ᒪᐃᑲ 4
4
1ᑭᑕ ᐊᔨᑭᐣ ᒫᑲ ᐃᐢᑳᐧᔮᐨ ᐊᑎ ᑲᑭᓯᑳᑭ, ᑳ ᐊᐧᒋᐊᐧᕽ ᑳ ᑎᐯᔨᐦᒋᑫᐟ ᐅ ᐋᐧᐢᑳᐦᐃᑲᐣ ᑭᑕ ᐋᔮᑕᐢᑖᓂᐊᐧᐣ ᑕᑯᐦᐨ ᐊᐧᒋᕽ, ᒥᓇ ᑭᑕ ᐊᔨᐋᐧᑫᔨᑖᑲᐧᐣ ᐃᐢᐱᐦᐨ ᒑᑲᑎᓈᐊᐧ; ᐁᑯᓯ ᐊᔨᓯᔨᓂᐊᐧᐠ ᑭᑕ ᓈᑕᒪᐧᐠ. 2ᒥᐦᒉᐟ ᒫᑲ ᐊᔨᓯᔨᓂᐊᐧᐠ ᑭᑕ ᓇᑕᐃᐧ ᐃᑌᐧᐊᐧᐠ, ᒫᐦᑎ ᐃᑐᐦᑌᑖᐠ ᐅ ᐊᐧᒋᒥᕽ ᑳ ᑎᐯᔨᐦᒋᑫᐟ ᒥᓇ ᐅ ᐋᐧᐢᑳᐦᐃᑲᓂᕽ ᐅ ᑭᓭᒪᓂᑐᒪ ᒉᑲᑊ; ᑭ ᑲ ᑭᐢᑭᓄᐦᐊᒫᑯᓇᐤ ᒫᑲ ᐅᐟ ᐃᓯᑖᐧᐃᐧᓇ, ᐁᑯᓯ ᑭ ᑲ ᐱᒧᑖᓇᐤ ᐅ ᒣᐢᑲᓈᕽ; ᒋᑫᒫ ᓵᔭᓂᕽ ᑭᑕ ᐅᐦᒋ ᓯᐯᐧᐸᔨᐤ ᐅᔭᓱᐁᐧᐃᐧᐣ, ᒥᓇ ᐅᐟ ᐃᑌᐧᐃᐧᐣ ᑳ ᑎᐯᔨᐦᒋᑫᐟ ᒉᕒᐅᓴᓬᐊᒥᕽ ᐅᐦᒋ.
3 #
ᐊᐩᓵᔭ 2:4; ᒍᐃᓬ 3:10 ᑭᑕ ᐅᔭᓱᐋᐧᑌᐤ ᒫᑲ ᒥᐦᒉᐟ ᐹᐱᑐᐢ ᐊᔨᓯᔨᓂᐊᐧ, ᒥᓇ ᑭᑕ ᐋᓀᐧᔨᒣᐤ ᐁ ᒪᐢᑲᐃᐧᓯᔨᐟ ᓇᓈᑐᑯᐢᑳᐣ ᐊᔨᓯᔨᓂᐊᐧ ᐋᐧᔭᐤ; ᐁᑯᓯ ᐅ ᓯᒫᑲᓂᑯᒫᓂᐋᐧᐊᐧ ᐱᑯᐱᒋᑲᓂᓯᑲᓂᕽ ᑭᑕ ᐃᑕᑕᐊᒪᐧᐠ ᒥᓇ ᐅ ᑕᐦᑲᒋᑲᓂᐋᐧᐊᐧ ᒧᓴᐊᐧᑎᑲᐧᓀᐃᑲᓂᕽ; ᑳ ᑕᐦᑐᐢᑳᓀᓯᒋᐠ ᐊᔨᓯᔨᓂᐊᐧᐠ ᓇᒪᐃᐧᔭ ᑭᑕ ᐅᐦᐱᓇᒫᑐᐊᐧᐠ ᓯᒫᑲᓂᑯᒫᐣ, ᐊᐦᐳ ᓇᒪᐃᐧᑳᐨ ᒥᓇ ᑭᑕ ᑭᐢᑫᔨᑕᒪᐧᐠ ᓇᑐᐸᔨᐃᐧᐣ. 4#ᓭᑲᕒᐋᔭ 3:10ᒫᑲ ᑭᑕ ᐊᐱᐊᐧᐠ ᐁᑕᓯᒋᐠ ᐊᔨᓯᔨᓂᐊᐧᐠ ᓯᐹ ᐅ ᓱᒥᓈᑎᑯᕽ ᒥᓇ ᓯᐸ ᐅ ᒥᓂᓵᑎᑯᕽ; ᓇᒪᐃᐧᔭ ᒫᑲ ᐊᐃᐧᔭ ᑭᑕ ᐊᐢᑖᐃᑲᐧᐠ; ᒋᑫᒫ ᐅᑐᓂᕽ ᐅᐦᒋ ᑳ ᑎᐯᔨᐦᒋᑫᐟ ᒥᓯᐁᐧ ᓯᔪᑳᑎᓯᐟ ᑭ ᐃᑌᐧᐤ. 5ᒋᑫᒫ ᑲᐦᑭᔭᐤ ᐊᔨᓯᔨᓂᐊᐧᐠ ᑭᑕ ᐱᒧᐦᑌᐊᐧᐠ ᐁ ᐃᑕᓯᐟ ᐅ ᐃᐧᔪᐃᐧᓂᔨᕽ ᐅ ᒪᓂᑐᒪ, ᐁᑯᓯ ᑭᔮᓇᐤ ᑭ ᑲ ᐱᒧᑖᓇᐤ ᐅ ᐃᐧᔪᐃᐧᓂᕽ ᑳ ᑎᐯᔨᐦᒋᑫᐟ ᑭ ᑭᓭᒪᓂᑐᒥᓇᐤ ᑳᑭᑫ ᒥᓇ ᑳᑭᑫ.
6ᐁᐊᐧᑳᐧᓂᒪ ᑭᓯᑳᑯ, ᐃᑌᐧᐤ ᑳ ᑎᐯᔨᐦᒋᑫᐟ, ᓂ ᑲ ᒫᐊᐧᒋᐦᐋᐤ ᐊᓇ ᑳ ᒫᐢᑭᐸᔨᐟ, ᒥᓇ ᓂ ᑲ ᒫᐊᐧᓴᑯᓈᐤ ᐊᓇ ᑳ ᑭ ᐊᐧᔭᐃᐧᑎᓴᐅᐦᐟ, ᒥᓇ ᐊᓇ ᑳ ᑭ ᑯᑕᑭᐊᐠ; 7ᐁᑯᓯ ᐊᓇ ᑳ ᒫᐢᑭᐸᔨᐟ ᐃᐢᑯᐋᑲᐣ ᓂ ᑲ ᐃᑕᔮᐤ, ᒥᓇ ᐊᓇ ᑳ ᑭ ᐊᐧᔭᐃᐧᐁᐧᐱᓂᐦᐟ ᐋᐧᔭᐤ ᑳ ᒪᐢᑲᐃᐧᓯᐟ ᐁ ᐱᐢᑭᑕᐢᑳᓀᓯᐟ ᓂ ᑲ ᐃᑕᔮᐤ; ᐁᑯᓯ ᑳ ᑎᐯᔨᐦᒋᑫᐟ ᑭᑕ ᑭᐦᒋ ᐅᑭᒫᑲᑕᐁᐧᐤ ᓵᔭᐣ ᐊᐧᒋᕽ ᐊᓄᐦᐨ ᐅᐦᒋ ᑳᑭᑫ.
8ᑭᔭ ᒫᑲ ᑳ ᒥᓀᔭᑎᐟ ᐅᐟ ᐊᓴᐋᐧᐱᐃᐧᑲᒥᐠ, ᐅ ᒑᑲᑎᓈᒼ ᓵᔭᐣ ᐅᑖᓂᓴ, ᑭᔭ ᑭ ᑲ ᐅᑎᐦᑎᑯᐣ; ᐁᐦᐁ, ᐊᓂᒪ ᑲᔭᐦᑌ ᑎᐯᔨᐦᒋᑫᐃᐧᐣ ᑭᑕ ᑕᑯᓯᓄᒪᑲᐣ, ᐅ ᑭᐦᒋ ᐅᑭᒫᐃᐧᐃᐧᐣ ᒉᕒᐅᓴᓬᐊᒼ ᐅᑖᓂᓴ. 9ᑖᓀᐦᑭ ᒫᑲ ᑳ ᒥᐢᑕᐦᐃ ᒪᐃᐧᒧᑫᔭᐣ? ᓇᒪᐋᐧᐨ ᒋ ᑭᐦᒋ ᐅᑭᒫᐤ ᑭᐟ ᐊᔮᐋᐧᐤ, ᑯᔭᓱᐁᐧᐃᐧᔨᓂᒼ ᒋ ᓂᓯᐊᐧᓈᑎᓯᐤ, ᐃᐧᓴᑫᔨᑕᒧᐃᐧᐣ ᑳ ᐅᑎᑎᓂᑯᔭᐣ ᑖᐱᐢᑯᐨ ᐃᐢᑫᐧᐤ ᐁ ᐃᐧ ᓂᐦᑖᐃᐧᑭᐋᐊᐧᓱᐟ? 10ᐃᐧᓴᑫᔨᑕ ᒥᓇ ᐋᔨᒥᓯ ᑭᑕ ᓄᑯᐋᐊᐧᓱᔭᐣ, ᑭᔭ ᓵᔭᐣ ᐅᑖᓂᓴ, ᑖᐱᐢᑯᐨ ᐃᐢᑫᐧᐤ ᐁ ᐃᐧ ᓂᐦᑖᐃᐧᑭᐦᐋᐊᐧᓱᐟ; ᒋᑫᒫ ᐁᑲᐧ ᑭ ᑲ ᐊᐧᔭᐃᐧᐣ ᐅᑌᓈᕽ ᐅᐦᒋ, ᒥᓇ ᐊᐧᔭᐃᐧᑎᒫᔨᕽ ᑭ ᑲ ᐊᔮᐣ, ᐁᑯᓯ ᑭ ᑲ ᐅᑎᐦᑌᐣ ᐊᐦᐳ ᐹᐱᓬᐊᐣ; ᐁᑯᑕ ᑫ ᐃᐧᑲᐧᒋᐃᑲᐃᐧᔭᐣ; ᐁᑯᑕ ᑳ ᑎᐯᔨᐦᒋᑫᐟ ᑫ ᐱᒫᒋᐦᐃᐢᐠ ᐅᒋᐦᒋᔨᕽ ᐅᐦᒋ ᑳ ᐃᐧ ᓂᓯᐊᐧᓈᒋᐃᐢᑭᐠ.
11ᐁᑲᐧ ᒫᑲ ᒥᐦᒉᐟ ᓇᓈᑐᑯᐢᑳᐣ ᐊᔨᓯᔨᓂᐊᐧᐠ ᑭ ᒫᐊᐧᓴᑯᑐᑖᑲᐧᐠ, ᑳ ᐃᑌᐧᒋᐠ, ᑭᔮᒼ ᑭᑕ ᓂᓯᐊᐧᓈᒋᐦᐋᐤ, ᑭᔮᒼ ᓂᐢᑭᓯᑯᓈᕽ ᓂ ᑲ ᐋᐧᐸᐦᑌᓈᐣ ᑳ ᐃᓯ ᒧᐢᑕᐁᐧᔨᑕᒫᕽ ᓵᔭᐣ ᑭᑕ ᐃᑭᕽ. 12ᒫᑲ ᓇᒪᐃᐧᔭ ᑭᐢᑫᔨᑕᒪᐧᐠ ᐁ ᐃᑌᔨᑕᒥᔨᐟ ᑳ ᑎᐯᔨᐦᒋᑫᔨᐟ, ᒥᓇ ᓇᒪᐃᐧᔭ ᓂᓯᑐᐦᑕᒣᐧᐊᐧᐠ ᐅᔭᓱᐁᐧᐃᐧᓂᔨᐤ; ᒋᑫᒫ ᑭ ᒫᐊᐧᓴᑯᓀᐤ ᑖᐱᐢᑯᐨ ᐊᓴᐱᒋᑲᓇ ᐸᐊᐧᐃᑫᐃᐧ ᐊᓈᐢᑳᓂᕽ. 13ᐸᓯᑯ, ᒥᓇ ᐸᐊᐧᐃᑫ, ᑭᔭ ᓵᔭᐣ ᐅᑖᓂᓴ; ᒋᑫᒫ ᑭᐟ ᐁᐢᑲᐣ ᐱᐋᐧᐱᐢᐠ ᓂ ᑲ ᐃᓯᑖᐣ, ᒥᓇ ᑲᐢᑲᓯᔭᐠ ᐅᓵᐋᐧᐱᐢᐠ; ᐁᑯᓯ ᒥᐦᒉᐟ ᓇᓈᑐᕽ ᐊᔨᓯᔨᓂᐊᐧᐠ ᑭ ᑲ ᐱᑭᐢᑲᑕᐋᐧᐊᐧᐠ; ᐅ ᑲᐢᑭᒋᑫᐃᐧᓂᐋᐧᐤ ᒫᑲ ᑭ ᑲ ᐸᑭᑎᓇᒪᐋᐧᐤ ᑳ ᑎᐯᔨᐦᒋᑫᐟ, ᒥᓇ ᐅ ᑭᑭᐃᐧᓯᐃᐧᓂᐋᐧᐤ ᑳ ᑎᐯᔨᐦᑕᕽ ᒥᓯᐁᐧ ᐊᐢᑭ.
Iliyochaguliwa sasa
ᒪᐃᑲ 4: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.