AMarkus 8
8
AYeso ya na banet agup anaas
(AMatiyu 15:32-39)
1Ni nnom e yɔng, kudyɛng banet bakak tɛ ba ka na tusung. Nek vit iba ni ikyɛng iya, aYeso yes bafi imɛɛs wu sak ni wu, a fɛ̀ ni ba, 2“In foos angmishish banet bang, nek neme nkɔs ntaat, iba bang azeng ni imi, vit iba ni ikyɛng iya. 3Ki in ka ba te ni irèn ni nzong, ba da rasák ni irèn, nek bakak ba nes na narɔ na yik-yik.”
4Bafi imɛɛs wu bun ni ifɛ̀, “Akɛ fi in da tsin sɛ yit akpam ayɛt ayit kang, fɛ́ a da kyem banet bang ɛ?”
5AYeso ka ba rip yɛ, “Ágbang akpam amang fi i bɛ́ yin ɛ?”
Ba fɛ̀ ni wu, “Kanakataat.”
6A fɛ̀ ni kudyɛng banet e, na ba sosok aben. Ama fɛ́ a mi sok ágbang akpam kanakataat e, a di nɔɔk ifeng na Adakunom, a bushung iwu, a nɔɔk bafi imɛɛs wu, na ba kabasa banet e, iba nye anɔng. 7Ba bɛ́ nabin ìzos gyeet bà. A di nɔɔk ifeng ni ina bà, a nɔɔk bafi imɛɛs wu na ba kabasa banet e. 8Banet yas, ba hwyas. Ama anɔng, bafi imɛɛs e tusung nakɔmɔng kanakataat, na fi icɛk ikyɛng fi ituk. 9Banet bakat agup anaas kin se azɔng. Ama fɛ́ a mi ka ba te ni irèn, 10a tsɛ a nɔ ayɛt kukyɛ ashi nɛ bafi imɛɛs wu, ba kpa wɔk sak ni mben aDalmanuta.
11BaFarasi ne, ba kpa ku nyes nrisim, nɔng ba da ku mara mo. Ba fɛ̀ yɛ, na ka ba tonong ikyɛng abes fi i ne azanɛn. 12AYeso kɔrɔk nsong, a fɛ̀, “Akyɛ sak banet nnu nang tsɛsɛk kudi ikyɛng abes anɔng ɛ? Won in ki tak yin atsak, vit ikyɛng idi fɛ́ ba da tonong banet nnu nang.” 13Ama anɔng, a ka ba won, a nɔ ayɛt kukyɛ ashi, a tat sak ni nyi kuya.
Ayiis BaFarasi nɛ aHiridus
(AMatiyu 16:5-12)
14Bafi imɛɛs aYeso te burum dang bereng akpam, nkum agbang akpam azizining fɛ́ ba bereng ayɛt kukyɛ ashi me. 15AYeso ka ba kɔrɔk kuto yɛ, “Nye yin nhwyɛ, yɛrɛ yin ayiis BaFarasi nɛ aHiridus.”
16Bafi imɛɛs e kpa cɛɛt wɔɔn bá yɛ, “A cɛɛt anɔng, nek vit iyit na akpam.”
17Nek aYeso rēn ikyɛng fɛ́ ba se ni icɛɛt naton e, a ka ba rip yɛ, “Akyɛ sak fi icɛɛt yin naton avit akpam ɛ? I resek yin mo mwat, vit irēn bà yɛ? Ayɛ yin mi te kashalang ɛ? 18I bɛ́ yin ayisi fɛ́ a se vit yɛrɛ yɛ? I bɛ́ yin ato fɛ́ a se vit ifoos ɛ? Iyin yiring in awɛ? 19Ni izen fi in kin bushung ágbang akpam atoon, nek banet agup atoon, nakɔmɔng acɛk akpam namang fɛ́ na kin tuk, fi i kin tusung yin ɛ?”
Ba ku bun ni ifɛ̀, “Nakɔmɔng kusɔk abe afaa.”
20AYeso tɛ a ka ba rip fok, “Ni izen fi in kin bushung ágbang akpam kanakataat nek banet agup anaas, nakɔmɔng acɛk akpam namang fɛ́ na kin tuk, fi i kin tusung yin ɛ?”
Ba ku bun ni ifɛ̀, “Nakɔmɔng kanakataat.”
21AYeso ka ba rip yɛ, “I ren se yin dang rēn yin ɛ?”
AYeso te akpatɔn akak nɛ aBatseyida kyang
22Ni izen fɛ́ ba tsɛ ba ta na aBatseyida, bakak ne na akpatɔn akak, ba tsot akabɔk na aYeso yɛ, na a ku ra ni kubɔk. 23A yit kubɔk akpatɔn e, a tse ni wu sak ama kaban wɔp e. Ama fɛ́ a mi di cik acicɛ na ayisi anet e, aYeso di sak kubɔk naton wu, a ma ku rip fok, “I kyem i di ikyɛng kak ɛ?”
24Akpatɔn e sok ice naton, a fɛ̀ ni wu, “Ey, in yɛrɛ banet akabes, awɛt ba nɛ ba se tɛ nakon fɛ́ na gosok.”
25AYeso bang tɛ a di sak kubɔk na ayisi anet e. Ayisi anet e da nɛ a tarak, a bɛs na gyat, a kpa yɛrɛ kaakyɛ wɛshɛk. 26AYeso ku te ni irèn sak ari, a fɛ̀ ni wu, “I bi nɔ naban wɔp awo.”
ABitrus nɔɔk kanu ifɛ̀ fok aYeso yet aKristi me
(AMatiyu 16:13-20; ALuka 9:18-21)
27AYeso nɛ bafi imɛɛs wu, ba ya kashon ni inɔɔs na naban nwɔp fɛ́ na se ni mben aKaisariya aFilipi. Na ba resek mo ni irèn, aYeso ka ba rip yɛ, “Banet nye fok imi yet angan ɛ?”
28Ba fɛ̀ ni wu, “Bakak nye fok, ngɔn yet aYohana anet abatisma, nɛ bakak nye fok, ngɔn yet aIliya, nɛ bakak nye fok, ngɔn yet azining ayɛt batan.”
29AYeso tɛ a ka ba rip yɛ, “Awɛt iyin anɛ, iyin di yes yin angan ɛ?” ABitrus ku bun ni ifɛ̀ yɛ, “Ngɔn yet aKristi me.”
30AYeso ka ba kɔrɔk kuto fok yɛ, da ba bi tak akak naton wu awo.
AYeso tak kuri iku fɛ́ a da ku
(AMatiyu 16:21-28; ALuka 9:22-27)
31AYeso kpa ka ba tees fok i se gbing-gbing Arim Anet na a sɔ mgbang makiyi, bashɔn nɛ ágbat áware, nɛ bafi itees ntsi aMusa, da ku rawu, ba da ku fɛt, ama nkɔs ntaat, a bi dorok. 32A ka ba tak kucɛɛt e wɛshɛk, nek anɔng, aBitrus ku kɔrɔk ni fam, a kpa a ku kɔn.
33Awɛt izen fɛ́ aYeso tirik, a yɛrɛk bafi imɛɛs wu, a kɔn aBitrus, a fɛ̀ ni wu, “Bun ama hom aShetan! Ngɔn bɛ́ kuyiring ice, ni nkyɔrɔk Adakunom ni ngɔn awo, tit kufɛ́ banet awe.”
34Ama anɔng, a yes kudyɛng banet e gung nɛ bafi imɛɛs wu, a fɛ̀ ni ba, “Kɛ akak shim a di kuus mo, i se gbing-gbing na a toon ni ice wu, na a sok kukum itegak wu, na a di kuus mo. 35Nek ngma ayɔng fɛ́ a shim a sheshek kutset wu, a da bit iko, awɛt ngma ayɔng fɛ́ a nɔɔk nwaa kutset wu, nek imi ni ifɛ̀ itek, a da sheshek iko. 36Itek e yet akyɛ, kɛ anet sɛ kazatse kang ngma kusum, awɛt a bit kutset wu yɛ? 37Kɛ akyɛ de fɛ́ anet da kyem a nɔɔk ni ishesheng ni kutset wu yɛ? 38Ngma anet fɛ́ a foos nsum hom ni ifɛ̀ hom ni nnu nang, nfi kujang nɛ anɛn, Arim Anet bi fok nsum wu bà, ni izen fɛ́ a bi bɛ́ ayɛt ízɔk Ada wu, gung nɛ batomaza ajɛrɛ.”
Iliyochaguliwa sasa
AMarkus 8: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
AMarkus 8
8
AYeso ya na banet agup anaas
(AMatiyu 15:32-39)
1Ni nnom e yɔng, kudyɛng banet bakak tɛ ba ka na tusung. Nek vit iba ni ikyɛng iya, aYeso yes bafi imɛɛs wu sak ni wu, a fɛ̀ ni ba, 2“In foos angmishish banet bang, nek neme nkɔs ntaat, iba bang azeng ni imi, vit iba ni ikyɛng iya. 3Ki in ka ba te ni irèn ni nzong, ba da rasák ni irèn, nek bakak ba nes na narɔ na yik-yik.”
4Bafi imɛɛs wu bun ni ifɛ̀, “Akɛ fi in da tsin sɛ yit akpam ayɛt ayit kang, fɛ́ a da kyem banet bang ɛ?”
5AYeso ka ba rip yɛ, “Ágbang akpam amang fi i bɛ́ yin ɛ?”
Ba fɛ̀ ni wu, “Kanakataat.”
6A fɛ̀ ni kudyɛng banet e, na ba sosok aben. Ama fɛ́ a mi sok ágbang akpam kanakataat e, a di nɔɔk ifeng na Adakunom, a bushung iwu, a nɔɔk bafi imɛɛs wu, na ba kabasa banet e, iba nye anɔng. 7Ba bɛ́ nabin ìzos gyeet bà. A di nɔɔk ifeng ni ina bà, a nɔɔk bafi imɛɛs wu na ba kabasa banet e. 8Banet yas, ba hwyas. Ama anɔng, bafi imɛɛs e tusung nakɔmɔng kanakataat, na fi icɛk ikyɛng fi ituk. 9Banet bakat agup anaas kin se azɔng. Ama fɛ́ a mi ka ba te ni irèn, 10a tsɛ a nɔ ayɛt kukyɛ ashi nɛ bafi imɛɛs wu, ba kpa wɔk sak ni mben aDalmanuta.
11BaFarasi ne, ba kpa ku nyes nrisim, nɔng ba da ku mara mo. Ba fɛ̀ yɛ, na ka ba tonong ikyɛng abes fi i ne azanɛn. 12AYeso kɔrɔk nsong, a fɛ̀, “Akyɛ sak banet nnu nang tsɛsɛk kudi ikyɛng abes anɔng ɛ? Won in ki tak yin atsak, vit ikyɛng idi fɛ́ ba da tonong banet nnu nang.” 13Ama anɔng, a ka ba won, a nɔ ayɛt kukyɛ ashi, a tat sak ni nyi kuya.
Ayiis BaFarasi nɛ aHiridus
(AMatiyu 16:5-12)
14Bafi imɛɛs aYeso te burum dang bereng akpam, nkum agbang akpam azizining fɛ́ ba bereng ayɛt kukyɛ ashi me. 15AYeso ka ba kɔrɔk kuto yɛ, “Nye yin nhwyɛ, yɛrɛ yin ayiis BaFarasi nɛ aHiridus.”
16Bafi imɛɛs e kpa cɛɛt wɔɔn bá yɛ, “A cɛɛt anɔng, nek vit iyit na akpam.”
17Nek aYeso rēn ikyɛng fɛ́ ba se ni icɛɛt naton e, a ka ba rip yɛ, “Akyɛ sak fi icɛɛt yin naton avit akpam ɛ? I resek yin mo mwat, vit irēn bà yɛ? Ayɛ yin mi te kashalang ɛ? 18I bɛ́ yin ayisi fɛ́ a se vit yɛrɛ yɛ? I bɛ́ yin ato fɛ́ a se vit ifoos ɛ? Iyin yiring in awɛ? 19Ni izen fi in kin bushung ágbang akpam atoon, nek banet agup atoon, nakɔmɔng acɛk akpam namang fɛ́ na kin tuk, fi i kin tusung yin ɛ?”
Ba ku bun ni ifɛ̀, “Nakɔmɔng kusɔk abe afaa.”
20AYeso tɛ a ka ba rip fok, “Ni izen fi in kin bushung ágbang akpam kanakataat nek banet agup anaas, nakɔmɔng acɛk akpam namang fɛ́ na kin tuk, fi i kin tusung yin ɛ?”
Ba ku bun ni ifɛ̀, “Nakɔmɔng kanakataat.”
21AYeso ka ba rip yɛ, “I ren se yin dang rēn yin ɛ?”
AYeso te akpatɔn akak nɛ aBatseyida kyang
22Ni izen fɛ́ ba tsɛ ba ta na aBatseyida, bakak ne na akpatɔn akak, ba tsot akabɔk na aYeso yɛ, na a ku ra ni kubɔk. 23A yit kubɔk akpatɔn e, a tse ni wu sak ama kaban wɔp e. Ama fɛ́ a mi di cik acicɛ na ayisi anet e, aYeso di sak kubɔk naton wu, a ma ku rip fok, “I kyem i di ikyɛng kak ɛ?”
24Akpatɔn e sok ice naton, a fɛ̀ ni wu, “Ey, in yɛrɛ banet akabes, awɛt ba nɛ ba se tɛ nakon fɛ́ na gosok.”
25AYeso bang tɛ a di sak kubɔk na ayisi anet e. Ayisi anet e da nɛ a tarak, a bɛs na gyat, a kpa yɛrɛ kaakyɛ wɛshɛk. 26AYeso ku te ni irèn sak ari, a fɛ̀ ni wu, “I bi nɔ naban wɔp awo.”
ABitrus nɔɔk kanu ifɛ̀ fok aYeso yet aKristi me
(AMatiyu 16:13-20; ALuka 9:18-21)
27AYeso nɛ bafi imɛɛs wu, ba ya kashon ni inɔɔs na naban nwɔp fɛ́ na se ni mben aKaisariya aFilipi. Na ba resek mo ni irèn, aYeso ka ba rip yɛ, “Banet nye fok imi yet angan ɛ?”
28Ba fɛ̀ ni wu, “Bakak nye fok, ngɔn yet aYohana anet abatisma, nɛ bakak nye fok, ngɔn yet aIliya, nɛ bakak nye fok, ngɔn yet azining ayɛt batan.”
29AYeso tɛ a ka ba rip yɛ, “Awɛt iyin anɛ, iyin di yes yin angan ɛ?” ABitrus ku bun ni ifɛ̀ yɛ, “Ngɔn yet aKristi me.”
30AYeso ka ba kɔrɔk kuto fok yɛ, da ba bi tak akak naton wu awo.
AYeso tak kuri iku fɛ́ a da ku
(AMatiyu 16:21-28; ALuka 9:22-27)
31AYeso kpa ka ba tees fok i se gbing-gbing Arim Anet na a sɔ mgbang makiyi, bashɔn nɛ ágbat áware, nɛ bafi itees ntsi aMusa, da ku rawu, ba da ku fɛt, ama nkɔs ntaat, a bi dorok. 32A ka ba tak kucɛɛt e wɛshɛk, nek anɔng, aBitrus ku kɔrɔk ni fam, a kpa a ku kɔn.
33Awɛt izen fɛ́ aYeso tirik, a yɛrɛk bafi imɛɛs wu, a kɔn aBitrus, a fɛ̀ ni wu, “Bun ama hom aShetan! Ngɔn bɛ́ kuyiring ice, ni nkyɔrɔk Adakunom ni ngɔn awo, tit kufɛ́ banet awe.”
34Ama anɔng, a yes kudyɛng banet e gung nɛ bafi imɛɛs wu, a fɛ̀ ni ba, “Kɛ akak shim a di kuus mo, i se gbing-gbing na a toon ni ice wu, na a sok kukum itegak wu, na a di kuus mo. 35Nek ngma ayɔng fɛ́ a shim a sheshek kutset wu, a da bit iko, awɛt ngma ayɔng fɛ́ a nɔɔk nwaa kutset wu, nek imi ni ifɛ̀ itek, a da sheshek iko. 36Itek e yet akyɛ, kɛ anet sɛ kazatse kang ngma kusum, awɛt a bit kutset wu yɛ? 37Kɛ akyɛ de fɛ́ anet da kyem a nɔɔk ni ishesheng ni kutset wu yɛ? 38Ngma anet fɛ́ a foos nsum hom ni ifɛ̀ hom ni nnu nang, nfi kujang nɛ anɛn, Arim Anet bi fok nsum wu bà, ni izen fɛ́ a bi bɛ́ ayɛt ízɔk Ada wu, gung nɛ batomaza ajɛrɛ.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.