ᓭᐣᐟ ᒫᐟᔪ 21

1ᐃᐢᐱ ᒫᑲ ᑫᑳᐟ ᐁ ᐊᑎ ᑕᑯᓯᐦᑭᐠ ᒉᕒᐅᓴᓬᐊᒥᕽ, ᓵᓴᐩ ᐁ ᐅᑎᑕᑭᐠ ᐯᐟᐯᒋ, ᐅᓬᐃᑊᐢ ᐊᐧᒋᕽ, ᐁᑯᐢᐱ ᒋᓴᐢ ᑭ ᓯᐯᐧᑎᓴᐁᐧᐤ ᓂᓱ ᐅ ᑭᐢᑭᓄᐦᐊᒪᐋᐧᑲᓇ, 2ᐅᒥᓯ ᒫᑲ ᐁ ᐃᑕᐟ, ᐃᑐᐦᑌᐠ ᐅᑌᓈᕽ ᑭᓯᐊᐧᐠ ᑳ ᐊᔭᐠ, ᐁᑯᓯ ᒫᑲ ᓭᒫᐠ ᑭ ᑲ ᒥᐢᑲᐊᐧᐋᐧᐤ ᓱᓱᐃᐧᒥᐢᑕᑎᒼ ᐁ ᓴᑲᐱᓱᐟ, ᒥᓇ ᐅᐟ ᐊᐊᐧᓯᒥᓴ ᐁ ᐃᐧᒉᐋᐧᐟ; ᐋᐸᐅᑯᐠ, ᐁᑯᓯ ᒫᑲ ᐯᑕᒪᐃᐧᐠ. 3ᑭᐢᐱᐣ ᐊᐃᐧᔭᐠ ᐊᔨᓯᔨᓂᐤ ᓈᓂᑕᐤ ᐃᑎᑯᔦᑯ ᐅᒥᓯ ᑭ ᑲ ᐃᑕᐋᐧᐤ, ᑲ ᑎᐯᔨᐦᒋᑫᐟ ᓇᑕᐁᐧᔨᒣᐤ; ᓭᒫᐠ ᒫᑲ ᐁᑯᓯ ᑫ ᐯ ᐃᓯᑎᓴᐋᐧᐟ. 4ᑲᐦᑭᔭᐤ ᐅᒪ ᑭ ᐃᐦᑭᐣ, ᑭᑕ ᑎᐱᐸᔨᐠ ᑳ ᑭ ᐃᑌᐧᐟ ᐅᑭᐢᑭᐁᐧᐦᐃᑫᐤ, ᐅᒥᓯ ᐁ ᐃᑌᐧᐟ.

5 # ᓭᑲᕒᐋᔭ 9:9 ᐃᐧᐦᑕᒪᕽ ᑭᔭᐋᐧᐤ ᐅ ᑕᓂᓴ ᓴᐃᐊᐣ, ᐊᐧᐸᒼ, ᑭᐟ ᐅᑭᒫᒼ ᑭ ᐯᒋ ᓈᑎᐠ, ᐁ ᔪᐢᑲᑎᓯᐟ, ᒥᓇ ᐁ ᑌᑕᐱᐟ ᓱᓱᒥᐢᑕᑎᒪᐧ, ᒥᓇ ᐅᐟ ᐊᐋᐧᓯᒥᓴ ᓱᓱᐃᐧᒥᐢᑕᑎᒼ.

6ᑭᐢᑭᓄᐦᐊᒪᐋᐧᑲᓇᐠ ᑭ ᐃᑐᐦᑌᐊᐧᐠ, ᐁ ᑭ ᑐᑕᐦᑭᐠ ᐊᓂᒪ ᒋᓴᓴ ᑳ ᑭ ᐃᑎᑯᒋᐠ, 7ᐁ ᑭ ᐯᓯᐊᐧᒋᐠ ᒫᑲ ᓱᓱᐃᐧᒥᐢᑕᑎᒪᐧ, ᒥᓇ ᓱᓱᐊᐧᒋᒧᓴ, ᐁ ᑭ ᐊᐢᐸᐢᑖᒋᐠ ᐅᐟ ᐊᔪᐃᐧᓂᓯᐋᐧᐊᐧ, ᐁᑯᑕ ᒫᑲ ᐁ ᑭ ᑌᑕᐱᐟ. 8ᓇᐢᐱᐨ ᒫᑲ ᒥᐦᒉᐟ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᑭ ᑕᓭᐧᑭᑎᑕᐊᐧᐠ ᐅᑕᔪᐃᐧᓂᓯᐊᐧᐊᐧ ᒣᐢᑲᓇᕽ; ᑯᑕᑲᐠ ᒫᑲ ᐁ ᑭᐢᑲᑕᐊᑭᐠ ᐊᐧᑎᑲᐧᓇ ᒥᐢᑎᑯᕽ ᐅᐦᒋ, ᐁ ᑭ ᐊᓈᐢᑫᑎᑕᒋᐠ ᒣᐢᑲᓇᕽ. 9#ᓂᑲᒧᓇ 118:25,26ᐊᓂᑭ ᒫᑲ ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᑳ ᓂᑳᓄᐦᑌᒋᐠ, ᒥᓇ ᐊᓂᑭ ᑳ ᐊᐢᑯᐋᐧᒋᐠ, ᑭ ᑌᐯᐧᐊᐧᐠ, ᐅᒥᓯ ᐁ ᐃᑌᐧᒋᐠ, ᐦᐅᓴᓇ ᐅᑯᓯᓴ ᑌᐱᐟ; ᓴᐁᐧᔨᑖᑯᓯᐤ ᑳ ᐯ ᐃᑐᐦᑌᐟ ᐅᐟ ᐃᓯᔨᐦᑳᓱᐃᐧᓂᔨᕽ ᑳ ᑎᐯᔨᐦᒋᑫᔨᐟ, ᐦᐅᓴᓇ, ᒫᐊᐧᒋ ᐁᐢᐸᑫᔨᑖᑯᓯᐟ. 10ᐃᐢᐱ ᒫᑲ ᑳ ᑕᑯᓯᕽ ᒉᕒᐅᓴᓬᐊᒥᕽ, ᑲᐦᑭᔭᐤ ᐅᑌᓇᐤ ᐊᐧᐊᐧᓀᔨᑕᒪᐧᐠ, ᐅᒥᓯ ᐁ ᐃᑌᐧᒋᐠ, ᐊᐁᐧᓇ ᐊᐊᐧ? 11ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᒫᑲ ᐅᒥᓯ ᑭ ᐃᑌᐧᐊᐧᐠ ᐁᐊᐧᑯ ᐊᐊᐧ ᒋᓴᐢ ᐅᑭᐢᑭᐁᐧᐦᐃᑫᐤ ᐊᓂᑕ ᓇᓴᕒᐃᐟ ᑲᓬᐊᓬᐃ ᐊᐢᑭᕽ ᑳ ᐅᐦᒋᐟ.

12ᒋᓴᐢ ᒫᑲ ᑭ ᐃᑐᐦᑌᐤ ᐅᐟ ᐊᔭᒥᐦᐁᐃᐧᑲᒥᑯᔨᕽ ᑭᓭᒪᓂᑐᐊᐧ, ᐁ ᑭ ᐊᐧᔭᐃᐧᑎᓴᐋᐧᐟ ᒫᑲ ᑲᐦᑭᔭᐤ ᐊᓂᐦᐃ ᑳ ᒥᐢᑯᑐᓂᑫᔨᐟ ᒥᓇ ᑳ ᐊᑕᐁᐧᔨᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ ᒥᓇ ᐁ ᑭ ᑲᐧᑕᐱᐁᐧᐸᐊᕽ ᐅ ᒥᒋᓱᐃᐧᓇᑎᑯᔨᐊᐧ ᐊᓂᐦᐃ ᑳ ᒥᐢᑯᑐᓇᔨᐟ ᓱᓂᔮᐊᐧ, ᒥᓇ ᐅᐟ ᐊᐱᐃᐧᓂᔨᐊᐧ ᐊᓂᐦᐃ ᑳ ᐊᑕᐋᐧᑫᔨᐟ ᐅᒥᒥᐊᐧ, 13#ᐊᐩᓵᔭ 56:7; ᒉᕒᐃᒫᔭ 7:11ᐅᒥᓯ ᒫᑲ ᐁ ᑭ ᐃᑖᐟ, ᐅᒥᓯ ᐃᑕᓯᓇᐦᐃᑳᑌᐤ, ᓂ ᐋᐧᐢᑳᐦᐃᑲᐣ ᐊᔭᒥᐦᐁᐃᐧᑲᒥᐠ ᑭᑕ ᐃᓯᔨᐦᑳᑌᐤ; ᒫᑲ ᑭᔭᐋᐧᐤ ᑭ ᑭ ᐃᓯᐦᑖᓈᐋᐧᐤ ᑭᑕ ᐅ ᐊᐧᑎᒋᐠ ᑭᒧᑎᐢᑲᐠ. 14ᐁᑯᓯ ᒫᑲ ᐁᑳ ᑳ ᐋᐧᐱᒋᐠ, ᒥᓇ ᐊᓂᑭ ᑳ ᒫᐢᑭᑳᑌᒋᐠ ᑭ ᐯ ᓈᑌᐊᐧᐠ ᐊᔭᒥᐦᐁᐃᐧᑲᒥᑯᕽ; ᑭ ᐃᔨᓂᑲᐦᐁᐤ ᒫᑲ. 15ᐃᐢᐱ ᒫᑲ ᑭᐦᒋ ᐊᔭᒥᐦᐁᐃᐧᔨᓂᐊᐧᐠ ᒥᓇ ᒪᓯᓇᐦᐃᑫᐃᐧᔨᓂᐊᐧᐠ ᐃᐧᔭᐸᑕᑭᐠ ᒪᒪᐦᑖᐃᐧ ᐃᓯᐦᒋᑫᐃᐧᓇ ᑳ ᑭ ᑐᑕᒥᔨᐟ, ᒥᓇ ᐊᐊᐧᓯᓴ ᐁ ᑌᐯᐧᔨᐟ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᐅᒥᓯ ᐁ ᐃᑌᐧᔨᐟ, ᐦᐅᓴᓇ ᐅᑯᓯᓴ ᑌᐱᐟ; ᓇᐢᐱᐨ ᑭ ᓇᔦᑖᐁᐧᔨᑕᒪᐧᐠ. 16#ᓂᑲᒧᓇ 8:2ᐅᒥᓯ ᒫᑲ ᐁ ᑭ ᐃᑖᒋᐠ, ᑭ ᐯᑕᐊᐧᐊᐧᐠ ᒋ ᐅᑯ ᑳ ᐃᑌᐧᒋᐠ? ᒋᓴᐢ ᒫᑲ ᐅᒥᓯ ᑭ ᐃᑌᐤ, ᐁᐦᐁ; ᓇᒪ ᒋ ᐃᐧᑳᐨ ᑯᐦ ᐊᔭᒥᑖᓈᐋᐧᐤ, ᐅᑐᓂᐋᐧᕽ ᐅᐦᒋ ᐊᐱᐢᒐᐊᐧᓯᓴᐠ ᒥᓇ ᐅᓄᓂᐊᐧᐠ ᒥᑐᓂ ᑯᐦᒋ ᒪᒥᒋᒥᑲᐃᐧᐣ? 17ᐁᑯᓯ ᒫᑲ ᑭ ᓇᑲᑌᐤ, ᐁ ᑭ ᐊᐧᔭᐃᐧᐟ ᒫᑲ ᐊᓂᑕ ᐅᑌᓈᕽ ᐅᐦᒋ, ᐁ ᑭ ᐃᑐᐦᑌᐟ ᐊᓂᑌ ᐯᑕᓂ; ᐁᑯᑕ ᒫᑲ ᑭ ᑲᐯᓯᐤ.

18ᐃᐢᐱ ᒫᑲ ᐁ ᑫᑭᓭᐸᔭᐠ ᒣᑳᐧᐨ ᐅᑌᓈᕽ ᑲᐃᐧ ᐁ ᐃᑐᐦᑌᐟ, ᑭ ᓄᑌᑲᑌᐤ. 19ᐁ ᐋᐧᐸᒫᐟ ᒫᑲ ᒥᓂᓵᑎᑲ ᒣᐢᑲᓈᕽ ᑭ ᐯᒋ ᓈᑌᐤ ᐁᑳ ᒫᑲ ᑫᑲᐧᐩ ᐁᑯᑕ ᐁ ᒥᐢᑲᕽ, ᐱᑯ ᓂᐱᔭ, ᐅᒥᓯ ᑭ ᐃᑌᐤ, ᑭᔮᒼ ᐁᑳᐃᐧᔭ ᐃᐧᑳᐨ ᑭ ᑲ ᓂᐦᑖᐃᐧᑭᑕᐣ ᒥᓂᓴ. ᓭᒫᐠ ᒫᑲ ᒥᓂᓵᑎᐠ ᑭ ᐊᑎ ᐸᓱᐤ. 20ᐃᐢᐱ ᒫᑲ ᑭᐢᑭᓄᐦᐊᒪᐋᐧᑲᓇᐠ ᑳ ᐋᐧᐸᐦᑕᐦᑭᐠ, ᑭ ᒫᒪᐢᑳᑕᒪᐧᐠ, ᐅᒥᓯ ᐁ ᐃᑌᐧᒋᐠ ᑖᓀᑭ ᓭᒫᐠ ᑳ ᐊᑎ ᐊᓱᐟ ᐊᐊᐧ ᒥᓂᓵᑎᐠ? 21#ᒫᐟᔪ 17:20; 1 ᑲᕒᐃᐣᑎᔭᓇ 13:2ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ, ᐅᒥᓯ ᐁ ᑭ ᐃᑖᐟ, ᑖᐯᐧ ᑭᐟ ᐃᑎᓈᐋᐧᐤ, ᑭᐢᐱᐣ ᐊᔮᔦᐠ ᑖᐯᐧᑕᒧᐃᐧᐣ, ᒥᓇ ᐁᑳ ᐊᓯᐁᐧᔨᑕᒣᐠ, ᓇᒪᐃᐧᔭ ᐱᑯ ᐅᒥᓯ ᑭ ᑲ ᑐᑌᓈᐋᐧᐤ ᐊᓂᒪ ᑳ ᑑᑕᐟ ᐊᐊᐧ ᒥᓂᓵᐦᑎᐠ, ᒫᑲ ᒥᓇ ᑭᐢᐱᐣ ᐅᒥᓯ ᐃᑕᒣᐠ ᐅᒪ ᐊᐧᒋ, ᐊᒋᐸᔨ ᐁᑯᓯ ᐃᐢᐸᔨ ᑭᐦᒋᑲᒥᕽ; ᐁᑯᓯ ᑫ ᐃᑭᕽ. 22ᑲᐦᑭᔭᐤ ᒫᑲ ᑫᑲᐧᐩ ᑫ ᓇᑐᑕᒪᐁᐧᑫᐧ ᐊᔭᒥᐦᐋᐃᐧᓂᕽ, ᑖᐯᐧᑕᒣᑯ, ᑭ ᑲ ᐊᔮᓈᐋᐧᐤ.

23ᐃᐢᐱ ᒫᑲ ᑳ ᑕᑯᓯᐦᑭᐠ ᑭᐦᒋ ᐊᔭᒥᐦᐁᐃᐧᑲᒥᑯᕽ, ᐊᓂᐦᐃ ᐊᔭᒥᐦᐁᐃᐧᔨᓂᐊᐧ, ᒥᓇ ᐅᓂᑲᓀᔨᑕᑯᓯᐊᐧᐠ ᐊᔨᓯᔨᓂᓈᕽ ᑭ ᐯᒋ ᓇᑎᐠ ᐁ ᒣᑲᐧ ᑭᐢᑭᓄᐦᐊᒫᑫᐟ, ᐅᒥᓯ ᐁ ᑭ ᐃᑎᑯᐟ, ᑫᑯ ᑲᐢᑭᐦᐁᐃᐧᓯᐃᐧᐣ ᐁᐧᒋ ᑐᑕᒪᐣ ᐅᐦᐃ? ᒥᓇ ᐊᐁᐧᓇ ᑳ ᒥᔨᐢᐠ ᐅᒪ ᑲᐢᑭᐦᐁᐃᐧᓯᐃᐧᐣ? 24ᒋᓴᐢ ᒫᑲ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓂᐢᑕ ᐃᓴ ᐯᔭᐠ ᑫᑲᐧᐩ ᑭ ᑲ ᑲᑫᐧᒋᒥᑎᓈᐋᐧᐤ, ᑭᐢᐱᐣ ᐃᐧᐦᑕᒪᐃᐧᔦᑯ, ᓂᐢᑕ ᑭ ᑲ ᐃᐧᐦᑕᒫᑎᓈᐋᐧᐤ ᑫᑯ ᑲᐢᑭᐦᐁᐃᐧᓯᐃᐧᐣ ᐁᐧᒋ ᑐᑕᒫᐣ ᐅᐦᐃ ᑫᑲᐧᔭ. 25ᐅ ᐸᑊᑖᓯᐃᐧᐃᐧᐣ ᒐᐣ, ᑖᓂᑌ ᑳ ᐅᐦᒋᐸᔨᐠ? ᑭᐦᒋ ᑭᓯᑯᕽ ᒋ? ᐊᐦᐳ ᐊᔨᓯᔨᓂᓇᕽ? ᐁᑯᓯ ᒫᑲ ᑭ ᐊᐧᐊᐧᓀᔨᑕᒥ ᑲᑫᐧᒋᑐᐊᐧᐠ, ᐅᒥᓯ ᐁ ᐃᑌᐧᒋᐠ, ᑭᐢᐱᐣ ᐃᑌᐧᔭᑯ, ᑭᐦᒋ ᑭᓯᑯᕽ ᐅᐦᒋ; ᐅᒥᓯ ᑭ ᑲ ᐃᑎᑯᓇᐤ, ᑖᓀᑭ ᒫᑲ ᐁᑳ ᑳ ᑭ ᑖᐯᐧᑕᐋᐧᔦᐠ? 26ᒫᑲ ᑭᐢᐱᐣ ᐃᑌᐧᔭᑯ, ᐊᔨᓯᔨᓂᓇᕽ ᐅᐦᒋ; ᑭ ᑯᐢᑕᓇᐊᐧᐠ ᐊᔨᓯᔨᓂᐊᐧᐠ; ᒋᑫᒫ ᑲᐦᑭᔭᐤ ᐅᑭᐢᑭᐁᐧᐦᐃᑫᐤ ᐃᑕᑭᒣᐊᐧᐠ ᒑᓇ. 27ᑭ ᓇᐢᑫᐧᐊᐧᓯᒣᐊᐧᐠ ᒫᑲ ᒋᓴᓴ, ᐅᒥᓯ ᐁ ᑭ ᐃᑖᒋᐠ, ᓇᒪᐃᐧᔭ ᓂ ᑭᐢᑫᔨᑌᓈᐣ. ᐅᒥᓯ ᒫᑲ ᑭ ᐃᑌᐤ, ᓇᒪᐃᐧᔭ ᒫᑲ ᓂᐢᑕ ᑭ ᑲ ᐃᐧᐦᑕᒫᑎᓈᐋᐧᐤ ᑫᑯ ᑲᐢᑭᐦᐁᐃᐧᓯᐃᐧᐣ ᐁᐧᒋ ᑐᑕᒫᐣ ᐆᐦᐃ ᑫᑲᐧᔭ.

28ᒫᑲ ᑖᓂᓯ ᑭᔭᐋᐧᐤ ᐁᑌᔨᑕᒣᐠ? ᐯᔭᐠ ᐊᔨᓯᔨᓂᐤ ᑭ ᓂᓯᔨᐊᐧ ᐅᑯᓯᓴ; ᑭ ᐯ ᓇᑌᐤ ᒫᑲ ᐊᓂᐦᐃ ᓂᐢᑕᒼ, ᐅᒥᓯ ᐁ ᑭ ᐃᑖᐟ, ᓂ ᑯᓭ, ᓇᑕᐃᐧ ᐊᑐᐢᑫ ᐊᓄᐦᐨ ᑳ ᑭᓯᑳᐠ ᓂ ᒥᓂᓴᑎᑯ ᑭᐢᑎᑳᓂᕽ. 29ᑭ ᓇᐢᑫᐧᐊᐧᓯᒥᐠ ᒫᑲ ᐅᒥᓯ ᐁ ᑭ ᐃᑎᑯᐟ, ᓇᒪᐃᐧᔭ ᓂ ᑲ ᐃᑐᑕᐣ; ᒫᑲ ᒣᐧᐢᑕᐢ ᐃᔨᑯᕽ ᑭ ᒥᑕᑕᒥᔨᐊᐧ, ᐁᑯᓯ ᐁ ᑭ ᐃᑐᐦᑌᔨᐟ. 30ᑯᑕᑲ ᒫᑲ ᑭ ᐯ ᓇᑌᐤ ᐁᑯᓯ ᒣᐧᐦᒋ ᐁ ᑭ ᐃᑕᐟ. ᑭ ᓇᐢᑫᐧᐊᐧᓯᒥᐠ ᐁ ᑭ ᐃᑎᑯᐟ, ᓂ ᑲ ᐃᑐᐦᑖᐣ; ᓇᒪᐃᐧᔭ ᒫᑲ ᑭ ᐃᑐᐦᑌᔨᐊᐧ. 31ᑕᓇᓇ ᒫᑲ ᐁᓯ ᓂᓯᒋᐠ ᑳ ᑐᑕᕽ ᐅᐟ ᐃᑌᔨᑕᒧᐃᐧᓂᔨᐤ ᐅᑕᐃᐧᐊᐧᐊᐧ? ᐅᒥᓯ ᒫᑲ ᐃᑌᐊᐧᐠ, ᓂᐢᑕᒼ ᐊᓇ. ᒋᓴᐢ ᒫᑲ ᐅᒥᓯ ᐃᑌᐤ, ᑖᐯᐧ ᑭᐟ ᐃᑎᓈᐋᐧᐤ, ᐊᓂᑭ ᐸᑊᓬᐃᑲᓇᐠ ᒥᓇ ᐱᓯᑳᐧᑎᐢᑫᐧᐊᐧᐠ ᐱᐦᑐᑫᐊᐧᐠ ᑭᓭᒪᓂᑐ ᐅᐟ ᐅᑌᓇᐃᐧᐃᐧᓂᕽ ᒪᐧᔦᐢ ᑭᔭᐋᐧᐤ. 32#ᓬᐅᐠ 3:12; 7:29,30ᒋᑫᒫ ᒐᐣ ᑲᐧᔭᐢᐠ ᐃᓯᐁᐧᐱᓯᐃᐧᓂᕽ ᑭ ᑭ ᐯ ᐃᓯ ᓇᑎᑯᐋᐧᐤ, ᓇᒪᐃᐧᔭ ᒫᑲ ᑭ ᑖᐯᐧᑕᐊᐧᐋᐧᐤ; ᒫᑲ ᐃᐧᔭ ᐸᑊᓬᐃᑲᓇᐠ ᒥᓇ ᐱᓯᑳᐧᑎᐢᑫᐧᐊᐧᐠ ᑭ ᑖᐯᐧᑕᐁᐧᐊᐧᐠ; ᒥᓇ ᑭᔭᐋᐧᐤ ᐃᐢᐱ ᐁ ᑭ ᐊᑕ ᐋᐧᐸᐦᑕᒣᐠ, ᓇᒪᐃᐧᔭ ᑭ ᒥᑕᑌᓈᐋᐧᐤ ᒣᐧᐢᑕᐢ ᑭᑕ ᑭ ᑖᐯᐧᑕᐋᐧᔦᐠ.

33 # ᐊᐩᓵᔭ 5:1,2 ᓇᑐᑕᒧᐠ ᑯᑕᐠ ᐊᐁᐧᒋᑲᐣ; ᑭ ᐊᔮᐤ ᐯᔭᐠ ᐅᑲᓇᐃᐧᐊᐧᐢᑲᐃᑲᓀᐤ, ᑳ ᑭᐢᑎᑲᑕᕽ ᒥᓂᓴᑎᑯ ᑭᐢᑎᑳᐣ, ᐁ ᑭ ᐋᐧᐢᑳᓇᕽ ᒥᓇ ᐁ ᑭ ᒧᓇᐊᕽ ᐃᑕ ᓱᒥᓈᐳᐃᐧᐤ ᑭᑕ ᐅᒋᑲᐃᐧᑕᐟ, ᒥᓇ ᑭ ᒋᒪᑖᐤ ᐁ ᐃᐢᐸᔨᐠ ᐊᓱᐁᐧᐃᐧᑲᒥᐠ, ᐁ ᑭ ᐸᑭᑎᓇᒪᐋᐧᐟ ᒫᑲ ᑭᐢᑎᑫᐃᐧᔨᓂᐊᐧ, ᑯᑕᐠ ᐊᐢᑭᕽ ᒫᑲ ᐁ ᑭ ᐃᑐᐦᑌᐟ; 34ᐃᐢᐱ ᒫᑲ ᑫᑲᐟ ᐁᐧᑎᒋᐸᔨᐠ ᒥᓂᓴ ᑭᑕ ᐅᑎᓇᒥᕽ, ᑭ ᐃᓯᑎᓴᐦᐊᒪᐁᐧᐤ ᐅᐟ ᐊᑐᐢᑫᔮᑲᓇ ᑭᐢᑎᑫᐃᐧᔨᓂᐊᐧ, ᑭᑕ ᐅᑎᓇᒥᔨᐟ ᒥᓂᓴ. 35ᐁᑯᓯ ᒫᑲ ᑭᐢᑎᑫᐃᐧᔨᓂᐊᐧᐠ ᑭ ᐅᑎᓀᐊᐧᐠ ᐅᐟ ᐊᑐᐢᑫᔮᑲᓂᔨᐊᐧ, ᐁ ᑭ ᐸᑲᒪᐋᐧᒋᐠ ᐯᔭᐠ, ᒥᓇ ᐁ ᑭ ᓂᐸᐦᐋᒋᐠ ᑯᑕᑲ, ᒥᓇ ᐁ ᑭ ᐱᒪᐧᐱᐢᑲᐋᒋᐠ ᑯᑕᑲ. 36ᒥᓇ ᒫᑲ, ᑯᑕᑲ ᑭ ᐃᓯᑎᓴᐁᐧᐤ ᐊᐊᐧᓯᒣ ᐁ ᒥᒋᑎᔨᐟ ᐃᐢᐱᐨ ᓂᐢᑕᒼ, ᐁᑯᓯ ᒫᑲ ᒥᓇ ᒣᐧᐦᒋ ᑭ ᑐᑕᐁᐧᐊᐧᐠ. 37ᒫᑲ ᒫᐊᐧᐨ ᐃᐢᑳᐧᔮᐨ ᑭ ᐃᓯᑎᓴᐦᐊᒪᐁᐧᐤ ᐅᑯᓯᓴ, ᐅᒥᓯ ᐁ ᐃᑌᐧᐟ, ᑭᑕ ᑭᐢᑌᔨᒣᐊᐧᐠ ᓂᑯᓯᓴ. 38ᒫᑲ ᐃᐢᐱ ᐊᓂᑭ ᑭᐢᑎᑫᐃᐧᔨᓂᐊᐧᐠ ᐃᐧᔭᐸᒥᒫᒋᐠ ᐅᑯᓯᓯᔨᐊᐧ, ᐅᒥᓯ ᑭ ᐊᔨᑎᑐᐊᐧᐠ, ᐁᐅᑲ ᐊᐊᐧ ᐅᐟ ᐋᓂᐢᑫᐢᑲᒫᑫᐤ; ᒫᐦᑎ, ᑭᔮᒼ ᓂᐸᐦᐋᑖᐣ ᒥᓇ ᑭᔮᒼ ᒪᐢᑲᒫᑕᐣ ᑳ ᐅᑎᐱᔭᐁᐧᐃᐧᓯᐃᐧᓂᐟ. 39ᐁᑯᓯ ᒫᑲ ᑭ ᐅᑎᐦᑎᓀᐊᐧᐠ, ᒥᓇ ᒥᓂᓴᑎᑯ ᑭᐢᑎᑳᓂᕽ ᐁ ᑭ ᐅᐦᒋ ᐊᐧᔭᐃᐧᐁᐧᐱᓈᒋᐠ, ᐁ ᑭ ᓂᐸᐊᒋᐠ ᒫᑲ. 40ᐃᐢᐱ ᒫᑲ ᑳ ᑎᐯᔨᑕᕽ ᒥᓂᓴᑎᑯ ᑭᐢᑎᑳᐣ ᑕᑯᓯᑭ, ᑖᓂᓯ ᑫ ᑐᑕᐋᐧᐟ ᐅᐦᐃ ᑭᐢᑎᑫᐃᐧᔨᓂᐊᐧ? 41ᐃᑌᐊᐧᐠ, ᓇᐢᐱᐨ ᐃᓴ ᑭᑕ ᑲᑲᐧᑕᑭ ᓂᓯᐊᐧᓈᒋᐁᐤ ᐊᓂᐦᐃ ᒪᒋ ᐊᔨᓯᔨᓂᐊᐧ, ᒥᓇ ᒫᑲ ᑭᑕ ᒥᔮᐟ ᐅ ᒥᓂᓴᑎᑯ ᑭᐢᑎᑳᐣ ᑯᑕᑲ ᑭᐢᑎᑫᐃᐧᔨᓂᐊᐧ, ᐊᓂᐦᐃ ᑫ ᒥᔨᑯᐟ ᒥᓂᓴ ᐁᓯ ᓂᐦᑖᐃᐧᑭᑕᔨᐟ. 42#ᓂᑲᒧᓇ 118:22,23ᒋᓴᐢ ᒫᑲ ᐅᒥᓯ ᐃᑌᐤ, ᓇᒪ ᒋ ᐃᐧᑳᐨ ᑭᐟ ᐊᔭᒥᑖᓈᐋᐧᐤ ᒪᓯᓇᐦᐃᑫᐃᐧᓂᕽ,

ᐊᓯᓂ ᐅᐊᐧᐢᑲᐃᑲᓂᑫᐊᐧᐠ ᑳ ᑭ ᐋᑕᐁᐧᔨᒫᒋᐠ, ᐁᐊᐧᑯ ᐊᓇ ᓂᔨᑳᓂᓯᕽ ᐁ ᓀᑕᑳᔨᐠ; ᐁᐊᐧᑯ ᐅᒪ ᑳ ᑎᐯᔨᐦᒋᑫᐟ ᐅᐟ ᐃᑐᑕᒧᐃᐧᐣ, ᒪᒪᐢᑳᑌᔨᑖᑲᐧᐣ ᑭᐢᑭᓯᑯᓇᕽ?

43ᐁᐊᐧᑯ ᒫᑲ ᑳ ᐅᐦᒋ ᐃᑎᑕᑯᐠ, ᑭᓭᒪᓂᑐ ᐅᐟ ᐅᑌᓇᐃᐧᐃᐧᐣ ᑭ ᑲ ᒪᐢᑲᒥᑲᐃᐧᓈᐋᐧᐤ, ᑭᑕ ᒥᔨᐦᒋᐠ ᒫᑲ ᐊᔨᓯᔨᓂᐊᐧᐠ ᑫ ᓂᐦᑖᐃᐧᑭᑖᒋᐠ ᒥᓂᓯᐃᐧᐃᐧᐣ ᐁᑯᑕ ᐅᐦᒋ. 44ᐊᐃᐧᔭᐠ ᒫᑲ ᑫ ᐸᐦᑭᓯᓄᑫᐧ ᑕᑯᐨ ᐊᐊᐧ ᐊᓯᓂ ᑭᑕ ᐱᑯᓯᐣ; ᒫᑲ ᑭᐢᐱᐣ ᐊᐃᐧᔭᐠ ᑫ ᐸᑕᑯᐢᑳᑯᑫᐧ, ᑖᐱᐢᑯᐨ ᐱᐦᑯ ᑭᑕ ᐃᓯ ᐱᑭᐢᑲᑕᐅᐠ. 45ᐃᐢᐱ ᒫᑲ ᐊᔭᒥᐦᐁᐃᐧᔨᓂᐊᐧᐠ ᒥᓇ ᐸᕒᐊᓯᔭᐠ ᑳ ᐯᐦᑕᐦᑭᐠ ᐅᐟ ᐊᐁᐧᒋᑲᓂᔨᐊᐧ, ᑭ ᑭᐢᑫᔨᑕᒪᐧᐠ ᐃᐧᔭᐋᐧᐤ ᐁ ᑭ ᐃᑎᑯᒋᐠ. 46ᒫᑲ ᐃᐢᐱ ᓀᓇᑐᓇᑭᐠ ᑭᑕ ᐅᑎᑎᓈᒋᐠ, ᑭ ᑯᐢᑌᐊᐧᐠ ᑳ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ, ᒋᑫᒫ ᐅᑭᐢᑭᐁᐧᐦᐃᑫᐤ ᐁ ᐃᑌᔨᒥᑯᐟ.

Iliyochaguliwa sasa

ᓭᐣᐟ ᒫᐟᔪ 21: KKMs

Kuonyesha

Shirikisha

Nakili