ᒎᓇ 1
1
1 #
2 ᑭᐦᒋ ᐅᑭᒫᐊᐧᐠ 14:25
ᑳ ᑎᐯᔨᐦᒋᑫᐟ ᒫᑲ ᐅᐟ ᐃᑌᐧᐃᐧᐣ ᑭ ᐅᑎᐦᑎᐠ ᒎᓇ ᐅᑯᓯᓴ ᐋᒥᑕᐩ, ᐁ ᐃᑌᐧᐟ, 2ᐸᓯᑯ, ᐃᑐᐦᑌ ᓂᓀᐯᐃᕽ ᐊᓂᒪ ᑭᐦᒋ ᐅᑌᓇᐤ, ᐁᑯᓯ ᑌᐹᐧᑕ; ᒋᑫᒫ ᐅ ᒪᒑᔨᐃᐧᓂᐋᐤ ᓂ ᐯ ᐅᐦᑎᐢᑲᐃᐧᐢᑳᑯᐋᐧᐣ. 3ᒫᑲ ᒎᓇ ᑭ ᐸᓯᑯ ᑖᕒᓯᓯᕽ ᑭᑕ ᐃᑖᒧᐟ ᐁ ᑕᐸᓯᐋᐟ ᑳ ᑎᐯᔨᐦᒋᑫᔨᐟ; ᐁᑯᓯ ᑭ ᐃᑐᐦᑌᐤ ᒑᐸᐃᕽ, ᐁᑯᑕ ᒫᑲ ᑭ ᒥᐢᑲᒼ ᓈᐱᑲᐧᐣ ᑖᕒᓯᓯᕽ ᐁ ᐃᑖᐢᑕᓂᔨᐠ; ᐁᑯᓯ ᑭ ᑎᐸᐊᒼ ᑭᑕ ᐳᓯᐃᐦᐟ, ᒥᓇ ᑭ ᐳᓯᐤ, ᑭᑕ ᒋᒫᐟ ᑖᕒᓯᓯᕽ ᐃᓯ ᐁ ᑕᐸᓯᐋᐟ ᑳ ᑎᐯᔨᐦᒋᑫᔨᐟ.
4ᒫᑲ ᑳ ᑎᐯᔨᐦᒋᑫᐟ ᑭ ᐃᓯᑎᓴᐦᐊᒼ ᑭᑕ ᒥᐢᑕᐦᐃ ᔪᑎᓂᔨᐠ ᑭᐦᒋᑲᒥᕽ, ᑭ ᒥᐢᑕᐦᐃ ᐅᓵᒥᔪᐁᐧᐤ ᒫᑲ ᑭᐦᒋᑲᒥᕽ, ᐁᑯᓯ ᓈᐱᑳᐧᐣ ᐋᓴᐩ ᑭᑕ ᐱᑳᐧᐅᑌᐠ. 5ᐁᑲᐧ ᓈᐱᑳᐧᓂᔨᓂᐊᐧᐠ ᑭ ᓭᑭᓯᐊᐧᐠ, ᒥᓇ ᑕᐦᑐ ᐊᔨᓯᔨᓂᐤ ᑭ ᒪᐃᐧᒧᐢᑕᐁᐧᐤ ᐅ ᒪᓂᑐᒪ; ᒥᓇ ᑭ ᐸᑲᐢᑕᐁᐧᐁᐧᐱᓂᒪᐧᐠ ᑭᐦᒋᑲᒥᕽ ᐳᓯᑖᓱᓇ ᑳ ᐊᔮᑭ ᓈᐱᑳᐧᓂᕽ, ᑭᑕ ᔮᐦᑲᑯᑎᕽ. ᒫᑲ ᒎᓇ ᐊᑖᒧᑕᐠ ᓈᐱᑳᐧᓂᕽ ᑭ ᐊᔮᐤ; ᐁᑯᓯ ᑭ ᐱᒥᓯᐣ, ᒥᓇ ᑭ ᐳᓵᑳᐧᒥᐤ. 6ᐁᑯᓯ ᓈᐱᑳᐧᓂᑭᒫᐊᐧ ᑭ ᐯ ᓈᑎᐠ, ᒥᓇ ᑭ ᐃᑎᐠ, ᑖᓂᓱᒪ, ᑭᔭ ᑳ ᓂᐹᔭᐣ? ᐊᐧᓂᐢᑳ, ᑲᑭᓯᒧᑐᑕᐤ ᑭ ᒪᓂᑐᒼ, ᒫᐢᑯᐨ ᑭᑕ ᐃᐦᑭᐣ ᑭᓭᒪᓂᑐ ᑭᑕ ᒥᑐᓀᔨᒥᑯᔭᕽ, ᐁᑳ ᑭᑕ ᓂᓯᐊᐧᓈᑎᓯᔭᕽ. 7ᐁᑯᓯ ᐁ ᐃᐦᑕᓯᒋᐠ ᑭ ᐊᔨᑎᑐᐊᐧᐠ, ᒫᐦᑎ ᐋᐁᐧᐸᔨᒋᑲᐣ ᐁᐧᐱᓇᑖᐠ, ᑭᑕ ᑭᐢᑫᔨᑕᒪᕽ ᐊᐁᐧᓇ ᐅᐦᒋ ᐅᒪ ᑳ ᐃᓯ ᒫᔨᐸᔨᔭᕽ. ᐁᑯᓯ ᑭ ᐁᐧᐱᓂᒪᐧᐠ ᐋᐁᐧᐸᔨᒋᑲᐣ, ᐃᐧᔭ ᒫᑲ ᒎᓇ ᑭ ᐅᑎᓂᐠ. 8ᐁᑲᐧ ᑭ ᐃᑌᐊᐧᐠ, ᐃᐧᐦᑕᒪᐃᐧᓈᐣ ᑭᔮᒼ, ᐊᐁᐧᓇ ᐅᐦᒋ ᐅᒪ ᒫᔨᐸᔨᐃᐧᐣ ᑳ ᐅᑎᐦᑎᑯᔭᕽ; ᑖᓂᓯ ᐅᒪ ᐁᑕᑐᐢᑫᔭᐣ? ᒥᓇ ᑖᓂᑌ ᐁᐧᒋᔭᐣ? ᑖᓂᑌ ᐁᐧᑕᐢᑭᔭᐣ? ᒥᓇ ᑫᑯ ᐊᔨᓯᔨᓂᐊᐧᐠ ᑭᔭ ᑯᐦᒋᔭᐣ? 9ᑭ ᐃᑌᐤ ᒫᑲ, ᐦᐃᐸᕒᐅ ᓂᔭ; ᐁᑯᓯ ᓂ ᑯᐢᑖᐤ ᑳ ᑎᐯᔨᐦᒋᑫᐟ, ᑭᓭᒪᓂᑐ ᑭᐦᒋᑭᓯᑯᕽ ᐁᔮᐟ, ᑳ ᑭ ᐅᓯᐦᑖᐟ ᑭᐦᒋᑲᒥ ᒥᓇ ᐹᐦᑲᐧᒑᐤ. 10ᐁᑲᐧ ᐊᓂᑭ ᓈᐯᐊᐧᐠ ᒥᐢᑕᐦᐃ ᑭ ᓭᑭᓯᐊᐧᐠ, ᒥᓇ ᑭ ᐃᑌᐊᐧᐠ, ᑫᑲᐧᐩ ᐅᒪ ᑳ ᑭ ᐃᑐᑕᒪᐣ? ᒋᑫᒫ ᐊᓂᑭ ᓈᐯᐊᐧᐠ ᑭ ᑭᐢᑫᔨᑕᒪᐧᐠ ᐁ ᑭ ᑕᐸᓯᐋᔨᐟ ᑳ ᑎᐯᔨᐦᒋᑫᔨᐟ, ᐃᐧᔭ ᐁ ᑭ ᐃᐧᐦᑕᒪᐋᐧᐟ.
11ᐁᑲᐧ ᑭ ᐃᑌᐊᐧᐠ, ᑖᓂᓯ ᑫ ᑐᑖᑖᕽ ᑭᑕ ᐊᔮᐧᐢᑎᓂᓯᔮᕽ ᑭᐦᒋᑲᒥᕽ? ᐊᔨᐢ ᐊᐊᐧᓯᒣ ᑭ ᐊᑎ ᐅᓵᒣᔪᐁᐧᐤ ᑭᐦᒋᑲᒥᕽ. 12ᑭ ᐃᑌᐤ ᒫᑲ, ᐅᑎᓂᐠ, ᐁᑯᓯ ᐸᑲᐢᑕᐁᐧᐁᐧᐱᓂᐠ ᑭᐦᒋᑲᒥᕽ; ᐁᑯᓯ ᑫ ᐃᓯ ᐊᔮᐧᐢᑎᓂᓯᔦᐠ ᑭᐦᒋᑲᒥᕽ; ᒋᑫᒫ ᓂ ᑭᐢᑫᔨᑌᐣ ᓂᔭ ᐅᐦᒋ ᐅᒪ ᑳ ᐃᓯ ᑭᐦᒋᔪᑎᓂᓯᔦᐠ. 13ᐁᔨᐁᐧᕽ ᒫᑲ ᐊᓂᑭ ᓈᐯᐊᐧᐠ ᓱᐦᑭ ᑭ ᐱᒥᐢᑳᐊᐧᐠ ᐁ ᐃᐧ ᑲᑫᐧ ᓈᑕᑳᒣᐊᑭᐠ; ᒫᑲ ᓇᒪᐃᐧᔭ ᑲᐢᑭᑖᐊᐧᐠ; ᐃᐧᔭ ᐊᐊᐧᓯᒣ ᐁ ᐊᑎ ᒫᒪᑳᐊᕽ ᒥᓇ ᐁ ᓇᑳᔮᓯᒋᐠ. 14ᐁᐊᐧᑯ ᐅᐦᒋ ᑭ ᒪᐃᐧᒧᐢᑕᐁᐧᐊᐧᐠ ᑳ ᑎᐯᔨᐦᒋᑫᔨᐟ, ᒥᓇ ᑭ ᐃᑌᐧᐊᐧᐠ, ᑭ ᑳᑭᓯᒧᑐᑖᑎᓈᐣ ᑳ ᑎᐯᔨᐦᒋᑫᔭᐣ, ᑭ ᑳᑭᓯᒧᑐᑖᑎᓈᐣ, ᐁᑳᐃᐧᔭ ᓂ ᑲ ᓂᓯᐊᐧᓈᑎᓯᓈᐣ ᐊᐊᐧ ᓈᐯᐤ ᐅ ᐱᒫᑎᓯᐃᐧᐣ ᐅᐦᒋ, ᒥᓇ ᐁᑳᐃᐧᔭ ᐊᑖᒥᒥᓈᐣ ᒥᔮᐧᑎᓯᐃᐧ ᒥᐦᑯ; ᒋᑫᒫ ᑭᔭ ᑌᐯᔨᐦᒋᑫᔭᐣ ᑭ ᑭ ᑐᑌᐣ ᐁ ᐃᓯ ᓇᐁᔨᑕᒪᐣ. 15ᑭ ᐅᑎᓀᐊᐧᐠ ᒫᑲ ᒎᓇᐊᐧ ᐁ ᑭ ᐸᑲᐢᑕᐁᐧᐁᐧᐱᓈᒋᐠ ᑭᐦᒋᑲᒥᕽ; ᐁᑯᓯ ᑭᐦᒋᑲᒥ ᑭ ᐳᓂ ᒥᑯᐢᑳᑖᑲᒫᐢᑳᐤ. 16ᐁᑲᐧ ᐊᓂᑭ ᓈᐯᐊᐧᐠ ᒥᐢᑕᐦᐃ ᑭ ᑯᐢᑌᐊᐧᐠ ᑳ ᑎᐯᔨᐦᒋᑫᔨᐟ; ᑭ ᐸᑭᑎᓇᒪᐁᐧᐊᐧᐠ ᒫᑲ ᐸᑭᑎᓈᓱᐃᐧᐣ ᑳ ᑎᐯᔨᐦᒋᑫᔨᐟ, ᒥᓇ ᑭ ᑭᐦᒋᐊᓱᑕᒪᐁᐧᐊᐧᐠ.
17 #
ᒫᐟᔪ 12:40
ᑳ ᑎᐯᔨᐦᒋᑫᐟ ᒫᑲ ᑭ ᑲᐧᔮᒋᐁᐤ ᑭᐦᒋᑭᓄᓭᐊᐧ ᑭᑕ ᑯᐦᒋᐸᔨᐦᐋᔨᐟ ᒎᓇᐊᐧ; ᐁᑯᓯ ᒎᓇ ᑭ ᐊᔮᐤ ᐊᐧᑖᔨᕽ ᐊᓂᐦᐃ ᑭᐦᒋᑭᓄᓭᐊᐧ ᓂᐢᑐᑭᓯᑳᐤ ᒥᓇ ᓂᐢᑐᑎᐱᐢᑳᐤ.
Iliyochaguliwa sasa
ᒎᓇ 1: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.