ᓭᐣᐟ ᒫᐟᔪ 20
20
1ᒋᑫᒫ ᑭᐦᒋ ᑭᓯᑯᐃᐧ ᐅᑌᓇᐃᐧᐃᐧᐣ ᐃᑌᔨᑖᑲᐧᐣ ᑖᐱᐢᑯᐨ ᐊᔨᓯᔨᓂᐤ ᑳ ᑲᓇᐃᐧᐊᐧᐢᑲᐦᐃᑲᓀᐟ, ᐃᐧᐸᐨ ᑫᑭᓭᑊ ᑳ ᐊᐧᔭᐃᐧᐟ ᑭᑕ ᐊᑐᑖᐟ ᐅ ᑕᑐᐢᑫᐊᐧ ᐊᓂᑕ ᐅ ᒥᓂᓴᑎᑯ ᑭᐢᑎᑳᓂᕽ. 2ᐃᐢᐱ ᒫᑲ ᑳ ᐊᓱᑕᒪᐋᐧᐟ ᐊᓂᐦᐃ ᐅᑕᑐᐢᑫᐊᐧ ᐸᐯᔭᐠ ᐅᓴᐊᐧᐱᐢᑯᓴ ᐯᔭᐠ ᑭᓯᑳᐤ, ᑭ ᐃᓯᑎᓴᐁᐧᐤ ᐅ ᒥᓂᓴᑎᑯ ᑭᐢᑎᑲᓂᕽ. 3ᐁᑯᓯ ᒫᑲ ᒥᓇ ᑭ ᐊᐧᔭᐃᐧᐤ ᓈᓂᑕᐤ ᓂᐢᑖᐧᐤ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ, ᐁ ᑭ ᐋᐧᐸᒫᐟ ᒫᑲ ᑯᑕᑲ ᐁ ᓂᐸᐃᐧᔨᐟ ᐁᑳ ᐁ ᐊᑐᐢᑫᔨᐟ ᐊᑕᑐᐃᐧᓂᕽ. 4ᐅᒥᓯ ᒫᑲ ᑭ ᐃᑌᐤ; ᑭᐢᑕᐋᐧᐤ ᐃᑐᐦᑌᐠ ᒥᓂᓴᑎᑯ ᑭᐢᑎᑲᓂᕽ, ᑫᑲᐧᐩ ᒫᑲ ᐁ ᑲᐧᔭᐢᑲᐧᕽ ᑭ ᑲ ᒥᔨᑎᓈᐋᐧᐤ. ᐁᑯᓯ ᒫᑲ ᑭ ᓯᐯᐧᑌᔨᐊᐧ. 5ᒥᓇ ᒫᑲ ᑭ ᐊᐧᔭᐃᐧᐤ ᓈᓂᑕᐤ ᓂᑯᑖᐧᓯᐠ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ, ᒥᓇ ᑫᑲᐟ ᒥᑖᑕᐦᐟ, ᐁᑯᓯ ᒫᑲ ᒥᓇ ᐁ ᑭ ᑐᑕᕽ. 6ᒥᓇ ᒫᑲ ᓈᓂᑕᐤ ᒥᑖᑕᐦᐟ ᐯᔭᑯᓴᑊ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ ᑭ ᐊᐧᔭᐃᐧᐤ, ᐁ ᑭ ᒥᐢᑲᐋᐧᐟ ᒫᑲ ᑯᑕᑲ ᐁᑳ ᐁ ᐊᑐᐢᑫᔨᐟ, ᐅᒥᓯ ᒫᑲ ᐃᑌᐤ, ᑖᓀᑭ ᐅᑕ ᑳ ᓂᐸᐃᐧᔦᐠ ᐁᑳ ᐁ ᐊᑐᐢᑫᔦᐠ? 7ᐅᒥᓯ ᒫᑲ ᐃᑌᐊᐧᐠ, ᒋᑫᒫ ᓇᒪᐃᐧᔭ ᐊᐃᐧᔭᐠ ᐊᔨᓯᔨᓂᐊᐧᐠ ᓂᐟ ᐊᑐᑎᑯᓇᐣ. ᐅᒥᓯ ᒫᑲ ᑭ ᐃᑌᐤ, ᑭᐢᑕᐋᐧᐤ ᐃᑐᐦᑌᐠ ᒥᓂᓴᑎᑯ ᑭᐢᑎᑳᓂᕽ, ᑫᑲᐧᐩ ᐁ ᑲᐧᔭᐢᑲᐧᕽ ᑭ ᑲ ᒥᔨᑎᓈᐋᐧᐤ. 8#ᓬᐃᐱᑎᑲᐢ 19:13; ᑎᔪᑕᕒᐊᓇᒥ 24:15ᐁᑯᓯ ᒫᑲ ᐃᐢᐱ ᐁᑎ ᐅᑖᑯᓯᐠ, ᑳ ᑎᐯᔨᑕᕽ ᒥᓂᓴᑎᑯ ᑭᐢᑎᑳᐣ ᐅᒥᓯ ᐃᑌᐤ ᐅ ᑲᓇᐁᐧᔨᒋᑫᒪ, ᓇᑐᒥᐠ ᐅᑕᑐᐢᑫᐊᐧᐠ, ᒥᔨᐠ ᒫᑲ ᐅ ᑎᐸᐊᒪᑯᐃᐧᓂᐋᐧᐤ, ᓂᐢᑕᒼ ᐊᓇ ᐃᐢᑳᐧᔭᐨ ᐱᔨᐢ ᐊᓇ ᓂᐢᑕᒼ. 9ᐃᐢᐱ ᒫᑲ ᑌᑯᓯᑭᐠ ᐊᓂᑭ ᑳ ᑭ ᐊᑐᑎᒋᐠ ᓈᓂᑕᐤ ᒥᑖᑕᐦᐟ ᐯᔭᑯᓴ ᐁᐃᐢᐸᔨᐠ ᑎᐸᐦᐃᐱᓯᒫᐧᐣ, ᐸᐯᔭᐠ ᐊᔨᓯᔨᓂᐤ ᑭ ᒥᔮᐤ ᐯᔭᐠ ᐅᓴᐊᐧᐱᐢᑯᓴ. 10ᒫᑲ ᐃᐢᐱ ᐊᓂᑭ ᓂᐢᑕᒼ ᑳ ᑭ ᐊᑐᑎᒋᐠ ᑌᑯᓯᑭᐠ, ᑭ ᐃᑌᔨᑕᒪᐧᐠ ᐊᐊᐧᓯᒣ ᑭᑕ ᐅᑎᓯᒋᐠ ᒫᑲ ᐃᐧᐢᑕᐋᐧᐤ ᐁᑕᓯᐟ ᐊᔨᓯᔨᓂᐤ ᐸᐯᔭᐠ ᐅᓴᐊᐧᐱᐢᑯᓴ ᑭ ᒥᔮᐊᐧᐠ. 11ᐃᐢᐱ ᒫᑲ ᑳ ᒥᔨᐦᒋᐠ, ᑭ ᒥᑕᐊᐧᒣᐊᐧᐠ ᐅᑲᓇᐃᐧ ᐋᐧᐢᑳᐦᐃᑲᓀᐊᐧ, 12ᐅᒥᓯ ᐁ ᐃᑌᐧᒋᐠ, ᐅᑯ ᐃᐢᑳᐧᔭᐨ ᐱᑯ ᐯᔭᑳᐧᐤ ᐁ ᐃᐢᐸᔨᐠ ᑎᐸᐦᐃᐱᓯᒫᐧᐣ ᐃᔨᑯᕽ ᑭ ᐊᑐᐢᑫᐊᐧᐠ, ᐁᑯᓯ ᑳ ᐃᓯ ᑎᐸᐊᒪᐃᐧᔭᕽ ᑭᐟ ᐃᓯ ᑎᐸᐊᒪᐊᐧᐊᐧᐠ, ᓂᔭᓈᐣ ᐁ ᑭ ᓇᔭᑕᒫᕽ ᐁ ᑯᓯᑲᐧᕽ ᒥᓇ ᐁ ᑭᓴᐢᑌᐠ ᐁ ᑭᓯᑳᐠ. 13ᒫᑲ ᑭ ᓇᐢᑫᐧᐊᐧᓯᒣᐤ ᐊᓂᐦᐃ ᐯᔭᐠ, ᐅᒥᓯ ᒫᑲ ᐁ ᑭ ᐃᑖᐟ, ᓂᑐᑌᒼ, ᓇᒪᐃᐧᔭ ᓈᓂᑕᐤ ᑭᐟ ᐃᓯ ᒪᔨ ᑐᑕᑎᐣ; ᓇᒪ ᒋ ᐯᔭᐠ ᐅᓴᐊᐧᐱᐢᑯᐢ ᑭ ᑭ ᐅᐦᒋ ᒪᓯᓇᐦᐃᑲᐣ? 14ᐅᑎᓇ ᒫᑲ ᐊᓂᒪ ᑳ ᑎᐯᔨᑕᒪᐣ, ᒥᓇ ᓯᐯᐧᐦᑌ; ᓂ ᑲ ᒥᔭᐤ ᐊᐊᐧ ᐃᐢᑳᐧᔭᐨ, ᑖᐱᐢᑯᐨ ᑭᔭ ᑳ ᐃᓯ ᒥᔨᑕᐣ. 15ᓇᒪ ᒋ ᑲᐧᔭᐢᐠ ᐁ ᐃᑌᔨᑕᒫᐣ ᓂᔭ ᑭᑕ ᑐᑕᒫᐣ ᑳ ᑎᐯᔨᑕᒫᐣ? ᑭ ᒫᔮᐱᓯᒥᑯᐣ ᒋ ᐁ ᒥᐊᐧᑎᓯᔭᐣ? 16#ᒫᐟᔪ 19:30; ᒫᕒᐠ 10:31; ᓬᐅᐠ 13:30ᐁᑯᓯ ᒫᑲ ᐊᓂᑭ ᐃᐢᑲᐧᔭᐨ ᑭᑕ ᓂᑲᓂᓯᐊᐧᐠ, ᒥᓇ ᑳ ᓂᑲᓂᓯᒋᐠ ᑭᑕ ᐅᑕᑫᐃᐧᐊᐧᐠ; ᒋᑫᒫ ᒥᐦᒉᐟ ᓇᑐᒪᐊᐧᐠ, ᒫᑲ ᒐᑲᐊᐧᓯᐢ ᑳ ᓇᐊᐧᓱᓂᐦᒋᐠ.
17ᒋᓴᐢ ᒫᑲ ᐁ ᐃᑐᐦᑌᐟ ᒉᕒᐅᓴᓬᐊᒥᕽ ᑭ ᐃᑐᑕᐁᐤ ᒥᑖᑕᐦᐟ ᓂᓱᓵᑊ ᐅ ᑭᐢᑭᓄᐦᐊᒪᐋᐧᑲᓇ ᓂᓯᑫ ᒣᐢᑲᓇᕽ, ᐅᒥᓯ ᒫᑲ ᐁ ᑭ ᐃᑖᐟ. 18ᒋᐢᐟ, ᑭᐟ ᐃᑐᐦᑖᓈᓇᐤ ᒉᕒᐅᓴᓬᐊᒥᕽ; ᐃᔨᓂᐃᐧᑯᓯᓵᐣ ᒫᑲ ᑭᑕ ᐸᑭᑎᓈᐤ ᐅᒋᒋᔨᕽ ᐊᔭᒥᐦᐁᐃᐧᔨᓂᐊᐧ ᒥᓇ ᒪᓯᓇᐦᐃᑫᐃᐧᔨᓂᐊᐧ, ᐁᑯᓯ ᑭᑕ ᓇᓂᐳᒣᐊᐧᐠ ᑭᑕ ᓂᐸᐃᒥᐟ. 19ᑭᑕ ᐸᑭᑎᓇᒪᐁᐧᐊᐧᐠ ᒫᑲ ᒉᐣᑕᓬᐊ, ᑭᑕ ᐸᐱᓄᑕᐊᐧᔨᐟ, ᒥᓇ ᑭᑕ ᐸᐸᓴᐢᑌᐊᐧᔨᐟ, ᒥᓇ ᑭᑕ ᒋᐢᑕᐢᑲᐧᑕᔨᐟ; ᑭ ᓂᐢᑐ ᑭᓯᑳᑭ ᒫᑲ ᒥᓇ ᑭᑕ ᐊᐱᓯᓯᐣ.
20ᐁᑯᐢᐱ ᒫᑲ ᑭ ᐯ ᓈᑎᐠ ᐅᑲᐃᐧᔨᐊᐧ ᓭᐱᑎ ᐅᐟ ᐊᐊᐧᓯᒥᓴ, ᐁ ᐯ ᐃᐧᒉᐊᐧᔨᐟ ᐅᑯᓯᓯᔨᐊᐧ, ᐁ ᑭ ᐅᒋᐦᒋᐦᑲᐧᓇᐱᐢᑕᑯᐟ ᒫᑲ, ᒥᓇ ᐁ ᐸᑯᓭᔨᒥᑯᐟ ᐯᔭᐠ ᑫᑲᐧᐩ. 21ᐅᒥᓯ ᒫᑲ ᑭ ᐃᑌᐤ, ᑫᑲᐧᐩ ᓀᑕᐁᐧᔨᑕᒪᐣ? ᐅᒥᓯ ᒫᑲ ᐃᑎᐠ, ᒥᔨᐠ ᐅᑯ ᓂᓱ ᓂᑯᓯᓴᐠ, ᑭᑕ ᐊᐱᒋᐠ, ᐯᔭᐠ ᑭ ᑭᒋᓂᐢᑭᕽ, ᒥᓇ ᑯᑕᐠ ᑭ ᓇᒪᑎᓂᕽ, ᑭᐟ ᐅᑌᓇᐃᐧᐃᐧᓂᕽ. 22ᒫᑲ ᒋᓴᐢ ᑭ ᓇᐢᑫᐧᐊᐧᓯᒣᐤ ᐅᒥᓯ ᐁ ᑭ ᐃᑖᐟ, ᓇᒪᐃᐧᔭ ᑭ ᑭᐢᑫᔨᑌᓈᐋᐧᐤ ᑫᑲᐧᐩ ᑳ ᓇᑐᑕᒫᔦᐠ. ᑭ ᑲ ᑲᐢᑭᑖᓈᐋᐧᐤ ᒋ ᑭᑕ ᒥᓂᑳᐧᑫᔦᐠ ᐊᓂᒪ ᒥᓂᑳᐧᑲᐣ ᑫ ᒥᓂᑳᐧᑫᔮᐣ, ᒥᓇ ᑭᑕ ᐸᑊᑖᓯᐃᐧᓱᔦᐠ ᐊᓂᒪ ᐹᑊᑖᓯᐃᐧᐃᐧᐣ ᓂᔭ ᑳ ᐅᐦᒋ ᐹᑊᑖᓯᐃᐧᓱᔮᐣ? ᐅᒥᓯ ᒫᑲ ᑭ ᐃᑌᐊᐧᐠ, ᓂ ᑲ ᑲᐢᑭᑕᓇᐣ. 23ᐅᒥᓯ ᒫᑲ ᐃᑌᐤ, ᑖᐯᐧ ᑭ ᑲ ᒥᓂᑲᐧᑳᐧᓈᐋᐧᐤ ᐊᓂᒪ ᓂ ᒥᓂᑳᐧᑲᐣ, ᒥᓇ ᑭ ᑲ ᐸᑊᑖᓯᐃᐧᐃᑲᐃᐧᓈᐋᐧᐤ ᐊᓂᒪ ᐹᐧᑖᓯᐃᐧᐃᐧᐣ ᐁᐧᒋ ᐸᑊᑖᓯᐃᐧᐦᐃᑲᐃᐧᔭᐣ; ᒫᑲ ᐃᐧᔭ ᑭᑕ ᐊᐱᕽ ᓂ ᑭᒋᓂᐢᑭᕽ, ᒥᓇ ᓂ ᓇᒪᑎᓂᕽ, ᓇᒪᐃᐧᔭ ᓂᔭ ᓂᐟ ᐊᔭᐣ ᑭᑕ ᒣᑭᔭᐣ, ᒫᑲ ᑭᑕ ᒥᔭᐊᐧᐠ ᑳ ᑭ ᐊᐧᐁᐧᔨᑕᒫᑯᒋᐠ ᓄᑕᐃᐧᔭ. 24ᐃᐢᐱ ᒫᑲ ᐊᓂᑭ ᒥᑖᑕᐦᐟ ᐱᔦᐦᑕᐦᑭᐠ, ᑭ ᒥᑯᐢᑲᑎᐢᑳᑲᐧᐠ ᑭᓯᐁᐧᔨᑕᒧᐃᐧᐣ ᐁ ᑭᓯᐁᐧᔨᑕᒥᐃᑯᒋᐠ ᐊᓂᐦᐃ ᓂᓱ ᐁ ᐅᒋᐋᐧᒥᑐᔨᐟ. 25#ᓬᐅᐠ 22:25,26ᒫᑲ ᒋᓴᐢ ᑭ ᓇᑐᒣᐤ, ᐅᒥᓯ ᒫᑲ ᐁ ᑭ ᐃᑖᐟ, ᑭ ᑭᐢᑫᔨᑌᓈᐋᐧᐤ ᐊᓂᐦᐃ ᐅᐟ ᐅᑭᒫᒥᐊᐧᐊᐧ ᐊᓂᑭ ᒉᐣᑕᓬᐊᐠ ᐅᑭᒪᐃᐧᓯᐃᓱᔨᐊᐧ ᐁ ᑎᐯᔨᒥᑯᒋᐠ, ᐊᓂᑭ ᒫᑲ ᑳ ᑭᐦᒑᔨᐃᒋᐠ ᓱᑫᔨᑕᑲᐧᓂᔨᐤ ᐁᓯ ᑎᐯᔨᐦᒋᑫᒋᐠ. 26#ᒫᐟᔪ 23:11; ᒫᕒᐠ 9:35; ᓬᐅᐠ 22:26ᒫᑲ ᐃᐧᔭ ᑭᔭᐋᐧᐤ ᓇᒪᐃᐧᔭ ᐁᑯᓯ ᑭᑕ ᐃᐦᑭᐣ; ᒫᑲ ᑭᐢᐱᐣ ᐊᐃᐧᔭᐠ ᐋᐧ ᑭᒐᔨᐃᐧᑫᐧ ᐅᒪ ᑳ ᐃᑕᓱᔦᐠ, ᑭᔮᒼ ᑭ ᑲ ᐅ ᐸᒥᐢᑕᑲᓂᒥᓇᐋᐧᐤ; 27ᒥᓇ ᒫᑲ ᑭᐢᐱᐣ ᐊᐃᐧᔭᐠ ᐋᐧ ᑭᐢᑌᔨᑖᑯᓯᑫᐧ ᐅᒪ ᑳ ᐃᑕᓯᔦᐠ, ᑭᔮᒼ ᑭ ᑲ ᐅᐟ ᐊᑐᐢᑫᔮᑲᓂᓈᐋᐧᐤ; 28ᑖᐱᐢᑯᐨ ᐃᔨᓂᐃᐧᑯᓯᓵᐣ ᐁᑳ ᑳ ᑭ ᐯ ᐅᐦᒋ ᐃᑐᐦᑌᐟ ᑭᑕ ᐸᒥᐦᐃᐦᐟ, ᒫᑲ ᐃᐧᔭ ᑭᑕ ᐸᒥᐦᐃᐁᐧᐟ, ᒥᓇ ᑭᑕ ᒣᑭᐟ ᐅ ᐱᒫᑎᓯᐃᐧᐣ ᒥᐦᒉᐟ ᑭᑕ ᐅᐦᒋ ᐱᒫᑎᓯᔨᐟ.
29ᐃᐢᐱ ᒫᑲ ᐁᑎ ᓯᐯᑌᒋᐠ ᒉᕒᐃᑯ ᐅᐦᒋ, ᑭᐦᒋ ᒥᐦᒉᐟ ᐁ ᒫᒪᐁᐧᔭᑎᔨᐟ ᐊᔨᓯᔨᓂᐊᐧ ᑭ ᐱᒥᑎᓴᐦᐅᐠ. 30ᒋᐢᐟ ᒫᑲ, ᓂᓱ ᐁᑳ ᑳ ᐋᐧᐱᒋᐠ ᐊᔨᓯᔨᓂᐊᐧᐠ ᑭ ᐊᐱᐊᐧᐠ ᐸᑐᑌᐢᑲᓇᕽ, ᐃᐢᐱ ᒫᑲ ᐱᔦᐦᑕᐦᑭᐠ ᒋᓴᓴ ᐁ ᐱᒧᐦᑌᔨᐟ, ᑭ ᑌᐯᐧᐊᐧᐠ, ᐅᒥᓯ ᐁ ᐃᑌᐧᒋᐠ, ᑭᑎᒫᑭᓇᐃᐧᓇᐣ, ᐅ ᑌᐯᔨᐦᒋᑫᔭᐣ, ᑭᔭ ᐅᑯᓯᓴ ᑌᐱᐟ! 31ᑳ ᒫᒪᐁᐧᔭᑎᒋᐠ ᐊᔨᓯᔨᓂᐊᐧᐠ ᒫᑲ ᑭ ᑭᑕᐦᐊᒪᐁᐧᐊᐧᐠ ᐁᑳ ᑭᑕ ᑭᑐᔨᐟ, ᒫᑲ ᐊᒋ ᐱᑯ ᑭ ᒥᐢᑕᐦᐃ ᑌᐯᐧᐊᐧᐠ, ᐅᒥᓯ ᐁ ᐃᑌᐧᒋᐠ, ᑭᑎᒫᑭᓇᐃᐧᓇᐣ, ᐅ ᑌᐯᔨᐦᒋᑫᔭᐣ, ᑭᔭ ᐅᑯᓯᓴ ᑌᐱᐟ. 32ᒋᓴᐢ ᒫᑲ ᑭ ᑭᐱᒋᑳᐸᐃᐧᐤ, ᐁᑯᓯ ᐁ ᑭ ᓇᑐᒫᐟ, ᐅᒥᓯ ᒫᑲ ᐁ ᑭ ᐃᑌᐧᐟ, ᑫᑲᐧᐩ ᓀᑕᐁᐧᔨᑕᒣᐠ ᑭᑕ ᑐᑕᑕᑯᐠ? 33ᐅᒥᓯ ᒫᑲ ᐃᑌᐊᐧᐠ, ᑌᐯᔨᐦᒋᑫᔭᐣ, ᓂᐢᑭᓯᑯᓇᓇ ᑭᑕ ᐸᐢᑭᑌᓂᑲᑌᑭ. 34ᐁᑯᓯ ᒫᑲ ᒋᓴᐢ ᑭ ᑭᑎᒫᑭᓇᐁᐧᐤ, ᒥᓇ ᐁ ᑭ ᓴᓴᒥᓇᒫᐧᐟ ᐅᐢᑭᓯᑯᔨᐊᐧ; ᓭᒫᐠ ᒫᑲ ᑭ ᐋᐧᐱᔨᐊᐧ, ᒥᓇ ᐁ ᑭ ᐱᒥᑎᓴᐦᐅᑯᐟ.
Iliyochaguliwa sasa
ᓭᐣᐟ ᒫᐟᔪ 20: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.
