ᐅᐸᑖᔭ 1
1
1ᐅᐟ ᐃᓯᓇᒧᐃᐧᐣ ᐅᐸᑖᔭ.
ᐅᒥᓯ ᐃᑌᐧᐤ ᑳ ᑎᐯᔨᐦᒋᑫᐟ ᑭᓭᒪᓂᑐ ᐃᑕᒼ ᐁ ᐃᑖᐟ; ᓂ ᑭ ᐯᐦᑌᓈᐣ ᐋᒋᒧᐃᐧᐣ ᑳ ᑎᐯᔨᐦᒋᑫᐟ ᐅᐦᒋ, ᒥᓇ ᐅᑕᑐᐢᑫᐢᑕᒫᑫᐤ ᐃᓯᑎᓴᐋᐧᐤ ᓇᓈᑐᑯᐢᑳᓀᓯᓈᕽ, ᐁ ᐃᑌᐧᐟ, ᐸᓯᑯᐠ ᑭᔭᐋᐧᐤ, ᐸᓯᑯᐢᑕᐋᐧᑖᐠ ᓄᑎᓂᑐᐃᐧᓂᕽ. 2ᒫᑎᑲ ᑭ ᑭ ᐃᓯᐦᐃᑎᐣ ᑭᑕ ᐊᐱᐢᑌᔨᑖᑯᓯᔭᐣ ᓇᓈᑐᑯᐢᑳᓀᓯᓈᕽ; ᒥᐢᑕᐦᐃ ᑭᐟ ᐋᑕᐁᐧᔨᒥᑲᐃᐧᐣ.
3ᑳ ᑭᐢᑌᔨᒥᓱᔭᐣ ᑭᑌᐦᐃᕽ ᑭ ᑭ ᐊᐧᔦᓯᐃᑯᐣ, ᑭᔭ ᑳ ᐊᔮᔭᐣ ᑕᑖᐢᑳᐱᐢᑳᕽ, ᑭᐟ ᐃᐦᑖᐃᐧᐣ ᑳ ᐃᐢᐹᐠ; ᑳ ᐃᑌᐧᐟ ᐅᑌᐦᐃᕽ, ᐊᐁᐧᓇ ᒧᒋᕽ ᑫ ᑭ ᐃᓯᐁᐧᐱᓂᐟ? 4ᐋᑕ ᐃᐢᐸᐦᐊᒪᐣ ᑖᐱᐢᑯᐨ ᒥᑭᓯᐤ, ᒥᓇ ᐋᑕ ᑭ ᐊᐧᒋᐢᑐᐣ ᒣᑳᐧᐨ ᐊᒐᑯᓯᕽ ᐊᔮᐠ, ᑭ ᑲ ᓂᐦᒋᐱᑎᑎᐣ ᐁᑯᑕ ᐅᐦᒋ, ᐃᑌᐧᐤ ᑳ ᑎᐯᔨᐦᒋᑫᐟ.
5ᑭᐢᐱᐣ ᑭᒧᑎᐢᑲᐠ ᐅᑎᐦᑎᐢᑭᐠ, ᑭᐢᐱᐣ ᐅᒪᐢᑲᑌᐧᐊᐧᐠ ᓂᐹᑎᐱᐢᐠ, (ᑖᓂᔨᑯᕽ ᑭ ᑭᐢᑭᐁᐧᐸᐦᐅᑲᐃᐧᐣ!) ᓇᒪ ᒋ ᑭᑕ ᑭᒧᑎᐊᐧᐠ ᐃᐢᑯ ᐁᑯᔨᑯᕽ ᐁ ᐊᔮᒋᐠ? ᑭᐢᐱᐣ ᓱᒥᓂᓴ ᑳ ᒪᐃᐧᓱᒋᐠ ᐅᑎᐦᑎᐢᑭᐠ ᓇᒪ ᒋ ᐋᑎᐦᐟ ᓱᒥᓂᓴ ᑭᑕ ᐃᐢᑯᓀᐊᐧᐠ? 6ᑖᓂᔨᑯᕽ ᓇᓈᑐᓂᑳᑌᔨᐊᐧ ᐃᓵ ᑳ ᑭ ᐊᔮᐟ! ᑖᓂᔨᑯᕽ ᑳ ᑭ ᑳᑖᐟ ᐅ ᒫᐊᐧᒋᓱᓂᔮᐁᐧᐃᐧᓇ ᓇᓈᑐᓂᑳᑌᔨᐊᐧ! 7ᑲᐦᑭᔭᐤ ᐊᓂᑭ ᐊᔨᓯᔨᓂᐊᐧᐠ ᑳ ᐅ ᐃᐧᒉᐋᐧᑲᓂᔭᐣ ᑭ ᑭ ᐯ ᐃᐧᒉᐃᐧᑲᐧᐠ ᐱᔨᐢ ᐃᐢᑯ ᑭᐟ ᐊᐢᑭ; ᐊᔨᓯᔨᓂᐊᐧᐠ ᑳ ᐃᐧᑕᐢᑭᒥᐢᑭᐠ ᑭ ᑭ ᐊᐧᔦᓯᐃᑲᐧᐠ, ᒥᓇ ᑭ ᑭ ᓵᑯᒋᐦᐃᑲᐧᐠ; ᐊᓂᑭ ᑳ ᒧᐋᐧᒋᐠ ᑭ ᐸᐦᑫᐧᓯᑲᓂᒪ ᑭᐟ ᐊᑯᑖᐧᑯᐠ ᑖᐸᑳᐧᐣ; ᓇᒪᐃᐧᔭ ᑭᑭᐢᑳᐠ ᓂᓯᑐᐦᑕᒧᐃᐧᐣ. 8ᓇᒪ ᒋ ᐁᐊᐧᑳᐧᓂᒪ ᑭᓯᑳᑭ, ᐃᑌᐧᐤ ᑳ ᑎᐯᔨᐦᒋᑫᐟ, ᓂ ᑲ ᓂᓯᐊᐧᓈᒋᐦᐋᐊᐧᐠ ᑳ ᐃᔨᓂᓯᒋᐠ ᐊᔨᓯᔨᓂᐊᐧᐠ ᐃᑕᒼ ᐅᐦᒋ, ᒥᓇ ᓂᓯᑐᐦᑕᒧᐃᐧᐣ ᐅ ᐋᐧᒋᒥᕽ ᐃᓵ ᐅᐦᒋ? 9ᐁᑯᓯ ᑳ ᓱᑳᔭᐃᐧᓯᒋᐠ ᑭᐟ ᐊᔨᓯᔨᓂᒪᐠ, ᑭᔭ ᑎᒪᐣ, ᑭᑕ ᓭᑭᓯᐊᐧᐠ, ᑲᐦᑭᔭᐤ ᑭᑕ ᑭᐢᑭᐁᐧᐸᐅᐦᒋᐠ ᐅ ᐊᐧᒋᒥᕽ ᐃᓵ ᐅᐦᒋ ᐁ ᓂᐸᐃᐦᒋᐠ.
10ᐊᓂᒪ ᑳ ᑭ ᐁᑳ ᒪᓈᒋᐊᐟ ᑭᒋᐋᐧᒼ ᒉᑲᑊ ᓇᓀᐯᐃᐧᓯᐃᐧᐣ ᑭ ᑲ ᐊᑲᐧᓇᐅᑯᐣ, ᐁᑯᓯ ᑭ ᑲ ᓈᐢᐱᒋ ᑭᐢᑭᐁᐧᐸᐦᐅᑲᐃᐧᐣ. 11ᐁᑯᐢᐱ ᐊᓂᒪ ᐁ ᑭᓯᑳᐠ ᐅᐦᐱᒣ ᑳ ᑭ ᓂᐸᐃᐧᔭᐣ, ᐊᓂᒪ ᐁ ᑭᓯᑳᐠ ᒫᓂᑌᐊᐧ ᑳ ᑭ ᓯᐯᐧᑕᑖᔨᐟ ᐅ ᑭᑭᐃᐧᓯᐃᐧᐣ, ᐁᑯᓯ ᐁ ᐱᑐᑕᐢᑳᓀᓯᔨᐟ ᑳ ᑭ ᐱᐦᑐᑫᔨᐟ ᐅᐟ ᐃᐢᑳᐧᑌᒥᕽ, ᐁᑯᓯ ᑳ ᑭ ᐊᐢᑖᐧᑐᒋᐠ ᒉᕒᐅᓴᓬᐊᒼ, ᐁᑯᑕ ᑭᔭ ᐯᔭᐠ ᑭ ᑭ ᐃᐧᒋᐦᐃᐋᐧᐣ. 12ᒫᑲ ᐁᑳᐃᐧᔭ ᑭᔭ ᑲᓇᐋᐧᐸᐦᑕᒼ ᐅ ᑭᓯᑳᒼ ᑭᒋᐋᐧᒼ ᐊᓂᒫ ᐁ ᑭᓯᑳᐠ ᑳ ᑭ ᓂᓯᐊᐧᓈᑎᓯᐟ, ᒥᓇ ᐁᑳᐃᐧᔭ ᒥᔭᐋᐧᑕ ᒍᑕ ᐅᐟ ᐊᐋᐧᓯᒥᓴ ᐅᐦᒋ ᐊᓂᒪ ᐁ ᑭᓯᑳᐠ ᑳ ᓂᓯᐊᐧᓈᑎᓯᒋᐠ; ᐊᐦᐳ ᐁᑳᐃᐧᔭ ᑭᐢᑌᔨᒧᐃᐧ ᐱᑭᐢᑫᐧ ᐁ ᐋᔨᒥᓯᐃᐧ ᑭᓯᑳᐠ. 13ᐁᑳᐃᐧᔭ ᐱᐦᑐᑫ ᐅ ᑭᐦᒋᐃᐢᑳᐧᑌᒥᐋᐧᕽ ᓂᐟ ᐊᔨᓯᔨᓂᒪᐠ ᐊᓂᒪ ᐁ ᑭᓯᑳᐠ ᐁ ᒫᔨᐸᔨᐃᑯᒋᐠ; ᐁᐦᐁ, ᐁᑳᐃᐧᔭ ᑲᓇᐋᐧᐸᐦᑕᒼ ᐅ ᑯᑕᑭᑖᐃᐧᓂᐋᐧᐤ ᐊᓂᒪ ᐁ ᑭᓯᑳᐠ ᑳ ᒫᔨᐸᔨᐃᑯᒋᐠ, ᒥᓇ ᐁᑳᐃᐧᔭ ᐅᑎᐦᑎᓇᒫᐧᕽ ᐅ ᑭᑭᐃᐧᓯᐃᐧᓂᐋᐧᐤ ᐊᓂᒪ ᐁ ᑭᓯᑳᐠ ᐁ ᒫᔨᐸᔨᐃᑯᒋᐠ. 14#ᐊᐩᓵᔭ 34:5-17; 63:1-6; ᒉᕒᐃᒫᔭ 49:7-22; ᐃᓯᑭᐁᓬ 25:12-14; 35:1-15; ᐁᒫᐢ 1:11,12; ᒫᓬᐊᑲᐩ 1:2-5ᒥᓇ ᐁᑳᐃᐧᔭ ᓂᐸᐃᐧ ᐃᑕ ᐁ ᒫᑖᒣᒧᑭ ᒣᐢᑲᓇᐊᐧ, ᑭᑕ ᓂᐸᐃᒪᐟ ᐊᓂᐦᐃ ᑳ ᐸᐢᐱᔨᐟ; ᒥᓇ ᐁᑳᐃᐧᔭ ᐸᑭᑎᓂᒼ ᐊᓂᐦᐃ ᑳ ᐃᐢᑯᐃᒥᐦᐟ ᐋᔨᒥᓯᐃᐧ ᑭᓯᑳᑭ. 15ᒋᑫᒫ ᐅ ᑭᓯᑳᒼ ᑳ ᑎᐯᔨᐦᒋᑫᐟ ᐯᓵᐧᐸᒥᑯᔨᐊᐧ ᑲᐦᑭᔭᐤ ᓇᓈᑐᑯᐢᑲᐣ ᐊᔨᓯᔨᓂᐊᐧ; ᑳ ᑭ ᐃᑐᑕᒪᐣ, ᐁᑯᓯ ᑭᐢᑕ ᑫ ᐃᑐᑖᑲᐃᐧᔭᐣ; ᑭᐟ ᐃᓯᐦᒋᑫᐃᐧᐣ ᑳᐃᐧ ᑭ ᑲ ᐅᑎᐦᑎᑯᐣ ᑭᔭ ᑭᐢᑎᑳᐧᓂᕽ. 16ᒋᑫᒫ ᑳ ᑭ ᐃᓯ ᒥᓂᐦᑫᐧᔦᐠ ᓂ ᑲᓈᒋ ᐊᐧᒋᒥᕽ, ᐁᑯᓯ ᐃᓯ ᑲᐦᑭᔭᐤ ᓇᓈᑐᑯᐢᑳᐣ ᑕᐦᑭᓀ ᑫ ᒥᓂᐦᑫᐧᒋᐠ, ᐁᐦᐁ, ᑭᑕ ᒥᓂᐦᑫᐧᐊᐧᐠ, ᐁᑯᓯ ᑭᑕ ᑯᒋᐸᔨᐦᒋᑫᐊᐧᐠ, ᐁᑯᓯ ᑭᑕ ᐃᓯ ᐊᔮᐊᐧᐠ ᑖᐱᐢᑯᐨ ᐁᑳ ᐁ ᑭ ᐅᐦᒋ ᐃᐦᑖᒋᐠ.
17ᒫᑲ ᓵᔭᐣ ᐊᐧᒋᕽ ᑭᑕ ᐊᔮᐊᐧᐠ ᐊᓂᑭ ᑳ ᑭ ᐸᐢᐱᒋᐠ, ᐁᑯᓯ ᑭᑕ ᑲᓈᑕᐣ; ᐅ ᐋᐧᐢᑳᐦᐃᑲᐣ ᒉᑲᑊ ᒫᑲ ᑭᑕ ᐊᔮᐊᐧᐠ ᐅ ᑎᐱᔭᐁᐧᐃᐧᓯᐃᐧᓂᐋᐧᐊᐧ. 18ᐁᑯᓯ ᐅ ᐋᐧᐢᑳᐦᐃᑲᐣ ᒉᑲᑊ ᑭᑕ ᐃᐢᑯᑌᐊᐧᐣ, ᒥᓇ ᐅ ᐋᐧᐢᑳᐦᐃᑲᐣ ᒍᓯᑊ ᑳᐧᑯᑌᐤ, ᐁᑯᑕ ᒣᑳᐧᐨ ᑭᑕ ᑭᓯᓭᐧᐊᐧᐠ ᒥᓇ ᑭᑕ ᒣᐢᑎᑲᓭᐧᐊᐧ; ᓇᒪᐃᐧᔭ ᒫᑲ ᐊᐃᐧᔭᐠ ᑭᑕ ᐃᐢᑯᓇᒪᐋᐧᐤ ᐅ ᐋᐧᐢᑳᐦᐃᑲᐣ ᐃᓵ; ᒋᑫᒫ ᑳ ᑎᐯᔨᐦᒋᑫᐟ ᑭ ᐃᑌᐧᐤ.
19ᐊᓂᑭ ᒫᑲ ᓵᐊᐧᓄᑖᕽ ᑭᑕ ᐊᔮᐊᐧᐠ ᐃᓵ ᐊᐧᒋ; ᐁᑯᓯ ᐊᓂᑭ ᑕᐸᑖᔭᐋᐧᕽ ᐊᓂᐦᐃ ᐱᓬᐃᐢᑎᓇ; ᑭᑕ ᐊᔮᐊᐧᐠ ᒫᑲ ᐅ ᑭᐢᑎᑳᐣ ᐃᐸᕒᐁᐃᒼ ᒥᓇ ᐅ ᑭᐢᑎᑳᐣ ᓴᒣᕒᐃᔭ; ᐁᑯᓯ ᐯᐣᒋᒪᐣ ᑭᑕ ᐊᔮᐤ ᑭᓬᐃᔭᐟ. 20ᐁᑯᓯ ᑳ ᐊᐊᐧᑳᑎᐦᒋᐠ ᐅᑭ ᑳ ᒫᒪᐃᐧ ᐊᔮᒋᐠ ᐃᐢᕒᐁᐃᓬ ᐅᐟ ᐊᐋᐧᓯᒥᓴ, ᒣᑳᐧᐨ ᑫᓇᓇᐃᑕ ᑳ ᐊᔮᒋᐠ, ᑭᑕ ᐊᔮᐊᐧᐠ ᓵᕒᐃᐹᐦᐟ ᐃᐢᑯ; ᐁᑯᓯ ᑳ ᐊᐊᐧᑳᑎᒋᐠ ᒉᕒᐅᓴᓬᐊᒼ, ᐊᓂᑕ ᓯᐦᐹᕒᐋᐟ ᑳ ᐊᔮᒋᐠ, ᑭᑕ ᐊᔮᐊᐧᐠ ᐅᑌᓇᐊᐧ ᓵᐊᐧᓄᑖᕽ. 21ᐁᑯᓯ ᐅᐱᒫᒋᐦᐃᐁᐧᐊᐧᐠ ᑭᑕ ᐯ ᑕᑯᓯᓇᐧᐠ ᓵᔭᐣ ᐊᐧᒋᕽ ᑭᑕ ᐅᔭᓱᐋᐧᑕᑭᐠ ᐃᓵ ᐅ ᐊᐧᒋᒼ; ᑭᐦᒋ ᐅᑭᒫᐃᐧᐃᐧᐣ ᒫᑲ ᑭᑕ ᐊᔮᐤ ᑳ ᑎᐯᔨᐦᒋᑫᐟ.
Iliyochaguliwa sasa
ᐅᐸᑖᔭ 1: KKMs
Kuonyesha
Shirikisha
Nakili
Je, ungependa vivutio vyako vihifadhiwe kwenye vifaa vyako vyote? Jisajili au ingia
This Bible text is a corrected edition of the 1908 Western Cree Bible; it is in the public domain.