Yenesis 16
16
Haka ye Ismeel
1Ndin Serai, anwaan Ebram, ikimanna ayịn ndomokeed inọ anye. Ado anye amaanie afʌn keed a-akedooho awo Iyib a-akekereke Haka. 2Ke ntoro anye amaabo Ebram, “Abọọñ iyemme nọ ami nnie nditọ. Kaa, ke naa ye afʌn mmi; akeme ido ami ñyaasiak ubon nto anye.”
Ebram amaanyịmme se Serai aketañ. 3Akema ke Ebram amaakedʌñ ke Kenan ñkpọ nte isua duob, Serai anwaan amọ amaaben afʌn amọ a-akedooho awo Iyib a-akekereke Haka anọ ebe amọ nọ adọ. 4Anye amaanaa ye Haka, ndin Haka amaayommo idịb.
Ke ini anye akekịtte ke imọ imiiyommo, anye amaatọọñọ imịnne ekaufọk amọ. 5Ndin Serai amaabo Ebram, “Afo ado ntak a-ami mbọọhọ usọñanyen. Ami ñkeben afʌn mmi unọọ fiin, ndin sia anye akịtte ke imọ imiiyommo, ayense miin ke ndek. Yak Abọọñ akpe ikpe annọ miin ye afo.”
6Ndin Ebram amaabo Serai ate, “Afʌn mfo usịne fiin ke ubọk, nam ye anye se afo akịt ke u-ufọn fiin.” Ke ntak ado, Serai amaafʌnnọ Haka; ndin anye amaanyʌñ afeghe awuọ akpọñ Serai.
7Enyere Abọọñ amaakịt Haka ke ñkpere ube mmọọñ ke akpautatan; akedo ube mmọọñ a-akekpereke usʌñ Sọọ. 8Ndin anye amaabịp ate, “Haka afʌn Serai, afo ato uke adi, anyʌñ akaa uke?”
Anye amaabọọrọ, “Ami mfeghe ñkpọñ ekaufọk mmi Serai.” 9Ndin enyere Abọọñ amaabo anye, “Tịmme nyọñ bịne ukaufọk ke suuhọ iwuood nọ anye.” 10Enyere Abọọñ amaanyʌñ adian do ate, “Ami ñyaanam ubon mfo anekke atọt tutu idooho se awo akan abat.”
11Enyere Abọọñ amaanyʌñ abo anye:
“Idahami, afo amenyommo idịb,
afo ayaanyʌñ aman ayịn awodeen.
Afo uduukoot anye Ismeel,#16:11 Ismeel awuọñọ Abasi akop
sia Abọọñ a-akop ntuañña ukuud mfo.
12Anye adiido awodeen a-atieghe nte dọñki ikọd;
ubọk amọ ayaadoro afịd awo ke idem
ndin ubọk afịd awo ayaanyʌñ adoro anye ke idem,
ndin anye adiidʌñ afai-afai
ye afịd nditọete amọ ideen.”
13Ndin Haka amaanọ Abọọñ a-aketañña ikọ ye anye anyịñ ate: “Afo ado Abasi añkịtte miin, sia idahami ami mmekịt Anye añkịtte miin.” 14Ntak ado anam ekekoot ube mmọọñ ado Bee Lahai Rọi;#16:14 Bee Lahai Rọi awuọñọ udu a-anieghe Aduuwem a-añkịtte miin a-adooho mmọdo asʌk ababa tutu mfịn ami, ke ufọọd Kades ye Bered. 15Akema Haka amaaman ayịn awodeen anọ Ebram, ndin Ebram amaasio anye añyịn Ismeel. 16Ebram akedo isua anaañ mme itiokeed idaha a-Haka akemanna Ismeel.
Iliyochaguliwa sasa
Yenesis 16: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Yenesis 16
16
Haka ye Ismeel
1Ndin Serai, anwaan Ebram, ikimanna ayịn ndomokeed inọ anye. Ado anye amaanie afʌn keed a-akedooho awo Iyib a-akekereke Haka. 2Ke ntoro anye amaabo Ebram, “Abọọñ iyemme nọ ami nnie nditọ. Kaa, ke naa ye afʌn mmi; akeme ido ami ñyaasiak ubon nto anye.”
Ebram amaanyịmme se Serai aketañ. 3Akema ke Ebram amaakedʌñ ke Kenan ñkpọ nte isua duob, Serai anwaan amọ amaaben afʌn amọ a-akedooho awo Iyib a-akekereke Haka anọ ebe amọ nọ adọ. 4Anye amaanaa ye Haka, ndin Haka amaayommo idịb.
Ke ini anye akekịtte ke imọ imiiyommo, anye amaatọọñọ imịnne ekaufọk amọ. 5Ndin Serai amaabo Ebram, “Afo ado ntak a-ami mbọọhọ usọñanyen. Ami ñkeben afʌn mmi unọọ fiin, ndin sia anye akịtte ke imọ imiiyommo, ayense miin ke ndek. Yak Abọọñ akpe ikpe annọ miin ye afo.”
6Ndin Ebram amaabo Serai ate, “Afʌn mfo usịne fiin ke ubọk, nam ye anye se afo akịt ke u-ufọn fiin.” Ke ntak ado, Serai amaafʌnnọ Haka; ndin anye amaanyʌñ afeghe awuọ akpọñ Serai.
7Enyere Abọọñ amaakịt Haka ke ñkpere ube mmọọñ ke akpautatan; akedo ube mmọọñ a-akekpereke usʌñ Sọọ. 8Ndin anye amaabịp ate, “Haka afʌn Serai, afo ato uke adi, anyʌñ akaa uke?”
Anye amaabọọrọ, “Ami mfeghe ñkpọñ ekaufọk mmi Serai.” 9Ndin enyere Abọọñ amaabo anye, “Tịmme nyọñ bịne ukaufọk ke suuhọ iwuood nọ anye.” 10Enyere Abọọñ amaanyʌñ adian do ate, “Ami ñyaanam ubon mfo anekke atọt tutu idooho se awo akan abat.”
11Enyere Abọọñ amaanyʌñ abo anye:
“Idahami, afo amenyommo idịb,
afo ayaanyʌñ aman ayịn awodeen.
Afo uduukoot anye Ismeel,#16:11 Ismeel awuọñọ Abasi akop
sia Abọọñ a-akop ntuañña ukuud mfo.
12Anye adiido awodeen a-atieghe nte dọñki ikọd;
ubọk amọ ayaadoro afịd awo ke idem
ndin ubọk afịd awo ayaanyʌñ adoro anye ke idem,
ndin anye adiidʌñ afai-afai
ye afịd nditọete amọ ideen.”
13Ndin Haka amaanọ Abọọñ a-aketañña ikọ ye anye anyịñ ate: “Afo ado Abasi añkịtte miin, sia idahami ami mmekịt Anye añkịtte miin.” 14Ntak ado anam ekekoot ube mmọọñ ado Bee Lahai Rọi;#16:14 Bee Lahai Rọi awuọñọ udu a-anieghe Aduuwem a-añkịtte miin a-adooho mmọdo asʌk ababa tutu mfịn ami, ke ufọọd Kades ye Bered. 15Akema Haka amaaman ayịn awodeen anọ Ebram, ndin Ebram amaasio anye añyịn Ismeel. 16Ebram akedo isua anaañ mme itiokeed idaha a-Haka akemanna Ismeel.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.