Utom Mme Abọsịd 2
2
Enọ Adisana Sịbidịd ke Usen Pentikọs
1Ke usen Pentikọs amaakedikem, mme mbed emaesoobo itie keed. 2Ke unana idodanyen, akpọsọñ uyom amaato hefịn adiyọhọ ufọk a-ammọ eketieghe. 3Ndin ammọ emaekịt ñkpọ e-ekebaaha nte mme edemeikañ naña esuana edoro ammọ keedekeed ke idem. 4Afịd ammọ emaeyọhọ ye Adisana Sịbidịd enyʌñ etọọñọ adisem mme nsio-nsio usem naña Sịbidịd akenọọ ammọ ukeme.
5Ke ini ado mme Yuu se ikinie mbaak Abasi, e-eketooho mme nsio-nsio idịd ke afịd ederimbod ke idak hefịn emaeba ke Yeruselem. 6Ke ini ammọ ekekoppo uyom ami, ammọ emaewuọñọ edi ke ñkpaidem, sia mme awo keedekeed emaekop naña mme mbed esem usem idʌñ ammọ. 7Ke ataa ñkpaidem, ammọ emaebịp, “Nte afịd mme awo e-esemme mme usem ami idooho mbon Kalili? 8Anam die ndin nọ ñnyịn keedekeed ikop se ammọ etañ ke mme usem ukañ ñnyịn? 9Ñnyịn ido mbon Peet, mbon Medes, mbon Elam, mbon e-edʌññọ ke Mesopotemia, Yudia, Kapadosia, Pọntus ye Esia,#2:9 Ikpeghe ukara Rom a-akekereke Esia 10Frikia ye Pamfilia, Iyib ye mme ubaak itie ke Libia e-ekpereke Siriin; isenawo e-eketooho Rom 11(mme Yuu ye mbon se ikappa esịd idʌk edu ukpono mme Yuu); Mbon Kred ye mbon Arab, ñnyịn ikop nte ammọ etañ ebaña mme utịppeñkpọ Abasi ke mme edemeikọ ñnyịn.” 12Ke ayọhọ ñkpaidem, ammọ emaebịp emọ-emọ ete, “Nsoo ke ñkpọ ami awuọñọ?”
13Ado ubaak awo emaesaha ammọ enyʌñ ebo, “Ukọd anaam ammọ.”
Pita Atañ Ikọ Anọ Atu Awo
14Ndin Pita amaadakka ada ye mme abọsịd duob ye keed anyʌñ abọñ ke akpọsọñ uyio anọ atu awo ate: “Inekke ikpañ utọñ, afịd ndufo mme emọ-emọ Yuu ye mme andidʌñ ke Yeruselem, yak nnam nọ inwaña ndufo; inekke ikpañ utọñ ikop se ami ntañ. 15Idooho ukọd anaam ibon ami naña ubaak ndufo ekere. Abak abọhọ; awo isikpaaha mmịn ke ñkanika usʌkkeed ubakusen! 16Iyoo, se prọfed Yuel aketañ anịm ado ami:
17“ ‘Ke mme akpatre usen, Abọọñ Abasi atañ,
ami ñyaanwañña Sịbidịd mmi nduọk afịd uduud awo.
Nditọ ideen ye nditọ ibaan ndufo eyaetañ prọfesi,
ñkparawa ideen ndufo eyaenyʌñ ekiit ñkukịd,
ikpọ ideen ndufo eyaedappa ndab.
18Ñko ñyaanwañña Sịbidịd mmi nduọk nditọufọk mmi ideen ye ibaan
ke mme usen ado,
ammọ eyaenyʌñ etañ prọfesi.
19Ami ñyaawọt mme utịppeñkpọ ke hefịn ye mme
idiọọñọ ke isọñ,
iyiib ye ikañ ye mme eboho nsʌñikañ.
20Utịn ayaakappa ado ekịm
afiọñ anyʌñ akappa iyiib
mbemiso usen Abọọñ Abasi adi, akwa usen itooro.
21Ndin awo akeedodo a-akoodo
anyịñ Abọọñ Abasi ayaabọkkọ.’
22“Nditọ Isrel ñnyịn, ikpañ utọñ ikop se ami ntañ inọọ ndufo: Yisọs a-aketooho Nasared akedo awo a-Abasi akebenne iwọt ndufo anwa-anwa ato ke mme utịppeñkpọ, mme ñkpọ ñkpaidem ye mme idiọọñọ a-Abasi akenamma ke ufọọd ndufo ato ke ubọk amọ, nte ndufo ke idem ndufo ediọọñọke. 23Emaeyaak anye inọ ndufo ato ke uduak ye ubonoñkpọ a-Abasi akenieghe, ndin ato ke unwam mbon ibak, ndufo emaewot anye ke adikọñ ke krọs. 24Ado Abasi amaanam anye aset ke ñkpa, anam anye abọkkọ ndutʌhọ ñkpa, sia ñkpa ikinieghe adudu adisịn anye ukad. 25Ñko Defid amaatañ ami abaña Yisọs:
“ ‘Ami mmaakịt Abọọñ Abasi ke iso mmi afịd ini.
Sia anye aba ke ubọk nnasia mmi,
ñkpọ ndomokeed idintəkkoke miin.
26Ke ntak ado esịd andat, edeme mmi anyʌñ akwọ itooro Abasi;
ikpọkidem mmi ñko ayaanie nduọkadudu ke idodanyen,
27sia afo uduñkpọññọ miin ke abioekpo,
afo uduunyʌññọ uyak adisana awo mfo akịt mbiara.
28Afo amenam ami ndiọọñọ mme usʌñ uwem;
ayaannọ miin ayọhọ idadesịd ke iso mfo.’
29“Ikọd ñnyịn Isrel, yak ntañ inọ ndufo uko-uko ke nsọbom ñnyịn Defid amaakpa, emaenyʌñ ebuuk anye, itiad udi amọ asʌk ababa awuọ mfịn. 30Ado anye akedo prọfed, amaanyʌñ adiọọñọ ke Abasi amaanam akaakan enwọñọ adimek keed ke atu ayeyịn amọ ndot ke ebekpo amọ. 31Defid amaanie ifiọk abaña ini iso ke anye adibemiso ntañ mbaña adised Krais ke ñkpa, ke awo idiikpọññọ anye ke abioekpo, ñko ke ikpọkidem amọ idiikịtte mbiara. 32Abasi amaanam Yisọs ami aset ke ñkpa, ndin ñnyịn ido ntiense ibaña ñkpọ ami. 33Ke emaekedịppe anye edot ke ubọk nnasia Abasi, anye a-abọ Adisana Sịbidịd ekenwọñọke ato Ete. Do ke anye aduọk ammọ Sịbidịd a-ndufo ekịtte enyʌñ ekop mi mfịn. 34Sia Defid ke idem amọ ikidọọhọ ika hefịn, ado anye amaabo,
“ ‘Abọọñ amaabo Abọọñ mmi ate:
“Tie ke ubọk nnasia mmi
35tutu ami nnam mme asua mfo
edo ifịm udodukod mfo.” ’
36“Ke ntoro, yak afịd ufọk Isrel ediọọñọ ayọhọ-ayọhọ ke Abasi amaanam Yisọs ami a-ndufo ekekọññọ ewot ke krọs ado Abọọñ ye Krais.”
37Ke mme awo emaekekop ikọ ami esịd amaabʌññọ ammọ, ndin ammọ emaebịp Pita ye mme abọsịd mbon ako ebo, “Nditọeka, nsoo ke ñnyịn idiinam?”
38Ndin Pita amaabọọrọ ammọ ate, “Afịd ndufo ikappa esịd inyʌñ ibọ uduọkmmọọñ ke anyịñ Yisọs Krais nọ efeen mme idiọọkñkpọ ndufo. Ndufo ñko eyaebọ enọ Adisana Sịbidịd. 39Enwọñọ ami inie ndufo ye nditọ ndufo, ye afịd awo e-ebaaha ke anyan usʌñ, ye afịd mbon a-Abọọñ Abasi ñnyịn adiikoot inọ idem amọ.”
40Ndin Pita amaakwọrọ ikọ akpeene, adʌt ammọ utọñ anyʌñ akpeiye ammọ ate, “Inyaaña idem ndufo isio ke mbiara emana ami.” 41Mbon se ikitat esịd ikop ikọ amọ emaebọ uduọkmmọọñ, ndin ñkpọ nte awo tọsịn ita emaekeene edʌk ke atu ammọ usen ado.
Ewuana mme Andinịm ke Akpanikọ
42Ammọ emaenekke esịn idem ke ukpeebñkpọ a-mme abọsịd ekenọọhọ ye ke ewuana, adiana ye adibuuñ uyo ye adibọñ akam. 43Uteñe amaamʌm afịd awo adikịt uwak utịppeñkpọ ye mme utom idiọọñọ a-mme abọsịd ekenaññake. 44Afịd mbon se ikinịm ke akpanikọ emaesisoobo itie keed, enyʌñ ewawana afịd ñkpọ enie. 45Ammọ emaenyaam se ammọ ekenie edeeme enọ mme awo akeene naña mfịna awo keedekeed akedo. 46Afịd usen ammọ emaesisoobo ke mme afe tembịd. Ñko ammọ emaesibuuñ uyo ke ufọk ammọ, enyʌñ ewuana edia ke inemesịd, 47etooro Abasi, enyʌñ ekịt asaña-asaña mfọn ke iso afịd awo. Ke usen ke usen, Abọọñ amaadian mme awo ekebọọhọ adinyaaña anọ ammọ.
Iliyochaguliwa sasa
Utom Mme Abọsịd 2: ICB
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 2
2
Enọ Adisana Sịbidịd ke Usen Pentikọs
1Ke usen Pentikọs amaakedikem, mme mbed emaesoobo itie keed. 2Ke unana idodanyen, akpọsọñ uyom amaato hefịn adiyọhọ ufọk a-ammọ eketieghe. 3Ndin ammọ emaekịt ñkpọ e-ekebaaha nte mme edemeikañ naña esuana edoro ammọ keedekeed ke idem. 4Afịd ammọ emaeyọhọ ye Adisana Sịbidịd enyʌñ etọọñọ adisem mme nsio-nsio usem naña Sịbidịd akenọọ ammọ ukeme.
5Ke ini ado mme Yuu se ikinie mbaak Abasi, e-eketooho mme nsio-nsio idịd ke afịd ederimbod ke idak hefịn emaeba ke Yeruselem. 6Ke ini ammọ ekekoppo uyom ami, ammọ emaewuọñọ edi ke ñkpaidem, sia mme awo keedekeed emaekop naña mme mbed esem usem idʌñ ammọ. 7Ke ataa ñkpaidem, ammọ emaebịp, “Nte afịd mme awo e-esemme mme usem ami idooho mbon Kalili? 8Anam die ndin nọ ñnyịn keedekeed ikop se ammọ etañ ke mme usem ukañ ñnyịn? 9Ñnyịn ido mbon Peet, mbon Medes, mbon Elam, mbon e-edʌññọ ke Mesopotemia, Yudia, Kapadosia, Pọntus ye Esia,#2:9 Ikpeghe ukara Rom a-akekereke Esia 10Frikia ye Pamfilia, Iyib ye mme ubaak itie ke Libia e-ekpereke Siriin; isenawo e-eketooho Rom 11(mme Yuu ye mbon se ikappa esịd idʌk edu ukpono mme Yuu); Mbon Kred ye mbon Arab, ñnyịn ikop nte ammọ etañ ebaña mme utịppeñkpọ Abasi ke mme edemeikọ ñnyịn.” 12Ke ayọhọ ñkpaidem, ammọ emaebịp emọ-emọ ete, “Nsoo ke ñkpọ ami awuọñọ?”
13Ado ubaak awo emaesaha ammọ enyʌñ ebo, “Ukọd anaam ammọ.”
Pita Atañ Ikọ Anọ Atu Awo
14Ndin Pita amaadakka ada ye mme abọsịd duob ye keed anyʌñ abọñ ke akpọsọñ uyio anọ atu awo ate: “Inekke ikpañ utọñ, afịd ndufo mme emọ-emọ Yuu ye mme andidʌñ ke Yeruselem, yak nnam nọ inwaña ndufo; inekke ikpañ utọñ ikop se ami ntañ. 15Idooho ukọd anaam ibon ami naña ubaak ndufo ekere. Abak abọhọ; awo isikpaaha mmịn ke ñkanika usʌkkeed ubakusen! 16Iyoo, se prọfed Yuel aketañ anịm ado ami:
17“ ‘Ke mme akpatre usen, Abọọñ Abasi atañ,
ami ñyaanwañña Sịbidịd mmi nduọk afịd uduud awo.
Nditọ ideen ye nditọ ibaan ndufo eyaetañ prọfesi,
ñkparawa ideen ndufo eyaenyʌñ ekiit ñkukịd,
ikpọ ideen ndufo eyaedappa ndab.
18Ñko ñyaanwañña Sịbidịd mmi nduọk nditọufọk mmi ideen ye ibaan
ke mme usen ado,
ammọ eyaenyʌñ etañ prọfesi.
19Ami ñyaawọt mme utịppeñkpọ ke hefịn ye mme
idiọọñọ ke isọñ,
iyiib ye ikañ ye mme eboho nsʌñikañ.
20Utịn ayaakappa ado ekịm
afiọñ anyʌñ akappa iyiib
mbemiso usen Abọọñ Abasi adi, akwa usen itooro.
21Ndin awo akeedodo a-akoodo
anyịñ Abọọñ Abasi ayaabọkkọ.’
22“Nditọ Isrel ñnyịn, ikpañ utọñ ikop se ami ntañ inọọ ndufo: Yisọs a-aketooho Nasared akedo awo a-Abasi akebenne iwọt ndufo anwa-anwa ato ke mme utịppeñkpọ, mme ñkpọ ñkpaidem ye mme idiọọñọ a-Abasi akenamma ke ufọọd ndufo ato ke ubọk amọ, nte ndufo ke idem ndufo ediọọñọke. 23Emaeyaak anye inọ ndufo ato ke uduak ye ubonoñkpọ a-Abasi akenieghe, ndin ato ke unwam mbon ibak, ndufo emaewot anye ke adikọñ ke krọs. 24Ado Abasi amaanam anye aset ke ñkpa, anam anye abọkkọ ndutʌhọ ñkpa, sia ñkpa ikinieghe adudu adisịn anye ukad. 25Ñko Defid amaatañ ami abaña Yisọs:
“ ‘Ami mmaakịt Abọọñ Abasi ke iso mmi afịd ini.
Sia anye aba ke ubọk nnasia mmi,
ñkpọ ndomokeed idintəkkoke miin.
26Ke ntak ado esịd andat, edeme mmi anyʌñ akwọ itooro Abasi;
ikpọkidem mmi ñko ayaanie nduọkadudu ke idodanyen,
27sia afo uduñkpọññọ miin ke abioekpo,
afo uduunyʌññọ uyak adisana awo mfo akịt mbiara.
28Afo amenam ami ndiọọñọ mme usʌñ uwem;
ayaannọ miin ayọhọ idadesịd ke iso mfo.’
29“Ikọd ñnyịn Isrel, yak ntañ inọ ndufo uko-uko ke nsọbom ñnyịn Defid amaakpa, emaenyʌñ ebuuk anye, itiad udi amọ asʌk ababa awuọ mfịn. 30Ado anye akedo prọfed, amaanyʌñ adiọọñọ ke Abasi amaanam akaakan enwọñọ adimek keed ke atu ayeyịn amọ ndot ke ebekpo amọ. 31Defid amaanie ifiọk abaña ini iso ke anye adibemiso ntañ mbaña adised Krais ke ñkpa, ke awo idiikpọññọ anye ke abioekpo, ñko ke ikpọkidem amọ idiikịtte mbiara. 32Abasi amaanam Yisọs ami aset ke ñkpa, ndin ñnyịn ido ntiense ibaña ñkpọ ami. 33Ke emaekedịppe anye edot ke ubọk nnasia Abasi, anye a-abọ Adisana Sịbidịd ekenwọñọke ato Ete. Do ke anye aduọk ammọ Sịbidịd a-ndufo ekịtte enyʌñ ekop mi mfịn. 34Sia Defid ke idem amọ ikidọọhọ ika hefịn, ado anye amaabo,
“ ‘Abọọñ amaabo Abọọñ mmi ate:
“Tie ke ubọk nnasia mmi
35tutu ami nnam mme asua mfo
edo ifịm udodukod mfo.” ’
36“Ke ntoro, yak afịd ufọk Isrel ediọọñọ ayọhọ-ayọhọ ke Abasi amaanam Yisọs ami a-ndufo ekekọññọ ewot ke krọs ado Abọọñ ye Krais.”
37Ke mme awo emaekekop ikọ ami esịd amaabʌññọ ammọ, ndin ammọ emaebịp Pita ye mme abọsịd mbon ako ebo, “Nditọeka, nsoo ke ñnyịn idiinam?”
38Ndin Pita amaabọọrọ ammọ ate, “Afịd ndufo ikappa esịd inyʌñ ibọ uduọkmmọọñ ke anyịñ Yisọs Krais nọ efeen mme idiọọkñkpọ ndufo. Ndufo ñko eyaebọ enọ Adisana Sịbidịd. 39Enwọñọ ami inie ndufo ye nditọ ndufo, ye afịd awo e-ebaaha ke anyan usʌñ, ye afịd mbon a-Abọọñ Abasi ñnyịn adiikoot inọ idem amọ.”
40Ndin Pita amaakwọrọ ikọ akpeene, adʌt ammọ utọñ anyʌñ akpeiye ammọ ate, “Inyaaña idem ndufo isio ke mbiara emana ami.” 41Mbon se ikitat esịd ikop ikọ amọ emaebọ uduọkmmọọñ, ndin ñkpọ nte awo tọsịn ita emaekeene edʌk ke atu ammọ usen ado.
Ewuana mme Andinịm ke Akpanikọ
42Ammọ emaenekke esịn idem ke ukpeebñkpọ a-mme abọsịd ekenọọhọ ye ke ewuana, adiana ye adibuuñ uyo ye adibọñ akam. 43Uteñe amaamʌm afịd awo adikịt uwak utịppeñkpọ ye mme utom idiọọñọ a-mme abọsịd ekenaññake. 44Afịd mbon se ikinịm ke akpanikọ emaesisoobo itie keed, enyʌñ ewawana afịd ñkpọ enie. 45Ammọ emaenyaam se ammọ ekenie edeeme enọ mme awo akeene naña mfịna awo keedekeed akedo. 46Afịd usen ammọ emaesisoobo ke mme afe tembịd. Ñko ammọ emaesibuuñ uyo ke ufọk ammọ, enyʌñ ewuana edia ke inemesịd, 47etooro Abasi, enyʌñ ekịt asaña-asaña mfọn ke iso afịd awo. Ke usen ke usen, Abọọñ amaadian mme awo ekebọọhọ adinyaaña anọ ammọ.
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.