ᒪᐃᑲ 7
7
1ᓂ ᑯᑕᑭᑖᐣ ᐊᓂ! ᒋᑫᒫ ᓂᐟ ᐃᓯ ᐊᔮᐣ ᑖᐱᐢᑯᐨ ᑳ ᒪᐃᐧᓱᑖᐧᐃᐧ ᓂᐱᓂ ᒥᓂᓴ, ᑖᐱᐢᑯᐨ ᑳ ᓇᑕᐊᐧᐃᐧᓵᐧᑕᒥᕽ ᑳᐦ ᓯᑲᐃᐧᓂᑳᑌᑭ ᓱᒥᓂᑭᐢᑎᑳᐣ; ᓇᒪᑫᑲᐧᐩ ᐁ ᐊᓴᒧᒋᐠ ᑭᑕ ᒧᐃᐧᐦᒋᐠ; ᓂᐟ ᐊᐦᒑᕽ ᐊᑳᐋᐧᑕᒼ ᓂᐢᑕᒼ ᑳ ᐊᑎᓱᔨᐟ ᒥᓂᓴ. 2ᑳ ᐊᔭᒥᐦᐋᐋᐧᑎᓯᐟ ᐊᔨᓯᔨᓂᐤ ᓂᓯᐊᐧᓈᑎᓯᐤ ᐊᐢᑭᕽ ᐅᐦᒋ, ᒥᓇ ᓇᒪᐃᐧᔭ ᐊᐃᐧᔭᐠ ᑲᐧᔭᐢᑭᑖᑎᓯᐤ ᐊᔨᓯᔨᓂᓈᕽ; ᑲᐦᑭᔭᐤ ᐊᓱᐊᒪᐧᐠ ᒥᐦᑯ; ᐁ ᐃᐦᑕᓯᐟ ᐊᔨᓯᔨᓂᐤ ᓇᓇᑐᐱᑌᐤ ᐅᒋᐋᐧᒪ ᐊᔭᐱᔭ ᐅᐦᒋ.
3ᐅᑎᑎᓇᒪᐧᐠ ᐊᓂᒪ ᑳ ᒫᔮᑕᓂᔨᐠ ᑭᑕ ᐋᐦᑲᒥ ᐃᐦᑐᑕᑭᐠ; ᐁᐧᑭᒫᑲᑕᕽ ᓇᑐᑕᒼ, ᐁᑯᓯ ᐅᔭᓱᐁᐧᐃᐧᑭᒫᐤ ᐅᒉᑲᒣᔨᑕᒼ ᑎᐸᐦᐊᒫᑯᐃᐧᐣ; ᐁᑯᓯ ᑳ ᑭᐦᒑᔨᐃᐧᐟ ᓈᐯᐤ, ᐃᐧᐦᑕᒼ ᐁ ᐃᓯ ᒫᔨᒧᐢᑕᐁᐧᔨᑕᕽ; ᐁᑯᓯ ᐅᒪ ᐁᓯ ᐃᐧᒋᐦᐃᑐᒋᐠ. 4ᒫᐊᐧᐨ ᐁ ᒥᔮᐧᑎᓯᐟ ᐁᐊᐧᑯᓂᐠ ᐃᑌᔨᑖᑯᓯᐤ ᑖᐱᐢᑯᐨ ᑳᐃᐧᒥᓇᑲᓯ; ᒫᐊᐧᐨ ᐁ ᑲᐧᔭᐢᑭᑖᑎᓯᐟ ᐊᐊᐧᓯᒣ ᑳᓯᓯᐤ ᐃᔨᑯᕽ ᒥᓯᑳᐃᐧᒥᓇᑲᓯᐃᐧ ᒣᓂᑲᐣ; ᐅᑭᓯᑳᒥᐋᐧᐤ ᑫ ᐊᓴᐋᐧᐱᐢᑕᒫᐢᑭᐠ, ᑭ ᓇᑕᐋᐧᐯᓈᑯᐃᐧᐣ ᐅᑎ, ᐅᑎᐦᒋᐸᔨᐤ; ᐁᑲᐧ ᑭᑕ ᐊᔮᔨᐤ ᐅ ᐊᐧᐋᐧᓀᔨᑕᒧᐃᐧᓂᐋᐧᐤ.
5ᐁᑳᐃᐧᔭ ᒪᒥᓯᑐᑖᕽ ᐁ ᐅᑐᑌᒥᕽ, ᐁᑳᐃᐧᔭ ᐊᐢᐯᔨᒧᑐᑖᕽ ᐅᑭᐢᑭᓄᑕᐃᐁᐧᐤ; ᐁᑳᐃᐧᔭ ᐹᐢᑭᑌᓇᒪᐤ ᑭᑐᐣ ᐊᓇ ᑭ ᐱᒧᔪᐃᐧᓂᕽ ᑳ ᐱᒥᓯᕽ. 6#ᒫᐟᔪ 10:35,36; ᓬᐅᐠ 12:53ᒋᑫᒫ ᐅᑯᓯᓯᒫᐤ ᓇᒫᐃᐧᔭ ᑭᐢᑌᔨᒣᐤ ᐅᑖᐃᐧᔭ, ᐅᑖᓂᓯᒫᐤ ᐸᓯᑯᐢᑕᐁᐧᐤ ᐅᑳᐃᐧᔭ, ᐅᐢᑎᒥᒫᐤ ᐸᓯᑯᐢᑕᐁᐧᐤ ᐅᓯᑯᓴ; ᐊᔨᓯᔨᓂᐤ ᒫᑲ ᐅᓄᑎᓈᑲᓇ ᐁᐊᐧᑯᓂ ᐊᔨᓯᔨᓂᐊᐧ ᑎᐱᔭᐤ ᐃᐧᑭᕽ ᑳ ᐅᐦᒋᔨᐟ.
7ᒫᑲ ᐃᐧᔭ ᓂᔭ ᓂ ᑲ ᑲᓇᐋᐧᐸᒫᐤ ᑳ ᑎᐯᔨᐦᒋᑫᐟ; ᓂ ᑲ ᐯᐋᐤ ᑳ ᑭᓭᒪᓂᑐᑲᑕᕽ ᓂ ᐱᒫᒋᐦᐃᑯᐃᐧᐣ; ᓂ ᑭᓭᒪᓂᑐᒼ ᓂ ᑲ ᓇᑐᐦᑖᐠ.
8ᐁᑳᐃᐧᔭ ᒥᔭᐋᐧᑕ ᓂᔭ ᐅᐦᒋ, ᑭᔭ ᑳ ᐸᑳᐧᓯᔭᐣ; ᐃᐢᐱ ᐸᐦᑭᓯᓂᔮᓂ, ᒥᓇ ᓂ ᑲ ᐸᓯᑯᐣ; ᑭᐢᐱᐣ ᐊᐱᔮᓂ ᐊᐧᓂᑎᐱᐢᑳᕽ, ᑳ ᑎᐯᔨᐦᒋᑫᐟ ᓂ ᑲ ᐋᐧᐢᑌᓇᒫᐠ. 9ᓂ ᑲ ᓇᔭᑕᒫᐧᐣ ᐅ ᑭᓯᐋᐧᓯᐃᐧᐣ ᑳ ᑎᐯᔨᐦᒋᑫᐟ, ᒋᑫᒫ ᓂ ᑭ ᒪᒋ ᑐᑕᐋᐧᐤ; ᐱᔨᐢ ᑭᑕ ᐊᔭᒥᐢᑕᒪᐃᐧᐟ, ᒥᓇ ᑭᑕ ᑭᓯᑕᒪᐃᐧᐟ ᐅᔭᓱᐋᐧᓯᐁᐧᐃᐧᐣ; ᐋᐧᓭᔮᕽ ᓂ ᑲ ᐯ ᐃᑐᑕᐃᐠ, ᐁᑯᓯ ᒫᑲ ᓂ ᑲ ᐋᐧᐸᐦᑕᒫᐧᐣ ᐅ ᑲᐧᔭᐢᑭᑖᑎᓯᐃᐧᐣ. 10ᐁᑲᐧ ᐊᓇ ᑳ ᐸᑳᐧᓯᐟ ᑭᑕ ᐋᐧᐸᐦᑕᒼ, ᐁᑯᓯ ᓇᓀᐯᐃᐧᓯᐃᐧᐣ ᑭᑕ ᐊᑲᐧᓇᐦᐅᐠ; ᑳ ᑭ ᐃᓯᐟ, ᑖᓂᐋᐧ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒼ? ᓂᐢᑭᓯᑲᐧ ᐅᐦᒋ ᓂ ᑲ ᐋᐧᐸᒫᐤ; ᐁᑲᐧ ᑭᑕ ᑖᑕᑯᐢᑳᑖᐤ ᑖᐱᐢᑯᐨ ᐊᓯᐢᑭ ᐱᒧᐦᑌᐢᑲᓈᕽ.
11ᑭᓯᑳᐤ ᐃᑕ ᑭᑕ ᐅᓯᐦᒋᑳᑌᑭ ᑭ ᒣᓂᐢᑭᑳᓇ! ᐁᐊᐧᑳᐧᓂᒪ ᑭᓯᑳᑭ ᑭ ᑲ ᔭᑲᐢᑕᒫᑲᐃᐧᐣ ᐋᐧᔭᐤ ᐃᓯ. 12ᐁᐊᐧᑳᐧᓂᒪ ᑭᓯᑳᑭ ᑭ ᑲ ᐯ ᓈᑎᑲᐧᐠ, ᐊᓯᕒᐃᔭ ᐅᐦᒋ ᒥᓇ ᐃᒋᑊᐟ ᐅᑌᓇᐊᐧ, ᒥᓇ ᐃᒋᑊᐟ ᐅᐦᒋ ᓯᐱᕽ ᐃᐢᑯ, ᒥᓇ ᑭᐦᒋᑲᒥᕽ ᐅᐦᒋ ᐃᐢᑯ ᑭᐦᒋᑲᒥᕽ, ᒥᓇ ᐊᐧᒋᕽ ᐅᐦᒋ ᐃᐢᑯ ᐊᐧᒋᕽ. 13ᐁᔨᐁᐧᕽ ᒫᑲ ᐊᐢᑭ ᑭᑕ ᑭᐋᐧᑌᔨᑖᑲᐧᐣ ᐊᓂᑭ ᐅᐦᒋ ᐁᑯᑕ ᑳ ᐊᔮᒋᐠ, ᐁ ᐃᓯ ᒥᓂᓯᐊᐧᓂᔨᑭ ᐅᐟ ᐃᓯᐦᒋᑫᐃᐧᓂᐋᐧᐊᐧ.
14ᐊᓴᒥᐠ ᑭᐟ ᐊᔨᓯᔨᓂᒪᐠ ᑭ ᓴᐢᑲᐅᓈᑎᐠ ᐁ ᑭᑭᔭᐣ, ᑳ ᐊᓭᔭᑎᒋᐠ ᑭ ᑎᐯᔨᒫᑲᓇᐠ, ᑳ ᓂᓯᑲᑐ ᐊᐧᐃᐧᑭᒋᐠ, ᓴᑳᕽ ᒣᑳᐧᐨ ᑳᕒᒥᓬᐃᕽ; ᑭᔮᒼ ᐯᓵᓂᕽ ᒥᓇ ᑭᓬᐃᔭᑎᕽ ᑭᑕ ᒪᒥᒋᓱᐊᐧᐠ ᑖᐱᐢᑯᐨ ᑲᔮᐢ ᑳ ᑭ ᑲᑭᓯᑳᐠ. 15ᑖᐱᐢᑯᐨ ᐊᓂᒪ ᐁ ᑭᓯᑳᐠ ᑳ ᑭ ᐯ ᐊᐧᔭᐃᐧᔭᐣ ᐃᒋᑊᐟ ᐊᐢᑭᕽ ᐅᐦᒋ ᓂ ᑲ ᐋᐧᐸᐦᑕᐋᐊᐧᐠ ᐁ ᒪᒫᑖᐊᐧᓂᔨᑭ.
16ᑳ ᐹᐱᑐᑕᐢᑳᓀᓯᒋᐠ ᐊᔨᓯᔨᓂᐊᐧᐠ ᑭᑕ ᐋᐧᐸᐦᑕᒪᐧᐠ ᒥᓇ ᑭᑕ ᓇᓀᐯᐃᐧᐦᐃᑲᐧᐠ ᑲᐦᑭᔭᐤ ᐅ ᓱᑳᔭᐃᐧᓯᐃᐧᓂᐋᐧᐤ; ᑭᑕ ᑭᐳᑐᓀᓂᓱᐊᐧᐠ, ᓇᒪᐃᐧᔭ ᑭᑕ ᐊᐧᐃᐧᔭᐃᐧᑕᒪᐧᐠ. 17ᑭᑕ ᓄᑳᐧᑕᒪᐧᐠ ᐊᓯᐢᑭ ᑖᐱᐢᑯᐨ ᑭᓀᐱᐠ; ᑖᐱᐢᑯᐨ ᑳ ᐸᐹᒥᑖᒋᒧᒋᐠ ᐊᐢᑭᕽ ᑭᑕ ᐯ ᓇᓇᒥᐸᔨᐊᐧᐠ ᐅ ᐋᐧᑎᐋᐧᕽ ᐅᐦᒋ; ᑭᑕ ᐯ ᓈᑌᐊᐧᐠ ᐁ ᓭᑭᓯᒋᐠ ᑳ ᑎᐯᔨᐦᒋᑫᔨᐟ ᑭ ᑭᓭᒪᓂᑐᒥᓇᐊᐧ, ᑭᔭ ᐅᐦᒋ ᑭᑕ ᓭᑭᓯᐊᐧᐠ.
18ᐊᐁᐧᓈᓇ ᑭᓭᒪᓂᑐ ᑖᐱᐢᑯᐨ ᑭᔭ, ᑳ ᐊᓭᓇᒫᑫᐟ ᒪᒋᐃᑎᐃᐧᐣ, ᒥᓇ ᑳ ᐱᒥ ᒪᔮᐢᑲᒫᐧᐟ ᐅ ᐊᐧᓂᑐᑕᒧᐃᐧᓂᔨᐤ ᑳ ᐃᐢᑯᔨᐟ ᐅ ᑎᐯᔨᒫᑲᓇ? ᓇᒪᐃᐧᔭ ᑳᑭᑫ ᒥᒋᒥᓇᒼ ᐅ ᑭᓯᐋᐧᓯᐃᐧᐣ, ᒋᑫᒫ ᒥᔦᐧᔨᑕᒼ ᑭᓭᐋᐧᓯᐃᐧᐣ. 19ᑳᐃᐧ ᑭᑕ ᑫᐧᐢᑭᐤ ᐁᑯᓯ ᑭ ᑲ ᑭᑎᒫᑭᓈᑯᓇᐤ; ᑭᑕ ᑖᑕᑯᐢᑳᑕᒼ ᑭ ᐊᐧᓂᐃᑎᐃᐧᓂᓇᐊᐧ; ᒥᓇ ᑲᐦᑭᔭᐤ ᐅ ᒪᒋᑐᑕᒧᐃᐧᓂᐋᐧᐊᐧ ᑭ ᑲ ᐃᓯᐁᐧᐱᓇᒫᐧᐣ ᑎᒥᕽ ᑭᐦᒋᑲᒥᕽ. 20ᑭ ᑲ ᑎᐱᑐᑕᒪᐋᐧᐤ ᒉᑲᑊ ᑖᐯᐧᐃᐧᐣ, ᒥᓇ ᑭᓭᐋᐧᑎᓯᐃᐧᐣ ᐁᑊᕒᐁᐋᒼ, ᑳ ᑭ ᑭᐦᒋᐃᑕᒋᐠ ᓄᑖᐃᐧᓈᓇᐠ ᑲᔮᐢ ᑳ ᑭ ᑲᑭᓯᑳᐠ ᐅᐦᒋ.
Iliyochaguliwa sasa
ᒪᐃᑲ 7: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.