AMarkus 9
9
1A fɛ̀ ni ba, “Won in ki tak yin atsak, bakak fɛ́ ba se ni inyeseng azeng, bi di iku awo, ma ba di ku bɛ́ igwɔm Adakunom ni kukyem de.”
Ishesheng aYeso
(AMatiyu 17:1-13; ALuka 9:28-36)
2Ama nkɔs karataat, aYeso sok aBitrus, aYakubu, nɛ aYohana, gung ni iwu, ba tsɛ ba ngarak ihwyanang isɔp ikak, ba sot azɔng aziba. Azɔng wu aYeso shesheng na yisi bá. 3Ares wu tirik a gyɛs akan wɛshɛk, itɛrɛk na wat nfi ikyɛng akak da kyem a kanang. 4Ba fɛ̀ ba di aIliya, nɛ aMusa ashon ba, na ba tsin cɛɛt na aYeso.
5ABitrus fɛ̀ nɛ aYeso, “Anet itees, i se gyat nin sot yit azeng. Won in nok yit abut ataat, kuzining nek ngɔn, kuzining nek aMusa, ni kuzining nek aIliya.” 6A rēn ikyɛng fɛ́ a se ni icɛɛt e awo, nek nnyim mi ka ba yit makiyi.
7Ama anɔng, anɔk ne, a ka ba te gyip, wat ba fok kutɔ ne ayɛt anɔk e fok, “Ari hom yong, ayɔng fi imi shim. Ku fok yin!”
8Wat, ba tirik ba yɛrɛk, ba tɛ ba di anet akak gung ni ba awo, tit aYeso aziwu.
9Ni izen fɛ́ ba se ni itisik ni ihwyanang e, aYeso ka ba nɔɔk agbat ifɛ̀, fok da ba bi tak akak ikyɛng fɛ́ ba di awo, ma ba donong Arim Anet ni rɛk. 10Ba nɛt ifɛ́ me na ayɛ bá, na ba cɛɛt wɔɔn ba naton e, “Idonong ni rɛk e tonong akyɛ?”
11Wat iba ku rip yɛ, “Akyɛ sak fɛ́ bafi itees ntsi aMusa nye fok, gbing aIliya na tun bɛ́ ninyɛn ɛ?”
12AYeso ka ba bun ni ifɛ̀ yɛ, “Atsak e yet i se gbing aIliya na tun bɛ́, nɔng a da bin nye kaakyɛ ninyɛn. Wat akyɛ sak fɛ́ ba di jɛk fok, i se gbing Arim Anet na a sɔ izot dot, nɛ ba ku rawu yɛ? 13Won in ki tak yin, aIliya mi bɛ̀, ba mi ku nye ngma ikyɛng fɛ́ ba shim, kpaf tɛ fɛ́ ba kin di jɛk naton wu.”
AYeso te acam fɛ́ a bɛ aduk abik kyang
(AMatiyu 17:14-20; ALuka 9:37-43)
14Ni izen fɛ́ ba tse ba sɛ ishɛrɛp bafi imɛɛs wu me, ba di kudyɛng banet ka ba te nate, na bafi itees ntsi tsin kɔk nanan ni iba. 15Ni izen fɛ́ banet e di aYeso, ayɔɔt ka ba yit makiyi, ba ta itsi, ba tsɛ ba ku te show.
16AYeso rip bafi imɛɛs wu me yɛ, “I tsin kɔk yin nanan akyɛ ni iba yɛ?”
17Anet akak ayɛt kudyɛng banet e shan fok, “Anet itees, in tsin da bɛ na ari hom yo fi itseng kudaam, fi i ku ro ni kucɛɛt. 18Ngma izen fi i ku tekap, ni i ku bara aben. Na afurutut wuru nanu wu, na ros anyi, ni kurɔm wu nye tsɔng. In tsin tsot akabɔk na bafi imɛɛs ngɔn, na ba ku tun itseng e, awɛt ikyɛng e ka ba gaat.”
19AYeso fɛ̀ yɛ, “Iyin banet nnu nang, fi i se yin vit inɔɔk atsak, sak akyɛ kuri izen fi in da sot ni yin ɛ? Sak akyɛ kuri izen fi in di woso tsesek ni iyin ɛ? Di bɛ́ yin ni nggon e!”
20Ba ku tse ni ika. Izen fi itseng e di aYeso, ni izen izining, i sak nggon e kpa aben, ka kpa tiim, na ka bingiring, na afurutut wuru nanu ka.
21AYeso rip atek nggon e yɛ, “Nkum akyi izen fi kurɔk e kang ka ka kpa yɛ?”
Ada acam me fɛ̀ ni wu, “Neme ika kaban e.” 22Itseng e mi sɔ ni i ka ka bara ayɛt kurong, nɛ ayɛt ashi, nɔng i da ka ka fɛt. Awɛt ki ngɔn da kyem i nye ikikak, kabɔk fok angmishish yit, ki sɛ yit mo.
23AYeso fɛ̀ ni wu, “Akyɛ sak ngɔn fɛ̀ ki i da kyem ɛ? Kaakyi ikyɛng da sot anɔng, sak na ayɔng fɛ́ a nɔɔk atsak.”
24Ni izen izining, ada nggon e wat a ta kutɔ yɛ, “Imi nɔɔk atsak, di sɛ mo, ni in ya agap avit inɔɔk atsak hom.”
25Ni izen fɛ́ aYeso di banet mi kpa kana tusung narɔ me, a kɔn aduk abik e yɛ, “Ngɔn kabik ikpɛy ni ishon, imi fɛ̀ ni ngɔn wuruk ni rɔm ka, i bi ti i bɛs ngɔn awo.”
26Itseng e ta kukun, i zuut nggon e ka tiim gyet awo, i da ni i wuruk. Nggon e wat ka te ti kukom e, banet dot kpa nye fok, “Ka mi ku.” 27Awɛt aYeso ka ka yit kubɔk, a ka ka dorok tsik, ka nyeseng tabat.
28Ama fɛ́ aYeso mi nɔ ayɛt ari me, bafi imɛɛs wu ku rip ni nɛt fok, “Akyɛ de fi i sak iyit kyem in tun yit itseng e awɛ?”
29AYeso ka ba bun ni ifɛ̀ yɛ, “Kuri ideng kyem i wuruk awo, tit ma na awon.”
30Ba won azɔng, ba got nate mben aGalili. AYeso kin shim akak na a rēn karɔ fɛ́ ba di se awo, 31nek a se ni itees bafi imɛɛs wu. A fɛ̀ ni ba, “Ba da nabak Arim Anet ni mbɔk banet. Ba da ku fɛt, ama nkɔs ntaat, a bi dorok.” 32Awɛt iba kyem ba rēn ikyɛng fi kucɛɛt e tonong awo, ba fok nnyim irip wu.
Angan wu a dung yet aratek ɛ?
(AMatiyu 18:1-5; ALuka 9:46-48)
33Ba tsɛ ba ta nɛ aKafarnahum. Ni iwu azɔng ari me, aYeso rip bafi imɛɛs wu yɛ, “Nanan akyɛ fi i tsin kɔk yin ni irèn ɛ?” 34Awɛt iba sot yuu, nek ni irèn, ba se nɛ nanan naton fok, angan ayɛt ba fɛ̀ a dung yet aratek ɛ?
35AYeso sonong, a yes kusɔk abe afaa me, a fɛ̀ ni ba, “Ngma ayɔng fɛ́ a shim a sot afi imɛsɛng e, i se gbing-gbing na a sot afɛ́ ama, na a sot asam bafidang.”
36A sok nggon kaban e, a ka ka sak ka nyeseng nate ba. A ka ka sok nawop, a fɛ̀ ni ba, 37“Ngma ayɔng fɛ́ a shan nnon naban e tɛ ka ka, ni iyerek hom, imi wu fɛ́ a di shan, ngma ayɔng fɛ́ a di shan, da imi wu fɛ́ a di shan awo, tit ayɔng fɛ́ a di tom.”
Ngma ayɔng fɛ́ a se ni ifa ni yit awo, a yet afiit
(ALuka 9:49-50)
38AYohana fɛ̀ ni wu, “Anet itees, in sɛ yit anet akak na tsin turung itseng ni iyerek ngɔn, in fɛ̀ yit ni wu na a wosong, nek iwu yet azining yit awo.”
39Wat aYeso fɛ̀ ni ba, “I bi ku ro yin mo awo, nek vit anet fɛ́ ama fɛ́ a mi ra kutomong abes ni iyerek hom, fɛ́ a da wat a tɛ a tirik na kpa kucɛɛt kumaan e naton hom. 40Nek ngma ayɔng fɛ́ da a se ni ifa ni yit awo, a yet afiit. 41Won in ki tak yin atsak, ngma ayɔng fɛ́ a ki nɔɔk yin ashi ni kitsɛn-isɔ ni iyerek hom, nek i yet yin bafɛ́ aKristi, a bi bit izang wu awo.”
Nkyɔrɔk fi in saas banet kpas ni inɛn
(AMatiyu 18:6-9; ALuka 17:1-2)
42I bi yet imaan ikyɛng naton ngma ayɔng fɛ́ a sak azining ayɛt kagyebet bafi ikuus, kpa ayɛt inɛn. I bi dung wat zɔng ke ba ku rosom kuta-ikɔɔ ni itɔ, ba ku barak ni izek. 43Ki kubɔk ngɔn da saas ikpas ni inɛn, tɛn iko! I da dung wat ni i nɔ ayɛt kutset vit igang ni kubɔk kuzining, aza fi i da nɔ ari irong ni mbɔk nfaa, karɔ fi kurong e ya vit iku.#9:43 Afumung akak fɛ́ ba kin jɛk ni mbɔk yame bɛ̀ ibyat 44 ane: “Azɔng e, itsusuk ba me, kus awo, kurong e, da ba fɛt iko awo.” 45Ki kutak ngɔn da saas ikpas ayɛt inɛn, tɛn iko! I da dung wat ni i nɔ ayɛt kutset vit igang ni kutak kuzining, aza fɛ́ ba da ka barak ari irong na atak afaa.#9:45 Afumung akak fɛ́ ba kin jɛk ni mbɔk yame bɛ̀ ibyat 46ane: “Azɔng e, itsusuk ba me, kus awo, kurong e, da ba fɛt iko awo.” 47Ki iyisi ngɔn da saas ikpas ayɛt inɛn, tun ide! I da dung wat ni i nɔ ayɛt igwɔm Adakunom ni iyisi izining, aza fɛ́ ba da ka barak ari irong nɛ ayisi afaa. 48Itsusuk fi i se azɔng, ku awo ni kurong e ya vit iku.
49“Ise gbing-gbing na ba kanang kaangan cɛ́l ni kurong, kyɔn tɛ ba di saas ashosh cɛ́l ni ntɔk.
50“Ntɔk yet ntek, awɛt kɛ nta me mi gang, na anɛ fɛ́ ba da tɛ ba di bun ni nta me yɛ? Iyin sot yin ntɔk ice yin. Nye yin kusot kukyang na banet ngma.”
Iliyochaguliwa sasa
AMarkus 9: IbaasNT
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.
AMarkus 9
9
1A fɛ̀ ni ba, “Won in ki tak yin atsak, bakak fɛ́ ba se ni inyeseng azeng, bi di iku awo, ma ba di ku bɛ́ igwɔm Adakunom ni kukyem de.”
Ishesheng aYeso
(AMatiyu 17:1-13; ALuka 9:28-36)
2Ama nkɔs karataat, aYeso sok aBitrus, aYakubu, nɛ aYohana, gung ni iwu, ba tsɛ ba ngarak ihwyanang isɔp ikak, ba sot azɔng aziba. Azɔng wu aYeso shesheng na yisi bá. 3Ares wu tirik a gyɛs akan wɛshɛk, itɛrɛk na wat nfi ikyɛng akak da kyem a kanang. 4Ba fɛ̀ ba di aIliya, nɛ aMusa ashon ba, na ba tsin cɛɛt na aYeso.
5ABitrus fɛ̀ nɛ aYeso, “Anet itees, i se gyat nin sot yit azeng. Won in nok yit abut ataat, kuzining nek ngɔn, kuzining nek aMusa, ni kuzining nek aIliya.” 6A rēn ikyɛng fɛ́ a se ni icɛɛt e awo, nek nnyim mi ka ba yit makiyi.
7Ama anɔng, anɔk ne, a ka ba te gyip, wat ba fok kutɔ ne ayɛt anɔk e fok, “Ari hom yong, ayɔng fi imi shim. Ku fok yin!”
8Wat, ba tirik ba yɛrɛk, ba tɛ ba di anet akak gung ni ba awo, tit aYeso aziwu.
9Ni izen fɛ́ ba se ni itisik ni ihwyanang e, aYeso ka ba nɔɔk agbat ifɛ̀, fok da ba bi tak akak ikyɛng fɛ́ ba di awo, ma ba donong Arim Anet ni rɛk. 10Ba nɛt ifɛ́ me na ayɛ bá, na ba cɛɛt wɔɔn ba naton e, “Idonong ni rɛk e tonong akyɛ?”
11Wat iba ku rip yɛ, “Akyɛ sak fɛ́ bafi itees ntsi aMusa nye fok, gbing aIliya na tun bɛ́ ninyɛn ɛ?”
12AYeso ka ba bun ni ifɛ̀ yɛ, “Atsak e yet i se gbing aIliya na tun bɛ́, nɔng a da bin nye kaakyɛ ninyɛn. Wat akyɛ sak fɛ́ ba di jɛk fok, i se gbing Arim Anet na a sɔ izot dot, nɛ ba ku rawu yɛ? 13Won in ki tak yin, aIliya mi bɛ̀, ba mi ku nye ngma ikyɛng fɛ́ ba shim, kpaf tɛ fɛ́ ba kin di jɛk naton wu.”
AYeso te acam fɛ́ a bɛ aduk abik kyang
(AMatiyu 17:14-20; ALuka 9:37-43)
14Ni izen fɛ́ ba tse ba sɛ ishɛrɛp bafi imɛɛs wu me, ba di kudyɛng banet ka ba te nate, na bafi itees ntsi tsin kɔk nanan ni iba. 15Ni izen fɛ́ banet e di aYeso, ayɔɔt ka ba yit makiyi, ba ta itsi, ba tsɛ ba ku te show.
16AYeso rip bafi imɛɛs wu me yɛ, “I tsin kɔk yin nanan akyɛ ni iba yɛ?”
17Anet akak ayɛt kudyɛng banet e shan fok, “Anet itees, in tsin da bɛ na ari hom yo fi itseng kudaam, fi i ku ro ni kucɛɛt. 18Ngma izen fi i ku tekap, ni i ku bara aben. Na afurutut wuru nanu wu, na ros anyi, ni kurɔm wu nye tsɔng. In tsin tsot akabɔk na bafi imɛɛs ngɔn, na ba ku tun itseng e, awɛt ikyɛng e ka ba gaat.”
19AYeso fɛ̀ yɛ, “Iyin banet nnu nang, fi i se yin vit inɔɔk atsak, sak akyɛ kuri izen fi in da sot ni yin ɛ? Sak akyɛ kuri izen fi in di woso tsesek ni iyin ɛ? Di bɛ́ yin ni nggon e!”
20Ba ku tse ni ika. Izen fi itseng e di aYeso, ni izen izining, i sak nggon e kpa aben, ka kpa tiim, na ka bingiring, na afurutut wuru nanu ka.
21AYeso rip atek nggon e yɛ, “Nkum akyi izen fi kurɔk e kang ka ka kpa yɛ?”
Ada acam me fɛ̀ ni wu, “Neme ika kaban e.” 22Itseng e mi sɔ ni i ka ka bara ayɛt kurong, nɛ ayɛt ashi, nɔng i da ka ka fɛt. Awɛt ki ngɔn da kyem i nye ikikak, kabɔk fok angmishish yit, ki sɛ yit mo.
23AYeso fɛ̀ ni wu, “Akyɛ sak ngɔn fɛ̀ ki i da kyem ɛ? Kaakyi ikyɛng da sot anɔng, sak na ayɔng fɛ́ a nɔɔk atsak.”
24Ni izen izining, ada nggon e wat a ta kutɔ yɛ, “Imi nɔɔk atsak, di sɛ mo, ni in ya agap avit inɔɔk atsak hom.”
25Ni izen fɛ́ aYeso di banet mi kpa kana tusung narɔ me, a kɔn aduk abik e yɛ, “Ngɔn kabik ikpɛy ni ishon, imi fɛ̀ ni ngɔn wuruk ni rɔm ka, i bi ti i bɛs ngɔn awo.”
26Itseng e ta kukun, i zuut nggon e ka tiim gyet awo, i da ni i wuruk. Nggon e wat ka te ti kukom e, banet dot kpa nye fok, “Ka mi ku.” 27Awɛt aYeso ka ka yit kubɔk, a ka ka dorok tsik, ka nyeseng tabat.
28Ama fɛ́ aYeso mi nɔ ayɛt ari me, bafi imɛɛs wu ku rip ni nɛt fok, “Akyɛ de fi i sak iyit kyem in tun yit itseng e awɛ?”
29AYeso ka ba bun ni ifɛ̀ yɛ, “Kuri ideng kyem i wuruk awo, tit ma na awon.”
30Ba won azɔng, ba got nate mben aGalili. AYeso kin shim akak na a rēn karɔ fɛ́ ba di se awo, 31nek a se ni itees bafi imɛɛs wu. A fɛ̀ ni ba, “Ba da nabak Arim Anet ni mbɔk banet. Ba da ku fɛt, ama nkɔs ntaat, a bi dorok.” 32Awɛt iba kyem ba rēn ikyɛng fi kucɛɛt e tonong awo, ba fok nnyim irip wu.
Angan wu a dung yet aratek ɛ?
(AMatiyu 18:1-5; ALuka 9:46-48)
33Ba tsɛ ba ta nɛ aKafarnahum. Ni iwu azɔng ari me, aYeso rip bafi imɛɛs wu yɛ, “Nanan akyɛ fi i tsin kɔk yin ni irèn ɛ?” 34Awɛt iba sot yuu, nek ni irèn, ba se nɛ nanan naton fok, angan ayɛt ba fɛ̀ a dung yet aratek ɛ?
35AYeso sonong, a yes kusɔk abe afaa me, a fɛ̀ ni ba, “Ngma ayɔng fɛ́ a shim a sot afi imɛsɛng e, i se gbing-gbing na a sot afɛ́ ama, na a sot asam bafidang.”
36A sok nggon kaban e, a ka ka sak ka nyeseng nate ba. A ka ka sok nawop, a fɛ̀ ni ba, 37“Ngma ayɔng fɛ́ a shan nnon naban e tɛ ka ka, ni iyerek hom, imi wu fɛ́ a di shan, ngma ayɔng fɛ́ a di shan, da imi wu fɛ́ a di shan awo, tit ayɔng fɛ́ a di tom.”
Ngma ayɔng fɛ́ a se ni ifa ni yit awo, a yet afiit
(ALuka 9:49-50)
38AYohana fɛ̀ ni wu, “Anet itees, in sɛ yit anet akak na tsin turung itseng ni iyerek ngɔn, in fɛ̀ yit ni wu na a wosong, nek iwu yet azining yit awo.”
39Wat aYeso fɛ̀ ni ba, “I bi ku ro yin mo awo, nek vit anet fɛ́ ama fɛ́ a mi ra kutomong abes ni iyerek hom, fɛ́ a da wat a tɛ a tirik na kpa kucɛɛt kumaan e naton hom. 40Nek ngma ayɔng fɛ́ da a se ni ifa ni yit awo, a yet afiit. 41Won in ki tak yin atsak, ngma ayɔng fɛ́ a ki nɔɔk yin ashi ni kitsɛn-isɔ ni iyerek hom, nek i yet yin bafɛ́ aKristi, a bi bit izang wu awo.”
Nkyɔrɔk fi in saas banet kpas ni inɛn
(AMatiyu 18:6-9; ALuka 17:1-2)
42I bi yet imaan ikyɛng naton ngma ayɔng fɛ́ a sak azining ayɛt kagyebet bafi ikuus, kpa ayɛt inɛn. I bi dung wat zɔng ke ba ku rosom kuta-ikɔɔ ni itɔ, ba ku barak ni izek. 43Ki kubɔk ngɔn da saas ikpas ni inɛn, tɛn iko! I da dung wat ni i nɔ ayɛt kutset vit igang ni kubɔk kuzining, aza fi i da nɔ ari irong ni mbɔk nfaa, karɔ fi kurong e ya vit iku.#9:43 Afumung akak fɛ́ ba kin jɛk ni mbɔk yame bɛ̀ ibyat 44 ane: “Azɔng e, itsusuk ba me, kus awo, kurong e, da ba fɛt iko awo.” 45Ki kutak ngɔn da saas ikpas ayɛt inɛn, tɛn iko! I da dung wat ni i nɔ ayɛt kutset vit igang ni kutak kuzining, aza fɛ́ ba da ka barak ari irong na atak afaa.#9:45 Afumung akak fɛ́ ba kin jɛk ni mbɔk yame bɛ̀ ibyat 46ane: “Azɔng e, itsusuk ba me, kus awo, kurong e, da ba fɛt iko awo.” 47Ki iyisi ngɔn da saas ikpas ayɛt inɛn, tun ide! I da dung wat ni i nɔ ayɛt igwɔm Adakunom ni iyisi izining, aza fɛ́ ba da ka barak ari irong nɛ ayisi afaa. 48Itsusuk fi i se azɔng, ku awo ni kurong e ya vit iku.
49“Ise gbing-gbing na ba kanang kaangan cɛ́l ni kurong, kyɔn tɛ ba di saas ashosh cɛ́l ni ntɔk.
50“Ntɔk yet ntek, awɛt kɛ nta me mi gang, na anɛ fɛ́ ba da tɛ ba di bun ni nta me yɛ? Iyin sot yin ntɔk ice yin. Nye yin kusot kukyang na banet ngma.”
Iliyochaguliwa sasa
:
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
© 2019 The Nigeria Bible Translation Trust and © 2019 Wycliffe Bible Translators, Inc.