ᒪᐃᑲ 3
3
1ᐅᒥᓯ ᒫᑲ ᓂ ᑭ ᐃᑖᐧᐣ, ᓇᑐᐦᑕᒧᐠ, ᒫᐦᑎ, ᑳ ᓂᑳᓂᐢᑲᐋᐧᔦᐠ ᒉᑲᑊ, ᒥᓇ ᑳ ᐅᔭᓱᐁᐧᐃᐧᔨᓂᑲᑕᒣᐠ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ; ᓇᒪ ᒋ ᑭᔭᐋᐧᐤ ᑭᑕ ᑭ ᑭᐢᑫᔨᑕᒣᐠ ᐅᔭᓱᐋᐧᓯᐁᐧᐃᐧᐣ? 2ᑳ ᐸᑳᐧᑕᒣᐠ ᑳ ᒥᔮᐧᓯᐠ, ᒥᓇ ᑳ ᓵᑭᐦᑖᔦᐠ ᑳ ᒫᔮᑕᕽ; ᑳ ᐳᔭᑲᓴᑫᐱᑖᔦᑯᐠ, ᒥᓇ ᑳ ᑫᒋᑯᑲᓀᓵᐧᔦᑯᐠ; 3ᒥᓇ ᑳ ᒥᒋᐋᐧᔦᐠ ᐅ ᐃᐧᔮᓯᐋᐧᐤ ᓂᐟ ᐊᔨᓯᔨᓂᒪᐠ; ᐁᑯᓯ ᑳ ᐸᐦᑯᓈᔦᑯᐠ, ᒥᓇ ᐅᐢᑲᓂᐋᐧᐊᐧ ᑳ ᑲᐢᑲᑕᐊᒫᐧᔦᐠ; ᐁᐦᐁ, ᓇᓈᓂᐢᒋᑲᐁᐧᐊᐧᐠ, ᑖᐱᐢᑯᐨ ᐁ ᐃᐧ ᐸᑳᓯᒫᒋᐠ, ᒥᓇ ᑖᐱᐢᑯᐨ ᐃᐧᔮᐢ ᒥᐢᑕᐢᑭᑯᕽ. 4ᐁᑲᐧ ᑫ ᒪᐃᐧᒧᐢᑕᐋᐧᒋᐠ ᑳ ᑎᐯᔨᐦᒋᑫᔨᐟ, ᒫᑲ ᓇᒪᐃᐧᔭ ᑭᑕ ᓇᐢᑫᐧᐊᐧᓯᒥᑲᐧᐠ; ᐁᐦᐁ, ᑭᑕ ᐋᑯᑫᐧᔨᐢᑕᐁᐧᐤ ᐁᑯᐢᐱ, ᑳ ᑭ ᐃᓯ ᐊᑐᐢᑳᑕᒥᔨᐟ ᒪᒋᑫᑲᐧᐩ ᐅᐟ ᐃᓯᐦᒋᑫᐃᐧᓂᔨᕽ.
5ᐅᒥᓯ ᐃᑌᐤ ᑳ ᑎᐯᔨᐦᒋᑫᐟ ᐊᓂᐦᐃ ᐅᑭᐢᑭᐁᐧᐦᐃᑫᐊᐧ ᑳ ᐊᐧᓂᑐᑕᒧᐋᔨᐟ ᓂᐟ ᐊᔨᓯᔨᓂᒪ; ᑳ ᑕᐦᑯᑫᔨᐟ ᒥᓇ ᑳ ᐃᑌᐧᔨᐟ, ᐯᔭᐦᑕᐠ; ᐁᑯᓯ ᐊᐃᐧᔭ ᐁᑳ ᑫᑲᐧᐩ ᑳ ᐊᐢᑖᔨᐟ ᐅᑐᓂᐋᐧᕽ, ᑳ ᐊᐧᐁᐧᔨᑲᑕᐋᐧᒋᐠ ᓇᑐᐸᔨᐃᐧᐣ; 6ᐁᐊᐧᑯ ᐅᐦᒋ ᑭ ᑲ ᑎᐱᐢᑭᓯᓈᐋᐧᐤ ᐁᑳ ᐋᐧᐸᐦᑕᒧᐃᐧᐣ ᑭᑕ ᐊᔮᔦᐠ; ᐁᑯᓯ ᑭ ᑲ ᐊᐧᓂᑎᐱᐢᑭᓇᒫᓈᐋᐧᐤ ᐁᑳ ᑭᑕ ᑭ ᐸᑯᓇᐃᐧ ᑭᐢᑫᔨᑕᒣᐠ; ᐁᑯᓯ ᑭᑕ ᐸᐦᑭᓯᒧᔨᐊᐧ ᐱᓯᒪᐧ ᐊᓂᑭ ᐅᑭᐢᑭᐁᐧᐦᐃᑫᐊᐧᐠ, ᒥᓇ ᑭᓯᑳᐤ ᑭᑕ ᐊᐧᓂᑎᐱᐢᑳᔨᐤ. 7ᐅ ᐋᐧᐸᒋᑫᐊᐧᐠ ᒫᑲ ᑭᑕ ᓇᓀᐯᐃᐧᓯᐊᐧᐠ, ᒥᓇ ᑳ ᐸᑯᓇᐃᐧ ᑭᐢᑫᔨᑕᐦᑭᐠ ᑭᑕ ᐊᐧᐋᐧᓀᔨᑕᒪᐧᐠ; ᐁᐦᐁ, ᑲᐦᑭᔭᐤ ᑭᑕ ᐊᑯᑐᓀᓂᓱᐊᐧᐠ; ᐃᐧᔭ ᐁᑳ ᐁ ᓇᐢᑫᐧᐊᐧᓯᒥᑯᒋᐠ ᑭᓭᒪᓂᑐᐊᐧ.
8ᒫᑲ ᓂᔭ ᑖᐯᐧ ᓂ ᒧᐢᑭᓀᐢᑳᑯᐣ ᒪᐢᑲᐃᐧᓯᐃᐧᐣ ᐅᐟ ᐊᐦᒑᐦᑲᐧ ᐅᐦᒋ ᑳ ᑎᐯᔨᐦᒋᑫᐟ, ᒥᓇ ᐅᔭᓱᐋᐧᓯᐁᐧᐃᐧᐣ, ᒥᓇ ᓱᑳᔭᐃᐧᓯᐃᐧᐣ, ᑭᑕ ᐋᒋᒧᐢᑕᐊᐧᐠ ᒉᑲᑊ ᐅ ᐊᐧᓂᑐᑕᒧᐃᐧᓇ, ᒥᓇ ᐃᐢᕒᐁᐃᓬ ᐅ ᒪᒋᑐᑕᒧᐃᐧᐣ.
9ᓇᑐᐦᑕᒧᐠ ᐅᒪ, ᑭ ᐸᑯᓭᔨᒥᑎᓈᐋᐧᐤ, ᑭᔭᐋᐧᐤ ᑳ ᓂᑳᓂᐢᑲᒣᐠ ᐅ ᐋᐧᐢᑳᐦᐃᑲᐣ ᒉᑲᑊ, ᒥᓇ ᑳ ᐅᔭᓱᐁᐧᐃᐧᔨᓂᑲᑕᒣᐠ ᐅ ᐋᐧᐢᑳᐦᐃᑲᐣ ᐃᐢᕒᐁᐃᓬ, ᑳ ᐸᑳᐧᑕᒣᐠ ᐅᔭᓱᐋᐧᓯᐁᐧᐃᐧᐣ, ᒥᓇ ᑳ ᐲᒥᓇᒣᐠ ᑲᐦᑭᔭᐤ ᑲᐧᔭᐢᑭᑎᐃᐧᐣ. 10ᒥᐦᑯ ᐋᐸᒋᐦᑖᐊᐧᐠ ᐁ ᐅᓯᐦᑖᒋᐠ ᓵᔭᐣ, ᒥᓇ ᒪᒋᐃᑎᐃᐧᐣ ᐁ ᐅᓯᐦᑖᒋᐠ ᒉᕒᐅᓴᓬᐊᒼ. 11ᑳ ᓂᑳᓂᒋᐠ ᐅᔭᓱᐋᐧᓯᐁᐧᐊᐧᐠ ᑎᐸᐦᐊᒫᑯᐃᐧᐣ ᐅᐦᒋ, ᒥᓇ ᐊᔭᒥᐦᐁᐃᐧᔨᓂᐊᐧᐠ ᑭᐢᑭᓄᐦᐊᒫᑫᐊᐧᐠ ᑭᑕ ᐅᐦᑎᓯᒋᐠ, ᒥᓇ ᐅᑭᐢᑭᐁᐧᐦᐃᑫᐊᐧᐠ ᐸᑯᓇᐃᐧ ᐃᓯᐦᒋᑫᐊᐧᐠ ᓱᓂᔮᐊᐧ ᐅᐦᒋ; ᐁᑯᓯ ᐁᔨᐁᐧᕽ ᐃᐧ ᐊᐢᐯᔨᒧᐊᐧᐠ ᑳ ᑎᐯᔨᐦᒋᑫᔨᐟ, ᒥᓇ ᐃᑌᐧᐊᐧᐠ, ᓇᒪ ᒋ ᑳ ᑎᐯᔨᐦᒋᑫᐟ ᑭ ᐃᐧᒋᐊᔮᒥᑯᓇᐤ? ᓇᒪᐃᐧᔭ ᒫᔨᑫᑲᐧᐩ ᑭ ᑲ ᐅᑎᐦᑎᑯᓈᓇᐤ. 12#ᒉᕒᐃᒫᔭ 26:18ᐁᑯᓯ ᒫᑲ ᓵᔭᐣ ᑭᔭᐋᐧᐤ ᐅᐦᒋ ᑭᑕ ᐱᑯᐱᒋᑳᑌᐤ ᑖᐱᐢᑯᐨ ᑭᐢᑎᑳᐣ, ᒥᓇ ᒉᕒᐅᓴᓬᐊᒼ ᑭᑕ ᐸᐯᐢᑲᐧᐢᑌᐤ, ᒥᓇ ᐋᐧᐢᑳᐦᐃᑲᓂ ᐊᐧᒋ ᑖᐱᐢᑯᐨ ᓴᑳᐊᐧᒋ.
Iliyochaguliwa sasa
ᒪᐃᑲ 3: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.