ᓀᐦᐊᒼ 1
1
1 #
ᐊᐩᓵᔭ 10:5-34; 14:24-27; ᓭᐸᓈᔭ 2:13-15 ᐅ ᑌᐹᐧᑎᑯᐃᐧᐣ ᓂᓀᐯ. ᒪᓯᓇᐦᐃᑲᐣ ᐁ ᒪᓯᓇᐃᑳᑌᔨᐠ ᐅᐟ ᐃᓯᓇᒧᐃᐧᐣ ᓀᐦᐊᒼ ᐊᓇ ᐁᓬᑳᓴᐃᐟ.
2ᑳ ᑎᐯᔨᐦᒋᑫᐟ ᐁᐊᐧᑯ ᑳ ᐅᐦᑌᔨᑕᕽ ᑭᓭᒪᓂᑐ ᒥᓇ ᑳ ᐋᐯᐦᐅᐟ; ᑳ ᑎᐯᔨᐦᒋᑫᐟ ᐋᐯᐦᐅ ᒥᓇ ᒥᐢᑕᐦᐃ ᑭᓯᐋᐧᓯᐤ; ᑳ ᑎᐯᔨᐦᒋᑫᐟ ᐋᐯᐦᐅ ᐊᓂᐦᐃ ᑳ ᓇᑳᐢᑳᑯᐟ, ᒥᓇ ᐃᐢᑯᓇᒪᐁᐧᐤ ᑭᓯᐊᐧᓯᐃᐧᐣ ᐊᓂᐦᐃ ᑳ ᐸᑳᐧᑎᑯᐟ. 3ᑳ ᑎᐯᔨᐦᒋᑫᐟ ᓇᒪᐃᐧᔭ ᐅᑕᑲᒥᔭᐁᐧᓯᐤ, ᒥᓇ ᑭᐦᒑᔨᐃᐧᐤ ᒪᐢᑲᐃᐧᓯᐃᐧᓂᕽ, ᒥᓇ ᓇᒪ ᓈᐣᑕᐤ ᐃᓯ ᑭᑕ ᑲᓈᑌᔨᒣᐤ ᑳ ᒪᒋᑐᑕᒥᔨᐟ; ᑳ ᑎᐯᔨᐦᒋᑫᐟ ᐊᔮᐤ ᐅ ᒣᐢᑲᓇᐤ ᐱᓯᒍᓯᐊᐧᓄᕽ ᒥᓇ ᑭᐢᑎᓄᕽ, ᐁᑯᓯ ᐊᐧᐢᑯ ᐁᐊᐧᑫᐧᔨᐤ ᐁ ᐅᐦᐯᐧᔮᐊᐧᑭᐢᑲᒫᐟ. 4ᑭᑐᑕᒼ ᑭᐦᒋᑲᒥ ᐁᑯᓯ ᔨᑲᐢᑌᐤ, ᒥᓇ ᑲᐦᑭᔭᐤ ᓯᐱᔭ ᐹᐦᑯᐊᒼ; ᐯᓵᐣ ᐊᑎ ᓂᐳᐃᐧᐊᔮᐤ, ᒥᓇ ᑳᕒᒥᓬ, ᒥᓇ ᐋᐧᐱᑯᓂ ᓬᐁᐱᓇᓂᕽ ᐊᑎ ᓂᐳᒪᑲᐣ. 5ᐊᐧᒋᔭ ᓇᓇᒥᐸᔨᐢᑖᐠ ᒥᓇ ᒑᑲᑎᓈᐊᐧ ᑎᑭᑌᐊᐧ; ᒥᓇ ᐊᐢᑭ ᐊᐧᐢᑲᐃᐧᐸᔨᐤ ᐁ ᓄᑯᓯᐟ, ᐁᐦᐁ, ᐊᐢᑭ ᒥᓇ ᑲᐦᑭᔭᐤ ᐁᑯᑕ ᑳ ᐊᔮᒋᐠ. 6ᐊᐁᐧᓂᐦᐃ ᑫ ᑭ ᐅᑎᐢᑲᐃᐧᑳᐸᐃᐧᐢᑕᒥᔨᐟ ᐅ ᑭᓯᐋᐧᓯᐃᐧᐣ? ᒥᓇ ᐊᐁᐧᓂᐦᐃ ᑫ ᑭ ᓯᐯᔨᑕᒥᔨᐟ ᐅᐟ ᐋᐦᑯᔭᐁᐧᓯᐃᐧᐣ? ᐅᐟ ᐋᐦᑯᔭᐁᐧᓯᐃᐧᐣ ᑲᐧᔭᑯᐸᔨᔨᐤ ᑖᐱᐢᑯᐨ ᐃᐢᑯᑌᐤ, ᒥᓇ ᑭᐢᑖᐱᐢᑲᐧ ᐱᑯᐁᐧᐸᐦᐊᒼ. 7ᑳ ᑎᐯᔨᐦᒋᑫᐟ ᒥᔮᐧᑎᓯᐤ, ᒪᐢᑲᐃᐧ ᐊᐢᐯᔨᒧᐃᐧᐣ ᐃᔮᔨᒥᓯᐃᐧᓂ ᑭᓯᑳᑭ; ᒥᓇ ᑭᐢᑫᔨᒣᐤ ᐊᓂᐦᐃ ᑳ ᒪᒥᓯᑐᑖᑯᐟ. 8ᒫᑲ ᑳ ᐱᒥ ᔨᐢᑭᐯᐸᔨᐠ ᑭᑕ ᐅᐦᒋ ᓈᐢᐱᒋ ᓂᓯᐊᐧᓈᒋᐦᑖᐤ ᐃᑕ ᑳ ᐊᔮᔨᐟ, ᒥᓇ ᐊᐧᓂᑎᐱᐢᑳᕽ ᑭᑕ ᐃᑖᒧᑳᑌᐤ ᑳ ᐸᑳᐧᑎᑯᐟ.
9ᑫᑲᐧᐩ ᑳ ᓇᔦᑖᐁᐧᔨᒫᔦᐠ ᑳ ᑎᐯᔨᐦᒋᑫᐟ? ᑭᑕ ᓈᐢᐱᒋ ᓂᓯᐊᐧᓈᒋᐦᐃᐁᐧᐤ; ᓇᒪᐃᐧᔭ ᑭᐦᑖᐧᒼ ᐋᔨᒥᓯᐃᐧᐣ ᑭᑕ ᐸᓯᑯᒪᑲᐣ. 10ᒋᑫᒫ ᑭᐢᐱᐣ ᐋᑕ ᐊᔮᒋᐠ ᑖᐱᐢᑯᐨ ᒥᓯᑳᐃᐧᒥᓇᑲᓯᔭᐠ ᐁ ᐱᒪᐅᐸᔨᒋᐠ, ᒥᓇ ᑖᐱᐢᑯᐨ ᐁ ᓵᐳᐯᒋᐠ ᐅ ᒥᓂᐦᑫᐧᐃᐧᓂᐋᐧᕽ, ᑭᑕ ᒣᐢᑎᑲᓱᐊᐧᐠ ᑖᐱᐢᑯᐨ ᐃᐢᑯᓵᐋᐧᒋᑲᐣ ᐁ ᐹᐢᑌᐠ.
11ᐃᐦᑖᐤ ᐯᔭᐠ ᑭᔭ ᐃᑕ ᑳ ᐅᐦᒋᐟ, ᑳ ᓇᔦᑖᐁᐧᔨᒫᐟ ᑳ ᑎᐯᔨᐦᒋᑫᔨᐟ, ᒪᒑᔨᐃᐧᐣ ᑳ ᑳᑫᐢᑭᒥᐁᐧᐟ. 12ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ; ᑭᐢᐱᐣ ᐋᑕ ᒥᑐᓂ ᒪᐢᑲᐃᐧᓯᒋᐠ, ᒥᓇ ᒥᐦᒉᑎᒋᐠ, ᐁᑯᓯ ᐃᓯ ᑭᑕ ᑲᐊᐧᐋᐧᐊᐧᐠ, ᑭᑕ ᓇᒪᑌᐤ ᒫᑲ. ᐋᑕ ᐁ ᑭ ᑯᑕᑭᐦᐃᑖᐣ ᓇᒪᐃᐧᔭ ᐊᐊᐧᓯᒣ ᑭ ᑲ ᑯᑕᑭᐦᐃᑎᐣ. 13ᐁᑲᐧ ᒫᑲ ᐅ ᑖᐱᐢᑲᐦᐃᐁᐧᐃᐧᐣ ᓂ ᑲ ᐱᑯᓇᒫᐧᐣ ᑭᑲᐧᔮᕽ ᐅᐦᒋ, ᒥᓇ ᑭ ᒪᒫᒋᑲᐧᐱᓱᐃᐧᓇ ᓂ ᑲ ᐸᐢᑭᐱᑌᐣ.
14ᑳ ᑎᐯᔨᐦᒋᑫᐟ ᑭ ᐅᔭᓱᐁᐧᐤ ᑭᔭ ᐅᐦᒋ, ᐁᑳ ᐊᐊᐧᓯᒣ ᑭᑕ ᑭᐢᑎᑳᑎᒋᐠ ᑭᔭ ᑭ ᐃᐧᔪᐃᐧᐣ; ᐅ ᐋᐧᐢᑳᐦᐃᑲᓂᐋᐧᕽ ᑭ ᒪᓂᑐᒪᐠ ᓂ ᑲ ᐅᐦᒋ ᑭᐢᑭᐁᐧᐸᐋᐧᐤ ᐅᔨᑯᒋᑲᓂ ᓇᐢᐱᓯᒋᑲᐣ ᒥᓇ ᑎᑭᓯᑲᓂ ᓇᐢᐱᓯᒋᑲᐣ; ᓂ ᑲ ᐅᓯᐦᑖᐣ ᑭ ᔨᑲᐧᐦᐊᐢᑳᐣ ᒋᑫᒫ ᑭ ᒪᒑᔨᐃᐧᐣ.
15 #
ᐊᐩᓵᔭ 52:7
ᒋᐢᐟ ᒫᑎᑲ, ᐊᐧᒋᕽ ᐅᓯᑕ ᐊᓇ ᑳ ᐯᑖᐟ ᒥᔪᐋᒋᒧᐃᐧᓇ, ᑳ ᐋᑐᑕᕽ ᐯᔭᐦᑕᑫᔨᒧᐃᐧᐣ! ᑲᓇᐁᐧᔨᑕ ᑭ ᐃᐧᐦᑯᐦᑐᐃᐧᓇ, ᑭᔭ ᒍᑕ, ᑎᐱᑐᑕ ᑭ ᑭᐦᒋᐃᑌᐧᐃᐧᓇ; ᒋᑫᒫ ᑳ ᒪᒑᔨᐃᐧᐟ ᓇᒪᐃᐧᔭ ᒥᓇ ᑭ ᑲ ᐱᒥᓵᐳᐢᑳᐠ; ᒥᑐᓂ ᑭᐢᑭᐁᐧᐸᐋᐧᐤ.
Iliyochaguliwa sasa
ᓀᐦᐊᒼ 1: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.