod. 11Ndidem inaañ ado emaekoono afịd inie Sọdọm ye Komora ye afịd ndidia ammọ; ndin ammọ emaenyọñọ. 12Ammọ emaenyʌñ eben Lọọd a-akedooho ayịn ayịneka Ebram ye mme inie amọ, sia anye akedʌññọ ke Sọdọm.
13Awodeen keed a-akebọkkọke afeghe amaaditañ anọ Ebram awo Hibru. Idaha ntoro, Ebram akedʌñ akpere mme ekamba eto Mamre awo Amọọ, ayịneka awodeen Eskol ye Anee, ndin afịd ammọ emaedʌk edioomo adidiana keed ye Ebram. 14Ke ini Ebram akekoppo ke e-emʌm ayịn ayịneka amọ nte ifʌn, anye amaakoot ideen ikie ita mme duob mme itiaita (318), e-ekebọọhọ ukpeeb, e-ekenyʌññọ emana ke ufọk amọ, ndin ammọ emaekaa adinyaaña Lọọd tutu akewuọ Daan. 15Ke akonayio Ebram amaabakka ideen amọ anyʌñ abana ammọ idem nọ ekenwana ye mbon e-ekemʌmmọ Lọọd, ndin ammọ emaebịne ammọ tutu ekewuọ Hoba, ke adoro Damaskọs. 16Anye amaabọi ammọ afịd mme inie a-ammọ ekekoonoke anyʌñ aben Lọọd ayakka amọ ye afịd inie amọ ye afịd ibaan ye mbon mfen anyọñ adi. 17Ke Ebram amaakenyọñ adikan Kedoloma ye ndidem e-ekedianake ye anye idi, adidem Sọdọm amaawuọ adisoobo ye anye ke itịkke Safe (a-adooho Itịkke Adidem). 18Ndin Melkisedek adidem Salem amaasio uyo ye ukọd adi. Anye akedo aku Abasi Andikoñ Ñkan, 19ndin anye amaadiọñ Ebram, abo,
“Adidiọñ anie Ebram ato Abasi Andikoñ Ñkan,
Andinam anyọñ ye isọñ.
20Ñko, itooro anie Abasi Andikoñ Ñkan,
a-akeyaaha mme asua mfo usịn fiin ke ubọk.”
Ke ntoro Ebram amaanọ anye mbakka keed ke itie duob afịd ñkpọ.
21Adidem Sọdọm amaabo Ebram, “Saana mme awo ado nnọ miin, ndin dat mme inie nịm nọ idem mfo.”
22Ado Ebram amaabo adidem Sọdọm, “Ami mmedịppe ubọk ñnwọñọ unwọñọ nnọ Abọọñ, Abasi Andikoñ Ñkan, andinam anyọñ ye isọñ, 23ke ami ndiibọọhọ ñkpọ ndomokeed u-unieghe fiin, ñkpọ nte udʌk me ñkpaha ikpaukod, mbaak afo udubo, ‘ami ñkenam Ebram amọinyọ.’ 24Ami ndiibọọhọ ñkpọ ndomokeed ibọhọke se ideen mmi ekedia ye udeeme a-anieghe ideen e-ekesañake ye ami eka Anee, Eskol ye Mamre. Yak ammọ edat udeeme ammọ.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.